الرائع خوجلي هاشم في اغنية الراكوبة واجمل خطاب وعشق البنفسج واغاني اخري

اقدم لكم ياغالين باقة من اغنيات ابن عطبرة الاستاذ والفنان الرائع خوجلي هاشم

اغنية الراكوبة

اغنية اجمل خطاب

اغنية عشق البنفسج

اغنية الفات زمان

تسلم يا رايع على الروايع وربنا يحفظو لي عطبره

لك التحية حبيبنا حسن عمر
وبالجد خوجلي انسان فنان في طبعه وفي غناه وربنا يخليه لعطبرة ولامتاع انسانها الطيب

بنفس القدر الذي غاب به اسم اسم الذكار عن عمله قطار الشوق فنسبت إعلاميا للبلابل وحسين شندي ظلت روائع خوجلي هاشم تنسب لمحمود عبد العزيز فنسبت الراكوبة وافتقدتك للمطرب محمود عبد العزيز كما نسبت من قبل اغنية مصطفى مضوي مسكين انا للطيب عبد الله رغم ان الطيب عبد الله لم يتناولها وقد تناولها فيصل الصحافة في بواكير ايامه في شريط كاست غنى فيه بعض اغاني الطيب عبد الله وحشر مسكين انا في وسطها فوزع الشريط خطأ باسم الطيب عبد الله ...
في السنة الماضية تمت اقامة حفل تابين بمدينة بدبي شارك فيه خوجلي هاشم ومحمود عبد العزيز واراد الله ان يثبت حق خوجلي هاشم في اغنيته افتقدتك عندما انهال الطلب على محمود عبد العزيز من الحضور الذي طالب بافتقدتك فذكر لهم محمود ان صاحبها موجود وهو من سيسمعها لكم ...

حقيقة كما قلت اخي واستاذي ود ميرغني
كل روائع عطبرة ضائعة ومهدور حقها وذلك بسبب الظلم الاعلام للغالية عطبرة
وايضا كما ذكرت اغنية افتقدتك التي اعترف محمود بملكيتها للرائع خوجلي هاشم
ايضا اعترف محمود بان اغنية الفات زمان هي لخوجلي واستمع اليها بالصدفة وهو متجه لاحياء حفلة
وشكراً لك استاذي ود ميرغني لتنويرك هنا ووضع بصمتك [ندعوك للتسجيل في المنتدى أو التعريف بنفسك لمعاينة هذه الصورة]

مستحيل يكون من أحد المقارنه كمان هذا الرائع والذى يقدم لنا الروائع تحياتى

التحية للحضور الانيق اناقة مبدعنا خوجلي هاشم
سؤال :
هل حدث أن نسبت اغنية للهرم العطبراوي رحمه الله لفنان آخر ؟؟
حسب علمي : لا ........لمــــــــاذا ؟

العطبراوي مثله مثل الذكار وخوجلي ظل في عطبرة ورفض الاقامة الدائمة في الخرطوم
ولكنه كان يسجل اعماله اولا باول في الاذاعة التي كانت الاداة الاعلامية شبه الوحيدة للفنانين

أعتقد أن خوجلي لديه شوية (كسل اعلامي)
مع امنياتنا له بالرقي والتقدم

حبيبنا وصحبي ابووردة بالجد انت الرائع
صحبي اعمل حسابك من المقارنه ديل شويتين كدا وبجوك ناطين في الخرطوم
والله يديك العافية واللقمة الدافية ان شاءالله

حبيبنا سيوف تعرف ياغالي حقيقة ذي ماقلت استاذنا خوجلي عندو شوية كسل من الاعلام
ومع القنوات الكتيرة دي المفروض نشوف طلاته كتيرة علينا يمكن مرة واحدة شفته في قناة النيل الازرق
وعن طريق صدفة بقلب في التلفزيون ولقيتو بيشدو باروع اغانيه ولكن للاسف كانت نهاية السهرة
وقدر مافتشت علي الحلقة دي لم اتحصل عليها
وربنا يمتعو بالصحة والعافية ويسهل طريقو ان شاءالله

اخونا وحبيبنا بكري ود عطبرة وين توثيق اساتذتنا خوجلي وعبدالله دينق
حلقنا جف ونحن بنكورك ليك

محمد جمعة كتب:: حقيقة كما قلت اخي واستاذي ود ميرغني
كل روائع عطبرة ضائعة ومهدور حقها وذلك بسبب الظلم الاعلام للغالية عطبرة
وايضا كما ذكرت اغنية افتقدتك التي اعترف محمود بملكيتها للرائع خوجلي هاشم
ايضا اعترف محمود بان اغنية الفات زمان هي لخوجلي واستمع اليها بالصدفة وهو متجه لاحياء حفلة
وشكراً لك استاذي ود ميرغني لتنويرك هنا ووضع بصمتك [ندعوك للتسجيل في المنتدى أو التعريف بنفسك لمعاينة هذه الصورة]

شكرا محمد جمعة وهنا اصحح ان الاغنية التي انهال عليها الطلب واعترف بها محمود هي اغنية الفات زمان وليست افتقدتك فلقد اختلط علي الامر وعلى ما اعتقد ان افتقدتك هي للمطرب الهادي الجبل وليس لمحمود ولا لخوجلي

لك التحية استاذي ود ميرغني
واوعدك الاغنية القادمة سوف تكون اغنية الفات زمان بصوت الرائع خوجلي هاشم

كماوعدتك استاذي ود ميرغني باغنية الفات زمان
اقدمها الان لك ولجميع الاحبة بمنتديات عاصمة الحديد والنار

ود جمعة أيها الرائع ، الزمن ، والكان زمان يعني ليه كده ، أشجان أكيد الشجعان هم الذين يصمدون أمام العواصف الهائجة ، لكم التحية والزمن الجميل قادم لامحالة نهديها لجميع الإخوة والأخوات بالمنتدى الرائع الى الأمام ودعمكم للجماعة له أثر فعال وموفقين .[justify]

نجمعها كلها [ندعوك للتسجيل في المنتدى أو التعريف بنفسك لمعاينة هذا الرابط]
معاك كلمة المرور يا ود جمعة ؟

ابو عبدالعزيز شكلك كدا فاقد ليك حنان قوي من زمان بس مايسمعوك
الله يديك العافية

سيف الدين كتب:: نجمعها كلها [ندعوك للتسجيل في المنتدى أو التعريف بنفسك لمعاينة هذا الرابط]
معاك كلمة المرور يا ود جمعة ؟

لاياحبيبنا كلمة المرور ما معاي

محمد جمعة كتب:: لك التحية استاذي ود ميرغني
واوعدك الاغنية القادمة سوف تكون اغنية الفات زمان بصوت الرائع خوجلي هاشم

شكرا لك ولهديتك التي وصلتني اخي محمد جمعة

أدروب ولوف ياود جمعة ، نعشق الجمال ونتغنى به أحيانا ، لاتفهمونا غلط ..موفقين . Idea

ود ميرغني كتب:: شكرا لك ولهديتك التي وصلتني اخي محمد جمعة

تستاهل يا استاذنا ود ميرغني نهديك عيونا
بالمناسبة اللقاء التوثيقي مع الاستاذين عبدالله دينق وخوجلي هاشم جايات في الطريق
كان بس هناك شوية كسل من الشباب لكنهم الان ختوه صوب اعينهم وسوف ينجز في اليومين ديل ان شاءالله

عبدالفتاح بن سعيد كتب:: نعشق الجمال ونتغنى به أحيانا ، لاتفهمونا غلط .. . [ندعوك للتسجيل في المنتدى أو التعريف بنفسك لمعاينة هذه الصورة]

لو مغالطنا ما مصدقنا
أسأل العنبة الرامية فوق بيتنا

نقترح عليك يا محمد جمعة أن تهدي عبد الفتاح سعيد رائعة العطبراوي نحن عشاق الجمال أين ما كان الجمال

قبلنا الهدية خاصة العملاق المقيم كنا جيران لفترة طويلة من 76م حتى 1986م التقدير لكم جميعا وللأخ / خليفة حسن خليفة العطبراوي ودمتم موفقين .

عبدالفتاح بن سعيد كتب:: قبلنا الهدية خاصة العملاق المقيم كنا جيران لفترة طويلة من 76م حتى 1986م التقدير لكم جميعا وللأخ / خليفة حسن خليفة العطبراوي ودمتم موفقين .

مع انك قبلت الهدية قبل مانجيبها تصدق ياخوي فتشتها دار دار وشارع شارع وزنقة زنقة ومالقيتها
لكن جبت ليك كمية من روائع ابونا الراحل المقيم العطبراوي هدية ليك ولاستاذنا ودميرغني وجميع الاحباب
[ندعوك للتسجيل في المنتدى أو التعريف بنفسك لمعاينة هذا الرابط]

لكم التحيه ايها الرائعون
واكرر اسفى الشديد لعدم زيارتى لهذا البوست من قبل فلى رجعه له عما قريب بإذنه تعالى

محمد عبد الله عبد الجليل كتب:: لكم التحيه ايها الرائعون
واكرر اسفى الشديد لعدم زيارتى لهذا البوست من قبل فلى رجعه له عما قريب بإذنه تعالى

الروعة في طلتك بيجاي ومنتظرين رجعتك

» تدشين منتدي الفنان خوجلي هاشم
» الإحتفال باليوبيل الفضي للأستاذ خوجلي هاشم
» الفنان مصطفى مضوي يوضح الحقائق حول اغنية حرام يا حب !
» هاشم صديق قصة ثورة الملحمة