الفاتح جبرا - ساخر سبيل

صحبك ده زكرتي قصة بتاع الركشة الحصلت قبل اسبوع في شارع الوادي وقفو زول في الشارع قالي ليهو وديني محل اشتري لي فراخ للمناسبة ديك (وبالفعل اشر ليهو لي صيوان مناسبة قريب منه) ...بتاع الركشة ساق الزول وداهو لي محل الفراخ ..الزول قال ليهو عبي لي 150 كيلو وقعد ينضم بالتلفون (ياجماعة انا في محل الفراخ انتهي منو واجيكم نجيب باقي الحاجات) فجاة قال لي بتاع الركشة تلفوني قطع كهرباء هاك دي خمسة الف رصيد اديني اتكلم بي تلفونك وشال التلفون كمل كلامو وبعد انتهاء المكالمة نادى بتاع الركشة قال ليهو ناس الببيت ديل دايرين حاجات تانية والقروش العندي ما بتكفي امشي بيتنا الجينا منو اسع تلقي زول اسمو سمير يديك 500 الف جيبها لي، بتاع الركشة دور مشى المناسبة وخلى تلفونوا طبعاً مع الراجل وركب شريحتو فيهو و قال ليهو لما تصل هنالك خلي سمير يضرب لي عشان اككد ليهو يديك القروش وطبعاً بتاع الركشة عارف تلفونو قاطع كهرباء... بعد بتاع الركشة دور خشه لي بتاع المحل قال ليهو اديني عشرين جنيه اجيب بيهم رصيد لحدي ما بتاع الركشة ده يجي يجيب القروش... وطبعاً ناس المحل مع فرحتم في بيع 150 كيلو طوال نفذو ليهو طلبو وهم معبين الفراخ في شوالات طبعاً. شال العشرين جنيه وموبايل بتاع الركشة وكبه الزوقة لي الان ما لامين فيهو..

بتاع الركشة مشى العرس سال من سمير وطبعاً ما في زول بعرفوا خالص وجاء راجع المحل وناس المحل راجينو يرفع الفراخ في الشوالات ويديهم القروش والعشرين جنيه الشالها للرصيد هههههههههههههههههه ...

النصب بقي فنون وعلي عينك ياتاجر
قبل كدا واحد برضو لابس ليك جلابية فضفاضة وعمة التقول عمة ترباس والعصاية تقول عصاية نميري
ومشي محل بتاع كدارات كورة وقال ليهم عندي فريق وداير اودي ليهم كدارات هدية
داير دستتين من النوع الجيد والاصلي صرف النظر عن القيمة الجماعة جابو ليه احسن نوعية ووروها ليه
قال ليهم دا تمام التمام بس هناك مشكلة المقاسات ماعارفها ممكن تدوني من كل جوز الفردة اليمين اروح اجربهم عليهم واجي اخد الفردة الثانية او اشوف المظبطط معاهم ارجعها قالو ليه ابشر بالخير اخد الفردة اليمين من كل جوز وشوف المقاسات
صاحبنا اخد الفردة اليمين وطلع من عندهم ومشي محل تاني وعمل نفس الفلم بس قال ليهم ادوني الفردة الشمال
برضو الجماعة التانيين دقسو دقسة الفاتو وادوه الفردة الشمال وليومك دا مالامين فيه
مشكلتنا السودانيين بنتعامل بحسن النية والطيبة والحاجات دي زمنها ولي وراح
الله يديك العافية ياخوي محمد شرف وابعد عنك امثال هؤلاء ان شاءالله

هات يا زمن جيب كل احزانك تعال .. جيب المحن

الكلام ده زمان كنا بنقراه في الصحف المصرية
يلا .. كلنا اولاد النيل