الكرسي الساخن

يا أبوزحل الحمد لله إني مرقت من أسئلتك، بالنسبة لي علي يسن أظنك بتعرفه هو أخو التيمان حسن وحسين في سوق الخضار، انت يا أبوزحل ياااااخي والله كلمة المستشار دي كتيرة علينا ياااااااخي نحن ناس مساكين ساكت الكلام الكبار دا ما بنقدر عليه

شكراً بدرالدين لسعة صدرك واجاباتك الصريحة والوافية، ونسمح لك الآن بمغادرة الكرسي

أري أن المساهمة اصبحت محصورة في اشخاص بعينهم مما يفقد الكرسي معناه لذلك سنقوم

بالتوقف قليلا لنعطي الفرصة للاخوة للاطلاع علي الموضوع وسنعاود بعد ان نتأكد من رغبة

الاخوة للمشاركة الجادة في هذا الموضوع.

الإخوة جميعا
السلام عليكم ورحمة الله
الحبيب بدر لك تحياتي وكما ذكر الجميع لقد أجبت إجابات واضحة وضوح الشمس ويبدو أن الكرسي نفسه إحتار في إجاباتك الجيدة فمر بردا وسلاما 0
وربنا يستر على الجااااااااااااااااايييين

الأخ ود العكد أولا شكراً على المرور، أنا كنت منتظر منك أسئلة خاصة بالعكد، يبدو أنك مازلت مشغولاً عموماً شكراً على المرور، وكنت أتمنى أن تكون الضيف القادم

ود العقيدة أنا اقترح بالا تتوقف وأن تقحم الأعضاء الآخرين وحبذا لو من الأعضاء الجدد وأكيد سوف ينتعش الكرسي الساخن واحتمال كبير يولع شكراً على المرور انا حتى الآن ما سئلت اسئلة حرجة كلها اسئلة عامة... شكراً عموما على الاستضافة

عليكم السلام ورحمة الله

الاخوة بدرالدين وود العكد لكما التحية، طبعا انا اتوقعت تفاعل الاعضاء بعفت حماسهم في

الاقتراح بعمل الكرسي لكن فوجئت انو المشاركة محصورة في اشخاص بعينهم ودا بيعني احد

أمرين: اما الاعضاء لم يمروا علي الموضوع ودا معناه حتي لو استضفنا واحد منهم ماحايرد

والثاني يكون الاخوة مروا علي الموضوع ولم يشاركوا ودا برضوا بيفقد الكرسي معناه

عموما تلبية لرغبتك نقبض علي ودالعكد ونكتفوا في الكرسي (تاني بتجي المولد).

بطاقتك الشخصية ياود العكد

وينك يا ود العكد يلا نحن منتظرين عشان عايزين نسألك،

يلاااا ياود العكد منتظرين نحن

الأحباب جميعا السلااااااااااااااام عليكم ورحمة الله
وأأسف على الغياب بسبب المشغولية ولو هناك طريقة قبل ان أدخل الكرسي الساخن أن نسأل الأخ بدر الدين شوية أسئلة أدوني خبر عشان اسألو 0
بالنسبة لي :

البطاقة الشخصية :
الإسم : عوض محمد أحمد محمد سعد
القرية : العكد
الحلة : (( الحي )) : الداوراب
تاريخ الميلاد : الثاني من ديسمبر 1970م
مراحل الدراسة :
الإبتدائية : العكد الإبتدائية 1978 حتى 1983
المتوسطة : العكد المتوسطة 1984 حتى 1986
الثانوية : عطبرة القديمة 1987 حتى 1990
بعد ظهور النتيجة والتقديم للجامعات دفاع شعبي على طول القطينة معسكر مقفول
الجامعة : جامعة الخرطوم - بكالريوس إدارة اعمال من 1992 حتى 1995م
دبلوم علوم كمبيوتر من جامعة الجزيرة 1996 حتى 1998م
العمل بالسودان :
تجارة حرة بسوق عطبرة من 1993 حتى 1998 العمل الرئيسي 0
طبشيرة بمدرسة العكد الثانوية الخدمة الوطنية 1996حتى 1997
معسكر الخدمة الوطنية بشارع 61 والحمد لله بعد مصرونا مصر الكيزان أدونا بطاقة الخدمة الوطنية 0
وبعدها طوالي فكرنا في الإغتراب
العمل خارج السودان :
الإغتراب للمملكة العربية السعودية والعمل بها من العام 1999م
حاليا مقيم بالمملكة العربية السعودية الشرقية مدينة -- الخبر يعني سوا سوا أبوزحل بس ما شفتو من مارجع من الإجازة 0
العمل الحالي محاسب بشركة مقاولات 0 بمدينة الخبر
الحالة الإجتماعية :
الحمد لله متزوج ولي إبن أسميته محمد (( أبومحمد ))
وربنا يستر
والإسئلة تكون على خفيف

واخيرا ظهرت

قلت ماشفتني يازول العوض جاني عشرين مرة وان مكاني واضح من مكاناتكم بالدارجي

مفروض انتو تجوني في محلي


وانا في انتظاركم عشان اللقيمات والشاي

يازول فيها لقيمات وشااااااي جاينك تب أبشر

يا حبيبنا ابو زحل هذه إجاباتي بعد الإستعانة بالله

1- ما هي أكثر خصال تكرهها؟
الكذب
2- لو تسنى لك أن تصبح مسئولا.. في أي مجال تود ان تكون.. وما هو التغيير الذي تتمنى ان يحصل على يديك؟
هذا هو السؤال الصعب إذ أني لا أريد أن أكون مسئولا والله يكفينا شر السلطة فعندما تكون مسئولا هذه الايام لا بد من وجود حرس حوالينك وأمن وووو وفي الاخير ما تقدر تنوم ذي الناس في وسط الحوش بلا حراس ياحبيب داير انوم في وسط الحوش والهمبريب ضارب بلاش مناصب ياعم 0

واخيراً
نصيحة منك لإدارة المنتدي ؟
عندما تذهب في إجازة لابد من أن يكون هناك من يمسك محلك فإجازتك الأخيرة عملت دربكة شديدة فلابد من وجود إدارة مستمرة للمنتدى وربنا يوفق الإدارة
ونصيحة ثانية للأعضاء؟
نصيحتي هي مثل ماقال ود العقيدة أن يكون المشرف مشرفا حقا أو يعتذر ليأتي غيره حتى نرتقي بالمنتدى في جميع أقسامه

ماقصرت ياود العكد اجابات وافية وكافية

ومثل ماقلت النوم في الهمبريب اهم شي والله

ربنا يدوم علينا الامان والسلام

بس ياخوي قصة الادارة والاشراف دي

ماقلنا وتكلمنا وكتبنا بوست عريض عشان دايرين ناس للترشيح بس زول قال ام بغم مافي

وبيني وبينك وبين كل الاعضاء المشرفين الموجودين الان غير موجودين يعني اسم بس لكن لا مشاركات ولا اي شي للمنتدي

وربنا يقدرنا علي جلب المفيد

وجزااك الله خير ياود العكد

وجزيت أنت خيرا يا أبو زحل كذلك

ود العكد يا حبيب طبعاً أنا عندي أسئلة طبعاً في اجابات سريعة أريد منك خواطر عن هذه الأسئلة:

الاستاذ بشرى ميرف!
مكتبة مسجد العكد الثقافية!
الشرافة!
جنينة ود الحسن!
كلب آل عبد العاطي ذلك الكلب الشرس القصير الذي جعل من ذلك الزقاق المؤدي إلى بيت يوسف المبارك منطقة محظورة وممنوعة من الاقتراب والتصوير!
لابد للشهد من إبر النحل، ولا بد "للدفيق" من مطاردة عمر ود عطية!
مدرسة العكد الثانوية بنات هل بها شيء من حتى! وهل اكتشفت في دواخلك بعض الجوانب التي كنت تخبئها خلف ذلك الوقار الذي أعهده فيك، وربما قد تكون قد فجرت فيك خطوط التماس! وبدأت ذلك الداء الجميل!
عطبرة الثانوية القديمة، وإيقاع ظهيرة في انتظار auto stop ناصية تلكم الصينية أمام مساكن قشلاق الشرطة!
دكان مجذوب سعد، أنا بالنسبة هو بداية المدنية والتحضر فهو يحضن الباعة والمتجولون، وقد شاهدت فيه كابينة التلفون المغلقة call box وعرفت فيه حلاوة أحفظ مالك وملبن وفكرة الطبلية التي تذخر بأصناف الحلوى الكثيرة ماذا كان انطباعك عنه!
على الرغم من أنك كنت يافعاً في العام 1986، إلا أنني أود أن أعرف ماذا كانت تعني لك الانتخابات في تلك الحقبة!
شركة أسمنت عطبرة!
جامعة الخرطوم!
وأخيراً هل ترى في محمد عوض محمد أحمد أنعكاس نفسك عنك خارجاً!
وشكراً يا حبيب على المساحة الحلوة

طيب يا حبيبنا بدر الدين هذا ردي على أسئلتك

الاستاذ بشرى ميرف!
لم يدرسنا الاستاذ بشرى ميرف فعندما إلتحقنا بالمتوسطة كان قد نقل لمدرسة اخرى يعني بالعربي كدا نحن أصغر منكم كتيييييييييييييير يا بدر الدين 0
مكتبة مسجد العكد الثقافية!
لله درك والله إن لها ذكريات يطول الحديث عنها وليت تلك الأيام تعود مرة أخرى ولكم آلمني عندما ذهبت في إجازتى الاخيرة منظرها تكاد تكون شبه مهجورة الآن ولا نشاط بها البتة إلا كتب مغبرة متناثرة
الشرافة!
كنا نتنافس عليها تنافسا حقيقيا لما في ذلك من حظوة ولما تدره من دخل وهدايا قيمة يالها من ذكريات حلوة تشم منها رائحة مدواة قد أحسن صاحبها إختيار سكن صاج جيد - صاج كسرة قديم
جنينة ود الحسن!
آخ آخ هي الجنينة صعبة المنال وكنا نتحرى غفوات الحراس لدخولها ويالها من جنينة ولنا معها الكثير من الذكريات 0
كلب آل عبد العاطي ذلك الكلب الشرس القصير الذي جعل من ذلك الزقاق المؤدي إلى بيت يوسف المبارك منطقة محظورة وممنوعة من الاقتراب والتصوير!
هههههههههههه والله الكلب دا ما إرتحنا منو إلا لمن مات وفعلا كنا نتحاشى المرور من ذلك الزقاق وربنا ستر ونجونا منه كثيرا 0
لابد للشهد من إبر النحل، ولا بد "للدفيق" من مطاردة عمر ود عطية!
ود عطية لقد كنا نختار وقت الهجعة الضهرية وكنا نشكل عصابات ومجموعات وفرق عمل يعني مجموعة إستكشافية ومجموعة حراسة ومجموعة للسطو ورغم ذلك لا ننجوا من المطاردات ولو ما بتقدر تجري صوف لا تفكر في المخاطرة أبدا
مدرسة العكد الثانوية بنات هل بها شيء من حتى! وهل اكتشفت في دواخلك بعض الجوانب التي كنت تخبئها خلف ذلك الوقار الذي أعهده فيك، وربما قد تكون قد فجرت فيك خطوط التماس! وبدأت ذلك الداء الجميل!
كادت أن تفجر خطوط إلتماس لو لا فضل الله ولقد نجونا بإعجوبة لله الحمد وخرجنا دون أن يبدأ معنا شيء من ذلك الداء الجميل 0
عطبرة الثانوية القديمة، وإيقاع ظهيرة في انتظار auto stop ناصية تلكم الصينية أمام مساكن قشلاق الشرطة!حقيقة هي ذكريات جميلة جدا وكنا ذات مرة لم نفلح في إصطياد ملح عادي ولم نجد امامنا إلا لوري تراب قديم فركبنا فيه لكنه عندما تحرك إصتدمت ( إتفلقت )بحديدة الزاوية الموجودة بالداخل اللوري فما كان مني إلا أن أنزل منه وهو ماشي وتوجهت للمستشفى وربنا ستر كانت فلقة بس 0
دكان مجذوب سعد، أنا بالنسبة هو بداية المدنية والتحضر فهو يحضن الباعة والمتجولون، وقد شاهدت فيه كابينة التلفون المغلقة call box وعرفت فيه حلاوة أحفظ مالك وملبن وفكرة الطبلية التي تذخر بأصناف الحلوى الكثيرة ماذا كان انطباعك عنه!
نفس الإنطباع ياحبيب بس زيد إنو مجذوب كان حازم شوية وحزاري من الخطأ

على الرغم من أنك كنت يافعاً في العام 1986، إلا أنني أود أن أعرف ماذا كانت تعني لك الانتخابات في تلك الحقبة!
كما قلت ياحبيب حاولنا دخول الإنتخابات لكن لم نفلح فقط كنا متفرجين 0
شركة أسمنت عطبرة!
كانت لها ذكريات حلوة لكن أصبحت أتضايق من إسمها الآن
جامعة الخرطوم!
تمنيت لو أني أعود لتلك الأيام يابدر الدين أيام الدراسة بالجامعة
لولا اماني النفس وهي حياتها لما طار لي فوق البسيطة طائر
وأخيراً هل ترى في محمد عوض محمد أحمد أنعكاس نفسك عنك خارجاً!
محمد أرى فيه عوض نفسه أسأل الله أن يحفظه ويرعاه ويوفقنا لتربيته تربية إسلامية صالحة كريمة
وأتمنى أن يرزقك الله إبنا صالحا أيها البدر
تخريمة : ما أديتنا أخبارك ياحبيب يمكن تكونو بقيتو تلاتة ونحن ماعرفين

وينك بدر الدين مارديت
و رمضان كريم

ود العكد سلامات طبعاً ما رديت لأني يوم الجمعة إجازة من كل حاجة، طبعاً كانت ردودك شيقة وبعدين يااااااااخي انا سألتك من البشرى ميرف وعارف أنك لم تزامنه في الدراسة، ولو تذكر انا سألتك من انتخابات 1986 وقلت لك أنك يافعاً يعني ما تقويلني شي أنا ما قلت معقولة يا ود العكد هل أنا قلت أنك دفعتنا حرام عليك يا أبومحمد، لكن أثرت أشجاني بردودك وأضفت إلى ذكرياتي بعض الحنين الشرافة وريحة الدواية حقيقة انبسطت شديد، وبالمناسبة أنا حظيت بمبلغ كبير في الشرافة وأذكر أنني قمت بزركشة لوحي بذلك الإطار سبعة ثمانية بعد أن مسحته بالحجر الجيري الذي يساعد على إظهار اللون الأسود، وقد كنا نتخير المنازل التي تهتم بمسألة الشرافة
نرجع لي تخريمتك طبعاً انا أولادي في السودان مازالوا يدرسون قرابة الثمانية أشهر يعني لسع عزابي ومازلنا إثنين إلا أن يشاء العلي القدير، بعدين مجرد ما يأتي ولي العهد سوف نرسل لك ادعو لنا أن يوفقنا وان تجتاز هذه المرحلة هي...شكراً يا حبيب على الإجابات الضافية

والله يا بدر الدين كلها ذكريات جميلة وفعلا عادت بي الذاكرة لتلك الايام الجميلة
ولك الشكر أنت كذلك
وربنا يوفق اولادك في دراستهم ويتلم الشمل
ونسأله عز وجل ان يرزقك الذرية الصالحة في القريب إنه سميع مجيب كما نرجوا منك أن لا تنسانا من صالح الدعاء أيها البدر
وبالنسبة للأستاذ بشرى ميرف فقط سمعنا عنه الكثير ولقد فاتنا ان نستفيد من علمه وبيني وبينك في المتوسطة جهجهونا في مادة اللغة الإنجليزية جهجهة شديدة فلقد كان هناك شح في الأساتذة مع عدم وجود الكفائة ربنا يسامح إدارة المدرسة في ذلك الوقت 0

وكدا خلص الإسبوع
ولا شفنا ساخن ولا كرسي بارد وين ود العقيدة كرسيك باااااااااااااااااااااااارد شديد
وينك يااااااااااااااااااااااااااااااااااااااا ود العقيدة الدور عليك عايزنك في الكرسي الساااخن بارد دا عشان نسخنو بالجد جد

يا عوض سلامات فعلاً ذكرياتك جميلة بارك الله فيك ولك بمثل ما دعوت لنا، بالفعل أنا سألتك من بشرى ميرف لأن المدير الذي أتى في زمنكم كان بتاع ترفيه وزي ما قلت ربنا يسامح إدارة المدرسة وشكراً يا أبو محمد

ود العكد كتب:

وكدا خلص الإسبوع
ولا شفنا ساخن ولا كرسي بارد وين ود العقيدة كرسيك باااااااااااااااااااااااارد شديد
وينك يااااااااااااااااااااااااااااااااااااااا ود العقيدة

جزاك الله خير علي الردود ياود العكد وحقيقة استفدنا من الكرسي معلومات قيمة عنك وابوزحل

وبدرالدين وكنت أتمني نجاح الكرسي لمزيد من التعارف بين الاخوة لكن أن ينحصر الكرسي في

ثلاثة أشخاص فليس هذا الهدف منه وكما قلت (كرسيك باااااااااااااااااااااارد) فاصبح مرتبطا بي

مع انه للجميع لذا أعلن أعتذاري منذ اليوم عن الاشراف علي الكرسي وأترك الفرصة للآخرين

فربما ينجحوا في إدارته أفضل مني ويشارك الاعضاء الذين فضلوا عدم المشاركة (وهذا قرار

نهااااااااااااااائي) وأنا جاهز للجلوس عليه متي ما طلب مني المشرف الجديد.

ود العقيدة كتب:

ود العكد كتب:

وكدا خلص الإسبوع
ولا شفنا ساخن ولا كرسي بارد وين ود العقيدة كرسيك باااااااااااااااااااااااارد شديد
وينك يااااااااااااااااااااااااااااااااااااااا ود العقيدة

(وهذا قرار نهااااااااااااااائي) وأنا جاهز للجلوس عليه متي ما طلب مني المشرف الجديد.

يازول عديلة مافي مشكلة

بس انت المشرف بتاع الكرسي وماعندك طريقة زوغةيمين والله شمال يعن مشرف اكان ابيت والله رضيت تكون المشرف علي الكرسي غيرك مافي زول واذا حبيت ترشح زول من عندك يكون مشرف علي الكرسي ويقبل الترشيح كمان


والدور عليك نسألك نحن

اها ابدا لينا

بطاقتك الشخصية:

ونبذة بسيطة عن حياتك الان في الصين يعني سطرين او ثلاثة فقط

منتظرينك يا ود العقيدة بطاقتك الشخصية كاملة من الولادة حتى اللحظة ياحبيب
وبعدين بتجيك الأسئلة التانية بعد التعريف

ابو زحل كتب:

بس انت المشرف بتاع الكرسي وماعندك طريقة زوغةيمين والله شمال يعن مشرف اكان ابيت والله رضيت تكون المشرف علي الكرسي غيرك مافي زول واذا حبيت ترشح زول من عندك يكون مشرف علي الكرسي ويقبل الترشيح كمان

اقترح أن تكون العملية تبادلية كل فترة تكون علي زول.

البطاقة الشخصية :
الإسم : معتصم عطا المنان النور مصطفي
القرية : عقيدة الدوم
الحلة : حلة قدام-حوش النور
تاريخ الميلاد : 16/4/1975م
مراحل الدراسة :
الإبتدائية : المقرن الإبتدائية 1982 حتى 1987
المتوسطة : العمال المتوسطة 1988 حتى 1990
الثانوية : كوستي القوز 1991 حتي 1992
الثانوية : عطبرة القديمة 1992 حتى مارس 1994
الدفاع الشعبي بمعسكر خليوة
الجامعة :أكاديمية كرري للتقانة من 1995 حتى 2001م -هندسة مدنية
سلاح المهندسين(امدرمان-ثم مركز التدريب بالعيلفون-حماة السودان جامعيين وعزة السودان الرابعة)-ثم أكاديمية كرري للتقانة حتي الان.
ماجستير هندسة مدنية أكاديمية كرري 2002 حتى ديسمبر 2003م
الان بجمهورية الصين الشعبية - رسالة الدكتوراة في هندسة الطرق-سبتمبر2007 -ديسمبر 2011 بإذن الله
الحالة الإجتماعية :
الحمد لله متزوج وأب للمنذر وهالة
بالنسبة للحياة في جمهورية الصين فقد كانت صعبة للغاية في الفترة الاولي نسبة لحاجز اللغة
فاللغة الصينية صعبة جدا والقليل منهم يجيد الانجليزية وقد عانينا بالنسبة للاكل جدا لاختلاف اكلهم
عنا ولاكلهم لحوم الخنزير وعدم معرفتنا لاسماء الاشياء الخ، ثم تعرفنا علي البلد وتعلمنا لغتهم الي حد ما وعرفنا الاسواق واماكن المسلمين والمساجد والحمد لله الحياة تسير بصورة طيبة.

خفف الاسئلة ياود العكد