عندما ياتى المساء

عندما يأتي المساء ..

أشعر أني لا أنتمي لأي شيءٍ من الأشياء ...

وأدنو من شباك غرفتي ..

وأراقب عن قرب ..

كل نسمة تداعب وردة ..

أو أي عصفور يجيد الغناء ...


عندما يأتي المساء ...

عيوني تصير حمامة ..

ويداي قطعة قماشٍ ملساء

وتطلع الكروم من فمي ..

وينمو في شعري ..

غابات من الحناء ...

وأطير ماشيا .. نحو المجهول ..

إلى عالم السماء ...

وأجلس قرب نجمة ..

وأقص حكاية لنجمةٍ أخرى

فتضحكان الاثنتان ..

وأنا أشعر أني محتاج للبكاء







عندما يأتي المساء ...

لا فصل من الفصول أفضله ..

غير فصل الشتاء ...

عندما تسقط أصابعي برداً ..

والثلج يغطيني ..

وتصير الأرض امرأة جذابة .. بيضاء ...







عندما يأتي المساء

أدخل في عالم ٍ .. دون هوية انتماء

ولا جواز سفر يعرف عن شخصيتي ..

فلا أحد هناك .. يسأل عن الأسماء

حيث أعيش مع الغيوم .. ضحوكاً ..

وأطير مع العصافير والطيور .. منتشياً ..

وأسبح مع الأسماكِ الصغيرة ..

ونرسم الأحلام على سطح وجه الماء ...









عندما يأتي المساء ...

أحتسي فنجان قهوتي ..

مع تسبيح الطير لخالقه ..

وأنشودة الغروب الصماء ..

وأدخل في جزيئات ألوان الغروب ...

حيث لا شيء يحيى هناك ..

حيث لا شيء يحيى هناك ..

سوى الحرية والهواء ...








عندما يأتي المساء ...

أشعر أني لا أنتمي لأي شيء من الأشياء ...

وعندما يرحل المساء ...

أشعر أني أنتمي لكل الأشياء ...

الكلمات جميلة بس أنا شخصياً بنتظر المساء بفارق الصبر عشان أنوم لكن بعد كلام ناهد المرهف ده ح اصحى إنشاء الله بكباية قهوة

عندما ياتي المساء نشتاق إليهم بجنون .. ونحن إلى وجودهم ووجوههم وأصواتهم بالجنون ذاته ..

عندما ياتي المساء ونسهر لنقرأ أخبارهم فوق جبين القمر ..

ناهد كل الود

اول حاجه بقولا غنيه الموسقار ودالامين يا معاين من الشباك والمسا عندنا فى المقرن حاجه ماتخلص حقوا تجى تاخديلك يوم فى المقرن والقمر ماعندوا مكانه فى المساء ولا شنوا

او يا المغتربيين تعالو شوفو نحنا عندنا شنو فى المساء

جلسه على الفسحه اوونسه وجبنه وشراب شيشه

اونسيت اقولك الكلام دا تحت القمره وجمب البحر

والونسه مى قطيعه وكلام ماعندو معنا
ونستنا مليانه ونسأل فيها عن بعضنا اخبارنا واحولانا
واحدين يونسونا عن الشئ الحاصل واحدين ناس كوره واحدين كلو بينفع معاهم
وكمان فنانا معانا بى عودو ومعاهو مجموعتوا ضباط الايقاع ايام غنا قديم وايام غنا جديد وايام مديح وكل فتره بنعمل جلسه كبيره نخلى شيوخنا يتكلمونا عن الاحداث والسيره
اها شفتا المسا عندنا كيف

برضو ماحلى من المسا بتاعى

نحنا مسائنا جميل بشكل ،يمكن تسألو منو الأخ سيف الدين ونسأل الله أن يكون مساء الجميع جميل وموفقين .

ناهد كتب:

برضو ماحلى من المسا بتاعى

والله يمكن يكون مساكم احلى
لكن فى اعتقادى اذا كان المساء مع ناس ما فروضين عليك ولا انت مفروض عليهم ومابتجمعكم الا الاشياء الطيبه وجميله مابيكون فى احسن مننا