ذلك العملاق سفير الاغنية السودانية

صدفة وأجمل صدفة انا يوم لاقيتا
أسعد يوم يومي الحييتا
نور عينية ياما حبيتا

النظرات بريئة وممزوجة بخجل
البسمات تضوي زي نور الأمل
وجهك بين مسايرك زي بدر اكتمل
والشامة في خديدك زي طعم القبل
تسكر قلبي وتشعل حبي يشهد ربي انا بهواك

ما قادر اقولك عن حبي الكبير
وصفو علي قاسي وعايش في الضمير
قدر الكون دا كلو حبي واكبر بي كتير
مالكني محيرني شوف قلبي الأسير
اسألي قلبك يمكن يقدر يشرح حبي أنا محتار

صدفة عيوني شافت ليلي الباكي نور
يا أيام ربيعي عمري معاكي أزهر
فيها الطير يغني ومن الحاني يسكر
عمري فراشة حولك وانت شبابك أخضر
ياما بحبك وبعبد حبك علشان حبك روحي فداك

أخوتي الافاضل يعجز قلمي عن التعبير عن مدى شكري وأمتناني على تعليقاتكم وتفضلكم بالمرور.

[center]ومن روائعه هذه الاغنية التي جمعت بعض ولايات وقبائل السودان

( بنحب من بلدنا)

من كلمات الاستاذ/ أبو آمنة حامد

وغناء العملاق محمد وردي

بنحب من بلدنا ما برا البلد
سودانية تهوى عاشق ود بلد
بعيون المفاتن شي ما ليهو حد

التوب المهبهب فوق أم الضفاير
والخد المعطر زي أحلى الأزاهر
والخطوة الأنيقة ترنيمة مشاعر
أنا بي كلو عمري بمشيلا وبسافر

مين في الدنيا دية أجمل من بناتنا
الليهن قلوبنا والفيهن صفاتنا
الكامنات في روحنا والعايشات في زاتنا

في حلفا البداية أحلامي وهنايا
أنا عايش لحبي المخضر برايا
النافرة الأليفة بجروحي وهنايا

أنا لي في كريمة شايقية بشلوخا
نعتز بصفاتا ما نجهل تاريخا
ماها المابية ريدتي ومو ياها المسيخة

في شندي العظيمة تلقى بنات جعل
وحدات في المتمة زي لون العسل
النايرات خدودن زي فجرا أطل

في سنكات بنعشق بت سمرة وأبية
ترتاح في الضريرة خصلاتا الغنية
عاشت في شعوري أحلى هدندوية

الواردات جدودن في الجود والشجاعة
البظهر جمالن من زمن الرضاعة
سودانية مية المية في زوقا وطباعة
يا ناس أرحموني أنا قلبي فرطاعة

لو تلقطنا اليانعة السمحة ونضيرة
تستنى الحليوة في مشية أميرة
أجمل حب عندي في قلب الجزيرة

لي في الغرب أغيد في دار حمر والبقارة
نحميها بسيوفنا تفاحنا ونضارة
تسكرنا الليالي وتطربنا النقارة

لي في جوبا الساحر تسلم لي خدودو
يمرح في غاباتو يسرح في ورودو
حبي الغالي ليهو ما بعرف حدودو