ويكيليكس عطبراوي

تذكير بمساهمة فاتح الموضوع :

أحد أعضاء المنتدى
كان قد أخذته الغيرة بالاثم قبل ايام فظهر ب New Look
شوهد صباح اليوم يبكي على الأطلال tongue

تسريبات أخرى لدينا عن هذا العضو , انتظرونا بعد ظهر اليوم confused

المصدر : مجهول

سيف الدين كتب:: بتقصد الدكتاتور يا ناصر

إنتو الدكتاتور ده منو لى هسى ماوريتونا ليه Razz

الديكتاتور انا عارفوا لكن ........

الدكتاتور هو معمر القذافي
كمان بتسأل
عجيب أمرك يا أبو مريومه!!!!!!!!!!!!!!!!!!!!!!

الاخ الهادى الديكتاتور البيسأل عليهوا ابومريومه هو الديكتاتور الصغير

آآآآآآآآآآآآآآآآآآآآآآآآآآآآآآآآآآآآآآآآآ Shocked

كده ممكن تكون واضحة ياأخوى الهادى Wink

ويكليكيسية جديدة لنج
نما لى سمعنا (يعنى والله ماشفنا ) إنو رئيس منظمة عطبرة الخيرية بى إتصال فيس بوكى طلب من فلان الفلانى أمين الإتصال والتنظيم بالحزب المعنى داك أن يعمل ليه دستور أو يديه دستور والله سبحان الله قال مستقلة قال وداير دستورها يكون (...........)

ابومريومة كتب:: ويكليكيسية جديدة لنج
نما لى سمعنا (يعنى والله ماشفنا ) إنو رئيس منظمة عطبرة الخيرية بى إتصال فيس بوكى طلب من فلان الفلانى أمين الإتصال والتنظيم بالحزب المعنى داك أن يعمل ليه دستور أو يديه دستور والله سبحان الله قال مستقلة قال وداير دستورها يكون (...........)

دي قوية جداً
يمكن عايز يعدل بعض بنود الدستور بما يتواءم وأنظمة ولوائح المنظمة
الشعب يريد معرفة الدستور

ابومريومة كتب:: ويكليكيسية جديدة لنج
أن يعمل ليه دستور أو يديه دستور والله سبحان الله قال مستقلة قال وداير دستورها يكون (...........)

1- المنظمة لديها دستور مجاز من المفوضية
2- (الاستقلالية) لا تعني (رفض) أي جهة , بل تعني أن تكون المسافة واحدة من كل الجهات , ولكن عندما تكون (جهة ما) هي الاكثر حبا للعطاء (بلا مقابل) فهذا ليس ذنبها ولا ذنب المنظمة (بل هو ذنب الجهات الاخرى التي لم تتقدم نحو المنظمة خطوة واحدة) , فالتحية والتقدير لأي جهة ساهمت في رفد هذا العمل (الانساني) وليس السياسي
ــــــــــــــــــــــــــــــــــــــ
انت ما ملاحظ يا مصطفى انك ما بتكتب في المنتدى إلا المواضيع الفيها حساسية ومفروض تتناقش بهداوة ؟
وانت بالذات كنت معترض على موضوع المكاشفة وقلت بيجيب الهواء ؟
طيب .. الجديد شنو الخلاك تدق الصفيحة هنا ؟

الصفيحة لكن ياسيوف شايفة ماشة مصدية

ذكرتونى صفائح الحمام فى أم الطيور وجداد الفاضلاب وحطب المقارنه تحياتى

اهنئك اخي سيف للاحترافية في الامور الشمارية الخليت ابو وردة الفي الناحية الاشرافية مسطح

استاذنا ابراهيم فلقو
كما تعلم .. فالشمارات صناعة عطبراوية خالصة
بمسمى (الاواصر الاجتماعية)
فقط حاولنا هنا أن نكسيها ثوبا عصريا ..
علما بأن الاخبار هنا لا تخلو من صحة حتى وإن تغلفت بقالب فكاهي

أما حبيبنا ابووردة فهو رجل شاعري الاحساس ..
يفكر بطريقة تفوقنا جميعا , لذلك لا يفهم مانقول .. وكثيرا لا نفهم ما يقول
وكثيرا ما تورطنا معه .. فاصبحنا نتريث في تفسير كلماته

ضبط اليوم أحد أعضاء المنتدى الفاعلين الغير معتاد للدخول ليلآ يتسلسل اليوم إلى بوست أغاني الحقيبة ليلآ. ويترنم. بــ هجد الانام وأنا وحدي مساهر
والنحول علي جسمي ياحبايب ظاهر
أسبابي !!!
أيه أسبابو؟؟؟

(فـــقــــــه الـــســــــــتـــرة)

[ندعوك للتسجيل في المنتدى أو التعريف بنفسك لمعاينة هذه الصورة]

تفسير من جهينه أولاا
1/ صفائح الحمام تعنى بيت السلام ينطلق من أم الطيور بمعنى ضواحى عطبره هى محطه ومن محطات السلام وربوع السودان
2/ جداد الفاضلاب تعنى نوم العافيه فى الليل البهيم والصحه فى النهار غذاء الجسم السليم يأتى من ربوع عطبره الفاضله وهم أهل الفضل والنسور
3/حطب المقارنه هذه الكلمات تعنى الحطب وقود النار وزادها وقوتها بالقرآن لأنها بلد المشايخ والعلم وتحياتى لربوع عطبره الكرام وشموخ المنظمه بأبنائها وشكرا فنقو

18- الويكيليكساية الثامنة عشر / مزدوجة (يعني دبل كيك)
ويكيليكس عطبراوي يتقدم باحر التهاني لاختنا نون العطبراوية على تتويجها ملكة الالفية الاولى
ونتمنى لها عمرا مديدا بالمنتدى
ويقدم لكم بهذه المناسبة هذه الويكيليكساية المزدوجة
والتي تحتوي على كمية من الاعترافات النارية التي تم التنصت عليها في علبة الدردشة
---------------
(1) عناية الشوايقة المركبين مكنة جعليين :
[14:58:23 03/04/11] ناهد : كنت بزعل لانى مابعرفهم
[14:59:03 03/04/11] ناهد : اسا بقيت عادى مابزعل بالعكس بدورهم
---------------
(2) عناية حبيبنا ابووردة في بوسته التاريخي "والمقرن لنا فيه اموضوع"
[14:47:24 03/04/11] @ محمد جمعة : وعدم سفلتت شارع المقرن دي حكاية براها مع انو البلد كلهابقت شوارع ظلط
[14:49:12 03/04/11] @ محمد جمعة : المقرن ولا حبة اسفلت مافيها

سيف الدين كتب:: [14:47:24 03/04/11] @ محمد جمعة : وعدم سفلتت شارع المقرن دي حكاية براها مع انو البلد كلهابقت شوارع ظلط
[14:49:12 03/04/11] @ محمد جمعة : المقرن ولا حبة اسفلت مافيها

تصدق ياحبيبنا الكلام دا مع انو بيقولو الحكومة جنها شوارع ظلط
يعني طوالي قايمين في شغل الزلط ذي الصرافات في البلد دي
لكن للاسف المقرن لم يحنو عليها ولو بشويرع صغنوني بتاع ظلط [ندعوك للتسجيل في المنتدى أو التعريف بنفسك لمعاينة هذه الصورة]

علشان كده أنا بقول المقرن لنا فيها موضوع

19- الويكيليكساية التاسعة عشر
عطبراوي هميم ومهموم بقضايا المدينة
شوهد في المدينة في عز الحر ..
يهيم على وجهه ويهمهم بكلمات مبهمة غير مفهومة
وبعد استقصاء وبحث عن السبب ..
علمنا أنه اخذ شاكوشا قويا .. ليس من فتاة
بل مشروع متكامل وضع له دراسة جدوى متكامل ..
ففوجئ بشركة خرطومية تستلم المشروع
ـــــــــــــــــــــــــــــــــــــــــــــ
الجاتك في شركة نضافة سامحتك , قلوبنا معك

[ندعوك للتسجيل في المنتدى أو التعريف بنفسك لمعاينة هذه الصورة]
قالو الهضربة زادت
قالو الماعندو ماعارف شنو داك ينضرب علي مشروعو
قلوبنا معاك ايها العطبراوي الهميم

كنا عاوزين نعملها في موضوع منفصل
خفنا عليهو يقوم ينفصم
......
ما قلنا ليك ♫♪
ده طريق ♫♪
قاسي وصعيب من اولو .. من اولو ♫♪

مادام صاحب الشاكوش ده
١- عطبراوي
٢- هميم
هو الأجدر و الأحسن ، وناس الخرطوم ديل خلو مدينتم تلمع من النضافه حتي يجونا لعطبره ؟ وأنت يا صاحب الشاكوش ما كان تبدأ بمشروع نظافة القلوب و تطهيرها قبل ما يشوكشوك كده ... بيني و بينك كده شوارع عطبره الأنت حايم فيها نص النهار و تهضرب ما أنضف من قلوب الشوكشوك ديل ؟؟؟ شاكوش البنات سمعنا بيهو لكن زي شاكوشك ده جديد علينا تب يا زول

ورد الينا من مصادرنا الموثوقة
بان صاحب الشاكوش بعد ردة الفعل كان ينوي يدخل في اي مشروع والسلام
والان من مصادرنا الموثوقة قالو صاحبنا سايق رقشة
والرقشة راشه تمام وكنجالاتها عاملة بسمة صغنونه في وشه
وربنا يزيدو ويبارك ان شاءالله

الغريبة قبال مايتشوكش قطع علاقاتو مع ناس خاف يجيبو ليه الشاكوش ياربى المشوكش ده إتشوكش قبل مايشوكش الشوكشهم ديل ولا هو كان عارف الشاكوش حيشوكشو والله شككتونا معاكم

20- الويكيليكساية العشرون
شوهد المدعو محمد جمعة على الفيسبوك
وهو يقول للسيد الرئيس (ارحل)
ويمكنكم التأكد على الرابط التالي (بسرعة قبل حذفه)
[ندعوك للتسجيل في المنتدى أو التعريف بنفسك لمعاينة هذا الرابط]

21- الويكيليكساية الواحدة وعشرون
يا هذا , لماذا تقبل صداقات في الفيسبوك بدون تمحيص ؟

نكتفي بهذا القدر عن صاحبنا هذا لعلمنا أنه لم يقصد
وإن عاد عدنا

» حمل شريط أدوات (عطبراوي)
» تنزيل وتثبيت مدرب الطباعة (عطبراوي)