كابوس كبس بعد كبسة دسمة

خير اللهم اجعله خير ..

المشهد الاول :
(محمود قال لي :
(نصر الدين) و(الهندي) قالوا إنهم مشوا ل(محارب) وقدموا ليهو اوراق التوظيف ..
وقالوا إنو (محارب ) قطع ليهم الاوراق قدامهم في إهانة واضحة لهم !!

المشهد الثاني :
انا انفعلت واتصلت على محارب عاوز ابستفو.. كيف تتعامل مع الناس بعدم الاحترام ده ؟
محارب قال : (والله انا ما قطعت الاوراق قدامهم !!
الاوراق دي كانت عندي قبل ما هم يجوني ..
وانا قطعتها قبل ما هم يجوني لأنها كانت فيها ثغرات إدارية كبيرة !!! )

المشهد الثالث :
انا انفعلت تاني واتصلت على محمود الذي نقل لي الخبر :
(ياخي انت بتلفح الكلام من طرف ساكت ؟ الزول ده قال قطع الاوراق قبل ما الجماعة يجوه , ودي مع انها برضو غلط إلا أنها اخف وطأة من تقطيعه امامهم )
قام محمود برضو انفعل وقال لي: (والله ده ياهو الكلام القالوه لي بدون زيادة ولا نقصان , وكمان قالوا عملها اكتر من مرة )
واضاف : (والكلام ده اكدوه ناس (مريم ) و (فريد) !!! )

.. وفجأة صحيت من النوم , نوم العصر ده كعب خلاص ..
بس كنت اتمنى لو الكابوس استمر شوية عشان اتصل على نصر الدين والهندي ومريم وفريد عشان اسألهم ..بكره بديها كبسة تاني وامش اسألهم
..............................

طيب عاوزين نحكم على الجماعة ديل :
× أنا:
* ذنبي الوحيد إني اتغديت كبسة دسمة .. فكانت بداية الكابوس :
× محمود:
* إما فهم غلط ونقل الكلام لي غلط , وفي الحالة دي الغلوطية بتنتهي هنا , والشعب بيقول (حصل خير)
* أو زي ما قال محمود إنو نقل الكلام زي ما سمعو , وفي الحالة دي بتجي الاحتمالات التالية :
× محارب :
* إما أنه كذب, ونصر الدين والهندي ومريم وفريد صادقين : وفي الحالة دي الغلوطية بتنتهي هنا .. بس الشعب (يريد معرفة سبب الكذب )
* أو انه صادق , ونصر الدين والهندي ومريم وفريد كذبوا : وفي الحالة دي الغلوطية بتنتهي هنا .. بس الشعب (يريد معرفة سبب الكذب )

# وطالما الحكاية فيها كذب وصدق كيف نصدق فلان ونكذب فلان ؟ بالمواجهة في كابوس؟
# محارب غلطان في الحالتين :
1- تقطيع اوراق التوظيف (في غياب من سلمها له) بدون لجنة رسمية ومشاورتها يعتبر ديكتاتورية واستبداد بالرأي
2- تقطيع الاوراق في حضرة من سلمها (في حضرة من سلمها له) وبدون لجنة رسمية ومشاورتها : دكتاتورية مرفوضة + إهانة للحضور الذي سلمها له
ـــــــــــــــــــــــــــــــــــــــــــــــــــــــــــــــــــــــ
منقول من كابوس جاء اثناء النوم بعد وجبة دسمة
بس ده ما بيمنع تدونا رايكم

سيف كتب
الاوراق دي كانت عندي قبل ما هم يجوني ..
وانا قطعتها قبل ما هم يجوني لأنها كانت فيها ثغرات إدارية كبيرة !!! )

لاالأوراق في الأصل محارب كان مختمه ومجهزه وكانت موجودة بالمكتب فلمن إكتشف بها خطأ ذهب إلى المكتب وسأل عن الأوراق الطلعت وفيها الخطأ إلى أين ذهبت ودونها على النوتة الخاصة به ووضع إقتراحه في الأوراق الجديدة . وأعدم الأوراق التي بها الخطأ.

مشكور كتير الأخ سيف الدين

Smile

مجاهدمحمدعثمان كتب:: لاالأوراق في الأصل محارب كان مختمه ومجهزه وكانت موجودة بالمكتب فلمن إكتشف بها خطأ ذهب إلى المكتب (الخبر الجاني في الكابوس إنهم جاءوا اليه) وسأل عن الأوراق الطلعت وفيها الخطأ إلى أين ذهبت ودونها على النوتة الخاصة به ووضع إقتراحه في الأوراق الجديدة . وأعدم الأوراق التي بها الخطأ.

× وبعدين انت عرفت كيف ؟ بقيتوا تاكلوا كبسة برضو في السودان ؟ tongue

ناصر :
الكبسة في المقرن لسه ما جات ؟
ابووردة لقى فيكم مدخل جديد bounce

سيف الدين كتب (الخبر الجاني في الكابوس إنهم جاءوا اليه)

جانا الخبر شايلو النسيم
فى الليل يوشوش فى الخمائل
هش الزهر بكت الورود
وسالت مشاعر الناس جداول
رجع البلد
بعد السنين المره
يادوب العيون سهرن هجد
ياحليلو مارجع البلد
وعيونا ما سهرن هجد
فى عيونو شوق
انهد لحب للناس للوطن
ماغيرت ريدتو السنين
ومابدل احساسو الزمن
شفنا المشاعر الحلوه
فى ساحاتنا بى الامال مشن
انت ما نسمه فى الهجير
انت ما راحة ضمير
انت ما بهجة مشاعر
انت ما رحلة عبير
انت ماياكا الامير
كيف نسيبك تمشى تانى
وانت نورة البلد
العذاب فارق طريقنا
والعيون سهرن هجد

نفهم من كده انو (محمود) نقل الكلام غلط ؟

مستحيل

طيب اضربوا الكبسة بكره وتعالوا فكوا اللعب

مجاهدمحمدعثمان كتب:: سيف الدين كتب (الخبر الجاني في الكابوس إنهم جاءوا اليه)

جانا الخبر شايلو النسيم
فى الليل يوشوش فى الخمائل
هش الزهر بكت الورود
وسالت مشاعر الناس جداول
رجع البلد
بعد السنين المره
يادوب العيون سهرن هجد
ياحليلو مارجع البلد
وعيونا ما سهرن هجد
فى عيونو شوق
انهد لحب للناس للوطن
ماغيرت ريدتو السنين
ومابدل احساسو الزمن
شفنا المشاعر الحلوه
فى ساحاتنا بى الامال مشن
انت ما نسمه فى الهجير
انت ما راحة ضمير
انت ما بهجة مشاعر
انت ما رحلة عبير
انت ماياكا الامير
كيف نسيبك تمشى تانى
وانت نورة البلد
العذاب فارق طريقنا
والعيون سهرن هجد

أنا من عندي أقوم بالإهداء للأخ / محمد جمعة وجميع أهلنا بالمقرن ، ودجمعة إتذكرت نكته عن المطلقة بقولها ليك في الهاتف إتصل بي عشان أخونا هناي وهناية ..

تعرف انا اكتر حاجة بكرها الكبسة
لكنها مادام بتسوي كدا من اليوم بحاول احبها وتكون وجبة رسمية عندي
اكيد محمود نقل ليك الكلام ذي ماجاء علي لسان مريم ونصر الدين والهندي وفريد
وطبعا من اني بحاول أاكل الكبسة واحبها
بتخيل الحصل
مريم جابت طرف الكلام ونصرالدين والهندي كملو الباقي وحضر فريد ولقي الموضوع دائر
اكد دي ما اول مرة حصلت قبل كدا وطبعا مريم وفريد ماكانو حاضرين الموقف
المهم محمود اكد لهم ان هذا خطأ فادح من محارب وانو حيشوف محارب ويسمع منو وهناك يمكن سوء فهم او سوء تقديرللتصرف من محارب وهو يمكن عملها بدون قصد او سوء نية والنية سليمة لكن سوء التصرف اوقعه في الخطأ فاتي الجواب من الجميع هذه ليست اول مرة وهنا فار الدم في عروق محمود لان هذا خطا فادح وجاك في كبسة بعد اكل الكبسة والزعل يعمي اعينه
ونقل لك الموضوع وكمان فتش علي محارب لم يجده وبعد جهد جهيد عثر عليه والزعل في اوجه لكن محارب نقل له صورة مغايرة للتي في زهنه واكد له بان الطريقة التي اتته به هذه الصورة خطأ
ومع ذلك اكد محمود لمحارب مع انو النية سليمة والقصد كله في المصلحة العامة الا انه اخطأ
ولابد ان تدار كل الامور الرسمية بالطريقة الرسمية وان يكون الراي للجميع ولا للتصرف الفردي في الصغيرة والكبيرة
حتي لاتدع مكانا للاحساس عند البعض عن فرض الراي والدكتاتورية التي تؤثر في المصلحة العامة
وتاني يالكبسة ماتعبتي معانا

سؤال يطرح نفسه
ماهو السبب الذي يدعي مريم ونصر الدين والهندي وفريد
على أن ينقلوا المعلومة غلط!!!

يا محمد جمعة :
عشان نحكم على رد مجاهد الاخير ..
لازم نفهم منك بكلمتين صغار :
(هل محارب قطع الاوراق التي أتي بها نصر الدين والهندي أمامهم ؟ )
نعم أم لا ؟

حسب مقولتهم نعم

سيف الدين كتب
يا محمد جمعة :
عشان نحكم على رد مجاهد الاخير ..
لازم نفهم منك بكلمتين صغار :
(هل محارب قطع الاوراق التي أتي بها نصر الدين والهندي أمامهم ؟ )
نعم أم لا ؟

وحسب مقولة محارب لا لا لا والله على ما أقول شهيد أنا الذي ذهبت إلى المكتب وأعدمت الأوراق التي بها الخطأ . والمرة الأولى التي زكرت أنا لم اذكر تقطيع أي اوراق ولكن كان السبب لعدم توقيعي وختمي على الأوراق عدم وجود توقيع الأمين العام وبعد مجادلة وغقناع لإستعجال الورق كما قالوا ونسبة لانهم تكلفوا بهذه الطبعة ما ديآ فوافقت على أن أمشي بعضها بهذه الصورة.

مجاهدمحمدعثمان كتب:: سيف الدين كتب
يا محمد جمعة :
عشان نحكم على رد مجاهد الاخير ..
لازم نفهم منك بكلمتين صغار :
(هل محارب قطع الاوراق التي أتي بها نصر الدين والهندي أمامهم ؟ )
نعم أم لا ؟

وحسب مقولة محارب لا لا لا والله على ما أقول شهيد أنا الذي ذهبت إلى المكتب وأعدمت الأوراق التي بها الخطأ . والمرة الأولى التي زكرت أنا لم اذكر تقطيع أي اوراق ولكن كان السبب لعدم توقيعي وختمي على الأوراق عدم وجود توقيع الأمين العام وبعد مجادلة وغقناع لإستعجال الورق كما قالوا ونسبة لانهم تكلفوا بهذه الطبعة ما ديآ فوافقت على أن أمشي بعضها بهذه الصورة.

عدد الرسائل : 6 1 : تاريخ التسجيل : 28/12/2010

وانا جاي ب الركشه قلت اهبش الكبسه وفجأه نطى قدامي محارب وقال يريد تحويل عقد الاجار من اسمو ياربي مافيهو توقيع الامين العام واللا التعامل ب الكاش
ياخوانا سؤال محارب عارف الشروط البتترتب ع تغير العقد واللا هو شاف شروط تغير العقد؟
يا جماعه بطلو الكبسه

يابكرى يا اخوى محرش 2011 ما ..................
الباقى تموا خياااااااااااال على قول محارم اسف محارب

سيف الدين كتب:: يا محمد جمعة :
....
(هل محارب قطع الاوراق التي أتي بها نصر الدين والهندي أمامهم ؟ )
نعم أم لا ؟

محمد جمعة كتب:: حسب مقولتهم نعم

مجاهدمحمدعثمان كتب:: وحسب مقولة محارب لا لا لا والله على ما أقول شهيد

محارب تخالف اقواله اقوال خمسة اشخاص
ومحارب ده حلف بالله
دي يحلوها كيف ؟ عاوزين لينا خبير في الشريعة
ـــــــــــــــــــــــــــــــــــــــــــــــــــــــــــــــــــــــ
انا بخبرتي المتواضعة : البينة على من ادعى .. واليمين على من أنكر
طيب كده يا دوب ابتدينا :
× إما الخمسة كذابين ومتآمرين على محارب
(لماذا ؟ ) .. ما عارف
× او محارب كذاب وحلف بالكذب
(لماذا؟ ) .. عشان يغطي على غلطة إدارية ؟

بكري ود عطبره كتب:: ياخوانا سؤال محارب عارف الشروط البتترتب ع تغير العقد واللا هو شاف شروط تغير العقد؟

وده ايجار مكتب ولا ركشة ولا كبسة ؟
وليه طلب تغيير عقد الايجار من اسمو ؟

عدد الرسائل : 6 1 : تاريخ التسجيل : 28/12/2010

وده ايجار مكتب ولا ركشة ولا كبسة ؟
وليه طلب تغيير عقد الايجار من اسمو

والله دا السؤال المحير الكبسه دي زاااااااتا

بكري ود عطبرة كتب
وليه طلب تغيير عقد الايجار من اسمو

الأسباب كثيرة جدآ جدآ جدآ
ومنها الملحة التي لا تحتمل الإنتظار
(1) لما كذا واحد ياتوا بأقاويل (غير صحيحة) وتكون انت الذي بإسمك عقد الإيجار الذي قيمته 500جنية . فكيف تطمئن إليهم بأنهم سيوفون بوعدهم وهم يتحرون الكذب يومآ بعد يوم.
(2) ولما يكون أحد المتكفلين بجمع الإيجار وهو بكري ود عطبرة . هو نفس الشخص الذي كان يحرض أحد الاعضاء من منطقة المقرن على أن لا ينضم للمنظمة ولا يقوم بتعبئة الإسمارة الخاصة بالمنظمة. على حسب ماسمعت من أحد اعضاء المكتب التفيذي
وأيضآ نفس الشخص الذي يدعى بكري ود عطبرة. يشيل نقاشات جزء من أعضاء المنظمة ويمشي يكلم بيها الجهة التي تم من أجلها النقاش. ولمن يتكلموا معاهو في المسألة دي . بكل بساطة يقول ليك نمشي ليهم . وفي الآخر تدخل المنظمة . مع المنظمة العريقة الأخرى . في القيل والقال .
(3) لما يجي أحد اعضاء المنظمة ويقول ليك أنا مابحب إسمي يظهر في المعاملات المالية,

يتكلوا على منوووو؟؟؟!!!.

سلام يا شباب
شئ غريب جدآ البحصل منكم ده، ما بقدر أتداخل في الموضوع ده و أناقش لأنو ما فاهم شئ من الألغاز دي ، و أكيد الزي كتار ، لمن أتصل ببعض ناس الداخل من أعضاء المنظمة يدوك كلام مطمن و يؤكدو ليك كل الأمور تمام مية المية ، غايتو ربنا يسهلها عليكم

الاخ هشام لك التحيه
منظمة عطبره الخيريه بي خيرها

خلوني ابدا ليكم من (الآن) الفات بنجيه راجعين بعد اكتمال المشاهد التي لا تعبر عن الواقع بأي حال من الأحوال....(الآن هناك ستة افراد من أعضاء المكتب التنفيذي يشاركون في برنامج تلبية لدعوة مقدمة من منظمة التعليم للجميع والتي قدمت الدعوة منذ يوم الثلاثاء ومنذ ذلك التاريخ يمر سعادة الرئيس يوميا بالمكتب لكنه لم يسأل يوما عن عمل المنظمة وانما كل همه أن يتحمل أحدهم مسئولية ايجار المقر والآن في ذات الوقت الذي يشارك فيه اعضاء مكتبه في البرنامج هو يبحث عن مخرج من عقد الايجار والعندو سؤال يوجه ليهو شخصيا ما تعاينو للفيل وتطعنو ضلو...والي الملتقي في فقرات ماضية