عودة ياسيد البلد

يا هلال الشموخ كملت قولي معاك
جندلت الكبار وحرقت كبد أعداءك
يا جالب الفرح لي كل زول بهواك
حيرت الوصف يا ما سمح مغناك
****
يا فرح الكبير ما شان كبير باستادوا
لكن الكبــــــير بي سمعتوا وإنجازوا
جمهورو الفرح دائماً عليهو أعتادوا
كبار البلد وفخرو وهنـــاو وأسيادوا
****
يا أخوانا الهلال دائماً مشــــــرف دارو
وفي كل المحافل رافع لرأس أنصـاروا
في تونس هناك بكى الفريق وأنصاروا
عشان أصلو الكبار مع الكبار بتباروا
****
جمهور السرور أهــــــلاً هلالكم هلا
وفي افريقيا بــان بالجد ظهر وأتجلى
في رادس جندل خصومو وغــــــــلي
يا هلال الجمال يا الديمة فـوق ومعلا

أبو ورده :
إنت نسيت ولا شنو ما قلت خليت الكورة وخليت تشجيع الهلال ...
أها إنت اللي ابتديت
الظاهر عطشت عشان كده رجعت لسيد اللبن

يازول قول بسم الله النمة دى كلها فوق الهلال
سبحان الله و لاحول ولاقوة الا بالله
يازول اقيف يازول اقيف فريقك ده مابينستر وبيرقد ليك هردبيس

صح لسانك .