حلمنتيش(منقول)

الفار وقف جنب القفص سافر خيالو بعيد سرح
لو يكرموا رب العباد

جكسوية واحدة من الجداد

يتزوجها ويعيش سعيد

تكفيهو لا شركاً يصيدو ولا كديس
تحميه من حظه التعيس...
فطورو بيض
وغداهو بيض
وعشاهو بيض
واحلامو زاتها تبقالو بيض.....
صاحبنا ما إتردد وقال :
قال للجدادة تعالي جاي انا عندي ليكي كلام كتييييير....
قالتلو هوي يالفار اخوي إنشاء الله خير....!
قال ليها خير
بس منكسف..قالتلو: قول ما تنكسف....
الفار رجف...
طقطق أصابعينو و وقف
و قال للأسف أنا مابقول....
إحساسي واااااضح و مشاعري ما دايرة الفضول.....!
الجدادة إستغربت ....
واتهوززت وإتنفضت
قاتليهو ياخ ماتقول يا فار ...؟
صاحبنا قام قال ليها بس والله طمعان في الجوار .
الجدادة إتدللت قاتليهو هييييي! ما انت جار....
الفار سرح راح الكلام منو وقع
قال لي الجدادة بلاش دلع
لو جاكي فار طالب القرب طالب إيديك
طالب الغرام من مقلتيك
رأيك شنو؟؟

قاتليهو : إيييييييييك

ما يسمعك في الحلة ديك

الفار كضم

شم الوضع
شتت مشى
و عيونو من كتر الزعل
ما شايفة حاجة مطششة
ومشاعرو كيف متخربشة
حرد الفطور
حرد العشا
ورسم على حيطة الجحر
صورة جدادة و خربشها
وصنقر قعد
ودنقر وقال
بالله شوف
حتى الجدادة العاضة دي بقت علي متحنكشة..... !!!!

[ندعوك للتسجيل في المنتدى أو التعريف بنفسك لمعاينة هذه الصورة]

الله يديك العافية اختي زكية
اختيار جميل وحلو
لك خالص الشكر والتقدير

اقتباس :: الجدادة إستغربت ....
واتهوززت وإتنفضت
قاتليهو ياخ ماتقول يا فار ...؟

يتمنعن وهن متيمات

اقتباس :: قاتليهو : إيييييييييك
ما يسمعك في الحلة ديك

هذا الجواب ليس رفض قاطع ولا موافقة قاطعة ..
بل يستبطن دعوة للمحاولة مرة أخرى ..
ولكن لأن الفار لا يثق في نفسه وشعوره بالدونية أمام الدجاجة جعله ينسحب
وهو خطأ شائع لدى برالمة الغرام

-----

[ندعوك للتسجيل في المنتدى أو التعريف بنفسك لمعاينة هذه الصورة]

حبيبنا سيوف رايك شنو في التفتيحة دا شوف عينو وين

يا زول ده في الغرب عااادي
البنات زهجن من بنى البشر
وكل واحدة اتخذت لها كلبا او كديسا رفيقا للدرب
فوجدن عندهم الصدق والوفاء اكثر من البشر

----------------
اليس من علامات الساعة أن تمرح السباع مع الحيوانات الاليفة ؟؟

» البايركس قال الروووووووووووووب(منقول)
» كـأس لبــن(منقول)
» موقع للفتاوي (منقول)
» منقول للفائدة (انتحال الشخصية الالكترونية)