حَـنـكـُوش يـتـحَـجـَّبْ

حنكوش أبوهو عايز يخليهو يترجَّـل ...(يعني يبقى راجل)
جاب ليهو أشرطة دينية ... وبعد أسبوع لقاهو اتحجب

ــــــــــ***ـــــــــــ

مصرية قالت لي زوجها :
يا ريتني جريدة عشان أكون في إيدك كل يوم
الزوج : ياريتك نتيجة عشان أغيرها كل سنة

ــــــــــ***ـــــــــــ

مسطول عندو دقن كبيرة أول مرة يدخل يصلي في المسجد
بعد أنتهت الصلاة جاهو واحد من المصليين
يا مولانا أنا الصلاة فاتتني بي ركعة أعمل شنو
المسطول قاليهو ... في زول شافك
قاليهو لا ما في زول شافني
المسطول قاليهو ... أعمل نام

[b]

حنكوش يتحدي صديقه : تقدر تكسر البسكويتة دي ؟
الحنكوش الثاني قال : أيوه عادي
حاول يكسرها ماقدر قال : يا غشاش، ليه ماقلت لي فيها سمسم

**************

صحفي يسأل حنكوش
شنو احلى شيء في العيد ؟ ..
قال : يمه يجنن .. كل دقيقه يبوسك واحد

**************
تسعين حنكوش مجتمعين
قآل وآحد منهم : غيه رايكم نروح البحر ؟؟
قآلوآ : سجمنا .. برانا ؟

**************

حنكوش واقف في الصف مع الجماعة
الأمام قال : استووا اعتدلووا
رد الحنكوش : اتوكل حياتي , نحن جاهزين

**************

فى مدرسة حناكيش الاستاذ سأل ليه طالب عن مقولة سيدنا عمر بن الخطاب ( من اراد ان تثكله امه .... الخ )
الطالب: اللى عايز مامته تبكى عليه و اولاده يقولو عايزين بابا يجى و يقابلنى ورا الجبل ده
الاستاذ : و الله يا ولدى سيدنا عمر كان قالها كدى قريش كلها كان طلعت وراه

******************

وهاكم دي علشان الضحية قربت

يحكي ان حنكوشا يقيم مع امو لوحدهما رسلتو امو لكي يحضر جزارا
يضبح ليهم الخروفنقنق الحنكوش وطنطن ولكنه خرج ووجد جزارا كث
الشارب مفتول العضلات محمّر العينين يحمل مخلاية بها
فرار وعكاز وبالضراع سكين استوقفه الحنكوش وقال له:-
عمو..عمو انت مش البتجرح الخروفاية..وتقشرها؟؟؟؟؟
رد عليه الجزار بالايجاب ذهب الجزار مع الحنكوش الي منزل الاخير حيث يقبع
الخروف شنقل الجزار الخروف وعض شلوفته التحتانية واخرج سكينه فصرخ
فيه الحنكوش مستجديا دقيقة يا عمو خليني اروح ادسا عشان انا ما
بحب اشوف الدم وهرول الحنكوش الي الاوضة الدخلانية لكي يدسا و ما يشوف
الدم بعد هنيهات ضبح الجزار الخروف وجا الحنكوش وجلس القرفصاء
متمحنا واضع اليد اليمنى على الجضم الايمن ثم قال وهو يذوب عطفاً
وحناناً :-" عمو…عمو يمكن الخروفاية دي حسي حامل وفي بطنها بيبي ؟؟؟؟"
رد عليه الجزار" دا ضكر يا ولدي… ضكر واخذ يملص في
جلد الخروف…وران الصمت… ثم قطع الحنكوش الصمت قائلا:-" عمو ..عمو…يا ريت
لو القميص بتاع الخروفاية دا فيهو ستستة الله كان يكون حاجة
فانتاستيك حاجة ما تخلص وخصوصا الاستايل بتاعو حلو يجنن" قال
له الجزار وهو يدفس يده فيما بين الجلد واللحم:-
"يا ولدي دا جلد مو قميص جلد جلد ما سمعت بالمثل.." التسوي ..
كريت في القرض تلقاهو في جلدها"؟ بتعرف كريت؟؟؟؟"
رد عليه الحنكوش " لا لكن يتخيل لي كريت دي في كلية الاقتصاد مع ناس
سوسو وسمعت انها كانت مجكسه قرض دا لكن شوكشتو يخسي عليها والله
الدنيا دي فيها ناس قاسين خلاص لكن يا عمو اسم كريت حلو والله انا
عاجبني" ثم جلس الحنكوش القرفصاء اكتر من قرفصاته الاولى…متوجها الي
القبلة والدموع تنهمر من عينيه مبتهلا الي الله وهو يشحد الله ويقول:-
ان شاء الله يا رب ماما تحمل وتلد وتجيب بنوته ونسميها
كريت وتدخل كلية الطب وتبقى دكتورة امراض جلدية و تفتح عيادة و تكتب
لافتة كبيرة تكتب عليها الدكتورة كريت اخصائية الامراض الجلدية تأثر
الجزار وجدع السكين وهو يقول الضبح والسلخ طايرات
وجلس بالقرب من الحنكوش واخذ يدعو معه الله.. ان يحقق للحنكوش امنيته

ربنا يحقق حلمة ..آمين يارب .

مساهمة منا في تحقيق امنيته , عملنا ليهو اليافطة

[ندعوك للتسجيل في المنتدى أو التعريف بنفسك لمعاينة هذه الصورة]