أكمل الاهزوجة (للعجايز فقط)

وطبعا عشان قلنا للعجايز فقط ..
العارف حا يعمل فيها ما عارف ..
بس حا نعرف انو عارف

غايتو انت بنصدق انك سغير وجاهل ..
منتظرين (ناس لا لا) ديك ..
الاهزوجة دي كانت في الكشافة ايام نميري رحمة الله عليه

وبمناسبة الكشافة وكده ..
ولا بلاش هنا احسن , العجايز عاوزين اي مخرج عشان يحرفوا مسار البوست ده
نخليها في مكان تاني

بتحاول تتذكر ؟
خد وقتك , ما مستعجلين

اكتشفنا انو نحن قاعدين مع اولاد صغار في المنتدى ده ..

طيب هاكم دي للأقل عجوزية ..

يا بلوم خلي ××× ×××
يا بلوم راجيك ××× ×××

أكمل ما باللون الاحمر

كل عام وانت بخير يا هشام
كـــــشافة عطبرة كان ليها شنة ورنة زمن نميري
وكشافة عطبرة هي اول واقدم فرقة كشافة في السودان كله
والكلام ده كان بين سنة 81-83 لانو كنا في المتوسطة , بس ما متذكر السنة بالضبط
وفي نفس السنة ديك مشينا معسكر كشافة الى منطقة الخوجلاب ورحلة هايك (كداري) من الخوجلاب للفكي هاشم , وقسنا ارتفاع القبة بالعصاية ..
ودقينا قادة المعسكر بالليل لما حاولوا يسرقوا مننا حاجات ونحن نايمين ..
واذكر من الزملاء معانا في الرحلة :
عبد الرحمن الحاج صديق الطفولة , ونادر بخيت وشمس الدين يونس
ونال معسكر عطبرة شهادة التميز في الرحلة

وفي نفس السنة ديك الطلائع والرواد كان عندهم معسكر في فندق الهلتون بالخرطوم

تونس وبغداد دي ما بتذكرها , لانو ما كنا بنتابع اخبار الرواد والطلائع , كنا بنعتبرهم اولاد مايو المدللين

وطالما انت ما عرفت الاهزوجة دي معناها القائد العام للكشافة هسي زاتو ما حا يعرفها ..
عشان كده بكملها ليكم هنا :

وين وين كاسوا ما لقوا
عمي الشيخ في الغابة لقو
ماسك ليه كديس من ضنبو
يعمل ليو شكلو شكلو

وبنزلها ليكم ملحنة

وهاكم اقروا [ندعوك للتسجيل في المنتدى أو التعريف بنفسك لمعاينة هذا الرابط] عن تاريخ كشافة عطبرة

غايتو السمعناها في الكشافة : شكلو شكلو , ما متأكد ..
وعلى كل حال انا طمنتيني شوية , الجماعة ديل شككوني في نفسي ..
قلت نحن زمننا فات ولا شنو ؟

دي بمناسبة فوز المريخ على الهلال قرشين صفر .. اقصد هدفين صفر

الاهزوجة
سيد اللبن جا .. يا نفيسة
طالبني قرشين صم .. يا نفيسة
××× ××× ×××
××× ××× ×××

أكمل ما باللون الأحمر ..

وطبعا بعض الهلالاب حتى لو عارفينها ما حا يقولوها
لانو الروح الرياضية عندهم صعدت الى بارئها
فقد رأينا ثورة الحجارة وقزاز الشامبيون يتطاير على لاعبي المريخ في الشوط الثاني
بس الحمد لله ابووردة قال ما بيشرب شامبيون .. براءة يعني

ود جمعة , رونق هودنا , الهادي الشغيل ..
أهدي إليكم مداخلتي الاستباقية الثانية الموجودة في الصفحة الاولى من هذا الموضوع :

وقد عرفنا من يعرف ومن لا يعرف من خلال ردودكم
والحرامي في راسو ريشة .. ولا دي برضو ما سمعتوا بيها ؟؟

وشهد شاهد من أهل تلك الحقبة الزمنية السحيقة ..

أما أنا يا هشام فمجرد مستمع سماع لتلك الحقبة ..
ولكنني اتذكر جيدا (وانا طفل يحبو) كنا بنمشي محل حلويات في سوق المحطة الاخيرة في الحصايا ..
كان بيبيع باسطة عبد الفتاح : قطعتين على صحن صيني صغير ومعاها شوكة للأكل ..
وكل ده كان بقرشين ونصف ..

واليك صورة الفريني (القرشين صم) , ولك مطلق الحرية في إهداءها لابووردة (بس اعمل ساتر الجماعة ديل الايام دي متعودين يفلقوا الناس باي حاجة)

كده ما قطعت قلوبنا لغية ما اعترفت ..
دي اول مرة اسمع بيها

ابووردة .. ادينا رايك في الاهزوجة الجديدة دي , مالك عامل فيها ما شايفها ؟؟؟
حتى لو ما حضرت زمنها .. أهو راجي غناها ليك في استاد الهلال .. في عقر دارك