ربع كيلو ضحك

رباطابية سافرت بالقطر مع ولدها ....و القطر اتعطل فى السكه...
المهم لمن قرب يصل للمحطه جاها الكمسارى ودار بينهما الحوار التالى :
تذاكر يا حاجه
ادتوا تذكره واحده...
سالها وين تذكرة ولدك ...ده
ردت: الوليد ده صغيــــر ما بقطع ليهو تذكرة..
الكمسارى: ده ولد صغير ??? ده شنـــبو قايـــم !!!!!!
الرباطابية: والله...والله شنبــــــو ...قام فى قطــــركـــم ده !!!!!!!!!!

************************************

رباطابي في الحرم وبيصلي جنبو واحد بعد ماانتهت الصلاة قال ليهو حرما ياحاج الرباطابي قالو
نان قالولك نحن في استاد المريخ

************************************

رباطابى متزوج ليهو 3 حريم لاقاهو واحد صاحبو سالو عامل كيف مع التلاته رد الرباطابى والله زى بتاع البنقز طوالى مع الاتنين الصغار ومره مره بدى الكبيره نقره

************************************

واحد رباطابى معزوم عشاء مع واحد صاحبو مشى لقى الكهرباء قاطعة قعدو يتونسو مسافة الرباطابى جاع جوعه شديدة قال لى صاحبو ياخى الزمن فات وانا جيعان ياخى طلع لينا العشاء دا صاحبو قال لية ياخى العشاء ما بطلع الا الكهرباء تجى... الرباطابى قال لى اصلو دا عشاء ولا شريط فيديو

************************************

اها قالوا واحد بلدياتنا مسطح في القطر جا العسكري خلا الناس المسطحين كلهم
وساق ليك بلدياتنا اها في القسم الضابط سألو جابوك هنا مالك يازول
قال ليهو والله يا جنابو انا منزلني عينة

************************************

جزار رباطابي واحد قال ليهو اديني راس خروف وصلحو فرد ليهو اعمل ليهو نظارة يعني

************************************

في الرباطاب جابو ليهم استاذ دنقلاوي وفي اول يوم عايز يستفز الطلبة فكتب في السبورة جاءت محمد و قال للطلبه اعربوها فرد ليهو واحد شافع جاء فعل ماضي ناقص التاء تاء الدناقله محمد فاعل

************************************

رباطابي مشي ينادي الداية لمرتو الساعة 2 صباحا دق ليها الباب جات زهجانة قالت ليه:
مالك داير شنو قاليها: دايرك تطهريني

************************************

رباطابي مركبوغرقت مشى يعمل بلاغ العسكري قال ليهو غرقت وين قال ليو في شارع الظلط

************************************

بابكر بدري عليه رحمة الله قال لمن فكر في كتاب
امثال سودانية قال احسن ابدأ من أهلي الرباطاب
فمشي هناك وطرح عليهم الفكرة قام واحد قال ليهو
انت هسع تعبان كدي وجايي من امدرمان عشان الكلام دا
بابكر بدري قال ليهو ايوا
زولو الرباطابي قال ليهو طيب اكتب ( الفايق.......يهمز امه)

************************************

رباطاب عندهم بنطون عطلان وقاعدين طول النهار بيعافروا عشان يطلعو البنطون من البحر عشان يصلحو..
جا واحد قاليهم: انتو البنطون دا مطلعنوا من البحر ليه؟
رد عليهم واحد زهجان: والله البحر ما نفع معاهو قلنا نجرب الظلط..

************************************

رباطبي عسكري مرور .. بلغوه أنو في باص إنقلب .. مشى مكان الحادث لقى الناس كلها ميتين ماعدا واحد ..
قال ليهو : أهه يا الصـــــندوق الأســـــود .. الحادث حصل كيف ..

************************************

رباطابي بتاع فرن جاهو واحد قال ليهو العيش في النار رد ليهو لا يا اخوي في الجنة

************************************

الزواج عبر الانترنت

[ندعوك للتسجيل في المنتدى أو التعريف بنفسك لمعاينة هذه الصورة]

-

جمعة مباركة عليك وعلى جميع اعضاء المنتدى
وندعو الله ان يجعل ايامنا كلها ضحك وفرح وان يبعد عنا النكد والهموم

ياسيف دي ماربع كيلو ضحك دي اردب ضحك عدددددددددددددديل مع انهم اهلي لكن اول مره اعرفم كده