العلاج بالحرجل

نبات الحرجل
gargle plant
Soleno stemma

نبات عشبي حولى الى معمر متشحمة الازهار بيضاء اللون ينتمى للعائلة العشارية.
ينمو فى شمال السودان منطقة الرباطاب بولاية نهر النيل
للانتفاع منه تجاريا ويعتبر سوق ام درمان من اكبر مراكز البيع في السودان.

الفوائد والاستخدامات
يستخدم منقوع وساخن لاوراقة وسيقانة لالتهابات الامعاء وأوجاع المعدة
والتهاب المجارى البوليه ومرض الزهرى .
ومسحوقه يستعمل للجروح
ودخانه علاج لمرض الحصبه
أيضا يستعمل لالتهاب العرق الوركى ( عرق النساء ) وألالام الركبه
بتقطيعه ( فرمه ) باليد ثم وضعه بالخلاط بدون أي إضافات
يوضع العجين على مكان الألم ثم يغطى أو يلف بالنايلون قبل النوم
ويفضل تركه لاكثر من 6 ساعات واستخدامه ل 7 أيام متتاليه
وقدكشفت دراسة علمية جديدة أجريت فى جامعة جنوب الوادي المصرية أن نبات "الحرجل"
المنتشر في المناطق الجبلية والصحراوية العربية يحتوي على مواد فعالة لعلاج الأمراض السرطانية والتشنجات العصبية
. وأفاد الدكتور عرفة إبراهيم حامد، المشرف على إعداد الدراسة بأن الفريق العلمي المصري -الإيطالي،
قد نجح في فصل 50 مركباً فعالاً من نبات "الحرجل" حيث جرى استخدامه بنجاح في علاج العديد من حالات سرطان المعدة في السودان.

والشفاء للجميع ان شاء الله

مشكور يا ود جمعة

محمد جمعة كتب:

اصلا دا اهم مشروب عندنا في عيد الضحية وكمان لمن تضيفه في الشربوت

وفي بوست تاني كمان جايب سيرة عمارة العزبات في عطبرة
حكايتك شنو يا زول , اعمل حسابك (الاعمال بالنيات)
يا اخ سيف انت قصدك ان محمد جمعة بتاااااااااع .............

كدي احكم عليهو بنفسك يا علي ..
بناء على القرائن التي أمامك !!!!!
الناس بتتكلم عن الحرجل .. يقوم يقول الشربوت ؟

يا أخ سيف الدين كدي خليوه يرد ويبرر وبعدين نحكم ولا رايك شنو

رايك شنو يا سيف وانا كيلو 8 مابعرفو

خلاص يا سيف خليو يبقي الجلاد والقاضي والــــــ ..

كنت طالبة في الجامعة بعيدة عن اهلي وكان يعاودني الم في معدتي يكاد يدخلني في اغماءوتاخذني مشرفة الداخليه الى المستشفى وماان اخذالعلاج واصبح بخير الا ان يعاودني مرة اخرى بعد يوم او يومين فراتني مرة احدى العاملات واحضرت لي حرجل واشربتني منقوعه وسبحان الله في خلال ربع ساعة شفاني الله بالحرجل شفاءاتاما واصبح بيتي لايخلو منه حتى وانا في الغربه ومن فوائد السحريه انه يدخل في خلطة علاج الملاريا وعلاج السكري ومن الطريف في امر الحرجل ان هناك بروفيسور كان عنده السكر وكان لا بد من وجود ثيرمس حرجل في مكتبه يشرب منه و يقدمه ضيافة للوجهاء من زواره

اول حاجة يا ود جمعة انا عطبرة دي عمري ما ركبت مواصلات إلا للإمتداد الشرقي
أي مكان كنت بمشيهو اما كداري او بالعجلة

ثانيا كيلو 8 ده انا حسيت من كلام علي انو فيهو حاجات كده ما ياها .. عشان كده اتبريت منو
وحتى كنت ناوي المرة الجاية ازور جدة بعد العمرة , الا بعد كلام علي ده غيرت رايي
ولو كيلو 8 كده الله ما يورينا كيلو 9

ود القلعة كتب:

سلام وتحيه للشباب
يا محمد جمعة وانا بقراء البوست وقفت فى حتت بثينة مرحوم
الحتة دى عندى فيها زكريات كنت بنتظر الحنان بتاعى هناك هههههههه
بس البعرفو الحتة القاعد بتقعد فيها خلف نادى الشبيبه كشك عديلة دا جا بى وين
اما بالنسبه لى كيلو 8 ما بعرفو وين لى حراج الصواريخ

الغالي حبيبنا ودالقلعة انت ماعرفت كشك عديلة الظاهر عليك قديم شديد لان كشك عديلة ليه اكتر من 11 سنة

وهو غرب نادي الشبيبة مباشرة ويفتح علي عمارة الزكاة خلف الموقف مباشرة وجواره علي طول تجلس بثينة مرحوم
خلف نادي الشبيبة من جهة الجنوب مباشرة بقت الحمامات البيقروش ولنا ايام جميلة هناك كنا بنجلس في التونسية
بتاعة ناس احمد عوض الطاهر فهم من القلعة والسواق كان امين القاضي وايام كان عقاب
كيلو8 دا معلم بارز للسودانيين ذي باب شريف وياخوي حراج الصواريخ في جهة وكيلو 8 في جهة تانية اخلي ناس جدة يوصفو ليك
عندك اخواني الهادي الشغيل ومحمد هاشم والشيخ ابوزحل ومحمد عوض وبالاخص محمد عوض اقرب واحد وابوزحل لوجاء مخرم من تحت
وذي مابيقولو اهل مكة ادري بشعابها فأهل جدة ادري بكيلواتها ههههها الله يديك العافية اخوي ودالقلعة

الاخ محمد جمعة كلامك صح الحرجل طلع علاج وعلاقات عامة واهل
واكيد حتكون ما سمعة بزواج سيف الدين اخوك اتزوج بعد العيد الفات
وناس عم سند مارحلو الخرطوم قاعدين في حي المطار لكن عوض سند متزوج بت خالتي وهو الان ببورتسودان وعصام اخوه ازوج من اهله من الخرطوم وهو الان بالسعودية
اه كفاك وازيدك

الاخ الغالي حبيبي ود طلب اعرفك بان سيف طبعا اتزوج وهو الان ببورتسودان هو يسكن مع كمال سند في حي واحد ورقم تلفون سيف كربون 00249911233497

تخريمة ..........
جبريل شكولا وباب الله شكولا بيبلغوك تحياتهم
تخريمتين وبسلم عليك علاء الدين حمزة محمد.........