كابوس كبس بعد كبسة دسمة

تذكير بمساهمة فاتح الموضوع :

خير اللهم اجعله خير ..

المشهد الاول :
(محمود قال لي :
(نصر الدين) و(الهندي) قالوا إنهم مشوا ل(محارب) وقدموا ليهو اوراق التوظيف ..
وقالوا إنو (محارب ) قطع ليهم الاوراق قدامهم في إهانة واضحة لهم !!

المشهد الثاني :
انا انفعلت واتصلت على محارب عاوز ابستفو.. كيف تتعامل مع الناس بعدم الاحترام ده ؟
محارب قال : (والله انا ما قطعت الاوراق قدامهم !!
الاوراق دي كانت عندي قبل ما هم يجوني ..
وانا قطعتها قبل ما هم يجوني لأنها كانت فيها ثغرات إدارية كبيرة !!! )

المشهد الثالث :
انا انفعلت تاني واتصلت على محمود الذي نقل لي الخبر :
(ياخي انت بتلفح الكلام من طرف ساكت ؟ الزول ده قال قطع الاوراق قبل ما الجماعة يجوه , ودي مع انها برضو غلط إلا أنها اخف وطأة من تقطيعه امامهم )
قام محمود برضو انفعل وقال لي: (والله ده ياهو الكلام القالوه لي بدون زيادة ولا نقصان , وكمان قالوا عملها اكتر من مرة )
واضاف : (والكلام ده اكدوه ناس (مريم ) و (فريد) !!! )

.. وفجأة صحيت من النوم , نوم العصر ده كعب خلاص ..
بس كنت اتمنى لو الكابوس استمر شوية عشان اتصل على نصر الدين والهندي ومريم وفريد عشان اسألهم ..بكره بديها كبسة تاني وامش اسألهم
..............................

طيب عاوزين نحكم على الجماعة ديل :
× أنا:
* ذنبي الوحيد إني اتغديت كبسة دسمة .. فكانت بداية الكابوس :
× محمود:
* إما فهم غلط ونقل الكلام لي غلط , وفي الحالة دي الغلوطية بتنتهي هنا , والشعب بيقول (حصل خير)
* أو زي ما قال محمود إنو نقل الكلام زي ما سمعو , وفي الحالة دي بتجي الاحتمالات التالية :
× محارب :
* إما أنه كذب, ونصر الدين والهندي ومريم وفريد صادقين : وفي الحالة دي الغلوطية بتنتهي هنا .. بس الشعب (يريد معرفة سبب الكذب )
* أو انه صادق , ونصر الدين والهندي ومريم وفريد كذبوا : وفي الحالة دي الغلوطية بتنتهي هنا .. بس الشعب (يريد معرفة سبب الكذب )

# وطالما الحكاية فيها كذب وصدق كيف نصدق فلان ونكذب فلان ؟ بالمواجهة في كابوس؟
# محارب غلطان في الحالتين :
1- تقطيع اوراق التوظيف (في غياب من سلمها له) بدون لجنة رسمية ومشاورتها يعتبر ديكتاتورية واستبداد بالرأي
2- تقطيع الاوراق في حضرة من سلمها (في حضرة من سلمها له) وبدون لجنة رسمية ومشاورتها : دكتاتورية مرفوضة + إهانة للحضور الذي سلمها له
ـــــــــــــــــــــــــــــــــــــــــــــــــــــــــــــــــــــــ
منقول من كابوس جاء اثناء النوم بعد وجبة دسمة
بس ده ما بيمنع تدونا رايكم

الاخ هشام لك التحيه
منظمة عطبره الخيريه بي خيرها

خلوني ابدا ليكم من (الآن) الفات بنجيه راجعين بعد اكتمال المشاهد التي لا تعبر عن الواقع بأي حال من الأحوال....(الآن هناك ستة افراد من أعضاء المكتب التنفيذي يشاركون في برنامج تلبية لدعوة مقدمة من منظمة التعليم للجميع والتي قدمت الدعوة منذ يوم الثلاثاء ومنذ ذلك التاريخ يمر سعادة الرئيس يوميا بالمكتب لكنه لم يسأل يوما عن عمل المنظمة وانما كل همه أن يتحمل أحدهم مسئولية ايجار المقر والآن في ذات الوقت الذي يشارك فيه اعضاء مكتبه في البرنامج هو يبحث عن مخرج من عقد الايجار والعندو سؤال يوجه ليهو شخصيا ما تعاينو للفيل وتطعنو ضلو...والي الملتقي في فقرات ماضية

مجاهد :
تم تعديل كلمة كذب الى (غير صحيحة) .. ولن نسمح بعد الان ان يخرج النقاش عن طور اللياقة
ــــــــــــــــــــــــــــــــــــــــــــــــــــــــــــــــــ
بالنسبة للإيجار وباعتبار انه جاء بمبادرة فردية من البعض ولم نجمع عليه , فلن اناقشه كموضوع ..
ولكنه يطرح نقطة مهمة :
× أي إيجار او معاملات مالية يجب ان تكون باسم (المنظمة) وليس باسم شخص (زي ما قلنا التبرعات تكون شيكات باسم المنظمة) فالمنظمة الان لها صفة اعتبارية

نادر كتب:: خلوني ابدا ليكم من (الآن) الفات بنجيه راجعين بعد اكتمال المشاهد التي لا تعبر عن الواقع بأي حال من الأحوال....(الآن هناك ستة افراد من أعضاء المكتب التنفيذي يشاركون في برنامج تلبية لدعوة مقدمة من منظمة التعليم للجميع والتي قدمت الدعوة منذ يوم الثلاثاء ومنذ ذلك التاريخ يمر سعادة الرئيس يوميا بالمكتب لكنه لم يسأل يوما عن عمل المنظمة وانما كل همه أن يتحمل أحدهم مسئولية ايجار المقر والآن في ذات الوقت الذي يشارك فيه اعضاء مكتبه في البرنامج هو يبحث عن مخرج من عقد الايجار والعندو سؤال يوجه ليهو شخصيا ما تعاينو للفيل وتطعنو ضلو...والي الملتقي في فقرات ماضية

اخي نادر انت معاي بان كلامك فيه تناقضات كثيرة
اجي معاك نقطة نقطة
خلوني ابدا لكم من الان وبجي راجع دي بالذات هي اس المشاكل ترك المواضيع تتراكم
ونجي نقول نشوف الان ونلقي نفسنا رجعنا تاني للوراء اكثر لذلك ارجو معالجة الامور اول باول
وتاني شئ قلت هناك دعوة من يوم الثلاثاء هل هناك احد اشار بالدعوة هذه هنا في المنتدي
وهل هذه الدعوة حصل اجتماع طاري للنظر في موضوعها وتحديد لجنة لحضور الدعوة
ام هي وصلت لشخص وهناي داك كلم هناي داك وتمين ستة ومشينا
فماهي الاسباب التي تمنع الرئيس يمر من عند المنظمة ولا يسأل عن احوالها
هل احد قال الكلام دا ولم يواجه به الرئيس وهل فتح احد هذا الموضوع في المكاشفة وانتقد الرئيس
اما هذا المكتب تشهد المكاشفة ما قلناهو في خصوصه
وحسب معلومتي تصديتو انت وبكري وتحملتو بانكم سوف تأتون بمن يتحمل تكاليف الايجار
اما اننا نتهم بان نعاين في الفيل ونطعن في ضلو دي انظر لها جيدا
وحدد من هم الذين يرون الفيل ويطعنو في ضلو
لذلك مليون الف مرة الناس تنادي ببوست المكاشفة لانزال كل السلبيات
ولا ادري لا احد ياتي بهذه المواضيع السلبية في المكاشفة
وعندما تتراكم تتجه لحساسيات شخصية وتبعد عن موضوع المنظمة
لذلك ارجو وضع الكاشفة صوب اعينكم واتمني كل من ياتي للنقاش فيه يحدد نقاطه ويناقشها بعيدا عن الحساسية
للخروج بحلول ولا ندور حول حلقة مليئة بالحساسيات الشخصية
وماذا يفرق الرئيس عن الغير حتي لاينتقض فهو ايضا رايه فيه الخطا وفيه الصواب
وليس هناك بشرا رايه لايقبل الخطأ والصواب
واخيرا اقول اختلاف الراي لايفسد للود قضية

حلا للاشكال الدائر يجب النظر لهذه النقاط
1/ عدم اتخاذ القرار الفردى (واذا كان القرارمن صلاحيات الرئيس ان يتخذه على الملاء او اقلاه بوجود الضباط الثلاث وان يسجل فى محضر المقرر )
2/ ارجاع القرار الاخير للنقاش فى الاجتماع القادم
3/ حضور الاخ الرئيس للاجتماع المقبل لكى يتم مناقشه كل الاراء والنقاط التى اسردت فى بوست حول المكتب التنفيذى
4/ الالتزام التام بالواجبات من كل الاعضاء
5/ الرجوع للائحه الداخليه فى الاعمال القادمه مع وضع الدستور نصب اعيينا
6/ البعد التام عن اى مهاترات داخل وخارج المنتدى والتفاكر بموضوعيه واحترام
والله من وراء القصد

نادر كتب
(الآن هناك ستة افراد من أعضاء المكتب التنفيذي يشاركون في برنامج تلبية لدعوة مقدمة من منظمة التعليم للجميع والتي قدمت الدعوة منذ يوم الثلاثاء ومنذ ذلك التاريخ يمر سعادة الرئيس يوميا بالمكتب لكنه لم يسأل يوما عن عمل المنظمة.
هو إنتو بتدسو المواضيع دي عديل لابتكتبوا في المنتدى ولى بتتكلمو وإنت واحد من الناس يانادر ماعوز تديني تقرر مع إنو دة من حقي وواجبك بعد التعديل . وبقول أمشي الأمور بكرة بتتصلح . وأخيرآ جيت طرحت في المنتدى الأساسيات البتمشي الشغل القلت أجيبها وحدة وحدة . وخلتكم تكوركوا

الاخ سيف:أولا:- الايجار لم يكن نتيجة لمبادرة فردية من البعض بل كان قرار مكتب تنفيذي وهنا لب القضية عندما يتعارض رأي المكتب التنفيذي مع آراء (البعض)من رواد المنتدي عندها تقوم الدنيا ولا تقعد...ثانيا:نعم أي إيجار أومعاملات مالية يجب أن تكون بإسم المنظمة ولكن هذه المعاملات لا تتم إلا عبر أشخاص فمن تري هؤلاء الأشخاص؟؟ الغالي ود جمعة:-أولا:كلامي مافيه تناقض وربطا ليك الرجعة بإكتمال المشاهد النصبتو ليها (محاكم) قلت أنتظر حكم المحكمة ولو استدعي الأمر أعمل استئناف وين التناقض هنا؟؟؟...ثانيا: 1/هل من الضرورة عرض كل صغيرة وكبيرة هنا في المنتدي حتي لو كانت دعوات عشان تقرروا (للمكتب التنفيذي) يلبي ولا ما يلبي؟؟؟...2/هل اللجنة البيتم تحديدها لحضور الدعوة كانت ستخرج من : الأمين العام والمقرر ونائب الأمين العام ونائب الرئيس وشئون العضوية والثقافية والاجتماعية والإعلام والعلاقات العامة (جميعهم علي علم بالموضوع) بالاضافة الي أعضاء أمانات وتم تحديد من يمثل لأن الجميع متواجدون بالمكتب بإنتظام ولا كان ننتظر اجتماع السبت عشان نقرر (كان نمشي ولا كدا أحسن)؟؟

نادر كتب:: الاخ سيف:أولا:- الايجار لم يكن نتيجة لمبادرة فردية من البعض بل كان قرار مكتب تنفيذي وهنا لب القضية عندما يتعارض رأي المكتب التنفيذي مع آراء (البعض) من رواد المنتدي عندها تقوم الدنيا ولا تقعد...

الاخ نادر : اليك هذا الاقتباس من بوست المكاشفة ايام مناقشة الايجار :
(كل الكلمات التي بالاحمر تعبر عن (رأي فرد ومبادرة فردية) .. هكذا تقول اللغة العربية :

مجاهدمحمدعثمان كتب:: المكتب أبو500ألف

رزقت المنظمة بأحد أبناء عطبرة البارين لهاوأحد ناشطي العمل الطوعي وحضر
إلى المكتب لتعبئة الإستمارة إذ يفاجء بضيق المكتب المبالغ فيه وطرح
فكرة إسئجار مكتب يسع أعضاء المكتب التنفيذي على الأقل وتكفل بإستقطاب
عددم عين من معارفه قصاد الإيجار الشهري للمكتب بالتنسيق مع شئون العضوية

1- حتى الآن لم ولن نعرف من هو هذا ال(أحد ابناء عطبرة البارين) الذي كلف المنظمة مليون ونصف ايجار حتى الآن
2- أين هو هذا ال(احد ابناء عطبرة البارين) اليوم ؟ وأين (معارفه) الذين تكفل باستقطابهم قصاد الايجار ؟؟
3- (قرار المكتب التنفيذي ) حول الايجار يتم التراجع عنه الآن تدريجيا (وبدون قرار مكتب تنفيذي) ورئيس المكتب يريد تغيير عقد الايجار من اسمه
4- ليس (بعض) رواد هذا المنتدى الذين عارضوا ايجار ذلك المكتب , بل (كل) الاعضاء وفيهم من هم أكبر سنا مني ومنكم , وفيهم من فتح بيته بديلا للمكتب .. ولكن قرار (أحد ابناء عطبرة البارين) كان له حق الفيتو عليهم كلهم !!!!!!

نادر كتب:: ثانيا:نعم أي إيجار أومعاملات مالية يجب أن تكون بإسم المنظمة ولكن هذه المعاملات لا تتم إلا عبر أشخاص فمن تري هؤلاء الأشخاص؟؟

1- حسب الدستور هم :
رئيس المكتب , امين المال والامين العام
2- عدم وجود الحساب البنكي الرسمي للمنظمة كان يفقدها الصفة الاعتبارية , لذلك كنا نتعامل بمرونة لأننا في البدايات , أما الآن وبعد اكتمال الصفة الاعتبارية للمنظمة فيجب أن يكون كل شئ باسمها .. ذلك ما قصدته انا
ــــــــــــــــــــــــــــــــــــــــــــــــــــــــــ
على الهامش :
المنتدى (وليس سيف ومحمد جمعة) الذي أسس هذه المنظمة يريد أن يعرف :
1- من هو ابن عطبرة البار ؟ وأين معارفه الذين تكفل باستقطابهم ليتكفلوا بالايجار ؟؟
2- لماذا تم رفض مشروع الختان الجماعي ؟

انت مجاهد بيفسر الاحلام ولاشنو عشان عندى احلام عايزهو يفسراولا نقترح باب تفسير الاحلام يرد عليها مجاهد بس ياسيف الحلم مابيكون كتير قدر دا

يا زولة هو منو القال ليك ده حلم اصلا ؟؟؟
قلنا ده (كابوس)
ابعدي من هنا عشان تتهني بنومك وما تجيك كوابيس tongue

ممكن نكلفك بمهمة ؟
* عاوزينك تعملي لينا بحث عن الفرق بين (الحلم) و (الكابوس) متضمنا اجابة للسؤال التالي :
(كيف تجعل أحلامك سعيدة وتبتعد عن الكوابيس) ؟
وانا بساعدك في اجابة السؤال :
* ابتعد عن ACO لتكون احلامك سعيدة bounce

ثالثا: اما عن المكاشفة أديني أمثلة لمشكلات إتحلت بالمكاشفة بل العكس معظم المواضيع التمت مناقشتا في المكاشفة (ذادت الطين بلة) أنا معاك المكاشفة مفيدة بشرط إذا تمت فيها المناقشة علي أسس موضوعية من اجل الوصول إلي نقطة تلاقي تبقي بداية لتوحيد الرؤي ومن ثم إتخاذ القرار الملائم بدون أن يحس الطرف الما أخدو برأيو بشعور الانهزام ويجي يرجعنا تاني لي نقطة البداية وانت أدري مني بالبيحصل في المكاشفة..وقبل ساعات عرفت إنو واحد من أقوي المناصرين للمنظمة ما أعلن إنسحابو تماما لكن (النية واصلة) ....وأنا شخصيا ما عندي مشكلة في المكاشفة لكن البتسموه دا ما مكاشفة أو أنا فاهم المكاشفة غلط ... ورغم دا كلو مافي مشكلة بجيكم في المكاشفة والنشوف آخرتا......رابعا:-نعم تصدينا أنا وبكري (لجمع تبرعات ايجار المقر) وما زلنا علي الوعد وانشالله تكون عندك معلومة الايجار لحدد الشهر الرابع ما اتأخر من موعدو وممكن نديكم رقم صاحب الشقة لتتأكدوا....... خامسا:ليست لدي أي حساسيات مع أي شخص بل العكس المنظمة عرفتني علي رجال أتشرف بمعرفتهم ............. سادسا: اختلاف الرأي لا يفسد للود قضية (لكل قاعدة شواذ ) ولدينا من يشذ عن قاعدة إختلاف الرأي لا يفسد للود قضية سعادة الريس..... أولا: ما من حقك أجيب ليك تقرير التقارير عندها زمن بيتم فيه متابعتها و مناقشتها ولو فاتك الحضور لأي سبب مكتوبة ومحفوظة وما (داسنها) ممكن تطلع عليها ثانيا: لو كان يهمك الامر ما كان بتجي تقعد في (التكية) وتطلع قبل الاجتماع بنص ساعة عشان تمشي تودع ليك زول مسافر .....ثالثا: الأساسيات البتمس الشغل البتقول طرحتها دي ما مكانها المنتدي مكانها المكتب التنفيذي وفي اجتماع رسمي وقابلة للنقاش ولا دي ما تبع المؤسسية يا......؟؟؟

ان شاءالله فهمى يكون للاختصار غلط لانو ترجمتى ليه كدا تبقى مشكلة كبيرة

مازلنا ندور فى دائره مغلغه
وشكلنا كدا حانساهر ايام عديده من اجل ان نصل لرؤيه سليمه
خلاصه الموضوع كل واحد من الكتداخلين حقوا ينزل لينا هوا عايز شنوا عشان نعرف نحنا عايزين نعمل شنوا لحل الاشكال حل جزرى

نادر كتب:: ثالثا: اما عن المكاشفة أديني أمثلة لمشكلات إتحلت بالمكاشفة
بل العكس معظم المواضيع التمت مناقشتا في المكاشفة (ذادت الطين بلة)

كيف تحل المكاشفة المشاكل والاسئلة التي تطرح لا تجد اجابات ؟

1- من هو ابن عطبرة البار ؟ وأين معارفه الذين تكفل باستقطابهم ليتكفلوا بالايجار ؟؟ (تمت الاجابة قبل ثواني)
2- وأين معارفه العشرة يا شئون العضوية ؟ طلبنا نشر اسماءهم ليكون التزام ولم يتم ذلك !!!!
3- بل : بعض قدامى اعضاء المنظمة هم من ساهموا في دفع الايجار
4- لماذا تم رفض مشروع الختان الجماعي ؟ (الا توجد اجابة على هذا السؤال ؟؟؟ )
5- والكثير من الاسئلة
6- والكثير الكثير من الاسئلة
...
99- والكثير الكثير الكثير من الاسئلة !!!
فكيف ستحل المكاشفة المشاكل ؟ ولماذا نستغرب إن (زادت الطينة بلة) ؟؟

نادر كتب:: وقبل ساعات عرفت إنو واحد من أقوي المناصرين للمنظمة ما أعلن إنسحابو تماما لكن (النية واصلة)

* مع احترامنا وتقديرنا ليهو , فهو احد امرين :
1- ديكتاتور يضيق بالرأي الآخر ويريد فرض رأيه بدون نقاش ومكاشفة
2- أو ليس لديه صبر على العمل العام ومشاكله
* طالما تصدينا لهذا العمل , يجب أن يكون نفسنا طويل ونضحي بالوقت والجهد, وإلا فنحن غير أهل له
* لن نتوقف عن المكاشفة والسؤال حتى لو انسحب نصف الاعضاء , ولعلكم تذكرون أن أول (نصيحة) قالها لكم سعادة الاخ المفوض (أن تعملوا في النور) , والمكاشفة هي النور , ولما تم اخباره بها أثنى عليها
* جميع السلبيات التي حدثت في المكاشفة تعود للمكتب التنفيذي واماناته :
+ عدم الاهتمام بتقديم اجابات للأسئلة
+ المهاترة والحساسيات حتى وصلنا ل(حذف المشاركات) , لم يحدث في هذا المنتدى أن حذفنا مشاركة (إلا لتكرار الموضوع) .. هذا على حسب علمي منذ دخولي هذا المنتدى

وأخيرا : تكاشفوا واعملوا .. ولا تتكاشفوا وتتركوا العمل
(المكاشفة لنا ولغيرنا , وحماية لنا وللمنظمة .. مهما كثرت مشاكلها)

الاختصار يا ناهد معناهو :
Acol Capsa Onoom
يعني :
أكل كبسة ونوم .. تجيك الكوابيس
عقلك مشى بعيد وين يا بت الناس ؟؟

1/هناك في موضوع الايجار مشاركات وباللغة العربية أيضا ولكن نسبة لأنني استخدم الموبايل لا استطيع اقتباسها ولكن اعتقد ان احدي هذه المشاركات بلسان المكتب التنفيذي تم صياغتها وتلاوتها وبحضور الجميع 2/حتي الآن لم يكلف المقر المنظمة سوي 150 جنيها وهذه متفق عليها مسبقا ولو راجعنا حساباتنا بأثر رجعي ستكون المنطمة مطالبة بثلاثمائة جنيه بالاضافة لهذا الشهر 3/أبناء عطبرة البررة كثر واليوم عند الحادية عشرة صباحا تم سداد الايجار الشهري مقدما وكل من دفع مليما حقه محفوظ 4/لم يتراجع المكتب التنفيذي عن قراره بخصوص المكتب أما رئيس المكتب يريد تغيير عقد الايجار ربما لشئ في نفس يعقوب .....5/لم يعارض كل الأعضاء إيجار المقر بل فيهم من ترك تقدير المسألة لمن هم بالداخل

نادر كتب:: 5/لم يعارض كل الأعضاء إيجار المقر بل فيهم من ترك تقدير المسألة لمن هم بالداخل

جيب لينا اقتباس من المكاشفة بالمعنى ده يا نادر .. مع التحية

نادر كتب:: 2/حتي الآن لم يكلف المقر المنظمة سوي 150 جنيها وهذه متفق عليها مسبقا ولو راجعنا حساباتنا بأثر رجعي ستكون المنطمة مطالبة بثلاثمائة جنيه بالاضافة لهذا الشهر
بل اكثر , لأنه تم فرض الدفع على اعضاء لم يكونوا مقتنعين بالفكرة
ونالوا جراء ذلك تصرفات غير لائقة جعلتهم يكتفوا بالحد الادنى من المشاركة مع المكتب التنفيذي رغم أهمية تواجدهم الدائم

تصبحون على خير وبدون كوابيس
الساعة الان 2.30 ليلا
وبكره عندنا برنامج الرابطة + السفر
عشان ما تقولوا نحن متفرغين للكتابة وبس

اولا اريد توضيح شئ وكررت الكلام دا كثيرا للمكتب التنفيذي ولافراد بعينهم
اخرهم ابومريومة وطلبت منه ان يوضح للجميع ذلك وناصر والرئيس ونادر وايمن ومهند
وقبلهم لكثيرين القرار في الاول والاخر للمكتب التنفيذي والمنظمة ليست لمحمد جمعة او سيف الدين او فلان او علان
والمنتدي لشفافية المنظمة وعملها في النور وللتشاور وتلافي السلبيات وفي الاول والاخر القرار للمكتب التنفيذي في اتخاذ القرارات
ولكن وللاسف الشديد ساء الفهم واتي خوف من المكاشفة ولو كان العمل بها بالطريقة السليمة ونوقشة فيها السلبيات اول باول لم نكن وصلنا لهذه الحالة
الان تفتح موضوع لنقاش شئ محدد تاتيك موضيع قديمة لم تفتح من قبل وتدخل علي الموضوع وتشوش النقاش وتجد انك بعدت عن الموضوع الذي فتحته للنقاش وهنا تتوه جميع المواضيع وتتداخل بعضها ببعض ولم نصل لنتيجة وتتوه الاسئلة التي ظهرت من خلال هذه المواضيع ولا يتم عليها الاجابة فكيف يتم علاج موضوع دون الاجابة علي الاسئلة المطروحة
واهم شئ في العمل الناجح تطايب النفوس والبعد عن الحساسية الزائدة
والتوضيح الثاني للجميع فتح الكابوس هذا
لان هناك شكاوي كثيرة وطلبنا انزال هذه الشكاوي ليناقشها الجميع تحت النور ويصلو لحلول
لكن للاسف لم ينزل شئ وعندما فتح هذا الكابوس اتجه لاتجاه اخر وجر الكابوس بعيدا لكابوس اخر
وقبل ان نصل لنتيجة هذا الكابوس دخلت كوابيس اخري وطيرت النومة وكمان جابت ليها كلام بان الناس تري الفيل وتتطعن في ظله
فكيف تطعن الفيل وانت لاتجد في ايدك الاسلحة المتينة احضر الاسلحة المتينة وبعد ذلك اطعن الفيل
اما عن موضوع الدعوة المقدمة للزيارة عندما قلت بان الجميع في المنتدي ليس لهم فكرة عندها ولما قلت الكلام دا
المفروض والاصح عندما تاتي دعوة زيارة يتم استدعاء المكتب التنفيذي ويتشاور في الدعوة وينظر في فوائدها من كل النواحي
بعد ذلك يقرر المكتب الذهاب ام لا واذا قرر الذهاب تشكل لجنة لهذه الزيارة وتذهب هذه اللجنة للزيارة
وبعد الزيارة تاتي بتقرير عن الزيارة للمكتب التنفيذي
فاتمني بان لايخلط الجميع الامور فالمكتب التنفيذي له كينونته وله كلمته النافذة
وهناك مثل بيقول لاخاب من شاور لذلك لابد من التشاور في النور وامام الجميع للشفافية

محمد جمعة كتب:: فالمكتب التنفيذي له كينونته وله كلمته النافذة

ده كان زمان لما الامور ماشة باخوي واخوك
بس طالما الناس عاوزة تمشي بالدستور والجمعية العمومية ومقرراتها (اضغط هــــــــنــــــــــــا)
فما يسمى بالمكتب التنفيذي هذا ليس له كينونة ولا كلمة نافذة ولا يحزنون
وعلى رئيس المكتب التنفيذي الشرعي أن يطلب انعقاد الجمعية العمومية
لاختيار مكتب له كينونة وكلمة نافذة
ـــــــــــــــــــــــــــــــــــــــــــــــــــــــــــــــــــــــــــ
لماذا هذه الازدواجية ؟
تتكلمون عن تدخل المنتدى والدستور والجمعية العمومية في عمل المكتب التنفيذي لا يلزمانه بذلك ..
وفي نفس الوقت المكتب التنفيذي نفسه غير شرعي ؟

الدليل شنو على إن المكتب التنفيذى غير شرعى بتتكلم ساكت ياسيف قبيل ماقلت دستور وكلام من النوع ده دلل على كلامك
بعدين رئيسك البتقول عليه ده لا يعلم عن المنظمة شيئا منذ 19/3/2011 وشوفو كان قاعد وين وبعمل فى شنو وماذا يقول للناس بس غير يخرب فى سمعة المنظمة ماعندو حاجة وللاسف نحن قاعدين فى عطبرة وعطبرة ضيقة خلاص يلاقونا ناس ويقولو لينا حاجات حاصلة فى المنظمة سبحان الله حصلت وين ماعرفنها وكمان جابت ليها خباثة بعد الكذب والحليفة بالكذب علم علم والله

ابومريومة كتب:: الدليل شنو على إن المكتب التنفيذى غير شرعى بتتكلم ساكت ياسيف قبيل ماقلت دستور وكلام من النوع ده دلل على كلامك
اخونا نادر دخل مصطلح المؤسسية : ومن المؤسسية أن يكون المكتب التنفيذي منتخب من جمعية عمومية (صح ولا ما غلط ؟ )
بعدين رئيسك البتقول عليه ده لا يعلم عن المنظمة شيئا منذ 19/3/2011
وإذا غاب فرد , يقيف عمل المنظمة ؟ هل دي هي المؤسسية ؟
ما هي انجازات المكتب بعد 19/3/2011 سوى التنظير والعمل المكتبي؟

لا بديل عن المؤسسية إلا المؤسسية
والشعب يريد المؤسسية وانعقاد الجمعية العمومية

الساده مؤسسي منظمة عطبره الخيريه

(إن الله بكل شئ عليم )

تمنيت كثيرا أن التقي إخوتي بالخارج الذين لم اراهم ولكن تأتي الرياح بمالاتشتهي السفن

العمل الطوعي الذي يقصد به مرضات الله سبحانه وتعالي لايتوقف علي شخص واحد لذلك إذا كانت المنظمه هكذا لم تتوقف علينا .
لكم مني أجمل التحايا