احنُّ إلَيْـــــــــــكِ

احنُّ إلَيْـــــــــــكِ

أحِنُّ إليكِ

فأنتِ الحَنانُ

وأنتِ الأمانُ

ووَاحةُ قلبي إذا ما تَعِبْ

أحِنُّ إليكِ حنينَ الصحاري

لِوجهِ الشتاءِ ،

وفَيضِ السُّحُبْ

أحِنُّ إليكِ حَنينَ الليالي

لضوءِ الشموسِ

لِضوءِ الشُّهُبْ

قَرأنا عنِ العشقِ كُتْبًا وكُتْبًا

وعِشقُكِ غيرُ الذي في الكُتُبْ

لأنَّكِ أجملُ عِشقٍ بِعُمري

إذا ما ابتَعدْنا

إذا نَقتَربْ

وعيناكِ

إنِّي أخافُ العُيونَ ـ ـ

شِباكٌ لقلبي بها تُنتَصَبْ

سِهامٌ تُطيحُ بقلبي وعَقلي

إذا ما أصابَتْ

إذا لَم تُصِبْ

فإنْ مِتُّ شَوقًا أموتُ شَهيدًا

وإنْ مِتُّ عِشقًا ..

فأنتِ السَّببْ

كلام والله

اه وتاني اه بالجد احن اليك ياحبيبتي عطبرة
احنُّ إلَيْـــــــــــكِ 765813

اختي ناهد

مجاهدمحمدعثمان كتب:: كلام والله

يعني من المواضيع دي كلها .. ما عجبك الا الكلام ده !!!
يا ناهد عليك الله خففي من الكلام ده شوية ..
عندنا منظمة خايفين عليها تضيع Embarassed

سيف الدين كتب:

مجاهدمحمدعثمان كتب:: كلام والله

يعني من المواضيع دي كلها .. ما عجبك الا الكلام ده !!!
يا ناهد عليك الله خففي من الكلام ده شوية ..
عندنا منظمة خايفين عليها تضيع Embarassed

واي يافشفاشي
تعرف ياحبيبنا قبيل كنت داير اعمل لي زنقة زنقة كدا لكن قلت يمكن يفهموني غلط ذي صاحبنا ماقال ماتفهمونا غلط

مجاهدمحمدعثمان كتب:
كلام والله

يعني من المواضيع دي كلها .. ما عجبك الا الكلام ده !!!
يا ناهد عليك الله خففي من الكلام ده شوية ..
عندنا منظمة خايفين عليها تضيع
المشكله فى الفهم دا ماذنبى عشان انتو تمشو لمعنى البعيد اسفة على عدم فهمك وتانى مابرسل عشان ما منظمتك تضيع وتقول انا السبب

الكلام ده فيهو ريحة زعل ولا انا غلطان ؟ rabbit

ناهد كتب:: المشكله فى الفهم دا ماذنبى عشان انتو تمشو لمعنى البعيد اسفة على عدم فهمك (انا فاهم ياخ , المشكلة في ناس لا لا) وتانى مابرسل عشان ما منظمتك (منظمتنا) تضيع وتقول انا السبب (هي خلاص ضاعت وانتي السبب)

يا زولة اكتبي البعجبك .. واتحملي المسئولية rabbit

سف الدين كتب
(هي خلاص ضاعت وانتي السبب)
والله دى الابيت عنكبوت والله انتو متسببين عايزين تعملو انا السبب مفروض يكون فى مشرف منسق يحذف المساهمة قبل النشر تنشرو العاجبكم اصلا انا حرمت انشر تانى وانا بحاول احذفها وما تمسحت اسفة وانا قصدىمن الموضوع فهم وانت فهمتو فهم عجيب

كده ضاعوا الاتنين : المنظمة والموضوع

والله الكلام جاب كلام تاني

محمد جمعةكتب
اه وتاني اه بالجد احن اليك ياحبيبتي عطبرة
اختي ناهدسلمت يداك
دا الفهم الصح سلمت يداك محمد جمعه دا قصدى لكن الكلام على ناس فلان وفلان العايزين زول عشان يوصل ليهم الفهم ولا نجييب فهامه اكتب كلمه وبين قوسين انا قصد كدا لكم العتبى حتى ترضو

ياناهد شكلك فهمت غلط أنا المقصود بي بالكلام دة علي حاجة سابقة وكدة وشايف الجماعة مشوك علي الفهم دة

الاخت ناهد لك التحية والتقدير
حقيقة اختي لونظرتي لردي الثاني اوضحت فيه انني خفت من سوء الفهم
وعندما اتي ردي قلت اكيد بيوضح رد سيف ويوضح المقصود
ولكن ما كنت اخشاه حصل
وللتوضيح اختي كما افد الاخ مجاهد واعترف بانه المقصود فهذه هي الحقيقة
فالاخ مجاهد مشاركاته قليلة في المنتدي وغالبية مشاركاته في شئ محدد
فايام الفلنتاين اتي بمداخلة طويلة وعريضة في موضوع فلنتاين 14 فبراير تجديه هنا
وقبل فترة اتي بموضوع وقال ماتفهموني غلط وهو يدري باننا نقف له بالمرصاد
واسم الموضوع كلمة عجبتنا وماتفهمونا غلط تجديه هنا
ولم تمر ايام ونجده ترك كل موضوع المنتدي واتي لهذا الموضوع لانه لمس الوتر عنده
واريد ايضا توضيح شئ بان المنتدي يرمي للاسرية وكل من فيه هنا اسرة واحدة
مرات تجدين فيه الجدية ومرات الهزلية والتنوع مطلوب لكثر الممل
والكل هنا يتعامل مع بعضه اسرة واحدة وانتي فرد من افراد هذه الاسرة الرائعة
وانتي اعلم بمايدور داخل الاسرة الواحدة فلا احد يحب ان يزعل احد بل يحب ان يمزح معه
فذلك اختي ارجعي لرد سيف بتأني وانظري فيه
واتمني ان يزول من سوء التفاهم الذي حصل فانتي اخت عزيزة لنا جميعا
واتمني ايضا ان ترجعي موضوعك الذي قمتي فيه بالحذف
ولك فائق الشكر والتقدير والتحايا الاف

طيب يامحمد ما توريها أنو عامل ليهو مجموعة مسميها مظاليم الهوى برضو في الفيس بوك
https://www.facebook.com/home.php?sk=group_150992758284870&ap=1
في داعي تخليهم يفضحوني كدة ياناهد

قلبتوها مناحة ؟؟
انا الليلة ضحكت كما لم اضحك من قبل
اضحك الله سنك يا ناهد
ــــــــــــــــــــــــــــــــــــــــــــــــــــ
امسحيها لينا في وش الرئيس
ـــــــــــــــــــــــــــــــــــــــــــــــــــ
وبرضو عشان ما تفهمي غلط وتودينا في داهية (انا بقصد رئيس المنظمة) cyclops

ياناس هناى وهناى نزلناها ليكم

أول حاجة .. نعيد الذكريات الجميلة دي شوية tongue

ناهد كتب:: المشكله فى الفهم دا ماذنبى عشان انتو تمشو لمعنى البعيد اسفة على عدم فهمك وتانى مابرسل عشان ما منظمتك تضيع وتقول انا السبب

ناهد كتب:: سف الدين كتب
(هي خلاص ضاعت وانتي السبب)
والله دى الابيت عنكبوت والله انتو متسببين عايزين تعملو انا السبب مفروض يكون فى مشرف منسق يحذف المساهمة قبل النشر تنشرو العاجبكم اصلا انا حرمت انشر تانى وانا بحاول احذفها وما تمسحت اسفة وانا قصدىمن الموضوع فهم وانت فهمتو فهم عجيب

ثم نسأل عن هذا الشهيد :

ناهد كتب:: احنُّ إلَيْـــــــــــكِفإنْ مِتُّ شَوقًا أموتُ شَهيدًا

ده بيشفع في كم من حبايبو ؟

تحياتى طبعا لواحد فقط