فلاشات شبس ( هل الوزير علي حق !!!؟؟؟ )

القصة واقعية وعلي ذمة الراوي ......

وزيرقادم إلي عطبرة , وهو داخل الي عطبرة عن طريق الكوبري القديم , وفي منتصف الكوبري ,تعطلت حركة السير فيه , فأفادوه بأن الكوبري سيغلق لفترة وقد تطول هذه الفترة , فطلبوا منه أن يعود للخلف ليخلوا له العين الآخري للكوبري , فأجاب : لست متعودا" بالرجوع للخلف , و سإنتظر
فأوضحوا له أن حل هذا الموضوع , من سحب السيارة المتعطلة أو صيانتها قد يطول
فأجاب : مافي مشكلة .

فتساؤلي , هل الوزير علي حق !!!!!؟؟؟؟؟؟؟؟
فأنا أعرف أن الإنسان يمكنه التراجع قليلا"وذلك من أجل التقدم , وهل الحيوانات المفترسة , وعلي راسها الاسد لاترجع للوراء إلا إذا همت بالإنقضاض علي فريستها , وبقوة ؟

حتي القطار , في ( المقابلات ) تراه يحيد عن الطريق , ويتراجع للخلف , وذلك ليفسح الطريق لأحد القطارات المقابلة , فتراه يرجع لينزوي في مسار فرعي , ليعود بعدها في الخط الصحيح .

حتي في المحطات الكبيرة فتري ( المناورة ) تروح وتجي ذهابا" وإيابا" في الخطوط الفرعية , أي للأمام وإلي الخلف .

يعجبني قرار الوزير بأن يضع الفرد لنفسه مبادئ في حياته ويشرع في تطبيقها في خلال حياته اليومية , ولكن إذا ماكن هناك ضرر لك أو للعامة فيجب تفاديه , بل الأسلم إنه إذا ماكان هناك مصلحة عامه تتعارض مع مصلحة الفرد , فيجب علي الفرد أن يضحي من أجل العامة , وكما رأيتم فإنها فقط كان تطبيق المبدأ لإرضاءالنفس .

وقد يكون من هو عالق و( مزنوق ) بين الوزير وبين السيارة المتعطلة , فكيف له السبيل أن يخرج إذا ما كان الوزير مصرا" علي عدم الرجوع للخلف , حتي ولو أن الجهات المسئولة قد فتحت العين الأخري كمخرج طوارئ وحل!!؟؟ فكيف له السبيل ؟؟

قد يتأخرحل الموضوع للصباح , فهل سيقضي الوزير سهرته في سيارته , أم هل سيترك سيارته للصبح في مكانها وهو محتاج أليها ؟ والواضح والمعهود أن السلطات ستنظم حل مثل هذه الأزمات بأيسر مايكون . ولكم رأينا ذلك في تقاطعات حدث فيها إختناق أو في تقاطع إشارته متعطلة .
وهنا سيقومون بفتح العين الأخري , علي أن يكون هناك شرطي أو ضابط مراقب لكل مدخل , وسيسمحون لبعض السيارات بالعبور دخولا" الي عطبرة وقفل الخارج منها ومن ثم يسمحون بالعبور خروجا" من عطبرة و قفل المعبر للسيارات الداخلة لها .

وكلنا في بعض الأحيان وعند الإلتقاءات بسيارات أخري وتحدث إختناقات بسببها ,وتكون المواجهة بينك وبين سيارة أخري , تجدنا نتعصب , وتقول : إرجع إنت
والأخر يصر: أرجع أنا ليه , الليله أصلو مابرجع , أبيت مابرجع ماترجع إنت .
وفي كثير من الأحيان نبطل محرك السيارة ونقول : أنا ما مستعجل , يالله نشوف البيتنازل منو !
وأحيانا تتعذر للأخرين , الذين يمثلون لجنة وساطة وصلح لفض الإختناقات , فتقول لهم وفي قرارة نفسك , أنت غير مقتنع , فتقول لهم وأنت توقف المحرك : ( هو ذاتوسيارتي متعطلة وخربانة) .
نعم قد تكون سيارتك الأسبوع الماضي كانت في الصناعية وفي الصيانة , لكنه ليس هو السبب المقنع لذاتك , بل تذكره لتتعذر به فقط ....
لذا أسالكم وبعضكم سيعلق علي مقالي هذا ,,,,,
من منكم حدث له مثل هذا الموقف فتعصب لرأيه ونوي الا يرجع ؟؟؟؟

سابدأ بنفسي .
أنا حدث لي هذا مرارا" وتكرارا" , وبعدها تتمني , ليتني أفسحت الطريق وتحس بعدها بالندم , ودائما" الشيطان يغويك بأنك في موقف أقوي فلاتتنازل , مع علمنا التام ب :-

- نصيحة الرسول صلي الله عليه وسلم وتذكيره لنا بأنه : ( ليس الشديد بالصرعة , ولكن الشديد من يملك نفسه عند الغضب )

- وكذلك علمنا التام من وصاياه صلي الله عليه وسلم لرجل طلب منه : أوصني يارسول الله .
فقال له : لاتغضب
وطلب منه ثانية" : أوصني يارسول الله
فقال له : لاتغضب , وكررها ثلاثا".

- وكذلك نذكر الآية الكريمة: ( وإذا قيل لكم تفسحوا في المجالس فأفسحوا يفسح الله لكم )

- ونذكر أنفسنا كذلك أن من ضمن وصاياه صلي الله عليه وسلم وحرصه علي مصلحة المجتمعات ومصلحة الأمة :مصلحة الجماعة مقدمة علي مصلحة الفرد .

فهلا وضعنا ماقرأته نصب أعيننا , فأنا وأنتم كلنا نعرف ماذكر , ولكن النفس تحب الذكري , فالذكري تنفع المؤمنين . وليتنا نطبق مانعلم , حتي ولو بدأنا باليسير . ولنصحح أنفسنا تدريجيا" وكلنا يعلم نفسه جيدا" ونعلم قصورها وتصيرها ونقائصها , وكلنا يعي معاني الفضيلة , وبك أنت سيدي يكبر وينمو المجتمع , وبك أنت تقوي الأمة الإسلامية , فضع نصب أعينك ,,,,,,,,
( قد أفلح من زكاها ).

البشر العادي مثلي ومثلك يا شبس .. يتراجعون , يعتذرون ويشعرون بالآخر

أما الوزير (بشر سوبر) فلا يتراجع ولا يعتذر ولا يشعر بمعاناة الشعب

إلا ..

إذا تدخلت امريكا ب(الجزمة) إياها "اكرمكم الله"

حينها يتراجع الوزير على مضض (صنف يخاف ما يختشيش)

وبالمناسبة :

لم تذكر لنا اسم الوزير ..

على الاقل السنة التي حدثت فيها الواقعة (ونحن نحسبها طايرة)

الأخ / شبس :
هذا يدل على العنجهية والغرور فصلافة هذا الوزير هي عنوان الحكومة التي عينته وجعلته في هذا المنصب ... فهو يرى أن التراجع للوراء ليس من شيم الكبار وهو مدعاة للذل والإهانة اللذان يجب أن يوصف بهما الشعب وليس هو .. يا للفهم المنكوس . ده كان عايز يجيبو ليهو هليكوبتر كي تنتشله من هذه الورطة بعد الاتفاق مع كابتن الطيارة لإلقاء هذا الوزير في صحراء العتمور ليموت شر ميتة
تحياتي ،،،

أبو السيوف
شايفك عايز تجيب رأس الوزير . وتنقب عن إسمو
قد يكون من ال51 الختتهم أمريكا في اللستة وزي ماقلت بس دايرين ضغط من فوق ويستعدلو , وتجدهم :-

أسد علي وفي الحروب نعامة"
جرداء تجفل من صفير الصافر
ولقد صدقت حين قلت يهابون الأعلي ويهابون الجزمة الأمريكية ولكنهم يستعلون علي بني جلدتهم ,,,,وااا دهشتاه

[color=red]الهادي الشغيل
غايتو تنفع قاضي حق وزراء بس , ويجيبو ليك المتهمين عشان تحكم عليهم , شرطا" يكونوا من وزير فما فوق ...!!!!!!
لذا شايف محكمة العدل الدولية , وبصراحة تناسبك ,,, لأنو شكلك ماعندك كبير .
وبس يلقطوا ليك المتهمين الكبار من جميع الدول وعبر القارات ..
شرطتك حتي تبفي دولية , ورطانتهم حواليك تلحم ,,,,
غايتو شوف لاهاي لو فتحت وظائف , قدم.
وباقيلي يوم حنشوفك شمال أوكامبو متحكر .
والشافك في لاهاي ماكضب ,,,,
لكن قاضي ... ما Wanted

اخونا وحبينا شبس ليك الاف التحايا

طبعا دا وزير والجماعة كلهم واقعين فوقو حنيس

وهو جالس يتفرعن طبعا مافي واحد بيقول ليه تلت التلات كم

انا شخصيا اصلا ماكنت بفتح خشمي معاهو وطبعا هو كل يوم بيجي بالكبري اللذيذ دا

اقوم البت ليه واكون خاتي ليك كارو عمك ابوزيد وحارسو اول ما اشوف ظهر من التقاطع

اخلي ليك عم ابوزيد يدخل الكبري وتاني يوم اغير واجيب عربية ود الكدام اخليه ليك ينعل اليوم البقي فيه وزير وجابوه عطبرة

من يدخل الكبري خلف كارو ابوزيد او عربية ود الكدام الله يكون في عونه

وطبعا كبري عطبرة القديم دا كنا بنتغاتت في العربات كل يوم بنمشئ بالعجلات وطبعا البيحترم نفسو ورانا بنتخارج بسرعة

اما البيقعد يضرب لينا في البوري ويبرطم بالكلام نمشئ بالعجلات بنص بدال لو لسة بيتعابط ويضرب البوري ننزل ونقود العجلة

ونقول ليه واحد مننا عجلتو خربانة ووزير الهنا يحمد ربه ماوقع ورانا او ورا كارو ابوزيد او عربية ود الكدام او حمير اللبانة بتاعين ام الطيور

الأخ / شيبس
هههههههههههه
والله يا شيبس قاضي أو مطلوب للعدالة ما مشكلة المهم نكون في لاهاي
الأخ / ود جمعة :
شنو مفتقدك كثير والله .. أتاريك غتيت من صغرك وأنا أقول الزول الغالاط ده الغتاتة دي جايبها من وين

[b]تخريمة :

يا ود جمعة يا حبيبنا : كبري الدامر القديم تحتو كم علبه ؟ يعني كم عدد العلب التي يستند عليها ذلك الكبري؟ .. أرجوك خليك هادي وماتغالط في الفاضي

الأفاضل الحبايب دوما" ود جمعة والهادي الشغيل ( العجب )

العجبني فيكم إنو لأول مرة شفتكم متفقين ومافي غلاط ,
الحمد لله موضوع الوزير ده وفق بينكم وإتفقتو عليه .الموضوع بتاع الوزير ده واضح إنو حلو بقي أسهل مايكون ,
ودجمعة نخلي جنب الكوبري يضع خططه اللي ذكرها , الخطط الخارقة لعرقلة السيد الوزير .

والهادي ( العجب ) نودي (لاهاي ) ينتظر االوزير هناك ,و في حالة إنو نفد من كمين ود جمعة , يقع في كمين الهادي ,

يعني لو طلع من ده يقع في ده ,

حكايتو بقت صعبة ( لو طلع من ود جمعة يقع في الشغيل )
لا لا لا........ أقصد لو طلع من ( ود جمعة ) يقع في ( ود الأحد ) أقصد ( ود اللحد ) يعني خيطو جا وأجلو تم .
تمام وقعوا ليهو ( أغتت إتنين)

ود جمعة :
يقول : (طبعا البيحترم نفسو ورانا بنتخارج بسرعة

اما البيقعد يضرب لينا في البوري ويبرطم بالكلام نمشئ بالعجلات بنص بدال )
شبس يقول : ياود جمعة
والله ياود جمعة , دي بالغت فيها , حكاية نص بدال دي , والله ضحكتني بصورة مبالغة ,
يعني غتاتة مابعدها غتاته . مع إنو تخفيض السرعة يبقي بمقدار بسيط , لكن برضو تعملوه !!
يعني حتكون خفضت السرعة بمقدار كم كيلو في الساعة ؟
3 ك ؟
4 ك؟
5 ؟

يعني تخفض سرعة العجلة الي النص , والوراك مايلاحظ.
دي لو إنت الإخترعتها للشباب آنذاك تكون فعلا" كما وصفك الهادي الشغيل ( غتيت )

شايفو قال ليك وأنا أقول الغتاته دي جايبها من وين !!
من صغرك ؟!

ود جمعة :
يقول : (طبعا البيحترم نفسو ورانا بنتخارج بسرعة

اما البيقعد يضرب لينا في البوري ويبرطم بالكلام نمشئ بالعجلات بنص بدال )

شبس يقول :

والله ياود جمعة , دي بالغت فيها , حكاية نص بدال دي , والله ضحكتنيبصورة مبالغة ,
يعني غتاتة مابعدها غتاته . مع إنو تخفيض السرعة يبقي بمقدار بسيط , لكن برضو تعملوه !!
يعني حتكون خفضت السرعة بمقدار كم كيلو في الساعة ؟
3 ك ؟
4 ك؟
5 ؟

يعني تخفض سرعة العجلة الي النص , والوراك مايلاحظ.
دي لو إنت الإخترعتها للشباب آنذاك تكون فعلا" كما وصفك الهادي الشغيل ( غتيت )

شايفو قال ليك وأنا أقول الغتاته دي جايبها من وين !!
من صغرك

؟]

[center]ياودجمعة
يبدو الرسالة جاتك مرتين !!!!
هل تصدق كنت بكتب في التالته وعاوز أبعتها
يعني كان حتجيك رسالة فيها 3غتاتات
بس ربك سلم وجنك 2

هل تصدق أبت مشاركاتي ( رسالتي ال2 ليك ) تنزل !
لذا كنت حا ألز ليك واحده تالته ..
ربك سلم

اخوي وعزيزي الغالي الهادي الشغيل
انا ذاتي مشتاق ليك كنت غاطس في بوست لاخونا علي عبدالله
بفتش ليك في علاجات ولقيت ليك اتنين بينفعو معاك شديد

اخوي شبس تعرف الغتاتة البيقول فيها اخوي الهادي بالذات في كبري عطبرة القديم كنا متخصصين فيها
احكي ليكم يوم واحد سايق ليه عربية حلوة شديدة كريسيدا ايام عزها ونحنا راجعين من المدرسة فينا تسعة اشخاص
صحبك شاف ليك العجلات قدامه زاد السرعة وكان داير يصدم واحد مننا المهم ياخوي انقسمنا ليك بقينا خمسة قدام الكريسيدا
واربعة بقو ورا صاحبك ضايقهم وطوالي بقي يشتم فينا انتو حيوانات قلنا ليه ايوه واحد فينا قام نزل من العجلة وقال الجنزير خربان
وقاد العجلة كلنا قمنا قدنا عجلاتنا معاهو وصحبك ازعك ليك الناس بالبوري وقاعد ينبح ويشتم وقال لينا انا بوريكم لمن تنزلو تحت
قعدنا نضحك صحبك طبعا ماناقش قبل النزلة من الكبري يوجد باب صغير يدخلك لكبري القطر ومنه تنزل بالعين التانية
واول من نزلنا بالعين التانية واحد فينا قال ياجماعة تعالو نمشئ بيتحت الحيوان دا بيكون لابد لينا في التقاطع
وطوالي اتخارجنا بالطريق التحت وطبعا الطريق التحت محاذي نهر عطبرة ولايمن ان تمر به عربية الا تكون ماشئ كداري
حتي للعجلة الماعارف الطريق كويس مابقدر يمشئ بيه طبعا دا كلو كان ايام الولدنة اسة الغتاتة والشيطنة خليناها
الا الوزير دا شكلو عايز يرجعنا ليها

اخوي الهادي الشيطنة دي ما احسن من دقستك في الاستاد الكانت دايره توديك شمار في مرقة

الهادي الشغيل كتب

اقتباس :: يا ود جمعة يا حبيبنا : كبري الدامر القديم تحتو كم علبه ؟ يعني كم عدد العلب التي يستند عليها ذلك الكبري؟ .. أرجوك خليك هادي وماتغالط في الفاضي

اسة الكايس الغلاط منو
تعرف ياخوي مامتأكد منهن كم لكن علي ما اعتقد اربعة عشر
نحنا ياخوي كنا مركزين في جنينة المساجين كنا بنسرق منها الفواكه وكنا بنسرق البطيخ والعجور من حلة ناس ابوزحل

محمد جمعة كتب:: اسة الكايس الغلاط منو
تعرف ياخوي مامتأكد منهن كم لكن علي ما اعتقد اربعة عشر
نحنا ياخوي كنا مركزين في جنينة المساجين كنا بنسرق منها الفواكه وكنا بنسرق البطيخ والعجور من حلة ناس ابوزحل

اتصل بصديق في الحلة خليهو يعدهم ليك !!!
غايتو انا ما عارفها كم , لاكين 14 دي مبالغة لانو الكبر حدو عطبرة وليس حلفا !!

حبيبنا سيوف ياخوي
العلب مزدوج كل علبتين مع بعض دي ان متأكد منها ميه في المية
وانا متأكد مع النزلة من كل جانب علبتين مثبتات مع القيف مباشرة
يعني ديل اربعة طيب في النص ممكن يكون تلاتة مزدوج يبقي ستة
يعني تمانية وتسعين بالمئة يكونو عشرة علب
وغالبا مايكونو عشرة اصلا انا ضربتها كدا في الاول وقلت ازيدهم شويتين
علشان صحبك يزمزغ شوية وصحبك لمن يشوف كلامك دا حيبقيهم تمانية

الهادي الشغيل
شايف ود جمعة إعترف بخط إيدو بأنو كان يسرق الفواكه من ( جنينة المساجين ) !!
هل ممكن يعتبر ده إعتراف خطي ؟
وهل ينفع معاك تسوقو لاهاي !!!

علي الأقل غلاطكم ينتقل لهناك , ويبقي غلاطكم ( فان باستن )

ما في زول من الداخلة يحكي لينا مغامرات ( البسكت ) زي مغامرات ودجمعة والكوبري ؟

لو عارفين كده كان قريناك زمان ياود جمعة بدل نقرأ ( الشياطين ال 13 ) تختخ ولوزة ومحب وعاطف والخامس نسيتو !!!!

باقيلي بمغامراتكم دي . ممكن يكون زول من المربعات واللا حي أم بكول بيكون بيمشي البسكت ,,,, فضفضو لينا عليكم الأمان......................

الخامسة اسمها (نوسة) يا شبس
اما البسكت ما كان بنمشيهو , كنا ناس زونية بس

الأخ / ود جمعة
نسخة للأخ / سيوفو

بالله عليكم الله 14 شنو هل الكبري على نهر عطبرة أم على البحر الأحمر ..
يا زول أدينا جواب نهائي .. 14 أم 10 علب ..
تحب الغلاط زي عيونك

مطلوب صورة افقية من اسفل الكبري (بس ما يجي الهادي يقول دي صورة عزوز)
ود جمعة استعن بصديق في المقرن .. وارسل له قيمة الكاميرا والفيلم

نظراً لورود الكثير من الطلبات بإعادة الكاريكاتير الذي سبق نشره في المنتدى في بوست (معنى كلمة زول) ونزولاً عند رغبة الكثيرين لا سيما وأن هذا الكاريكاتير فاز بعدة جوائز أوسكار ، فضلاً على أنه نال إعجاب كل من إطلع عليه ، علاوة على أنه عاجبني شديد .. لكل هذه الأسباب مجتمعة وإرضاءاً للمتابعين القراء عشان كده نزلتوا ليكم مرة ثانية .. وأخاف ود جمعة يلغيهو لأنو بيحارب التكرار (لحاجة في نفس يعقوب) ّ؟؟

فلاشات شبس ( هل الوزير علي حق !!!؟؟؟ ) 13993-1-411821510

انا ودالغريبه كنت بمشي الداخله واجيب لبسكيت وكان هناك امره مريض وعندها الجزام حماكم الله وكنت ببيع بسكيت في حى السواق ولما نذهب الى الداخله كنه نخاف من هذه المراة المريض نجرى حتى الواحد يقع في الارض ماريكم و

شفت كيف ياحبيبنا سيوف مش قلت ليك صاحبنا وحبيبنا دا لو جاء شاف كلامك بيسوي شئ تاني

شوف تشبيهه كبير كيف ياخوي قول النيل اقرب شوية البحر الاحمر لو مشيت العلب فردي الاربعتاشر بتاعتي دي ما تجيب ربعو

ياخوي انا حسبتها نظريا طلعت خمسة مزدوج يعني عشرة علب وبرضو ما متأكد

حبيبنا سيوف قال نستعين بصديق نحنا نستعين بالعريس علي عبدالله
ليه لانو قاعد هناك وقبل كدا وضح لحبيبنا الهادي صورة كدا كان داير ينظر فيها
اما لقي ليه فرقه الا بعد صحبي ابووردة جا داخل
علشان كدا بطلب من اخوي العريس علي معليش نشغلك شوية مع انك عريس جديد بس الهادي دا معذبنا
وعندي ليك تنبيه اخد الصورة وما يكون داخلها اي شخص لانو عندنا واحد هنا بيتلبط في كل صورة ويقول دي صورة عزوز
يعني مطلوب صورة الكبري وهو خالي من اي شخص وركز علي العلب يوجد اتنين من كل جانب مع طرف القيف

اخوي الرائع شبس نحنا ياخوي دا في المنتدي بيأكلنا حنك وزمزغة ساكت كمان عايز توديني ليه لاهاي
انا كنت بسرق الفواكه وارجعها ليهم يعني كانت لعبة رايك شنو كدا مابتخارج من صحبك

وحقيقة ياخوي المغامات زمان كانت حلوة شديد انا كنت مسكين بس عندي اخوي واتنين اصحابو كانو من النوع المضر
ديل ياخوي يوم قاعدين تحت نخل الكلام دا في ضفاف نهر عطبرة بالتحديد في الضفة الناحية المقرن
وحقيقة قاعدين يتونسو ولسة ما عملو اي مغامرات جاهم ليك عمك كدا وقعد يشتم ويسب فيهم وقال ليهم انت جدعتو التمر بتاع نخلنا
وانا شايفكم كل يوم بتجو تجدعو النخل بتاعنا علما بانهم لم ياتو منذ فترة طويلة للمكان دا وحاولو يغنعوه اصلا ما اقتنع ومواصل في الشتيمة
والجماعة مادايرين نتشاكلو معاهو لانو راجل كبير بس الشتيمة دي محرقاهم وهم ماعندهم ذنب هنا الغتاتة بدأت تشتغل
سألوه اصلا انت نخلك وين صحبك وراهم نخلو وهو ورثة وتاني شئ بعيد من مكانهم الجالسين فيه وعامل ليه زريبة من الشوك حوله
اصحابك قامو بتحديد مكان النخل ووضعو علامة ما خلاص الشتيمة حرقتهم والغتاتة بقت تشغل
بالليل جماعتك اخدو منجل وشوالات وذهبو للنخل حشو التمر كلو وعبوه في شوالتهم وجو والغريب غالبية التمر كان نئ لسة مانجض
والشوك طبعا عمل شغله معاهم ورجولهم كلها اتملت شوك وجو قعدو بالفانوس ويطلعو الشوك صراحة انا كنت نايم
وصحيت بنقتهم ولقيت ليك كل واحد ماسك ابرة ويطلع للتاني الشوك وسألتهم جاين من وين انتو رجولكم كلها شوق كدا
كان ردهم مشينا انتقمنا لكرامتنا وحكو لي القصة

حبيبنا سيوف قلت كنت بتاع زونيا ساكت مابتاع بسكيت شوف اخوي ود الغريبة كان بيسرقو ويبيعو كمان
نحنا زمان كنا تخصص تمرهندي من جنينة واحد اسمو العبيد الله يرحمو ويغفرله انشاءالله
جنينة عمك العبيد لصق جنينة المساجين
والبسكيت دا ماكان بنحبو شديد لانو كان جنب ماسبيو ومافيه مساككة ذي بسكيت السيالة
احلي واجمل مساككة كانت في البطيخ والعجور في حلة ناس ابوزحل والحلة الجنبهم
طبعا كانو مشهورين بزراعة بطيخ وعجور الرملة واتخيل ياخوي كانو بيجيبو لينا في البيت كميات
ماكنا بنحبو الا نروح نسرقو ونجري والشوك يقدد رجولنا ياحليلا من ايام

ياخوي الهادي صورتك العاجباك دي وغاشي نفسك بانك هزمتني دي المفروض دي عزومة لانك اخيرا بقيت تعرف شكل شقيقك
تلقاها في المشمش علي قول اهلنا المصريين انت ياخوي يادوبك اتأكدت من شقيقك الكنت مضيعو والله شنو
واسة جايب لي علب الكبري وكايس ليك مغالطة وتاني شئ اسة اقوم اجيب ليك الجماعة علي الشية دي وتبقي في الجرسة
ياخوي انت عزومة ود هاشم لسة ماقمت بيها القبل سنة والمسكين لسة وحتي الان ماعارف مطعم الخرطوم وين
اولا اخد اخوي محمد هاشم وخليه يضرب الشية المطالبك بيها وبعد داك اعمل العزومة دي فرحا ليس بهزيمتي بل فرحا
بانك بقيت تعرف شكل شقيقك وانا اول الضاربين للشية لانني كنت السبب لمعرفتك لشكل اخوك والله ماكدا ياخوي الغالي

اخوي شبس والله الونسة حلوة وبالذات لمن يجي منحشر اخوي وحبيبي الهادي بس الجماعة بيكون زهجو
بجيك راجع تاني بعد مايجي صحبي الهادي راجع

شبس كتب:-

اقتباس :: الأفاضل الحبايب دوما" ود جمعة والهادي الشغيل ( العجب )

العجبني فيكم إنو لأول مرة شفتكم متفقين ومافي غلاط ,
الحمد لله موضوع الوزير ده وفق بينكم وإتفقتو عليه

عاجبك كدا ياخوي شبس خليت اخوي وحبيبي يعصر راسو ويطلع لي بعلب الكبري

اقتباس :: شوف تشبيهه كبير كيف ياخوي قول النيل اقرب شوية البحر الاحمر لو مشيت العلب فردي الاربعتاشر بتاعتي دي ما تجيب ربعو

دي صيغة مبالغة .. شنو إنت كنت بتزوغ في حصة القواعد ولا شنو ...

يا زول إنت بصحّك عاوز ترسل العريس عشان ينزل تحت الكوبري ويصور ليك العلب ... والله بالغت عدييييييييل كده .. أنا لم أحدد عدد العلب وأنت كذلك لم تحددها فلماذا ترسله وعلى أي أساس .. لو افترضنا أنو راح صور وظهر في الصورة 12 أو 16 علبة مثلاً ما هي المحصلة؟ ومن الفائز ومن الخاسر؟ ... يا حبيبنا ود جمعة يا أبو الغلاط الدولي خليك هاديء وما تزعلني وأقوم أنزل في بوست شبس بقية الكاريكاتيرات وصورة العصير (أشرب ما تروى) و (ذكرى تحت الماء) .... تحياتي ...