سؤال لناس السودان

زمان كانت المصاحف مكتوب على كل سورة فيها
سورة كذا , مكية , وآياتها كذا
أو
سورة كذا , مدنية , وآياتها كذا

هل لا زالت تلك العبارات مكتوبة على المصاحف اليوم ؟

موضوع: رد الثلاثاء ديسمبر 21, 2010 4:48 am

الله هو حافظ القران في كل زمان ومكان

الاخ سيف لا يزال وأنا عندى شخصيا وفى عدد كبير من المساجد موجوده

الأخ الكريم / سيف
ما هو قصدك يا أخي بالله عليك
أخوك/كردفاني

الاخ كردفاني ,, تحية وتقدير
أثناء قراءتي للمصحف , تذكرت تلك المصاحف القديمة في السودان ..
وعندما اعود للإجازات دائما احمل معي مصاحف للبيت ..
لذلك لم استطيع ان اقرر : هل تلك العبارة لا زالت موجودة أم لا ؟
ولهذا سألت الموجودين في السودان
ـــــــــــــــــــــــــــــــــــــــــــــــــــــــــــــــــ
الاخ ابووردة قال لا زالت موجودة ..
ولكنها غير موجودة في المصاحف هنا في السعودية ..
فهل ذلك اختلاف فقهي أم مجرد اختلاف في تبويب المصاحف ؟
هذا ما اردت السؤال عنه
تحياتي

كردفاني كتب:: ما هو قصدك يا أخي بالله عليك

الاخ كردفاني , أها بعد ما جاوبتك عاوز اسالك :
المصحف العندك مكتوبة فيهو العبارة دي ولا لأ ؟
تحياتي

تحياتى
المصاحف الموجودة او العندى مافيها تحديد سورة مدنيه او مكيه

وشهدت شاهدة من اهل السودان :

ناهد كتب:: تحياتىالمصاحف الموجودة او العندى مافيها تحديد سورة مدنيه او مكيه

شكرا يا جارتي العزيزة
وانا كنت بين الشك واليقين عشان كده حبيت اتأكد منكم
يعني ابووردة محتفظ بالمصاحف ديك من زمن حفروا البحر ؟

سيف كتب
شكرا يا جارتي العزيزة
انت برضو ولد جيراننا ماشاءالله اتارى اقول الشبه دا شايفاه وين

يعني قصدك هناي التاني سيد الاسم ؟
برضو جيران (والله العظيم) , اسأليهو

غايتوا نحنا عندنا الاتنين

الأخ سيف
المصحف المعاي هو مصحف أفريقيا وما فيهو مكان نزول السورة وما فيهو عدد الآيات 00 ونحنا لم نلاحظ هذا التغيير 00 إنت لاحظتو ليه 00 في حاجه في رأسك وما في داعي للف والدوران ومرات الزوغان 00 فنحن في المنتدى لا نعرف بعض ولم نتقابل ولكن نتقابل بالعقل والفكر وتبادل الأفكار والآراء
وذكرت في بوست هل هذا إختلاف فقهي أم تبويب فقط 00 نحن ما زلنا نسألك الرد وإلاّ سوف نعمل مظاهرة ونجيك في السعودية ولو كداري عشان نعرف ومنها نكسر ركبة معاك ونعرف برانا

انا سألت كردفاني :

سيف الدين كتب:

كردفاني كتب:: ما هو قصدك يا أخي بالله عليك

الاخ كردفاني , أها بعد ما جاوبتك عاوز اسالك :
المصحف العندك مكتوبة فيهو العبارة دي ولا لأ ؟
تحياتي

فردت الاخت ناهد

ناهد كتب:: تحياتىالمصاحف الموجودة او العندى مافيها تحديد سورة مدنيه او مكيه

فرد كردفاني :

كردفاني كتب:: ونحنا لم نلاحظ هذا التغيير 00 إنت لاحظتو ليه 00

قال (نحنا) مع أن الاخت ناهد لاحظت confused

كردفاني كتب:: الأخ سيف وما في داعي للف والدوران ومرات الزوغان

مافي لغة احسن من كده ؟
خصوصا وانك قلت ( فنحن في المنتدى لا نعرف بعض ولم نتقابل ولكن نتقابل بالعقل والفكر وتبادل الأفكار والآراء ) ؟

كردفاني كتب:: ما زلنا نسألك الرد وإلاّ سوف نعمل مظاهرة ونجيك في السعودية ولو
كداري عشان نعرف ومنها نكسر ركبة معاك ونعرف برانا

في انتظار المظاهرة وكسر الركبة .. وحق التذكرة علي

احسن الواحد يقرا فقط ويحتفظ برايو لوحدوا

الأخ السائل الكريم المصحف الأمامى مكتوب عليه فى السورة أمامى الآيات مكيه وبعضها وبعضها مدنيه وعدد آياتها كده وشكرا للسؤال الجميل

الأخ سيف آسف للغة بس كنت عاوز أعمل جو
الأخت ناهد شكلها ملت 00 معليش طولي بالك

كردفاني كتب:: الأخ سيف آسف للغة بس كنت عاوز أعمل جو
الأخت ناهد شكلها ملت 00 معليش طولي بالك

يا حبيب جو شنو .. انت عملت لي كو في قلبي rabbit

ومشيت الخطوط الجوية اقطع التذكرة .. لقيتهم قفلوا tongue

اما ناهد دي المرة التانية , المرة الاولى كانت معاي .. الا ربنا ستر ولطف cyclops

جاييك بهدية كردفانية مجهزها قبل يومين وما لاقي وقت انزلها لانو اليوتيوب في الشغل ممنوع عندنا

سيف كتب
اما ناهد دي المرة التانية , المرة الاولى كانت معاي .. الا ربنا ستر ولطف cyclops
مالى انا انت سالت وانا جوابت
وانا زمان نسيت الموضوع داك ومع انو انا ماغلطانه لكن شكلك انت لسا خاتيهو فى راسك

كردفانى
أخت ناهد شكلها ملت 00 معليش طولي بالك
لاوالله مامليت كل زول حر يكتب بالشى البيرحو والمناسب ليه والله ذاتى مالحظت 00
ا

ناهد كتب:: مالى انا انت سالت وانا جوابت
وانا زمان نسيت الموضوع داك ومع انو انا ماغلطانه لكن شكلك انت لسا خاتيهو فى راسك

ناس المنتدى ديل كلهم بطنهم غريقة .. ما بينسوا حاجة tongue

(بطنهم غريقة دي خلي بت النيل تشرحها ليك لانها تربية حبوبات) bounce

انت شكلك غايظاك القصيدة المسحتها كان تقول عاجباك مامشكله بس ورينى الشبكه حقتكم وارسلها ليك

تقدير تعدلي نفس البوست وترجعي القصيدة فيهو ..
عشان تمسحي آثار الجريمة Evil or Very Mad

انت اعترف انها عاجباك وبعدين انا بنزلها راجعه

زينة وعاجباني
مع انو ما متذكرها cyclops

انا ذاتى ما مزكرها نسال هناى داك

أوع هناي داك يكون الكردفاني 00 أنا مسجل جديد (لا أقصد رادي قديم) ههههها