مريخ الهنا

واصل فريق المريخ بالأمس مهزلة الكرة السودانية و أكد ضعفها و قلة حيلتها , و أكد اللاعب السوداني بأنه قمة الإستهتار , و إستفزاز مشاعر الجمهور الذي عاش على أعصابه طوال المباراة و يتعامل اللاعبون بكل برود , برغم أرقام تسجيلاتهم الفلكية , مدرب عديم الفائدة يظهر ضعفه في التشكيلة و عدم التعامل مع المباراة بصورة صحيحة .
برغم ضعف الدورة الشديد و ضعف الفرق المشاركة فيها إلا أنها تظهر ضعفنا في المباريات النهائية , و الله يستر في دوري المجموعات , و نتمنى أن يكون الهلال أحسن حالاً حتى نجد فريق يمثل السودان بصورة جيدة و لو لمره واحدة .

-- لو جمال الوالي دفع قروشو في أعمال خيرية كان احسن ليه ..
-- يا شماتة أبو وردة فينا ..

الأخ / محمد هاشم :
والله أمبارح ورموا فشفاشنا وأنا جالس وناس العمارة كلهم سمعوني .. وعيالي قالوا أبونا جنّ ولا شنو .. من شاهد المباراة يحس بعدم جدية اللاعبين وكأنهم بيلعبوا تمرين .. فلم نحس بالروح القتالية ولا الضغط على الخصم .. علاوة على إهدار الفرص من إيداهو ووارغو وعبد الحميد السعودي .. على ما أظن أن المريخ دخل المباراة وهو ضامن النتيجة بسبب الكم الهائل من الأهداف التي احرزها في الأدوار الأولى .. وطبعاً دي دورة ضعيفة غير معترف بها فكيف إذا إزلهمت الخطوب وجد الجد .. الله يستر ..
دعونا نبكي على الزمن الجميل للمريخ أيام بشارة عبد النضيف وكمال عبد الوهاب الذي كان يفعل مثل ما يفعله رونالدينو حالياً .. والرمح الملتهب وصاحب القذائف الفاضل سانتو وجاد الله الذي سبق وأن أحرز 6 أهداف في سبت دودو في مباراتين .. وبالمناسبة أنا قابلت سبت دودو هنا في جدة وداعبته وقلت له يا كابتن تذكر جاد الله لمن جاب فيك 3 أهداف في مباراة واحدة .. فضحك وقال لي بالحرف الواحد (جاد الله ده الوحيد اللي كننت بخاف منه) وسليمان عبد القادر وفيص الكوري وعمار خالد البشير والجيلي وسانتو الخرطوم وسامي عز الدين الله يرحمه وعبده الشيخ وعبده ساتي وبقية الكوكبة التي صالت وجالت وجعلت المريخ في الأعالي ..
-------------------------------

و الله يا الهادي الواحد كان قاعد ينطط و ينفعل بصورة هستيرية و لما المباراة إنتهت هديت شوية فجأة بنتي صغيرة قالت لي " تاني يا بابا .... "

فريق المريخ الذي لعب امام أتراكو لم يكن بالفريق الذي لعب في هذه الدورة والتي فعلا ضعيفة من ناحية المستوى لأنه ظهر بصورة مغايرة تماما وهو يتفرج على لاعبي الخصم وهم يصولون ويجولون في الملعب والمدرب وكأنه لاتهمه هذه المباراة ، لكن نقول سبحان الله ياحليل ناس سانتو وكمال عبد الوهاب الذين لم يجدوا ربع مالقوه العبيد ديل من تدليل وفلوس والشيء المحير هؤلاء الأجانب لم يقدموا ما يشفع لهم بالإستمرار في المريخ ، واكان تشوف جمال الوالي عند سلام لاعبي المريخ وهو نافخ جضومه من الغيظ وهو يبتسم غصبا عنه والضربة القاضية عند تسليم الكأس للاعبي اتراكو مافضلوا إلا أن ينسحب من الميدان ولسان حاله يقول واحسرتاه عليك يا مريخ. عسى الهلال يبيض وجوهنا في دوري المجموعات .

صلاة الوتر أكيد ركعة واحدة ختام النهار المحفوف بتعب البذل والإصرار

أجرها عند الله كبير والحفاظ عليها أغلى وأجمل زاد عند الصغاروالكبار

والوتر فى كل شئ غالى وثمين وجميل ولمن يحصدو فاز بالنصر والمشوار

وفى عز رمضان صلاة التراويح جمالها يختتم بالتهجد والوتر آخر الأسحا
ر
ودائما قبل الصلاة الغسل ودورة الحمام ثم الوضوء لتقف أمام العزيز الغفار

ودورة سيكافا بدأت ضعيفة بدورة الحمام لتنتهى بالوترالواحد وهذا المسمار

عجيب أمر نا ما أجمل الوتر فى دورة سيكافا أهدى الكاس لمن بذل الحهدالحار

الغالي أبو وردة لك التحية ,,,
و الله فريق أتراكو جاتو خمسين ألف دولار من الله , كان نعمل فريق من المنتدى بتاعنا دا و نخش بيه الدورة دي , كان فزنا بالخمسين ألف .

أبو وردة :
قال ليك واحد حكم كورة محشش راح العمرة .
في الحرم شاف مسكين , اعطاه ريال , فجأة تجمع حوله المساكين.
قال ليهم : يا جماعة انا أديتو ريال , ما أديتو كرت أحمر.
...
والعاقبة عندكم في المسرات يا رشاشات

ما شفت المبارة و لكل جواد كبوة
لكن أبو وردة دة جاب الكج للمريخ، من قبل المبارة الزول دي بيكتب في كلام عن المريخ ما قدرت أستنتج منوا الأ أنه يريد الشماتة و التقليل من مكانة المريخ ، نشوف هلالوا ده حيعمل شنوا.؟

أبو وردة :
لو كنت ناسي أفكرك .. أحلى هدية .. فهد الغشيان يسحب ويتراقص بلاعبي الهلال بالجملة

[ندعوك للتسجيل في المنتدى أو التعريف بنفسك لمعاينة هذا الرابط]

الأخ الهادى الدورة العربيه صعبه جدا لا هلال لا مريخ فيها العجائب

اقتباس :

احسنت جماهير المريخ استقبال نجوم فريقها في المران المسائي امس بالقلعة الحمراء وقد استقبلت الجماهير اللاعبين بالهتاف وهي تهتف : ولا يهمك واثقين منك ...

مش قلت ليكم ؟
كلامي مشى وجاء

هتفوا : ولا يهمك واثقين منك !!!!

واثقين من شنو ؟
من الخيبة ؟
ولا من تكرارها تاني وتالت ورابع و ...

شعب عجيب , غريب

[img][/img]لورجعنا يا الهادى للمقطع الذى أنزلته لا تتركنى أرجع معاك للدورة العربيه والوحدات والأهداف السبعه أنا لا أزال أقول الدورة العربيه ما ذى دورة الحمام والتاكسى وأهديك هذه الصورة
[ندعوك للتسجيل في المنتدى أو التعريف بنفسك لمعاينة هذا الرابط]

تذكر هذه السبعه جيدا ولاتنسى الطواف كم شوط؟ رمى الجمرات كم ؟ السعى كم ؟ والوحدات كم ؟
[ندعوك للتسجيل في المنتدى أو التعريف بنفسك لمعاينة هذا الرابط]

سيف الدين محمد عثمان كتب:

اقتباس :

احسنت جماهير المريخ استقبال نجوم فريقها في المران المسائي امس بالقلعة الحمراء وقد استقبلت الجماهير اللاعبين بالهتاف وهي تهتف : ولا يهمك واثقين منك ...

مش قلت ليكم ؟
كلامي مشى وجاء

هتفوا : ولا يهمك واثقين منك !!!!

واثقين من شنو ؟
من الخيبة ؟
ولا من تكرارها تاني وتالت ورابع و ...

شعب عجيب , غريب

طبعاً أكيد حا تتكرر لأنو الموضوع عدا كدا من غير و قفه لتصحيح الأخطاء و معاقبة المستهترين و معالجة الأخطاء , يعني أي مصيبة تحصل برضوا حا يكونوا واثقين منك !!!