اهلنا الرباطاب

قالوا رباطاب قاعدين يحفروا في قبر في المقابر ..
جاء واحد قال ليهم السلام عليكم

قالوا ليه عليكم السلام .. قال ليهم خير مالكم .. قالوا
ليه عندنا واحد مات .. قال ليهم مات هنا ولا خبر .. قالوا ليه خبر .. قال ليهم سمح
بتحفروا ليه ..

قالوا ليه دايرين ندفن التلغراف .


****************************** ********************
****************************** ******************** ***



رباطابي قاعد في مطعم وكلما حضر زبون يطلب حاجة صاحب
المطعم عندو حلة واحدة يفتحها ويغرف منها وتكرر المشهد عدة مرات ونفس الحلة عايز
فول عايز كباب عايز عدس عايز كبدة وبرضو نفس الحلة اخونا الرباطابي مشي لصاحب
المطعم وقال يااخونا حلتك دي فيها ادراج ولاشنو



****************************** ********************
****************************** ******************** ********************


واحد رباطابي جوهم الجماعة وهم يهللون ابشر ياحاج ولدك
الليلة عريس في جنان الخلد وسمعت امه وجات جارية وينو ولدي فقال ليها احدهم ياحاجة
ولدك عريس الجنة الليلة ياحاج الحاجة دي بتعمل كدة ليه فما كان منه الا ان قال
اديها طلقة عشان تحصل الجرتق


****************************** ********************
****************************** ******************** *********************


رباطابي راكب القطر بتاع الشمالية من غير قصد وعشان مافي
نور وطاء رجلين احد الجالسين وكان من جنوب السودان فرد عليه بزهج شديد انت مابشوف
ولا شنو تطلع في كراع الناس احسه انت ماشي وين فرد عليه الرباطابي انا ماشي عند
اهلي انت ماشى وين


****************************** ********************
****************************** ******************** **************


رباطابي عنده فرن جاهو مسكين قال ليهو ( لي يومين ما ضقت




طعم الرغيف ) الرباطابي قال ليهو : ( ياهو طعمو زاتو ما
اتغير ) .


****************************** ********************
****************************** ******************** *****



قالوا رباطابي ببيع خرفان .. جاهو واحد إشتره منه خروف
.. وبعد مارفع الخروف في العربية .. رجع للرباطابي وقال ليه وين القش بتاع الخروف ..

الرباطابي قال ليه أنا بعته ليك مكيف .



****************************** ********************
****************************** ******************** **



قالو واحد سافر لابوحمد واول ما نزل من القطر لقى شافع
رباطاب بيببع في ليمون قام قال ليهو يا ولد ليمونك ده فيهو موية قام الشافع رد
عليهو بسرعة - نان قالوك ساقنوا بالتيمم



****************************** ********************
****************************** ******************** **



رباطابي جزار جاو واحد قال ليهو عايز راس نيفة بس صلحو
كويس فردعليهو اصلحو كيف يعني البسو نظارة

الاخت نسائم عطبرة نشكرك على النكات ، ان شاء الله تكونى رباطابية لكن راعى لشعورنا شوية لو انتى ما مننا

حلفاوي جا راجع البلد بعد أداء فريضة الحج ، الجماعة سألوه ياحاج صالح كيف الحج؟ قال ليهم هوته ساكت
.

عبدالفتاح بن سعيد كتب:

سيف الدين أخوك هيئة دبلوماسية دنقلاوية.
يعني كلو سيم سيم شمال .

االاخت الحميراءنشكرك على المرور وانا اسفه كلنا اهل بلد واحده المعذره كان المفروض اراعي لشعور اهلنا الرباطاب انا من الشماليه المهم ما قصرو الاخوان عبد الفتاح وسيف الدين اشتغلوالى اهلنا النوبه والحين حصل تعادل واعتذري

أنا رباطابية لكن ظريفة ما أقدر أقول حاجة عن المحس ولا الدناقلة ولينا أنساب وصحاب منهم