من هو الأقصر ؟؟؟؟؟

من هو الأقصر , وبالبلدي كده ( ياتو فيهم البعيو ) ؟؟؟؟؟

إتنين قصار بيتشاتمو ويداعو بعض

الأول قال للثاني : أريتك بالقصر اليخليك تشابي للفنجان

الثاني رد عليه : أريتك بالقصر اليخلي طاقيتك تجر

فجاءهم حكم وقال : أريتكم الإتنين بالقصر اليخليكم قاعدين في ( البرش ) وكرعيكم

مدلدلات ..فمن هو الأقصر الأول أم الثاني أم الإثنين معا" ...ردكم

[ندعوك للتسجيل في المنتدى أو التعريف بنفسك لمعاينة هذه الصورة]
ياخوي قصر شنو ديل مافي نهائي ديل الا يكونو نمل

والله أنا شايف الحكم دا أقصر منهم الأثنين لأنو دعاهو دعا بتاع زول قصير وممغوص منهم الأثنين

اوع بس يكون القصير الثالث

والله الثلاثه قصار و ما فى خيار مابيناتم

شبس كتب:: فجاءهم حكم وقال : أريتكم الإتنين بالقصر اليخليكم قاعدين في ( البرش ) وكرعيكم

مدلدلات ..فمن هو الأقصر

دا هو ذاتو القصير

شبس كتب:: أريتكم الإتنين بالقصر اليخليكم قاعدين في ( البرش ) وكرعيكم مدلدلات

ده وصف زول مجرب القعدة دي , عشان كده هو الاقصر

شايف إتفقتو علي الثالث هو الأقصر , لكن باقيلكم لو ماهو أطول , كيف يشوف غيره قصير ...فعادة" لا يري قصر الآخر إلا الذي هو أطول منه , أليس فيها شئ من ( النظرية النسبية ) ؟؟؟ صاح واللا ماغلط ؟؟

إتنين بيتشاتمو ويداعو بعض

الأول قال للثاني : أريتك بالحمى اليتبنوها (اليلمسوها) بالعود

الثاني رد عليه : أريتك بالحمى اليتاوقوليها بالطاقة (الفتحة)

السؤال : منو في الإثنين الحمى ودرجة الحرارة مرتفعة عندو أكثر من الثاني ؟ وكم درجة حرارة كل منهم ؟

الاخ الهادى ربنا يعافيك ويكفيك شر الحمه
والاجابه هو الثانى( بتاع الطاقه )

شبس : نظريتك النسبية صحيحة بس عاوزة اثبات رياضي

الهادي : الحمى الاقوى العاملنها ليك الشيعة Suspect

سيف الدين كتب:: شبس : نظريتك النسبية صحيحة بس عاوزة اثبات رياضي

الهادي : الحمى الاقوى العاملنها ليك الشيعة

الشيعة ديل طيرو لينا الحمى في رأسنا

الشيعة ديل هم : [ندعوك للتسجيل في المنتدى أو التعريف بنفسك لمعاينة هذه الصورة]

الهادي محمد عمر الشغيل كتب:: إتنين بيتشاتمو ويداعو بعض

الأول قال للثاني : أريتك بالحمى اليتبنوها (اليلمسوها) بالعود

الثاني رد عليه : أريتك بالحمى اليتاوقوليها بالطاقة (الفتحة)

السؤال : منو في الإثنين الحمى ودرجة الحرارة مرتفعة عندو أكثر من الثاني ؟ وكم درجة حرارة كل منهم ؟

شبس يرد : حمي ( البيتاوقولها ) بالطاقة , كما أجاب ( ناصر خلف الله ) وذلك بسبب البعد عن المصدر , فكلما بعدت المسافة , دل ذلك علي شدة حرارة المصدر ... لكن درجة حرارتهم كم ؟ ديل البيقرب منهم منو عشان يقيسها ؟؟!! لكن الأول ممكن يقيس للتاني

سيف الدين كتب:: شبس : نظريتك النسبية صحيحة بس عاوزة اثبات رياضي

الهادي : الحمى الاقوى العاملنها ليك الشيعة

شبس يقول : يا أبو السيوف , القونين الرياضية , كما أخبرت الهادي , فالذاكرة بتاعت الواحد محتاجة ذاكر إضافية , 1 قيقا واللا 2 قيقا ممكن تحل المشكلة بتاعت النسيان .. قالوا في هارد دسكات مقاس كبير..شايف الشيعة زي ماقلت سخنوا رأس الهادي ,,, يعني من اللي درجة حرارتو أعلي ؟؟ الجواب : الهادي الشغيل