كسرة بالطماطم

فى الصيف الحار ده وارتفاع درجات الحراره والله تكون جعان لكن ماقادر تآكل وبطنك مليانة من شراب الموية الحاره بسبب قطوعات الكهرباء الكتيرة ومسيخة الايام دى ..... نعمل شنو يعنى نموت من الجوع ... ابدا نحن العطبراويين عندنا آكلات خفيفة وجميلة تنفع فى السخانة دى وحدة منهن الكسرة بالطماطم ياسلام لمن تشترى كسرة من تنباشة وتقطع ليك بصل ابيض وطماطم ناعم وتعجن الكسرة بالدكوه والليمون والشطة الحمراء ال من ابو كديس ديك وترش ليها زيت سمسم من فوق وتآكل لمن تشبع والعرق ينقط منك وكدة تقوم تغسل يدك وتشرب ليك موية باردة من الزير وبعدها كباية شاى مزبوطة وتحمد الله على النعمة الانت فيها .

العجيبة لو الكسرة من (الدوكة) وللصحن طوالي (مزلقة)

والله ريقنا جري يا بتنا

حرام عليك نحن في بلد بعيد لا كسرة لا موية زير Mad

[ندعوك للتسجيل في المنتدى أو التعريف بنفسك لمعاينة هذه الصورة]

بت النيل الصيف راح والشتاء جاء
واشوفك تظهري شوية وتتخارجي
انا ريقي جاري من بداية الصيف
لك التحية ودايرنك تشدي حيلك معانا شوية لانعاش المنتدي الرائع
ولك فائق الشكر والتقدير

ومن مساوئ الانقطاع : المواضيع تضيع بين الرجلين
لم أرى هذا الموضوع إلا الآن
بنت النيل : قلم موهوب ,, ولكنه بخيل

----------

ختو صحن كبير او طشف واعملوا لينا كسرة مدنكلة كده بالطامطم يا حليل زمان العزابة اههههههههههههههههههها [ندعوك للتسجيل في المنتدى أو التعريف بنفسك لمعاينة هذه الصورة]

فى الحقيقة اصبت بالآتى وانا اقرأ الموضوع اعلاه حرام عليكم:
جوعتونا
شوقتونا
ما تضوقنا حبة إن شاء الله طرقة واحدة أو لقيمة واحدة بس

اشكركم ياخوانى على مروركم وفعلنا كما قال الاخ سيف الانقطاع بيضيع المواضيع وانشاء الله ربنا يسهل واواصل معكم مسيرتكم

حمدا لله لعودتك اختي بت النيل
يالله يارائعة الحقي الجماعة الجوعتيهم ديل بطبق كسرة وقفة طماطم وماتنسي البصل الأخضر وزيت السمسم

انا جيتكم وقطعت الطماطم والبصل الابيض ناعم وجبت الكسرة سخنة من تنباشة وعملت ليها الدكوة والشطة وزيت السمسم واسرعو ياجماعة ما تفوت عليكم الغدوه المدنكله دى وبالهناء والشفاء

بت النيل ما ترجعينا للوراء ثانى نحن ما فى عطبره

جبت ليكم الكسرة والبصل .. الطماطم الايام دي غالية

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]

ذي ماقلت ياحبيبنا اليومين ديل الطماطم غالية وانا مفلس
لكن قلت لازم اشارك اختي بت النيل في صحنها دا
علشان كدا قلت اجيب حبة طماطماية معاي واجي هاكم ليها

[ندعوك للتسجيل في المنتدى أو التعريف بنفسك لمعاينة هذه الصورة]

وابووردة دا شوفو ليه سندوتش بيرقر كدا

واللة ماقصرتو وساهمتو فى الغد بالمواد الاساسية ومتشيلو هم الطماطم الايام دى رخيص فى عطبرة وانت ياابو وردة حاعمل ليك سندوتش فول بزيت السمسم وبالهناء