أمل السودان

موضوع: أمل السودان الجمعة مايو 07, 2010 9:06 pm

يخوض فريق الأمل عطبرة مبارته المصيرية أمام فريق شباب بلوذداد الجزائري مساء هذا اليوم الدعوات الخالصة لفتية الأمل بتحقيق نصرا مؤزرا للكرة السودانية

موضوع: رد: أمل السودان السبت مايو 08, 2010 3:26 am

ذبحوك يا الامل ..
الهدف كان تسلل وااااضح .. الله يسامح الحكم المغربي

كل ما نتمناه الآن ..
أن لا تتخطف اندية العاصمة لعيبة الامل فيتركوه خاويا على عروشه
فأندية العاصمة كالطفيليات .. تعيش على غيرها

ورغم ذلك فقد كفيت واوفيت يا امل
لن نقول كنت رائعا وانت خاسر ..
بل كنت مدهشا وانت تنتصر للكرة السودانية بهذا المستوى المشرف
الكرة السودانية التي لطختها اندية العاصمة في الوحل .. رغم المليارات التي دفعت لها
واكثر تلك المليارات حنقا ذلك المليار الاخير الذي دفعه البشير للمريخ قبيل الانتخابات

على الدولة ان تدفع لكل الاندية في السودان .. ما عدا الهلال والمريخ

عجبني ليكم يا الهلال والمريخ

وانشاء الله هزيمة دايمة وعامرة

طالما نرى تلك الاموال تتبدد ذات اليمين وذات الشمال

فالكرة السودانية لم تكن يوما وليدة إمكانيات مادية
بقدر ما كانت وليدة إمكانات فنية ومهاراتية

متى يفهم القائمون بأمر الرياضة ذلك , فيصححوا المسار , قبل أن نصبح (ملطشة)؟
سؤال : هو نحن لسه ما بقينا ملطشة؟

موضوع: رد: أمل السودان الإثنين مايو 10, 2010 3:51 pm

يا أخونا سيف مشكلة الكورة السودانية في الإعلام الذي يصور للجمهور ان فريقي القمة اكبر من جميع الفرق العالمية ولكن حالة لعيبتنا يغني عن السؤال فليس لديهم أي روح أواصرار

موضوع: رد: أمل السودان الإثنين مايو 10, 2010 4:24 pm

الاعلام (جزء) من المشكلة يا حنوني
المشكلة الاساسية في السياسات الرياضية في البلد
المتحكمين فيها ثلة من الاثرياء يوجهونها بمزاجية وبدون نواحي علمية
والاتحاد العام يتفرج والوزارة تصفق لهذا التهريج

موضوع: رد: أمل السودان الإثنين مايو 10, 2010 6:40 pm

الله يكون في عون الكرة السودانية وعلي اعلامهنا السلام
والاعبون السودانين طموحاتهم وامنيتهم ان يسجلوا للهلال والمريخ وخلاص
تاني مافي ابداع ومهارات وتطلعات الي النجومية العالميه
والمحترفين يسجلوهم بملاين ويجيبو وجع القلب ووالشراين
لاعلام يقضي علي الباقي

موضوع: رد: أمل السودان الإثنين مايو 10, 2010 7:13 pm

الامل يبقى فريق عطبرة الذى تجد نفسك تقف معه دون ات تشعر فهو جزء لا يتجزأ من عطبرة وتاريخها الطويل ويكفينا فخرا ان فتية الامل صتعوا لمدينة عطبرة اسما فى خارطة الكرة الافريقية وسطروا بحروف من نوراولى مشاركاتهم الخارجية الافريقية
ولكن يبقى الاهم ان نحافظ على هذه الفرقة وان ندعمها بالمزيد من النجوم وان نعض عليهم بالنواجز حتى لا يتخطفهم فريقى القمة
وليبقى الامل هو الامل فى ان ينصلح حال الكرة السودانية
وكماااااااااااااااااااااااااااااااااااااااااااااااااااااااااااااااااااااااااان يا امل

موضوع: رد: أمل السودان الإثنين مايو 10, 2010 7:55 pm

بصراحة وصراحة وصراحة الكورة السودانية إنتهت وعلى الدنيا السلام ، الجماعة شغليين بالثلاثة على طول ونصور الجدعان على أنهم سوف يأتون بالهواء من قرونه ياجماعة نحن كورتنا إنتهت المطلوب وقفة عقلانية ثم ماذا بعد؟على بالطماطم الواحد يخجل ويجيلوا إحباط لما يشوف كورة سودانية، ياجماعة حرام عليكم؟

يا أخوانا المشكلة في إنو نحن ما عندنا اي استراتيجية أو تخطيط سليم ولا حتي اللعيبة عندهم طموح أو تطلع وده السبب الرئسي في عدم تقدم الكورة السودانية بالرغم من إننا نحن العلمنا كل دول الخليج الكورة واسسنا الأتحاد الأفريقي