خبرتحت الكواليس

العمله الجديده للسودان الجديد جاهزه الآن

أبووردة كتب:: العمله الجديده للسودان الجديد جاهزه الآن

كمان اوريك خبر جديد وصلتني رسالة من التلي موني للتحاويل السريعة
وهو تابع للبنك العربي وجاء في الرسالة بان سعر الريال السعودي وصل 800
ولذلك اهيب بكل اعضاء المنظمة اقتناص الفرصة دي وارسال اشتراكاتهم باسرع وقت للاستفادة من فرق السعر لصالح المنظمة

اقتباس :: خبر تحت الكواليس

انت اتاريك شغال مع ناس الكواليس ؟ منك خوف تاني

أبووردة كتب:: العمله الجديده للسودان الجديد جاهزه الآن

عملة الشمال ولا الجنوب ؟

لو كانت عملة الجنوب .. حا تكون عملة صعبة على وزن البترودولار
ولو كانت عملة الشمال , يغيروها ليه ؟
لو جديدة ولا قديمة حا تكون عملة كعبة

طلبعا عملة الشمال

أسباب التغيير من نواحى أمنيه طبعا ولحظة الإنفصال

كذلك تغيير الجنسيه والجوازوأشياء أخرى وطبعا المصدر صحفى موثوق ...

أبووردة كتب:: كذلك تغيير الجنسيه والجوازوأشياء أخرى وطبعا المصدر صحفى موثوق ...

العملة وعرفناها
طيب الجنسية والجواز والاشياء الاخري دي ما تجيب وراها جبايات
ام حيكون تغييرها ملح تديهم القديم ويدوك الجديد
كان الله في العون يلمها النمل يطاها الفيل

بالله قول ليهم يا ابووردة ..
ومن اجل تحقيق الوحدة بعد الانفصال :
يضعوا صورة البشير في عملة الجنوب , وصورة سلفاكير في عملة الشمال
وعشان لما نعاين للمية جنيه .. ونبكي على الأطلال

التغير الجذري لحياتنا التعيسة دي ما بيجي بتغير العملة لكن ما دام قالو كده نحن علينا الطاعة .
في الخرتوم كان في ناس بيفرشو كتب في الواطة، و كنت مغرم بكتب- تعلم اللغة الأجنبية بدون معلم و ناس تعلم الألمانية في أسبوع ديك ، باين لي ناسنا ديل لمو في كتاب أسمو- تعلم كيف تحكم السودانين في أسبوع - و قاعدين يطبقوا فينا النظريات دي

hishamabbass كتب:: في الخرتوم كان في ناس بيفرشو كتب في الواطة، و كنت مغرم بكتب- تعلم اللغة الأجنبية بدون معلم و ناس تعلم الألمانية في أسبوع ديك ، باين لي ناسنا ديل لمو في كتاب أسمو- تعلم كيف تحكم السودانين في أسبوع - و قاعدين يطبقوا فينا النظريات دي

مش ياهم الجماعة الجمب الجامع الكبير ديك ؟ ياهم اخواننا الجنوبيين
في بدايات التسعينات بعد التخرج , ظهرت لغة الفيجوال بيسك , بحثت عن كتاب لها في كل مكتبات الخرطوم وفي اليمن ولم أجده إلا عند الفارشين جمب الجامع الكبير ديل , وبسعر قليل جدا , لم أصدق واشتريته وانا ماشي واتلفت يمين وشمال مفتكر اني غشيت البائع وانو حا يلحقني ويشيل كتابه.
ونفس الكتاب ده تعلموا منه لغة الفيجوال بيسك تلاتة من اصدقائي ..
ويقول ليك البائع المتجول مهنة هامشية .. هي مهنة اساسية توفر ما لا يوفره البائع النظامي

الله عليك ما هو الإسم الجديد إذا كان الانفصال بين ؟