الديكتاروفوبيا

الديكتاروفوبيا ..
مرض أصاب العالم بعد أحداث تونس
الكل اصبح يتحسس من كلمة ديكتاتورية
واولهم القذافي الذي كال المديح للرئيس التونسي المخلوع
وقال ليه التوانسة ما انتظروا على الرئيس 3 سنين اخرى !!!
(هو العمر كلو كم سنة عشان يضيع انتظار ؟؟ )

وحتى عندنا هنا في المنتدى
بقوا يقولوا ليك غير توقيعك لأنو راس السوط وصلنا
وااااي يا امي من السوط ده

انتبهوا يا المتزوجين في البيوت جيبوا سيرة الدجاجة وابعدوا عن سيرة الديك
وكلمات تانية زي : الديكور , الديكارتية , الديكشنري , اديك مصاريف ... الخ
لانو بمجرد ما تقول الديك/اديك وقبل ما تكمل حا تفقد نصف اسنانك
لانو النسوان اصلا ديكتاتوريات بالفطرة

سألنا طبيب نفسي عن علاج الديكتاروفوبيا ..
قلنا له : هل الديكتاروفوبيا عرض أم مرض ؟
قال : هي عرض لصدمة ناتجة عن حدث غير متوقع كأحداث تونس مثلا
قلنا له : هل يمكن أن تتحول الى مرض ؟
قال : إذا كان المريض فعلا ديكتاتور بالتأكيد ستتحول الى مرض
قلنا له : طيب , إذا تحول العرض الى مرض , العلاج كيف ؟
قال : الخطوة الاولى مصارحة المريض
قلنا له : ولكننا نخاف على نصف اسناننا من السقوط
قال : يجب أن تكون المصارحة من وراء حجاب ساتر
قلنا له : طيب الخطوة التانية في العلاج ؟
قال : تنفيذ رغبات المريض
قلنا له : ما استفدنا حاجة , حا يزيد ديكتاورية علينا
قال : مؤقتا حتى يطمئن لكم , وفجأة تقمصوا دور المجانين , سيندهش ويخاف على نفسه فيأوي الى سعودية تعصمه منكم
قلنا له : ده لو كان وزير او مسئول , طيب لو كان المريض هي الزوجة في البيت ؟؟
قال : أعلنوا نيتكم في الزواج مثنى وثلاث ورباع , ستسمعونها تطلق الديكتاتورية بالثلاثة

سؤال اخير يا دكتور : الناس البيقولوا لينا غيروا توقيعكم ديل , دي حالة مرضية ولا عرضية ؟؟
قال : لالالا دي حالة عرضية طبيعية خفيفة تنتهي بالمصارحة
قلنا له : الحمد لله , الله يطمنك يا دكتور

يا ابوعبد العزيز سيبك من الزعماء وخلينا مع العامة والدهماء زيي انا وابومريومة
حصل شفت ليك زعيم ديكتاتور لا سمح الله ؟
كل الحكاية انو الزعماء بيعرفوا مصلحتنا اكتر مننا ونحن نسمي ذلك ديكتاتورية جهلا مننا

دكتورنا ده جعلي ومن حي السكة حديد ..خريج ما قبل ثورة التعليم العالي
أها عندك فيهو كلام ؟

لو عندك فيهو كلام , رايك شنو في الجعلي البيقول :

ممكن يكون جعلي مدن طيب ؟؟