احب عطبرة والديوم الشرقية وبحري الشعبية

زائر

امس وعلى قناة الشروق تابعت برنامج توثيقي عن الديوم الشرقية ذلك الحي العريق في الخرطوم والذي اخرج الكثير من الرياضيين والسياسيين والفنانين
اعجبني الترابط الاجتماعي في الديوم الشرقية مع اختلاف الاماكن التي جاء منها السكان
انا ما عشت كتير في الديوم الشرقية ولكن فيها تشعر بانك في عطبرة مصغرة
وتذكرت في ذلك الوقت بحري الشعبية ذلك الحي العمالي المتفرد وتشابه الحياة فيه مع عطبرة ايضا , بالرغم من اني لم اسكن فيها ولكن عندي زملاء واصدقاء منها

عطبرة الفي القلوب سكنت أبديـــــــــة
الديم بيشبهك وبحري الشعبيـــــــــــــة
الجار للجار صلات قويــــــــــــــــــة
والفزعة شيمة الصبي والصبيــــــــــة
الرجال مجتمعين صباح وعشيـــــــــــة
وجبنة النسوان من الضهرية للعصريـة
احب عطبرة والشعبية والديوم الشرقية
***
يا الهي يا الهي يا مجيب الدعــــــــــــوات
اجعل اليوم سعيدا وكثير البركــــــــــــات
واجعل التوفيق حظي ونصيبي في الحيــاة
واحفظ الشعبية من عيون الساحـــــــــرات
واملأ القلب محبة بالديوم الشرقيـــــــــــات
ومزيدا من رفاه لعطبرة أم الـــــــــــدالات

بس خلاص احسن نوقف هنا النتاش ده يقوم ينتشنا ويكشفنا

زائر

نظم رائع جدا ياشمهروش
بس ماكان تقيف اصلي استمتعت بالنظم الجميل
تعرف انا نتشتك من اول مشاركة وخليتك تتفسح شوية

عطبرة قطعة تماما من الديوم الشرقيه مافى كلام لكن فى بعض الاشياء

الترتبط الاجتماعى

الكرم والشهامه والمحبه

صلة الارحام و

حبيبنا ابو وردة
دائما مغنطيسك منجذب الى مواطن الابداع
ولكن ..
منعونا ندخل هنا باسماءنا الحقيقية
اقرأ هنا عن ماهية الحفلة التنكرية :
https://atbara.ahlamontada.net/montada-f31/topic-t5471.htm
واتوقع ان يقوم احد المشرفين بحذف مشاركتي ومشاركتك هذه لأنها تخالف لوائح الحفلة التنكرية
(مش جائز يكون انت شمهروش ودخلت باسمك هنا كنوع من التمويه؟)
بس ده اسمو (تسلل) او (ضرب تحت الحزام) وهو ممنوع في الحفلة التنكرية
تحياتي وحمد الله على السلامة

والحمد لله الواحد عاش وقضي سنين كثيرة من عمرة فيهم
(ولعمري لمن المحظوظين)
والحمد لله

زائر

ففي عطبرة تجسدت الطيبة ومنها تفرعت لبقية الولايات فناسها معروفين بطيب النوايا وخلوها من الحسد والحقد والرضى بالقليل

زائر

الاحباب ابووردة ومحمد محمود وشعنون
شكرا على مروركم الفواح برائحة طيبة عطبرة والق اهل عطبرة الطيبين
وفعلا عطبرة هي مركز توزيع الطيبة والحنان والالفة الى كل ربوع السودان الحبيب
وذلك القطار الذي ينطلق منها كان هو وسيلة التوزيع

اخونا سيف الدين خلي الناس تعبر عن مشاعرها بعيدا عن اللوائح ياخي

تحياتي
شمهروش

زائر

هوووووووووووووووي ياناس

دي اسمها حفلة تنكرية الاسماء الحقيقية ممنوعة هنا
وانت ياشمهروش عايز تكبر شعبيتك والله شنو
الماسك الباب منو البخلي الناس تجي داخلة ساكت كدا ماتقول بتلبو بالحيطة
تعرف ياسيف يظهر مساعد المدير والمشرفين ديل ماديرين يحرجو الناس ويحزفو مداخلتهم دي
علشان كدا لازم نحن نساعدهم وننبه الناس رايك شنو ياشمهروش

ياجماعة ممنوع الدخول هنا بالاسماء الحقيقية حتي لاتفقد اللعبة متعتها

زائر

الاخوة سيف الدين والنتاش
كيفنكم لعلكم طيبين
قصدي يا جماعة انو الناس ممكن تدخل (للرد) باسماء حقيقية اما (فتح موضوع جديد) يكون باسم مستعار
علشان في ناس ما عندها وكت تخرج وتدخل تاني باسم مستعار وعلشان نخلي الحفلة (رابة)
اها رايكم شنو في الكلام دا ؟؟؟؟؟؟؟؟

تحزيمة
انت يا النتاش حاسدني عشان الناس خلوا قدرة فولك وجوني هنا
عجايب والله

زائر

عطبره ياخونا حد ما لاواحد يتكلم او يقول عنها مابيديها حقها
الكن يا شمهروش ماقصرت ويديك الف عافيه Sad

زائر

بالماسبة الحفله رابه شديد والفول الليلة باير باير Very Happy

زائر

اقتباس :: قصدي يا جماعة انو الناس ممكن تدخل (للرد) باسماء حقيقية اما (فتح موضوع جديد) يكون باسم مستعار

شمهروش فكرتك دي حلوة

وشايف يادوب الناس بقت تنتبه والساطي شكلو مضهب مالقي ليه اي حفلة شغالة وجاء خاشي توش
والظاهر عليه مالقي عشاء وقال الفول باير حكاية هناي ديك لمن مالحقت اللبن قالت..... عرفتو كيف
واسمك مناسب مع شمهروش جن وواحد ساطي اليوم مالقيت حاجة تسطو عليها اعمل حسابك عندي دجاج مع الفول
حقيقة عطبرة مهما قلنا في حقها من بديها حقها هي الربتنا وعلمتنا وكبرتنا وبحنانها حضنتنا

زائر

ترحب حار بالمتنكرين الجدد

شعنون والساطي

شعنوننا وساطينا مرحب حباب قدومكم لينـا

حفلتنا نورت بيكم بابداعاتكم ما تبخلوا علينا

ابقوا داخلين وما تخافوا مقامكم في عينينـا

لسانك حصانك ما تصونو بيكشفك لينـــا

» مجانين عطبرة
» دعم مستشفى عطبرة (1)
» أمل عطبرة × المريخ
» عطبرة والعطبراوى
» جمهور عطبرة الرياضى