فول الصين العظيم

ﺳﻴﺪﻱ ﺍﻟﻔﻮﻝ :_ ﺍﺩ ﺍﻡ ﺍﻟﻠﻪ ﻋﺰﻙ ﻭﻣﻠﻜﻚ ﻭﺟﺒﺮﻭﺗﻚ
ﻭﻃﻐﻴﺎﻧﻚ ﻋﻠﻴﻨﺎ ﺣﺘﻲ ﺍﺻﺒﺤﺖ ﺟﺰﺀ ﻣﻦ ﺣﻀﺎﺭﺗﻨﺎ ﻭﺗﺮﺍﺛﻨﺎ
ﻓﻤﺎﺫﻛﺮﺕ ﺑﻼﺩﻧﺎ ﻓﻲ ﺍﻟﺨﺎﺭﺝ ﺍﻻ ﻭﺫﻛﺮﺕ ﺍﻧﺖ ﺍﻟﻢ
ﺗﺴﻤﻊ ﺑﺎﻥ ﺍﻟﺼﻴﻨﻴﻮﻥ ﺣﻮﻟﻮ ﺍﺳﻢ ﺳﻮﺭ ﺍﻟﺼﻴﻦ ﺍﻟﻌﻈﻴﻢ
ﺑﻔﻮﻝ ﺍﻟﺼﻴﻦ ﺍﻟﻌﻈﻴﻢ ﻭﺫﻟﻚ ﻟﻤﺎ ﺑﻴﻨﻨﺎ ﻣﻦ ﻋﻼﻗﺎﺕ
ﻭﺛﻴﻘﻪ ﻭﻣﺤﺒﻪ ﻓﺮﻳﺪﻩ ﻓﻠﻢ ﻳﺠﺪﻭ ﻣﺎﻳﺠﺎﺯﻭﻧﺎ ﺑﻪ ﻏﻴﺮ ﺍﻥ
ﻳﺴﻤﻮﻥ ﺳﻮﺭﻫﻢ ﻋﻠﻲ ﻓﻮﻟﻨﺎ ﺍﻛﺮﺍﻣﺎ ﻟﻨﺎ ﻳﻌﻨﻲ ﺍﻧﺖ ﻟﻮ
ﺑﺘﺤﺐ ﺯﻭﻝ ﺑﺎﻟﻮﺍﺍﺍﺍﺍﺍﺍﺍﺍﺿﺢ ﻭﺑﺎﻟﻌﺮﺑﻲ ﺍﻟﻜﺴﻴﺢ ﻣﻤﻜﻦ
ﺗﺴﻤﻲ ﻣﻮﻟﻮﺩﻙ ﻋﻠﻴﻬﻮ ﺻﺎﺡ ﺍﻫﺎ ﻫﻢ ﺳﻤﻮ ﺍﻟﺴﻮﺭ ﻋﻠﻲ
ﺍﻟﻔﻮﻝ ﺑﺘﺎﻋﻨﺎ ﺍﻛﺮﺍﻣﺎ ﻟﻴﻨﺎ
ﻋﺰﻳﺰﻱ ﺍﻟﻔﻮﻝ ﻧﺤﻦ ﺣﺘﻲ ﻓﻲ ﺍﻟﻤﺪﺭﺳﻪ ﻛﺎﻥ ﺑﺪﺭﺳﻮﻧﺎ
ﺍﻟﻔﻮﻝ ﻓﻮﻟﻲ ﺯﺭﻋﺘﻪ ﻭﺣﺪﻱ ﻭﺳﺎﺣﺼﺪﻩ
ﻭﺣﺪﻱ ﻭﺍﻧﺎ ﺧﺎﻳﻒ ﻳﺠﻲ ﺍﻟﻴﻮﻡ ﺍﻟﺒﺘﻜﻮﻥ ﻓﻴﻬﻮ ﺑﺪﻝ
ﻃﻮﺭﺗﺖ ﻋﻴﺪ ﺍﻟﻤﻴﻼﺩ ﻭﺭﺍﺱ ﺍﻟﺴﻨﻪ ﻛﻤﺎﻥ ﺍﺻﻠﻮ ﻓﻲ
ﺍﻟﻮﺟﺒﺎﺕ ﺩﻱ ﻋﺎﺩﻱ ﻳﻮﻣﻚ ﻳﻜﻮﻥ ﻛﻠﻮ ﻓﻮﻝ ﻣﻊ ﺍﺳﺘﺜﻨﺎﺀ
ﺍﻟﻐﺪﺍﺀ ﺍﻻ ﻓﻲ ﺑﻴﻮﺕ ﺍﻟﻌﺬﺍﺑﻪ ﻃﺒﻌﺎ
ﻋﺰﻳﺰﻱ ﺍﻟﻔﻮﻝ :_ ﺧﻒ ﺭﺟﻠﻚ ﻋﻠﻴﻨﺎ ﺷﻮﻳﻪ ﻭﺑﺎﺭﻙ ﺍﻟﻠﻪ
ﻓﻴﻤﻦ ﺯﺍﺭ ﻭﺧﻔﻪ ﻭﺍﻧﺎ ﻋﺎﺍﺍﺍﺍﺍﺍﺍﺍﺭﻑ ﺍﻧﻮ ﺍﻧﺖ ﻋﻨﺪﻙ
ﺍﻗﺎﻣﻪ ﻋﺪﻳﻴﻴﻴﻴﻴﻴﻴﻞ ﺑﺲ ﺷﻮﻭﻭﻭﻭﻳﻪ ﻛﺪﻩ ﻋﻠﻴﻨﺎ
ﻋﺰﻳﺰﻱ ﺍﻟﻔﻮﻝ :_ ﺍﻧﺖ ﻋﺎﺭﻑ ﺍﻧﻮ ﻟﻮ ﻣﺎ ﺍﻧﺖ
ﺍﻟﺴﻮﺩﺍﻧﻴﻴﻦ ﺩﻳﻞ ﻣﺨﻬﻢ ﻧﻀﻴﻒ ﻭﻛﺎﻥ ﻣﻔﺮﻭﺽ ﻛﻠﻬﻢ
ﻳﻄﻠﻌﻮ ﺩﻛﺎﺗﺮﻩ ﺑﺲ ﺍﻧﺖ ﻗﺎﻟﻮ ﻗﺎﻟﻮ ﺍﻧﺎ ﻣﺎﻗﻠﺘﺎ ﺳﻤﻌﺘﺎ
ﺍﻧﻚ ﺑﺘﺤﺘﻮﻱ ﻋﻠﻲ ﻣﺎﺩﻩ ﻣﺨﺪﺭﻩ ﻟﻠﻤﺦ ﻭﺑﺘﺠﻴﺐ ﺍﻟﺨﻤﻮﻝ
ﻭﺍﻟﻨﻮﻡ ﺍﻫﺎ ﺟﻤﺎﻋﺘﻨﺎ ﺍﻟﺴﻮﺩﺍﻧﻴﻴﻦ ﺩﻳﻞ ﺑﻴﻀﺮﺑﻮﻙ ﺑﻮﺵ
ﻭﻣﻔﻌﻮﻟﻚ ﺑﻴﻈﻬﺮ ﺩﺍﻳﻤﺎ ﺑﻌﺪ ﺍﻟﻔﻄﻮﺭ ﺣﻴﺚ ﺍﻻﺣﻴﺎﺀ
ﻭﺍﻟﻜﻴﻤﻴﺎﺀ ﻭﺍﻟﻔﻴﺰﻳﺎﺀ ﻳﻌﻨﻲ ﻣﻮﺍﺩ ﺍﻟﻄﺐ ﻛﻠﻬﺎ ﻫﻢ ﻧﺎﻳﻤﻴﻦ
ﻓﻴﻬﺎ ﻋﺮﻓﺘﺎ ﺍﻟﺴﺒﺐ ﻭﺍﻟﺴﺒﺐ ﺍﻧﺖ ﺯﺍﺍﺍﺍﺍﺍﺍﺗﻚ ﻃﻠﻌﺘﺎ ﺍﻫﺎ
ﻋﺰﻳﺰﻱ ﺍﻟﻔﻮﻝ :_ ﻋﺰﺗﻚ ﺩﻱ ﺫﻛﺮﺗﻨﻲ ﻗﺼﻪ ﻭﺍﺣﺪ ﻋﻨﻮ
ﻣﻄﻌﻢ ﻓﻮﻝ ﺍﻟﻨﺎﺱ ﻣﺎﺑﻴﺠﻮﻫﻮ ﻗﺎﻡ ﻛﺘﺐ ﺑﺮﻩ ﻓﻮﻝ
ﺑﺎﻟﻜﺒﺪﻩ ﺍﻟﺠﻤﺎﻋﻪ ﻃﻮﺍﻟﻲ ﺟﻮﻫﻮ ﻛﻤﻴﻪ ﻛﺒﻴﺮﻩ ﻣﻦ
ﺍﻟﺰﺑﺎﺋﻦ ﻭﻟﻢ ﺟﺎﺏ ﻟﻴﻬﻢ ﺍﻟﻔﻮﻝ ﺍﺗﻀﺢ ﺍﻧﻮ ﻓﻮﻝ
ﺳﺎﺍﺍﺍﺍﺍﻱ ﻣﺎﻓﻲ ﻛﺒﺪﻩ ﺳﺄﻟﻮﻩ ﻳﺎﺯﻭﻝ ﺍﻧﺖ ﻣﺶ ﻛﺎﺗﺐ
ﻓﻮﻝ ﺑﺎﻟﻜﺒﺪ ﻗﺎﻟﻴﻬﻢ ﻧﻌﻢ ﻗﺎﻟﻮ ﻟﻴﻬﻮ ﻃﻴﺐ ﻭﻳﻦ ﺍﻟﻜﺒﺪ
ﻗﺎﻟﻴﻬﻢ ﺍﻧﺘﻮ ﺑﺘﻤﺸﻮ ﺗﺸﺘﺮﻭ ﺳﻔﻨﺠﻪ ﺍﺑﻮﺣﻤﺎﻣﻪ ﻣﻦ
ﺍﻟﺪﻛﺎﻥ ﺣﺼﻞ ﺍﺩﻭﻛﻢ ﻣﻊ ﺍﻟﺴﻔﻨﺠﻪ ﺣﻤﺎﻣﻪ ‏) ﺍﻟﺸﺎﻫﺪ
ﻓﻲ ﺍﻟﻤﻮﺿﻮﻉ ﺍﻧﻮ ﺍﻧﺘﻮ ﺣﻘﻮ ﺗﻜﺮﻡ ﺍﻟﻜﺒﺪﻩ ﺍﻟﺒﻘﺖ ﺳﺒﺐ
ﻓﻲ ﺗﺴﻮﻳﻘﻚ ﻳﻌﻨﻲ ﻟﻮ ﻣﺎﻫﻲ ﺍﻧﺘﺎ ﻛﻨﺖ ﺑﺮﺗﺎ ﺍﻗﻼﻫﺎ
ﺗﺸﻜﺮ ﺍﻟﻜﺒﺪﻩ
ﻋﺰﻳﺰﻱ ﺍﻟﻔﻮﻝ :_ ﺍﻧﺖ ﺑﻘﻴﺖ ﺑﺼﻤﻪ ﻓﻲ ﺣﻴﺎﺗﻨﺎ ﻭﺍﻧﺎ
ﻫﺴﻲ ﻟﻮ ﻟﻘﻴﺘﻚ ﻓﻲ ﺍﻟﻌﺸﺎﺀ ﻣﺎﻣﺎﺑﻴﻚ ﺑﺲ ﺗﻜﻮﻥ ﺟﺎﻳﻲ
ﻣﻦ ﺍﻟﺴﻠﻴﻢ ﻭﻣﺎﺗﺠﻲ ﺑﺮﺍﻙ ﻻﺯﻡ ﻳﻜﻮﻥ ﻣﻌﺎﻙ ﺻﺎﺣﺒﺎﺗﻚ
ﻧﺎﺱ ﻃﻌﻤﻴﻪ ﻭﺟﺒﻨﻪ ﻭﺳﻠﻄﻪ ﻭﺯﻳﺖ ﻭﺍﻛﻮﻥ ﻣﻤﻨﻮﻥ ﻟﻴﻚ
ﺑﻲ ﺍﻛﻠﻪ ﻋﻤﺮﻙ ﻣﺎﺍﺗﺄﻛﻠﺘﻬﺎ ﻭﻻﺷﻨﻮ ﺍﻧﺘﺎ ﻣﻌﺎﻱ ﻓﻲ
ﺍﻟﺤﺘﻪ ﺩﻱ؟

الله يخليهوا لينا وخلينا ليه
نعمه من كريم