دور ربات البيوت في المنظمة

الأمهات والحبوبات , لا تستهينوا بمقدراتهن في هذا المجال
يمكن أن يلعبن دورا أساسيا في المنظمة إن أفردنا لهن مساحة
بامكانيات بسيطة عملن جمعيات في الحي لصيوانات الافراح والمآتم , كان لها أثر واضح في التخفيف على الناس في تلك اللحظات , وغيرها من الاعمال الجماعية ذات التأثير الواضح في الأحياء
الاخ مجاهد استقطب الوالدة وجندها فأصبحت تتابع كل صغيرة وكبيرة , واحيانا يتصل ود جمعة على مجاهد فلا يجده , ولكن يجد آخر المستجدات والتفاصيل منها ..
لمن ود جمعة اتحير زاتو .. وآمن بدور ربات البيوت في المنظمة ..

المطلوب الآن تكوين مجلس ربات البيوت للتغلغل في الأحياء وإقناع الناس بأن المنظمة شعبية ذات أهداف انسانية بحتة , وهن قادرات على رفد المنظمة بدعم المنظمة بامكانيات بشرية ومادية هائلة بدون أعباء ثقيلة على الاسر ..
أها يا مجاهد قول للحاجة الجماعة هنا اختاروك لتكوين مكتب المساندة لربات البيوت ..
ومنتظرين نتائج سارة ..

السلام عليكم وكل عام وانتم بخير
عيد الاضحى المبارك فرصة جيدة لتبليغ الامهات والحبوبات عن المنظمة وكسب عضوية فاعلة منهن في كل أحياء عطبرة
عشان كده كل واحد/ة يعملوا في الحي الساكنين فيهو بنشاط في فترة العيد حيث تكثر الاجتماعيات لكسب اكبر عدد من ربات البيوت
ولا ما كده ؟

اخوكم عاشق المنظمة

كلامك مية المية يا عاشق المنظمة
كتر الف خيرك وربنا يزيد المنظمة عاشقين وعاشقات

وإياك أعني فاسمع أيها المكتب التنفيذي

لغاية الان وحسب علمنا , الوحيد الذي جند ناس البيت للمنظمة هو مجاهد
مين فيكم تاني عمل العملية دي ؟
والسؤال موجه لكل الاعضاء بصورة عامة وناس المكتب التنفيذي بصورة خاصة
شبكة ربات البيوت تبدأ بالاعضاء

عارفينك ما بتقصر يا ناصر , الله يفكك بس من ناس الخدمة ديل
وحتى مجاهد طلع مقصر , جيرانه حيطة بالحيطة طلعوا ما عارفين

عطبرة الاجتماعيات والشمارات انتهت فيها ولا شنو ؟
زمان خبر منظمة زي دي قبل ما تتسجل تلقى الناس سجلوا فيها

إذا لم يتم تفعيل دور ربات البيوت والطالبات والموظفات منذ الآن ..
فهذا إنذار مسبق بفشل احد اهدافنا لهذه السنة (برنامج رمضان)
يجب أن تكون لنا قاعدة عريضة وسط ربات البيوت والاخوات والامهات قبل فترة كافية من رمضان
وبعد رمضان ستكون هناك خطط أكبر بتكاليف صغيرة لربات البيوت ..

قطاع ربات البيوت من أهم القطاعات التي إن كسبنا ثقتها فذلك يعني تغلغلنا في كل بيت في عطبرة