الليلة سجم العايش فى اوربا

اخوانى الاحباب
يا جماعة هوىىىىىىىىى العيد ما كبس ونحن قاعدين فى بلد اخر مرة سمعت كلمة باع قبل تلاتة سنين
والليلة ووووب جاك بلاء يا الهوت دوق وناس الهادى و سيف محمد هاشم و ود جمعة ينعموا فى السواكنى ابوا لحمة زى البسكويت وانا يا كافى البلاء هوت دوق وعلبة ببسى حتى الشربوت حليلو
ودة كلوا كوم والشغل يوم العيد كوم ما تتخيلوا دى جرسة

دى جرسة ما بعدها جرسة انشاءاللة يوم العيد يقولوا ممنوع الزبح فى السعودية بسبب وجود مرض غريب اصاب الخرفان او تلقوا الخرفان كلها عملت انتحار جماعى
بلاهى يا جماعة حا تاكلوا اللحمة ديك كلها اخ انا اعفوا لى ريقى جارى من اسى لكن حرم انا اول يوم فى العيد حا اغير من الهوت دوق واكل بيض بالفول واشرب كورية لبن ساقط واديها نومة وما حا امشى الشغل واليحصل يحصل لكن
انتوا بعد ما تاكلوا اللحمة السمحة ديك وتشربوا الشربوت حا يجيكم اسهال ووجع بطن وانا هنا قاعد اتمخطر عمركم شفتوا واحد جاة اسهال من الفول والبيض واعملوا حسابكم من مرض النقروس قالوا بيجى للبياكل لحم
اعفوا لى يا جماعة وعيد مبارك عليكم وعلى انا المبسوط من اكل الفول والبيض واتوا كمان تلقوا اللحمة سمحة اللهم لا حسادة بس يكون فى الكبدة شوية حجار وفى الزند شوية تراب و الكرعين مكسرات ومعوجات زى كرعين حبوبتى وباقى الخروف يكون لامى فية السوس اميييين

الحبيب الغالي امير لك التحية
كل عام وانت بخير والسنة الجاية كدا تأكل الخروف في عطبرة
ياخوي ماتحسدنا ساكت انا واحد من الناس شغال في العيد
والعيد عندنا موسم عمل والزحمة فيه شديدة لانني اعمل في مجال الشقق الفندقية المفروشة
والخروف بنشوف طرفو بس والشربوت انا في البلد دي ماشربتو الا قبل 3سنوات
عندي بت عمي ماشاءالله عليها طلبت منها تسوي لي شربوت عملت شربوت مبالغة
وهي الان ما موجودة نقلت للرياض شفت الخيبة الفيها انا
اما الهادي وابوزحل ومحمد هاشم ديل انا زاتي بحسدهم معاك
لانهم متواجدين في جدة وهي السودان رقم اتنين الشربوت لو ماعملو في البيت
بيلقو في السوق وخرفان الحجاج كلها عندهم يعني حتي اللحمة بيلقوها ملح
وتاني شئ بيشوفو اكبر عدد من اهلنا الطيبين والقادمين للحج
يعني ياخوي حالتي ذي حالتك متجرس ذيك
وناس الرياض اخف مننا شوية يعني مابيحصلو جدة وطبعا جدة غير
وكل عام والجميع بخير تامين ولامين انشاءالله
باللفة كدا
عيد ميلاد علي وشك وسوف اهديك خروف بدل التورتة

يا امير

تشوف مصيبة غيرك تهون عليك مصيبتك

انا من سنة 87 حضرت عيد الضحية مرتين في السودان

سيب الجرسة دي وانكرب زينا كده

ويوم العيد بالليل طفي النور

وادخل جوه البطانية

وابكي شوية , تصحا الصباح تنسى كل شئ

ومن هسه أهديك هذه الأغنية :

أسباب أساي وسر بكاي العيد يمر

للناس فرح وانا لي ترح من حالي كر

مالكم ياجماعة كل ما ننسى تجوا تقلبوا علييييينا المواجع ليه نحن ناس مساكين اول مرة نعيد برة السودان وبرة عطبرة وبرة خليوة وبرة حوش بيتنا بالخصوص ادعوا لييينا الله يعينا واتذكرونا يوم العيد بعد تجوا تأكلوا اللحم وضحوا بالنيابة ووزعوا لينا حقنا فى الصدقة - الشربوت ما عندنا معاه قضية ولا المرارة لكن اللمة هى ما سنقدها أكثر

طريقة عمل الشربوت

الليلة سجم العايش فى اوربا 9574-1-23903161

المواد الخام
كيلو بلح ،جنزبيل، غرنجال، قرفة، هبهان
الطريقة
يغسل البلح جيدا ويوضع فى وعاء عميق
يغلى ماء يكفى لغمره ويضاف للبلح
تضاف البهارات
البلح لا يغلى فى النار حتى يكون الشربوت صافى

الليلة سجم العايش فى اوربا 9575-2-792368886

الليلة سجم العايش فى اوربا 9575-2-792368886

الافضل ان توضع البهارات في قطعة قماش مربوطه بإحكام
رواية 1
يغطي ويترك لمدة 24 ساعة فأكثر حتى يتخذ مذاقه المميز
رواية 2
يغطي ويترك لمدة 12 ساعة فأقل (كي لا يصبح مسكر)

الليلة سجم العايش فى اوربا 9576-3-215087810

الليلة سجم العايش فى اوربا 9576-3-215087810

يصفى الشربوت بعد ذلك ويوضع فى الثلاحة ليبرد
يشرب قبل ان يتغير طعمه ورائحته
بعض الناس تضيف قليل جدا من خميرة البيرة
او قليل من الحلومر
حتى يصبح مذاقه حادق
-----------------
أما الشية والكمونية فيوجد لها أخصائي
اسمه الهادي الشغيل
-----------------

يا ود جمعة دحين شفت عمائل سيف دى كيف حتى الشربوت جابوا لى بالصور يعن مغسة شديدة وانتة قلتة قاعد فى الشرقية وما حا تشوف اللحم .... بلاهى يا ودجمعة خلى الكلام البتقول فية دة انت اظنك من اسع بتولع فى الكانون اما بتنا بت خليوة الليلة وا مغستك تلقى الجماعة من اليوم شادين الشربوت وتشمى ريحتوا من حلة الدناقلة لحد كنور
ابو السيوف قال زمن من العيد فى السودان طبعا يا ابوالسيوف لم الكنجالات وريحة الريال احلى من الخرفان والشية ما دة زاتوا سبب قعادنا هنا لكن الجرسة بتاعة الغربة دى ما اظن مال قارون يفكنى منها فى النهاية الواحد لو بس لقالوا كراع خروف بس كراع وباقة شربوت تانى ما داير حاجة

عايزين نفتح لينا كافتريا هنا للاكل السودانى طالما بتعرف الشربوت باوصافه أكيد حاتعرف حاجات اهم منو وتعالوا علينا جاى لكن جيبو خرفانكم معاكم واحد قال لينا هنا الدجاجة قدر الحمل والخروف قدر الحمار والحمار مافى اصلا

اول حاجة يا امير وزكية , قولوا لينا :
انتو من انصار الرواية 1 ولا الرواية 2 ؟؟؟؟

الغالين امير وزكية لكم التحية
طبعا حبيبنا سيوف ماقصر وجاب ليكم الشربوت مع مراحل عملو
وانا ياحلوين جبت ليكم الخروف وانتو اتفننو بيهو
وبنديكم عمنا الهادي يساعدكم بالاخص في الكمونية

هاكم الخروف واتصرفو فيه

يا ابو السيوف شفتة صحبك ود جمعة جايب لينا خروف ستة شنكل كمان لم تكبر الصورة تشم ريحة الشية عديل
لكن يا ابوالسيوف انا من انصار الرواية الاولى
وبتنا بت خليوة قالت دايرة تفتح ليها مطعم """" هو نحنا لمينا فى الخروف دى اظنه طريقة اشترى الحبل وبعدين افتش للبقرة لكن انا من جانبى حا اوفر الكانون والبصل والليمون والسكين وزيادة على كدة حا اسن سنونى واكون جاهز للعض

دا مــــــــــاخروف سودانى ما دايرين هههههههههههههههههههههههه

الأخوة الأعزاء أمير و زكية لكم التحية و أنتم بعيدين عن رائحة الشية و دخان المناقد و سن السكين و الساطور و تطاقش الصحون ....

الليلة سجم العايش فى اوربا 9609-1-155381913

و نقدم لكم تشكيلة من أضاحي العيد 2009

1/ كبيش

الليلة سجم العايش فى اوربا 9610-2-465755360

وسيع صدر
صاحب نكتة
و دمة خفيف
أخر اهتماماته الهرب
العمر 12 شهر

2/ كباش

الليلة سجم العايش فى اوربا 9611-3-669914341

قوي الشخصية
متهور و جريئ
شايف نفسه أحيانا
العمر 10 شهور

3/ كبوشي

الليلة سجم العايش فى اوربا 9612-4-364366166

صاحب سوابق
بتاع هيصة و هجيج
مضيع قروشو في النعاج
العمر 9 شهور

4/ نعوجة

الليلة سجم العايش فى اوربا 9613-5-456269232

ستايل و مع الموضة
رقيقة المشاعر و حساسة
جوالها بلاك بيري
العمر 7 اشهر

وكل عام و أنتم بخير

الليلة سجم العايش فى اوربا 9614-1-117816167

اهلا وسهلا ليك التحية
ما تزيد فى غيظنا هدن شوية
فاقدين وطنا وعيد الضحية
صحن المرارة والكمونية
بجانبو شطة بهناك شية
تأكل براك وجبات هنية
بعديها شربوت ما مية مية
ولللما أكل معليش برية
أكلولنا انتو زيدو الشهية
بس ما تغيظو نااااااااااااااااااااااا

محمد هاشم
يا زول انت بتجيب الشيتات ديل من وين حرم لو لميت فى اى واحد فيهم حرم حتى الجلد اشويه يا زول ديل اسمهم الخرفان المقرشة اخ لو لميت فى الكمونية وام فتفت بتاعتهم لكن انا عاجبنى الولد الخرفانى المتصعلق اخ منو لو لميت فية دة خطير يا زول دة انا لو فى محلو كان ياالاحفاد جاك زول اقصد خريف هاااااااهاااااا

براكم جبتو لنفسكم ياحبايبي امير وزكية
هاكم الوجعة دي
خلو ريقكم يجري والدموع تسيل

أنا ومحمد هاشم ناوين نعيد مع بعض اليوم الأول عندي واليوم الثاني عندو ..

اليوم الأول :

الفطور :

قمت بتجهيز حجارة السلات البيسووه الهدندوة عندنا في الشرق (الشواء على الحجر) ، وأبشركم جهزت الحجر وغسلته وجاهز ..

سيكون يوم العيد شية فاخرة ومعها مرارة ولحمة صاج وكمونية كاربه وكباب

الغداء :

سيكون لحمة صاج وويكة بيضاء تتعمل على شوبة اللحمة الكتيرة .

اليوم الثاني :

شرحــــــو

أمير وزكية :

خليكم مع الدوقز والهمبرجر الكلو شحم ودهن وما معروف لحمو جايبنو من وين وأوعى جيرانكم يهدو ليكم لحم ما معروف حلال ولا حرام ، لكن زكية يمكن موقفها مطمئن أكثر من أمير

هههههههههههههههههههههههههه

تخريمة : طبعاً أمير اليومين ديل بيقوم الليل ويتهجد ويدعو بالدعاء الموجود في الكاريكاتير أدناه .. لكن أقول ليهو الحمد لله لا في حمى وادى متصدع ولا غيرو

الليلة سجم العايش فى اوربا 9638-1-535496035

متذكرين لعبة الأطفال دي ؟

ده الخروف

جابوه

ضبحوه

سلخوه

حمروه

أكلوه

كِل كِل كِل بيت العروس وين ؟

قدام

كِل كِل كِل بيت العروس وين ؟

قدام

كِل كِل كِل بيت العروس وين ؟

قدام

يا أمير انت عاجبك الغيظ دا ولا شنو رسل للجماعة ديل صروخ خلى يقضى على كل خورفاية خايمة عندهم

يا ود جمعة حرم البتسوى فوقة دة غلط يا زول راعى لمشاعرنا يا زول انا بقيت زى الشافع ريالتى سايلة وخشمى بقى زى عاصرين لى ليمونة فوقة ينقط موية
اخ انا من المرارة ديك لكن شينة وما حلوة وما لذيذة .... حركة على شكل الكديس لم ما يحصل اللبن بيقول اخيي عفن ...الهادى ود الشغيل انشاء اللة تقوم عجاجة اليوم داك والسلات تخش فية تراب وحصى وتنزل مطرة ملخبتة مع صمغ عربى تلصق الحصحاص مع اللحمة ولم تغسلة بالموية تطلع فى الموية جمكسين علشان لم ترموا اللحمة حتى كلاب السعودية ما تاكله
اما ابو السيوف حرم الكلكلة بتاعتكم دى الواحد مقطعة فى مصارينوا وقلنا نلقى على الاقل تضامن منك يوم ود جمعة رسل صور الخروف داك تطلع انت زاتك متمرد وجنجويد لكن عليك اللة شفت ود جمعة صور الخروف الستة شنكل داك يا زول دة شوف عينى جمل عديل كدة مو خروف ود خروف
وبتنا زكية انا لو كان فى يدى كان رسلتة ليهم فتوى تحرم اكل اللحم كلة لكن يا بت بلدى اصبرى خلينى اخد الجنسية وبعدين اوريهم ( امريكى ما يحتاز)

فرك الاسنان بقطعة لحم مشوية على فكرة الطريقة من اسرار عارضات الازياء بس طبعا لحم مشوى على طول المهم برضة نتيجتها خيالية ومش هتصدقوها شوفوا بلاهى الناس ديل بيبيضوا اسنانهم بشنوا
الكلام دة منقول من منتدى بتاع بنات ما عارف اسمة شنوا لكن قبل ما تقولوا لى الدخلك هناك شنوا كنت ببحث فى قوقل لحدى ما لقيت نفسى هناك
يعنى بالكلام دة ودجمعة ومحمد هاشم وابوالسيوف وعمنا الهادى اسنانهم زى الثلج من شدة البياض اقصد من شدة اكل اللحم؟
وانا وزكية اختى اسنانا زى الكمروعة (قشور النخل )

الليلة سجم العايش فى اوربا 9729-1-90437730

خروفنا حلااااااااتو كمان شكلو حنكوش اهم شى تسريحة شعروا استايل ماشالله عليه.. بس الله يستر ماتجيه حمى خرفان بعد دعاء أخونا أمير ..هو غايتو شكلو خروف عصابات وجواسيس لكن برضو بيضحي والحمد لله وأخير الهامبورجررررررررررررر

الليلة سجم العايش فى اوربا 9721-1-760417847

[

دا خروف محمد هاشم شكلوا داير يزوغ من الضبيحة

الليلة سجم العايش فى اوربا 9722-2-531014444

والله يا حاج بصراحة كده خروفك كارب موتر عديل كده والله الضحية عندك

الليلة سجم العايش فى اوربا 9723-3-11859221

ده خروف ضكر عامل فيها إنتايه (أنثى) عشان برضو يزوغ من السكين لكن برضو حا أضحي بيك يعني حا أضحي بيك

الليلة سجم العايش فى اوربا 9725-5-721266455

الخرفان ديل الظاهر عندهم ستلايت في الزريبة وبيتابعوا الأخبار عن الجماعات المتطرفة عشان كده قاموا بالعمل الإرهابي ده

الليلة سجم العايش فى اوربا 9726-1-934351290

وده كمان متأثر برضوا بوسائل الإعلام وناوي يطبق على الخروف المسكين ده

الليلة سجم العايش فى اوربا 9727-2-770363523

عليكم الله شوفوا الخروف المحتال ده مرقها في الإسكيمو .. يا خروفو بيه دي ما كان سكين

الليلة سجم العايش فى اوربا 9728-3-789990266

والله مش لو إطلعت على الكتب بس لو هنقت زي الحمار أو عويت زي الذئب برضك ستظل خروف وحتنضبح رضيت والله ما رضيت