أرفع بنطلونك ياابوالشباب قالوا موضه قالوا !!!!

حاجات بقت تقرف في مجتمعنا .. شباب في العشرينات من العمر .. تلقى الواحد لابس بنطلون واللباس الداخلي من جه الظهر ظاهر عيان بيان للمجتمع .. قالوا دة إسمو النيو لوك (فهم)

الغريبة إنو الملابس الداخلية ( لازم تكون ملونة ) يعني خلاص حبكت إنو القشرة تبقى كدة ؟؟؟؟

طيب خلونا كدي نبدا نشوف تمرحل اللبس بدا من وين وحينتهي وين !!!!!

البــــداية :

زمن الشعر الخنفسي .. والبنطلون شارلستون والقميص كوتون كت

ولف الزمن

وصلنا لي مرحلة الكوردرويت ( الشاموه ) .. مع قميص الكاروهات

تاني الزمن دور

البنطلون بقى ( بوقي ) يعني واسع ..

وبعدها دخلنا مرحلة الجنز في السخانة ( كونز ياعمك) ( حالياً صيدليات كوينز بعد الدلع) .. بس الجنز ( إدوين ضربو) مع التشيرتات البتصل لحدي الكوع ....

وأخيراً جيل الشباب الحالي مع بنطلونات ( حررنى) ( بابا سمحلي ) تخيلو دي إسم البنطلونات في عصر النيو لوك .....

ولو سالت الواحد منهم عن واحد من اسباب مبطلأت الوضوء مايعرف

لكن لو سالتو عن اللبوم تامر حسنى يكتب لك ديوان كامل عنه

وهل تسمى هذه الفتره التى نعيش فيها نحن بعصر العولمه

اذا كانت هى تلك العولمه فليس لدينا شباب المستقبل كى نعتمد عليهم مستقبلأ

سياسة الغرب ان يقلد شبابنا عامة مايفعلونه ويريدون ان نتعلمه فقط ( فى الهايس لايص )

وليس ماييعملونه من تطور وتكنلوجيا حديثه

هل فعلاً سمح الآباء والأمهات لهؤلاء الشباب بإرتداء هذة البنطلونات الشينة والدخيلة لمجتمعنا ؟؟؟؟ !! .. وهل أصبح المجتمع يتقبل مثل هذة الظواهر برحابة صدر !!؟؟؟؟؟

أفتونـــــي !!!!!

بالصور.. الشرطة تحلق شعر "كدش" إندونيسي وتصادر "طيحني"
أرفع بنطلونك ياابوالشباب قالوا موضه قالوا !!!! News28121537

أيمن حسن - سبق: حلقت سلطات إقليم "أتشيه" الإندونيسي شعر 59 من شباب "الكدش" الذين كانوا يستعدون لحضور حفل لموسيقى "الروك"، كما أزالت الأقراط التي يضعونها في آذانهم، وملابس "طيحني وبابا سامحني"، ثم وضعتهم لمدة عشرة أيام في دورة مناصحة.
ونقلت صحيفة "ديلي ميل" عن مدير شرطة الإقليم الضابط إسكندر حسن قوله: إن ما يفعله هؤلاء الشباب يهدد القيم الأعراف الإسلامية.
وكانت الشرطة قد ألقت يوم السبت الماضي القبض على 59 شاباً، و 6 فتيات أثناء استعدادهم لحضور حفل موسيقي، وصادرت العديد من القلائد والسلاسل والأقراط، وعقب حلاقة شعرهم تماماً، تم إلقاؤهم في بركة ماء من أجل "طهارتهم روحياً".
وأضاف حسن: عقب التخلص من ملابسهم "المثيرة للاشمئزاز"، أرسلوا إلى مدرسة لتلقي دورة مناصحة لمدة 10 أيام، وبعدها أعيدوا إلى منازلهم.
ونقلت الصحيفة عن أحد الشباب "فوزان، 20 عاماً"، قوله: "لماذا يقصون شعرنا؟ نحن لا نتسبب في ضرر لأي شخص، الشعر فقط طريقة للتعبير عن أنفسنا، لماذا يعاملوننا كمجرمين؟".
وعلى الجانب الآخر، أصر الضابط حسن، على أنه لم يرتكب خطأ، وقال: "نحن لا نعذب أحداً، ولا ننتهك حقوق الإنسان، نحن نحاول أن نضعهم على طريق الأخلاق الصحيحة".
وقالت الصحيفة: إن ما قامت به السلطات يعد آخر الجهود المبذولة من أجل الحفاظ على القيم والأخلاق الإسلامية في إقليم "أتشيه" الذي يطبق الشريعة الإسلامية.

والله حاجة تغيظ دى ماعارفين نسميها شنو بتاعة البناطلين دى بالذات انا قايتو بلا قلة ادب وتخلف منهم مابسميها حاجة شوف رايكم انتو شنو ؟
ده شباب شنو ده والله يمحن والله يكون فى عون اهله وعون البلد المنتظرهم !!!!!!!!!!!!!!!!!
والله اكان يجى واحد ناطى ويقول ده سببه ناس الانقاذيكون كمل حيرتنا مرة واحدة مااى حاجة بقت الشماعة النظام
ده سلوك فردى مسئول منه صاحبه واسرته مسئولين منه مسئولية مباشرة .

(( حدثنا محمد بن عبد العزيز حدثنا أبو عمر الصنعاني من اليمن عن زيد بن أسلم عن
عطاء بن يسار عن أبي سعيد الخدري عن النبي صلى الله عليه وسلم قال : (( لتتبعن
سنن من كان قبلكم شبرا شبرا وذراعا بذراع حتى لو دخلوا جحر ضب تبعتموهم .
قلنا يا رسول الله اليهود والنصارى؟ قال: فمن ؟!! ))

الفتوي أدناه من موقع إسلام ويب نت

السؤال

روى الشيخان عن أبي سعيد الخدري رضى الله عنه قال: قال رسول الله صلى الله عليه وسلم: "لتتبعن سنن من كان قبلكم حذو القذة بالقذة حتى لو دخلوا جحر ضب خرب لدخلتموه" من هؤلاء القوم، وما يجب أن يكون موقف المسلم تجاههم؟ وما معنى حذو القذة بالقذة؟

الإجابــة

الحمد لله والصلاة والسلام على رسول الله وعلى آله وصحبه وسلم أما بعد:
الحديث المذكور عن أبي سعيد الخدري رضي الله عنه علم من أعلام نبوة الرسول صلى الله عليه وسلم، يبين فيه صلى الله عليه وسلم حال كثير من هذه الأمة في اتباعهم سبيل غير المؤمنين، ومشابهتهم لأهل الكتاب من اليهود والنصارى حيث جاء في روايات الحديث: (قلنا يا رسول الله اليهود والنصارى؟ قال: فمن؟ ) وهذا التشبيه في المتابعة (شبرا بشبر وذراعاً بذراع) وفي رواية: حذو القذة بالقذة كناية عن شدة الموافقة لهم في المخالفات والمعاصي لا الكفر، والقذة بالضم هي ريش السهم وهو دال على كمال المتابعة. ثم إن هذا اللفظ خبر معناه النهي عن اتباعهم وعن الالتفات إلى غير الإسلام لأن نوره قد بهر الأنوار وشرعته نسخت الشرائع، وقوله: "حتى لو دخلوا جحر ضب لدخلتموه" مبالغة في الاتباع لهم، فإذا اقتصروا في الذي ابتدعوه فستقتصرون، وإن بسطوا فستبسطون حتى لو بلغو اإلى غاية لبلغتموها.
والواجب على المسلم أن يلتزم شرع الله تعالى، وأن يتبع سبيل المؤمنين، ويترك مشابهة الكافرين، وأن يعلن الولاء للإسلام وأهله، وأن يتبرأ من الكفر وأهله.

الأخ / محمد عوض عمر

الأخوة المتداخلين .. ( ماعارف المتداخلين أم المتداخلون .. أظنها مبتدأ وخبر ولا ياربي مضاف ومضاف إليه .. ما متأكد .. يلا عدوها ما علينا .. المهم )
قبل يومين بالضبط ذهبت المستشفى برفقه إبني لمقابلة طبيب الأسنان وهالني ما رأيت في المستشفى .. بينما نحن جلوس نتظر دورنا عند طبيب الأسنان .. حضر شاب برفقة زوجته ويحمل طفل على صدره .. ماذا كان يلبس هذا الشاب أبو العائلة المربي الفاضل ..
1. الشعر مربوط ببكله ويتدلى خلف ظهره .
2. يرتدي فنيلة (كت) ذات خصر (يعني بالعربي بناتية) عارية اليدين (حمالات) .
3. الفنيلة في منتصف ظهره واللباس لونه أزرق نصفه باين .
4. اسفل ذلك البنطلون حده في منتصف الإليتين (ههههه الإليتين دي من بيت الكلاوي) .
5. الشاب ده كان متبرج أكثر من مرتو
6. أول من علق إبني وقال لي (مره ماشه مع مره)
المشكلة يا أخوان أنه مربي وأبو عائلة .
عشنا وشفنا

سلام يا شباب
الهادي كتب
4. اسفل ذلك البنطلون حده في منتصف الإليتين (ههههه الإليتين دي من بيت الكلاوي) .
أنت يا شيخ الهادي عليك محن بتعرفها براك ..... و أنا كمان بديك كلام من بيت الكلاوي عن الموضة بتاعت البناطلين النازلة دي و عشان تعرف نحن ناس كيف وهم و شغالين بالفارغة
الموضة~ بسميها موضةمجازا~ دي بدأت في السجون الأمريكية... الشواذ جنسيا كانو يظهرون ملابسهم الداخلية ليتعرف عليهم من أراد أن يمارس معهم الفاحشة في السجن ..... و هكذا عمت و أنتشرت لبلادنا عن طريق أبناء المغتربين و الطلبة العرب ... هنا في أمريكا بعض المدن منعتها منعا باتا و بقي فيها سجن و غرامة لأولياء أمورهم أيضا إن كانو قصر
شايف يالهادي شباب الزمن ده كيف ؟؟؟ يقلدوا ساي و ما عارفين سبب الموضة دي شنو .... ديل ما بس متشبهين بالغرب فقط و إنما بقوم لوط
أشهد لي يالهادي أني بلغت شبابنا عن البعرفو عن الموضة دي و أن شاء الله ربنا يهديهم و يرفعو بناطلينهم دي لفوق السرة .

الأخ الهادي .. حضر لي مرة في موقع العمل شاب خليجي وجلس أمامي فكان يلبس شورت .. فرفضت إستقباله وأوضحت له أن هذا غير لائق ويعتبر عيب , وهذا مرفق حكومي وعام وأن أمامك أنثي ( سستر ) فتقبل التوجيه وذهب وعاد بعد برهة بعد أن غير ملابسه ..وآخر جاء لابس ( كت ) زي زولك أبو( عكلة ) ده وفعلا" نصحته وعاد بالهندام أبو ( سترة ) وياريت المجتمع ينظر للأشياء الشاذة بنظرة إستنكار وتوجيه .. وياريت زولك ( طبيب الأسنان ) نصح زائره .. واللا دي عيادة خاصة وتكون الحسابات هنا إختلفت

الأخ هشام كنت متوقع تعكس لينا وجهة نظرك من ناحية معاصر وتم ما توقعت فتمت مداخلتك, فعكسست سببا" عجبا" , لكن هنا ( عرف السبب فزاد العجب ولم يبطل العجب ) , لكن ناسنا هنا وأقصد العرب عموما" ( ببغاوات ) وتقليدهم أعمي .. وأذكر موضة ( الجامايكا ) التي وصلتنا في بداية الثمانينات والتي كانت بأن تضيق بنطلونك ( الشارلستون ) أو تفصل جديد , بأن يكون ضيق جدا" من الأسفل وبالكاد لبسه أو خلعه .وكان يسموه ( جراب البندقية ) زائدا" أن به جيوب بجانبيه عند مستوي الركبة .. وبعد الإنجراف تلقي الناس معلومة أن هذا لبس المزارعين الجامايكيين خوفا" من دخول الأعشاب والحشائش فتزعجهم فلذا تم تضييقه من الأسفل وأن الجيوب الجانبية صممت لوضع المناجل وأدوات القطع البسيطة التقليدية

الأخ شبس
سلام الله عليك يا زول
يا زول الله يهدي الشباب ديل و يرجعوا لي صوابهم و الغرب عموما بيحترمك أكتر لو كنت متمسك بعاداتك و تقاليدك ، و الشئ الأخطر من كده وسائل أعلامهم القوية دي ..... و نحن ما عندنا القوة نصدها ... يا زول أنا هنا شفت عيال و بنات من عندنا الوشم مغطي كل أجسامهم و رسومات غريبة زي الجماجم البشرية و تنين و رسومات أخري خليعة و يقول ليك دي حرية شخصية و موضة .....
البنطلون الجمايكا ده بذكرو تب لمن ظهر .... و ذهبت موضتهم في داهية غير مأسوف عليها
الغريبة الناس زاتها في السودان معظمهم يا شبس بقت مرضانه و زاكه الحاجات الغريبة دي .... غايتو ربنا يستر علي شبابنا و بناتنا

شبس كتب:: وأذكر موضة ( الجامايكا ) التي وصلتنا في بداية الثمانينات والتي كانت بأن تضيق بنطلونك ( الشارلستون ) أو تفصل جديد , بأن يكون ضيق جدا" من الأسفل وبالكاد لبسه أو خلعه

طيب طالما انت قديم كده
ما هو الفرق بين البنطلون الجمايكا و البووقي boogi ??
مساعدة : البووقي ظهر في نفس فترة الجمايكا

ابن بطوطة كتب:: طيب طالما انت قديم كده
ما هو الفرق بين البنطلون الجمايكا و البووقي boogi ??
مساعدة : البووقي ظهر في نفس فترة الجمايكا

شبس يرد : ياخ أنا أبيض وأسود و ( من الأمس ) .. وقيل أول أمس زاتو .. فيا سيف لو مامتنا قايلنا ماشقينا المقابر.. البوقي واسع من فوق بعكس الجامايكا .. إنت حاضر واللا قريتها في التاريخ ؟؟

hishamabbass كتب:: الأخ شبس
و الشئ الأخطر من كده وسائل أعلامهم القوية دي ..... و نحن ما عندنا القوة نصدها ... يا زول أنا هنا شفت عيال و بنات من عندنا الوشم مغطي كل أجسامهم و رسومات غريبة زي الجماجم البشرية و تنين و رسومات أخري خليعة و يقول ليك دي حرية شخصية و موضة .....

لك التحية هشام , طيب ما في إعلام مضاد توعوي يخلي الشباب يتبعوا القدوات السليمة ؟؟ ما في محاضرات وندوات من الجاليات ؟؟ واللا فعلا" إعلامهم قوي لدرجة أنك تسبح عكس التيار ؟؟

ابن بطوطة كتب:

شبس كتب:: وأذكر موضة ( الجامايكا ) التي وصلتنا في بداية الثمانينات والتي كانت بأن تضيق بنطلونك ( الشارلستون ) أو تفصل جديد , بأن يكون ضيق جدا" من الأسفل وبالكاد لبسه أو خلعه

طيب طالما انت قديم كده
ما هو الفرق بين البنطلون الجمايكا و البووقي boogi ??
مساعدة : البووقي ظهر في نفس فترة الجمايكا

التحيه اليكم جميعا وحمدلله للاخوان الهادى وشبس

بعدين انت ياابو السيوف تقول لى شبس قديم

بناطلين الجمايكا ماقديمه للدرجه دى

تانيا نحن ياجماعه الواحد من مده مرت كان الواحد لمن يكون ( حاشى ) القميص جوه البنطلون وماشى حفله

الجماعه يقولولك شوف الجنا الخايس دا كمان حاشى القميص جوه البنطلون

يعنى الناس كانت بالفطره بسيطه جدا

فالمشكله اذا كان رب البيت بالدف ضارب فما شيمة ...........

ربنا يهدى شبابنا ويهدى الجميع من هذه الدخائل الجديده على مجتمعنا

أخونا شبس
سلام
السباحة عكس التيار أفضل أعلام مضاد ..... هي الفضائيات بتاعتنا دي فاضية لينا من برشلونة و المسلسل التركي .... المشكل إنو أغلبية ناسنا دايرة كده كمان

انا غايتو القاعد يغيظنى شديد بتسبب معاهو طوالى هسى لو كل واحد بسوى كده ماكان طارو من البنطلون الناصل ده

ابومريومة كتب:: انا غايتو القاعد يغيظنى شديد بتسبب معاهو طوالى هسى لو كل واحد بسوى كده ماكان طارو من البنطلون الناصل ده

شبس يرد : والله يا أبو مريومة فكرتك دي راودتني بس ما لمرحلة تتسبب معاهو وتعمل مشكلة .. وإن كان أصلا" وجود شخص لابس بنطلون ناصل بغرض الموضة ولباسو برة دي مشكلة حقيقية .. والله تقرف .. فالحل لو بقي عبر السلطات كما ذكر الأخ سيف عن أندونيسيا هو الأفضل .. لكن عندنا لابد أن المجتمع يلفظ الأشخاص اللي مثلهم ..ويصوروهم في القنوات ويستهجنوهم .. لكن مجتمعنا معظمه أجوف وزي ده بيلقي سوقو .. الصغار يقلدوه والبنات يحبنو ويعتبروه مودرن وعصري .. وزمان يا أبو مريومة بتتذكر الراجل اللقي واحده لمن قعدت في الحافلة ركبيها ظهرن وبدت تشد في الفستان , تتغطغط , فقام رمي ليها شالو فوق ركبتيها .. فزي أصحاب البناطلين الناصلة ديل بس ترفع ليه بنطلونو لا فوق .. نظام مساعدة منك , وكده .وتعمل فيها مسكين زي الماناقش حاجة. أو توري إنك إنتبهت لبنطلونو ناصل وهو ماحاسي .. زي البتشيلك ريشة من رأسو.. واللا تدخل ليه لباسو لا جوه .. وشوفو حيقول شنو ! أنقر حيعلق ؟؟