ود الخامة (( طلبي حقيقة))

طلبي حقيقة
طلبي حقيقة مو تلبيسة
امها لي بقت لبوه ظهر حربيسها
قالت اصلو مو داير يدور تحبيسها
بدور عبد الله يبقي لي نفسو حسيسة
يجمع لي امور يكون براهو يسيسها
دايرو يكون كلس ما تبقي امو رئيسة
ولا يكون في المهمات يشاور عيسي
$$$
كان لي شيلة السيف قولنا من إفلاحو
بل في كلام من المؤمن يكون بي سلاحو
ولوا اخوانو بان فيهم عدم اصلاحو
بورة الطين علامة تدل علي اجلاحو
$$$
ما خصاه لا في الشاكرين ولا اللاحو
بور طينو ورجع بالقماح فلاحو
ولي طيفانو من القربة (( السعن )) كب ملاحو

ابو زحل كتب:: طلبي حقيقة
طلبي حقيقة مو تلبيسة
امها لي بقت لبوه ظهر حربيسها
قالت اصلو مو داير يدور تحبيسها
بدور عبد الله يبقي لي نفسو حسيسة
يجمع لي امور يكون براهو يسيسها
دايرو يكون كلس ما تبقي امو رئيسة
ولا يكون في المهمات يشاور عيسي
$$$
كان لي شيلة السيف قولنا من إفلاحو
بل في كلام من المؤمن يكون بي سلاحو
ولوا اخوانو بان فيهم عدم اصلاحو
بورة الطين علامة تدل علي اجلاحو
$$$
ما خصاه لا في الشاكرين ولا اللاحو
بور طينو ورجع بالقماح فلاحو
ولي طيفانو من القربة (( السعن )) كب ملاحو

بصراحة يا ابو زحل : عندي (احساس) إنو الكلام ده كبير وعميق جدا.

بس مشكلتي ما بفهم غير اللغة العربية :
ما في ترجمة على الشريط وكده ؟

ياسيف قلت مابتفهم غير اللغة العربية

طيب اختار اي احد من المقارنة الموجدين هنا يترجم ليك

واذا ما قدرت تفهم المكتوب بالدارجي دا كمان دا شي ثاني

انت هسع مع الانفصال والله ضد الانفصال
خار ج عن نطاق الموضوع تخريمة قوية

انا ضد الانفصال يا ابو زحل
والسبب قصيدتك الجبتها دي بتثبت أن التنوع موجود داخل السودان على مستوى اللغة العربية نفسها والدين الاسلامي نفسه
فاذا انفصل الجنوب ده ما معناه انو السودان كلو حا يبقى حاجة واحدة
سيظل التنوع موجود داخل الشمال نفسو
فالدعوة للإنفصال هي في جوهرها عجز عن إدارة هذا التنوع

وتخريمة اقوى :
انا متأكد في ناس من المقرن في المنتدى ده برضو محتاجين لمترجم tongue

يازول المقرن مافيها زول من ناس شاي اللبن شرقني والبسكويت خنقتني

الا كان يبقي شيتن جا جديد

وبعدين القصيدة دي ما عندها علاقة بالانفصال نهائي

لا خير ولا شر

ونحن الفيها فيها كان انفصلوا وكان ما انفصلوا مافينا شيتن جدت كلها الشفناها احلام في طريها اتعدت

زي الباقين ياخدوا جكتو وتاني عقابو يكون شتت