اتفضلوا اتفضلوا نجيب ليكم جبنه ولاشاربين قالوا شاربين ياولد قلي امك سوي تلاته كبابي شاربين بالنعناع وكشحن في الشارع لانو الجماعة قالو شاربين
--------------------------------------------------------------------------------
رباطابي سايق عربية جايي من بعيد عشان يحصل الاشارة اول ما وقف قامت الاشارة عملت 90 عاين ليها كده وقال ليها انشاء الله تخشي طب
قالو مسطول يوم عرسو مرتو قاعده جنبو وخجلانه عاين ليها كدا وقال ليها الاخت اول مره تتزوج ولا شنو
***
اربعه مساطيل زهجانين لانو المطره ما نزلت قامو قالو نسوى لينا مطره برانا
الاول قام يحاكى صوت الرعد دل دل دل دل دل
التانى قام يحاكى صوت البرق شو شو شو شو
التالت قام يحاكى صوت المطر تن تن تن تن
الرابع قام لملم المراتب ودخلهم جوا
***
مسطول يحكى لى صاحبو قال ليهو امبارح مشيت شلت الفاتحه مع ناس سماره القبطى فى وفاة ابوهم صاحبو قال ليهو يا اخى الناس ديل مسيحين ان شلت معاهم الفاتحه كيف قال ليهو كشحتهم ليك بى قل يا ايها الكافرون لمن آمنو
***
مسطول عندو ولدو الصغير عيان قام وداهو للدكتور قام الدكتور كشف عليهو قال ليهو الولد دا قعد يسنن المسطول قال ليهو والله انا من شفت عويناتو الصغار ديل عرفتو لاطش
***
رباطابي مشى للجزار قال ليه اديني كيلو لحمة
الجزار كل مرة يقطع حتة لحمة ويرميها في الميزان
الجزار قال الميزان ده ما داير ينزل مالو ؟؟
الرباطابي قال ليه ينزل كيف عاد وانت بترمي ليه في الدوهات من قبيل
***
شايقى دخل مع إبليس فى جمعيه
شال الصرفه الأولى وقال بسم الله
________________________
شايقى داير ينزّل نعى فى الجريده كتب :
الشايقى ينعى أبوه .... ويوجد تمر للبيع
________________________
عسكرى شايقى لقى ليه جعلى مقتول
ماعرف القتلوا منو سجل القضيه على
( فاعل خير )
________________________
شايقى عندو فرن عيش جاهو شحات
مسكين وقال ليهو :
لى تلاته يوم والله ماضغت طعم الرغيف
الشايقى قال ليهو : ياهو زاتو ما تغير
جعلي أول مرة ياكل لبانة....حلف بالطلاق
ما ينوم إلاّ يكمّلا !!!!ا
واحد الدنيا ضارباهو ومعصلجة معاهو
جاتوليلة القدر كان فى نفسو يقول عايز ابقى زي
صلاح ادريس من اللخمة قال عايز يكون زى ادريس صلاح ..
اصبح من الصباح لقى عربة كارو بى حمار واقفة جنب الباب
تلاته مساطيل راكبين في طيارة هلوكوبتر بسطلوا
والطيارة في الجو
قاموا قالوا لي واحد منهم يمشي يجيب ليهم سجارة حمرا من الدكان
زولنا قام وعلي حسب السطلة الفيه مرق بي واحد من بيبان الطيارة
لحسن حظو لاقتو ليك مروحة الطيارة وخمشتو من لياقة القميص
صاحبنا بقى معلق والمروحة لافه
الجماعة بي جوة انتبهو للموقف وزولنا لافي مع المروحة
وهم برضو علي حسب سطلتهم شبكو ليك
آآآآآآي أقعد لف لينا كدة لمن تلقى الدكاكين قفلت
قالوا مسطول سودانى قاعد مع مسطول مصرى قام قال
".. ليه:" تعرف .. الدنيا دى كلها مآسـى
المسطول المصرى قال ليه: " ليه .. هو مقاسك
" أد إيه ؟
مره انصار السنه مشوا رحله الجريف قالوا البنات يمشو ا الجريف شرق والاولاد يمشوا الجريف غرب
القاضى سال المتهم بقتل شخص : ليه قتلت الرجل بالسكين؟
فقال: ظروفي صعبة، وما اقدر اشتري مسدس
قال ليك واحد دخل قرية الرباطاب وفي طرف الحله كده
لقى ليه واحد صغير قام سألو اسمع عندكم مويه
قام قال ليهو نان شجرنا دا قايم بالتيمم
مسطول اشتري عربية شبح جديدة لنج
....وهو سايقها فتح الراديو سمع هنا لندن، قال انعل ابو السرعة ذاتو
سواق مسطول الكمساري قال ليهو اللستك نزل ؟ السواق رد ليهو المهم دفع ولا ما دفع؟
ادروب سألوه : يوم القيامة تمشي الجنة ولا النار ؟ قال ليهم القريبة من كسلا !!
شايقيه فتحت جواز زوجها لقت المهنه رجل اعمال مسحت أعمال و كتبت رجل عوضيه .
هنود عاملين فيلم عن حرب العراق نهاية الفيلم طلع بوش اخو صدام .
الرحيم
موضوع: اردب ضحك 
الأربعاء مايو 12, 2010 5:23 pm
