نكات منوعه

رباطابي قالوا له الدابي لمن يعضي زول بخلي سنونو في مكان العضة..قال ليهم: طيب وكان بعد دقيقتين لاقا ليهو زول تاني وعايز يعضيهو؟ قالوا له: بتكون قامت ليهو سنون تاني.. قال ليهم: هو دابي ولا دباسة ؟

**************************

اتنين بصلو جا واحد داير يصلي معاهم بقي يجر في الامام لي وراء والامام واقف قام جا رباطابي قال ليهو ياخي دي الضلفه الفيها الترباس جر التانيه

**************************

رباطابي مرتو قالت ليهو اشتري لي قميص نوم قال ليها ليه : اللابسا دا مساهر بيك ؟

**************************

رباطابي ولدو ليهو ولد يشبهو تماماً ، قال لي مرتو دي بطن ولا مكنة تصوير

**************************

قالوا واحدة من حريم الرباطاب كانت بتبيع زلابية وطعمية للركاب في محطة ابوحمد بعدين الايام ديك شغلوا القطر الاكسبرس وكان ما بيقيف في اي محطة المهم الحاجة دي القطر جا ماشي فيها بووووو وماباعت اي حاجة وقامت رجعت البيت قام الراجل قال: ان شاء الله بعتي كويس الليلة قامت ردت قالت ليهو: بعت شنو الشئ ما جا ماشي فيني زي ترجمة الفلم الاجنبي

**************************

مسطول قال لمرته:الدنيا دي بقت زي حديقة الحيوانات لأنو الواحد بقوم من النوم
زي الحصان و بمشي الشغل زي الكلب وبشتغل زي الحمار وبجي راجع زي ابو القدح و آخرتا
ساكن مع بقره

**************************

تاجر بنقو إتقدم لواحده أهلها سألوه شغال شنو ؟؟
قال : إخصائي تكييف

**************************

مسطول شايل لوح تلج بقلب فيهو
شافو واحد قاليهو مالك يازول؟؟؟؟
قاليهو بس بنقط وداير اشوف مقدود من وين

**************************

مسطول ماشي في الشارع سالوا واحد قال ليهو ياخ حدائق 6 ابريل وين ؟
قام حكه راسو وبدأ يفكر قال ليهو ياخ ماقالوا ليك سنة كم ؟

**************************

مسطول مسكوه في كشه قالوا ليهو اركب قال ليهم شكرا البيت قريب ..

**************************

دكتور قال لمسطول ولدك ده متسمم بحليب مدته منتهيه
قال ليه صاح رضعتوا حبوبتو

**************************

مجنون عندو خروف كحلو وربط ليهو الحريرة
جا الضباح الصباح سااااطل طهر الخروف ومشى

**************************

شايقي عنده فرن جاهو مسكين قال ليهو: لي يومين ما ضقت طعم الرغيف الشايقي قال ليهو: ياهو طعمو زاتو ما اتغير

**************************

واحد جنوبى عاجباهو كلمه وجهة نظر ما عارف يستخدمه متين لافى اليوم كله ما لقاليها مناسبه قال يمشى السينما فى نص الفيلم فى واحد وقف قدامو صاحبنا بي زعل قاليه زح كدة شويه ادينا معاك وجهة نظر

**************************

حلفاوي ضرب لي الخطوط بيحجز
قاله الموظف : ذهاب واياب
قال : لا خروج المغلوب !!!

**************************

جعلي أول مرة ياكل لبانة....حلف بالطلاق
ما ينوم إلاّ يكمّلا

**************************

مر جعلى وشايقى بشارع المك نمر فسأل الجعلى الشايقى متفاخراً :
تعرف الشارع ده إسمو شنو ؟؟
الشايقى بجى بى يومى علا نكرو
الجعلى منتفخاً : شارع المك نمر
الشايقى : الجرابو !!

**************************

مسطول سألو : لو خروف عرس نمله بجيبو شنو ؟
قال: يا نمله مخرفه يا خروف منمل