في ضيافة حرف

زائر

في ضيافة حرف
( أ )
أنا حطام انسان قذفت به الامواج على مرافئ عينيك
أمامك خياران ..
أعيدي تجميعه عله يعود إنسانا
أو ..
اقذفيه في اليم إن قطعت منه الرجاء

,,, الفراش الحائر ,,,

زائر

( ب )
بعدنا حتى ظننا أن لا تلاقيا
بيد أنه بالجسد لا بالروح كان التباعدا
بهيامنا اتحدت الارواح فكونت جسدا

(الفراش الحائر)

زائر

( ت )
تاهت خطاي في دروب رضاك
تميت نصاب السنين وقبضت الريح
تعالي شوفي البي كان يرضيك
,,, الفراش الحائر ,,,

زائر

( ث )
ثائرة دامعة العينين حين ارتحل
ثغرها بمبهمات يتمتم ويثرثر
ثوب بلا جسد من ثورة الحزن
أما أنا ..
فثقب في الفؤاد منه الدم منهمر

,,, الفراش الحائر ,,,

زائر

( ج )
جاية تسألي عن ..
جثة اصبحت ما فيها روح ..
جرح رموشك في الفؤاد التهب
جابوا الدكاترة من كل حدب وصوب
جمعوا العلم وقالوا في القمسيون الطبي ..
جودوا له بالدعاء , فقد عجز الطب عن الدواء
,,, الفراش الحائر ,,,

زائر

( ح )
حادي الركب أسرع شد الخطى وخلي السمر
حنين وشوق كتلني لي شوفة المطاع لو أمر
حلفت بي رب الكون والبشر ..
حرام علي شهيق وزفير إلا في حضرة القمر
,,, الفراش الحائر ,,,

موضوع: رد: في ضيافة حرف السبت مايو 08, 2010 3:26 pm

أيها الحائر كم أنت رائع تحياتى

زائر

شكرا لك يا وردة المنتدى الندية
التي طالما عطرتنا بعبق أريجها

ولعلي لا أذيع سرا إن قلت لك :
رغم أني قد سجلت بعدك في هذا المنتدى بفترة طويلة ..
إلا أنني اكاد اكون قرأت معظم ابداعاتك في هذا المنتدى

فلتدم لنا نبراسا يهدينا الى مواطن التميز والابداع
فبكم نكون , ومنكم نستنير , واليكم نؤول

زائر

( خ )
خريف العمر معاك يبقى عز الشباب
خضرة ربيع الدنيا بدونك ضياع وسراب
خوازيق البلد زادت بقت اربعة وعشرين
خازوقي الوحيد انا رمشك لما يخفي العين
,,, الفراش الحائر ,,,

زائر

( د )
دعي البحث عن غيري
دنياك دوني لن تكون
دنياي دونك موت وسكون
,,, الفراش الحائر ,,,

زائر

( ذ )
ذهب جبال الكون لن يكفيك مهرا
ذرات رمل الشط لن توفي محاسنك عدا
ذرفت الدموع في محراب حسنك .. فاقبليها مهرا
,,, الفراش الحائر ,,,

زائر

( ر )
رحت ابحث عن سعادتي بعيد عنك
ربحت الهم والسراب وخسرت قربك
رجعت تاني لقيت الشموع انطفت والنيل انحسر
رحلت تاني هجرت البلد
رافع كفوف الدعاء .. يا الله عيد ايام انتهت
,,, الفراش الحائر ,,,

زائر

( ز )
زاد جمالك زادت شجوني
زهور شنو البهديها ليكي
زيك انتي ليها الزهور تهاتي
,,, الفراش الحائر ,,,

موضوع: رد: في ضيافة حرف السبت يونيو 05, 2010 10:11 pm

المرة دي طولت الغيبة يا الفراش الحائر

حروفك خلصت ولا شنو ؟

زائر

ابدا والله الحروف موجودة تحمد سيدا
علا بس النفسيات كانت في الواطة
مشكوووور على سعالك يا بوالسيوف

زائر

( س )
سويتا في نفسي
سالت عن بيتكم
سائح بقيت هايم من الفجر لليل
ساكن قصاد الباب اتمنى لو يفتح
سلام الله بس عشمي وكوز موية من الزير
سقاية قليب عطشان من زير ملوه حنان
,,, الفراش الحائر ,,,

زائر

( ص )
صفاء الروح أنتي إن عز الأمان
صنوة الفؤاد انتي حين أدبر الخلان
صمام أمان أنتي من غدر الزمان
,,, الفراش الحائر ,,,

زائر

( ض )
ضللت الطريق اليك فتهت
ضياء عيناك أنارت طريقي فعدت
ضرير أكون إن عنك بعدت
,,, الفراش الحائر ,,,

زائر

فراشنا ياعسل صحبك النتاش وصل
انت مقتول كمد لسة احسن ليك كدا اتنفس في الحروف
وابدع لينا اصلو فقد الحنان واحد من اتنين يان بقيت شاعر
او اخليها للعارفنها هم بوروك ليها
واصل ياحائر في ابداعك واطربنا

زائر

( ط )
طريق الشوق ما مشيتيهو
طبيب القلب ما بتعرفيهو
طيب كيفن تقولي كفاية غربة تعال ؟
,,, الفراش الحائر ,,,

زائر

( ظ )
ظَهَرَتْ في راس الشارع
ظلام الليل نوَّر وانا قلبي هالع
ظبية تقدل وانا للموت بصارع
,,, الفراش الحائر ,,,

----------
نتاش يا بتاع الفول والطعمية
ما تعمل لي فيها حريف انا عارف كرتي اتحرق
انا كالشمعة : احرق كرت شعنون ثم احترق في ضيافة حرف Icon_lol

خليني الاكمل حروفي دي
......

زائر

( ن )
نون وما نوني كما تكتبون
ناديها ينادي وانتم لا تسمعون
نورها يضئ العنان وانتم لا ترون
نارها بين الضلوع وتحسبونني مجنون
,,, الفراش الحائر ,,,

زائر

( هـ )
هاتي يديك من الغياهب انتشليني
هوني عليك لا تبكي ولا ترثيني
هل دموعك من الموت تنجيني ؟
,,, الفراش الحائر ,,,

زائر

( و )
والله الذي برى وفي الارحام صور
وين بعد رحيلكم نلقى الامل نتصبر
وحشة قبر حلتنا بقت بعد قطركم دوَّر
,,, الفراش الحائر ,,,

زائر

( ل )
لا تبكي لي .. ولا ابكي ليك
لو انتي جد أنا باقي ليك
لوليهو عشنا الفي قليبي بين ايديك
,,, الفراش الحائر ,,,