رباطابيات ساااااااااااااااااااااائ

الرباطابى قالو ليهو اتبرع لبناء سور للمقابر ..قال ليهم: في مره شفتو ليكم ميت شرد؟؟
***
الرباطابى والجعلى مسافرين سوا الموية العندهم كملت قوم يالجعلى انزل فى الواطة حفر، الرباطابى مشى جاب ليهو سعف وقعد يضفر فيهو اها الجعلى كمل الحفر والموية مرقت صاحبنا الرباطابى نزل جردلو فى البير، الجعلى طب مسك ايدو، الرباطابى قال ليهو : هسى ايدى مسكتها وجردلي حميتنى انزلو ، دحين بيرك دى الا كان تتكيها!!!
***
واحد رباطابى معزوم عشاء مع واحد صاحبو مشى لقى الكهرباء قاطعة قعدو يتونسو مسافة الرباطابى جاع جوعه شديدة قال لى صاحبو ياخى الزمن فات وانا جيعان ياخى طلع لينا العشاء دا، صاحبو قال ليه ياخى العشاء ما بطلع الا الكهرباء تجى.... الرباطابى قال ليه اصلو دا عشاء ولا شريط فيديو!!
***
شافعة رباطابية قاعدة تاكل مع أبوها في الصينية ، قالت ليهو: يابا أدني عيشة، أبوها حب يشاغلها، قال ليها بتدوري بيها شنو؟؟ قالت ليهو بدور أرضعها!!!
***
في الرباطاب جابو ليهم استاذ دنقلاوي وفي اول يوم عايز يستفز الطلبة فكتب في السبورة جاءت محمد و قال للطلبه اعربوها فرد ليهو واحد شافع: جاء فعل ماضي ناقص، التاء تاء الدناقله، محمد فاعل..
***
رباطابي عسكري مرور .. بلغوه أنو في باص إنقلب .. مشى مكان الحادث لقى الناس كلها ميتين ماعدا واحد .. قال ليهو : أها يالصـــــندوق الأســـــود .. الحادث حصل كيف ؟؟
***
رباطابي بتاع فرن جاءهو واحد قال ليهو العيش في النار رد ليهو : لا يااخوي في الجنة ..
***
رباطابي جاهو شايقي من السفر قال ليه ارح وريني قبر امي
الرباطابي مشى معاهو المقابر وقال للشايقي اها ده قبر امك
الشايقي قال ليه حددو لي بالضبط ياخي ده ولا ده؟؟
الرباطابي قال ليه يا زول شيل فاتحتك ساي ..اصلك انت داير تديها مصاريف؟؟
***
حمار اتعود يحك راسو بشباك فصل في مدرسة .. الاستاذ قال لي الطلبة: الحمار ده كل يوم بعمل كده عندو ود عم هنا ولا شنو؟
رد عليهو تلميذ رباطابي: والله ما بجي إلا في حصتك يا أستاذ..!!
***
رباطابي ببيع لبن المهم عندو زبون محامي مرتو غالطت الرباطابي في حق يومين بحجة انو كان في مطرة والرباطابي مصر انو اداهم اللبن في اليوم البعدو جا زوجها المحامي وقال ليهو انحنا ماممكن تغالطنا ابدا
الرباطابي قال ليه اغالطك كيف وانت الغلاط فاتح ليه مكتب
***
رباطابي في عزومة عرس لاحظ انو في زول نائم نومة عميقة جدا ... بس في اللحظة الختو صينية الاكل عمك تترب صحي وابتداء يلقلق ... الرباطابي قال ليهم : انتو زولكم دا كانتو خاتنو في الشاحن ...
***
رباطابي مشى لواحد بعمل في لقيمات في المحطة داك كلما يخت الصاج في الكانون الصاج يميل لي جمبه الرباطابي قال ليه بتظبتوا في الدش عايز تجيب ياتوا قناة فضائية؟
صاحبنا لمن رمى العجينة في الصاج والزيت كان سخن العجينة بعد ما نزلت في آخر الصاج عملت صوت (تششش) الرباطابي قال ليه اكيد دي قناة الجزيرة
زولنا طوالي طفى الصاج ومشى بيتهم.

[ندعوك للتسجيل في المنتدى أو التعريف بنفسك لمعاينة هذه الصورة]

مشكور يااخ علي محمودعلي الاحترام والتعليق

سلام

إبني العزيز

حقيقة ضحكت

عمكم
أبو موفّق