عالم سوداني يكشف سرا مهما حول موية النار ويحذر من الطماطم في الصيف

عالم سوداني يكشف للدار سرا مهما حول موية النار ويحذر من الطماطم في الصيف
في لقاء عابر جمعني أمس بالصدفة بالدكتور العالم اخصائي الكيمياء الشهير د. عمر الطيب البدوي أحد كفاءاتنا العلمية التى أختطفتها الغربة منا لسنوات طويلة خلال عمله بدول الخليج في (جامعاتها) وشركات تصنيع الادوية .. الآن د. عمر عاد الى ارض الوطن وعاد للعمل من جديد بجامعة الخرطوم ..تحدث معي حول ظاهرة الرشق بماء النار الذي تكرر مؤخراً بصورة

مزعجة في المجتمع السوداني وقال لي هنالك مسألة وطريقة بسيطة جداً تؤدي الى تخفيف الاذى بنسبة 80% وربما الشفاء التام .. فاذا شاهدت أي حادث رشق بماء النار على اي شخص تعرفه بقصد او غير قصد ، عليك أن تقوم اولاً بإدخال هذا الشخص الى اقرب دش ماء وتفتح عليه الماء لفترة مناسبة في مكان ذلك الاذى وبعد ذلك تحضر (كوربونات) الطعام العادية وتقوم (بكشحها) على الجسم المصاب فاذا كانت كميتها قليلة يمكن ان تقوم بحلها في الماء وترشق بها الجسم المصاب ولكن اذا كانت في شكل بودرة يكون افضل.. وبعد ذلك تذهب بالمريض لأقرب طبيب ولن تكون مهمته صعبه . واضاف د.عمر بعد أن تقوم بتلك الخطوة الماء والكربونات تقوم بمسح الجسم (بالفازلين) العادي وبعد ذلك الذهاب للطبيب ..وقال د.عمر أن ماء النار يأكل الخرصانة والحديد والشئ الوحيد الذي لا يأكله ماء النار هو (الرمل) .
وحذر دكتور عمر المواطنين من تناول الطماطم في فصل الصيف وطالب اي مواطن بفتح (حبة) الطماطم قبل ان يأكلها ويشم عليها ليلاحظ الفرق بين الطماطم الطبيعي والطماطم الكيميائي وقال ايضا هنالك ظاهرة خطيرة جداً وهي ان بعض النساء (يقمن) بعواسة الكسرة عن طريق (كروت) الاسكراتشات وقال ان ذلك خطير على صحة المواطنين لأن هذه الاسكراتشات تحمل (بلاوي) .. لنا لقاء مطول مع عالمنا الجليل في الاعداد القادمة
[ندعوك للتسجيل في المنتدى أو التعريف بنفسك لمعاينة هذا الرابط]

حاشية
تعرفو الخبر جميل ومفيد لكن مسخ علينا الكسرة بالطماطم الموجودة [ندعوك للتسجيل في المنتدى أو التعريف بنفسك لمعاينة هذا الرابط]

الحل شنو ياود جمعة في الصيف طماطم مافي بالكسرة والبرنامج المصاحب ، يعني نقول كاتشب بالكسرة ممكن ؟ والبيوت المحمية للطماطم كيف؟ في الصيف ؟ ياود جمعة ماعزبتنا.. على العموم الجماعة شهادة عربية أرقو أنا مرتاح من الكسرة صاحبك سيف مايسمع .فعلا كنا حينما نشتاق لها تعوسها المدام بالكرت بتاع سوا مع كده مابتطلع كويسه مكسرة ،المازون عندنا في البلد عليه رحمة الله ماكتب الكسرة في القسيمة ، دي طبعا جديدة ، جزاكم الله خيرا بعد ده الشعب عاوز قرقريبه ، ود جمعة ختها في جمله مفيدة بناتي ماعرفوها .. زي ماقالوا لي أمهم : زنقة دي يعني شنو ؟ قالت ليهم يعني زقاق ، ضحكوا عليها قالوا ليها نحن عرفنا الأولى لمن نعرف الثانية ، الله يكون في العون ، ناس هناي خايفين ساكت ، شفت الحياة كيف حلوة ، لازم تجرب وبعدين تقول لي مستحيل ..مصيرك لاتستطيع أن تهرب منه .

اولا الف مرحب بعود الدكتور العالم اخصائي الكيمياء الشهير د. عمر الطيب البدوي الى ارض الوطن
وجزاك الله خير يا اخى محمد جمعه دائما تمدنا بالاشياء المفيده
لكن طبعا المشكله بقت فى الطماطم
وبصراحه نحنا ما بنقدر نخلى اكل الكسره بالطماطم
والله يستر علينا الله كريم
والا شنو يا اخى محمد جمعه ؟

عبدالفتاح بن سعيد كتب:: .فعلا كنا حينما نشتاق لها تعوسها المدام بالكرت بتاع سوا مع كده مابتطلع كويسه مكسرة .

الكسير ساهل ياخوي لكن شوف كلام دكتورنا قال الكروت فيها بلاوي
يعني من اليوم الكروت ودوها البلدية اول باول وخلو المجاذفة

عبدالفتاح بن سعيد كتب:: بعد ده الشعب عاوز قرقريبه ، ود جمعة ختها في جمله مفيدة بناتي ماعرفوها .. زي ماقالوا لي أمهم : زنقة دي يعني شنو ؟ قالت ليهم يعني زقاق ، ضحكوا عليها قالوا ليها نحن عرفنا الأولى لمن نعرف الثانية .

طيب انا بقول ليهم القرقريبة بنتا للصاج المختوت فوق اللدايات

عبدالفتاح بن سعيد كتب:: ، ناس هناي خايفين ساكت ، شفت الحياة كيف حلوة ، لازم تجرب وبعدين تقول لي مستحيل ..مصيرك لاتستطيع أن تهرب منه .

ايوه الحياة حلوة بالكسرة والطماطم tongue

بنت النيل كتب:: وبصراحه نحنا ما بنقدر نخلى اكل الكسره بالطماطم
والله يستر علينا الله كريم
والا شنو يا اخى محمد جمعه ؟

بينك وبينك يا اختي بنت النيل تب مابنقدر نخليها يوم هفت معاي هنا ورحت المطعم السوداني وجبت الكسرة
وظبطت ليك الطماطم وكمان بعد فتيتها سويت ليك فيها زيت سمسم
لكن للاسف لا الكسرة طلعت فيه عطبرة ولا الطماطم ولا زيت السمسم زاتو
غايتو حشيت بيها بطني وبقيت اتحسر علي كسرتنا بالطماطم فوق صحن الطلس الكبير بتاع القراصة
وتقعد تلحس الصحن وايديك بعد ماتخلص وانت مامصدق انها خلصت اه ثم اه نفسي في كسرة طماطم وتمديدة في سرير هبابي في ضل الضحوية وشاي لبن مقنن مع المغربية في الحوش المرشوش
لك التحية اختي بت النيل وقريبا نلتقي في حوش من حيشان الغالية عطبرة ان شاءالله

ربنا يرجعك الى عطبره بالسلامه وتحقق لك امانيك وتلقى الاهل بخير وكل حيشان عطبرة بيتك وانت تنور

نشكرك اخي محمد جمعة على هذه المعلومات العلمية القيمة وننتظر المزيد من الافادات القيمة في هذا الموضوع ... ومسألة الاعتداء بموية النار تزايدت بصورة رهيبة في السودان وصحيفة الدار تناولت موضوع مآساة سناء وكذلك تدافعت بعض الجهات الاعلامية وصحيح ان النتيجة كانت طيبة إذ ان سناء وجدت من يتكفل علاجها الا وهي الشيخة فاطمة بنت مبارك حرم المرحوم الشيخ زايد بن سلطان ولكن التكثيف الاعلامي وخاصة وتسليط الضوء على اداة الجريمة من صحيفة الدار ولدت أكثر من جريمة فاصبحت هناك عدد من الضحايا يتزايد يوما بعد يوم .
اما بالنسبة للطماطم بحمد الله الطماطم المزروع في السودان لا تغشاه الاسمدة الكيمائية الكلام على الناس البرة ...

محمد جمعة كتب:: وحذر دكتور عمر المواطنين من تناول الطماطم في فصل الصيف [ندعوك للتسجيل في المنتدى أو التعريف بنفسك لمعاينة هذا الرابط]

المشكلة السلطة ما بنقدر ناكلها الا في الصيف
دي يحلوها كيف ؟

استاذنا ود ميرغني لك التحية
حقيقة وكما قلت سمعنا اولا بقصة سناء وبعدها بقت تتواكب الي اسماعنا حوادث موية النار
وبالجد انتشرت بصورة كبيرة وكل واحد بقت مرتو تقول ليه طلقني يطلقها وبعدين يفاجاها بموية النار
او واحد اخد ليه شاكوش كارب راح كشح ليك البنية بموية نار
نسأل الله السلامة واللطف

ود ميرغني كتب:: اما بالنسبة للطماطم بحمد الله الطماطم المزروع في السودان لا تغشاه الاسمدة الكيمائية الكلام على الناس البرة ...

باقيلك يا استاذنا زراعتنا الفي السودان ما لحقها البلاء دا
تعرف الزمن دا الواحد بقي يتحير في الاكل زاتو كل يوم ظاهرة لينا حاجة جديدة
نسأل الله السلامة واللطف

سيف الدين كتب:: المشكلة السلطة ما بنقدر ناكلها الا في الصيف
دي يحلوها كيف ؟

دي حلها صعب شديد لكن استاذنا ود ميرغني قال الطماطم في السودان وضعها مطمئن
يعني كل مايجي الصيف تتخارج السودان وماتجي الا لمن الصيف يخلص tongue

محمد جمعة كتب:: [color=green]
[center][b]باقيلك يا استاذنا زراعتنا الفي السودان ما لحقها البلاء دا
تعرف الزمن دا الواحد بقي يتحير في الاكل زاتو كل يوم ظاهرة لينا حاجة جديدة
نسأل الله السلامة واللطف

تحياتي أخي محمد ... هنا في الامارات الارض ليست زراعية ولكن مع تكثيف الأسمه يتم انتاج بعض الخضروات خاصة الطماطم والخيار ....لدي جار إماراتي خصص رقعة من مزرعته وجنبها الأسمدة كي يستخدمها في الدار معافاة من شر الاسمدة الكيمائية فكانت النتيجة أن حبات الطماطم لم يزيد حجمها من حجم البلي والخيار جاء بحجم الشطة الخضراء ... نحن أرضنا زراعية ولا تحتاج تكثيف الاسمدة ... اشتري الطماطم الوارد من مصر والاردن أخف سمادا

شكراً استاذنا علي النصيحة الغالية
وتعرف زمان عندنا جزء في حوشنا كدا كنا بنزرع فيه جميع الخضروات
وتعرف كان ليها طعم غير والطماطم كانت حاجة مبالغة حجم ولون وبلدية علي اصلو وطعمها مبالغة
لكن تعرف كان بتغيظني الطماطم الفي السوق شكلها مطاول كدا ويقولو عليها سيكو
ياخي دي حامضة حموضة عجيبة كدا
لك التحية استاذي وان شاء الله نتلاقي في الغالية قريب ونقعد مع بعض قعدة حلوة كدا
ويتوسطنا صحن فتة كسرا بالطماطم وفيه رشة زيت سمسم متل صحن اختنا بنت النيل

شكرا على المعلومة اى نبات ينمو فى غير موسم زراعته خطر على الصحة بيكون عاملين ليه سماد واضافات كيميائية حتعى ينمو الواحد لو عايز يشترى طماطم تشترى الطماطم المضروبه لانها بتكون ما معاملة بمبيد

هلا بناس الزراعة
شكرا اختي ناهد علي المعلومات بس هناك حاجة حيرتني مكتوبة باللحمر في الاقتباس التحت دا

ناهد كتب:: الواحد لو عايز يشترى طماطم تشترى الطماطم المضروبه لانها بتكون ما معاملة بمبيد

يعنى الطماطم البتكون شكلها ماحلو او بها اصابة بتكون احسن مامعاملة اما الطماطم السميكة او جلدها سميك بتكون معاملة طبعا نحنا عندنا مزارعين بيعاملو النبات وطوالى يودو للسوق كل مبيد عندو فترة امان معينه بستغترقحتى يتحلل السرطانات حمانا الله بتكون غالبا من استخدامالمبيدات ونحنا اسا فى مجال عملنا بنحاول نعمل توعية للمزارعين حتى يستخدمو المبيد فى الصورة السليمة

منكم نستفيد
بس الاشكال هو فى المبيد ام فى استخداموا الخاطئ

ناهد كتب:: يعنى الطماطم البتكون شكلها ماحلو او بها اصابة بتكون احسن مامعاملة اما الطماطم السميكة او جلدها سميك بتكون معاملة طبعا نحنا عندنا مزارعين بيعاملو النبات وطوالى يودو للسوق كل مبيد عندو فترة امان معينه بستغترق حتى يتحلل السرطانات حمانا الله بتكون غالبا من استخدامالمبيدات ونحنا اسا فى مجال عملنا بنحاول نعمل توعية للمزارعين حتى يستخدمو المبيد فى الصورة السليمة

[ندعوك للتسجيل في المنتدى أو التعريف بنفسك لمعاينة هذه الصورة]

الله يعينكم يا اختي ناهد ويخضر ضراعكم ويجزيكم كل الخير ان شاءالله

محمد عبد الله عبد الجليل كتب:: منكم نستفيد
بس الاشكال هو فى المبيد ام فى استخداموا الخاطئ

لك التحية اخوي محمد والسؤال محول للاخت ناهد
وهي الان في اجازة منتظرين جيتها بعد قضاء اجازة ممتعة ان شاءالله

ربنا يكتب سلامتك وترجعى وتردى على تساؤلاتنا

التحية للاخوان محمدجمعه ومحمد عبدالله
محمد كتب
بس الاشكال هو فى المبيد ام فى استخداموا الخاطئ
الاشكال فى المبيد وفى الاستعمال الخاطى لانو كل مبيد عندو فترة امان اى ان يتحلل ويبقى ماعندو ضرر على الانسان تترواح من مبيد للاخر فى مبيد فترة امانه 15 يوم وفى مبيد فترة امانه اقل المبيدات بصورة عامة مضرة للفواكه اى لذبابة الفاكهة بدا باستعمال الفيرمونات اى مواد جاذبة للحشرة ماعندها تاثير لانو ذبابة الفاكهة بتصيب الفاكهة وهى مرحلة النضجيعنى استخدام المبيد يضر فى الحالة على الانسانلذلك تم الاتجاه للمصايد الفيرمونية ومصايد غذائية عبارة عن خليط سكربالاضافة للخميرة بتوضع على باقة كرستال عاديةتكون بها فتحات تعلق على الشجرة كما نجد حاليا بحوث تستخدم بدايل المبيداتا ستخدام النباتات الطبيعية كزيت ورق النيم والكافور والحزا والحرجل والشطة كمواد طاردة للحشرات فى تطورات للحد من استخدام المبيدات
لانو التخلص من عبوة المبيدالفارغة مشكله فى حدها

» كيف تجعل الفتاه تحبـــك ؟ الشماعه مهما كانت !!
» مرشدك الأمين لاكتشاف عالم ويندوز XP
» سوداني أنقذوة من نفسه فطاردهم بسكين.
» سوداني دنقلاوي يروي عنه البخاري ومسلم 162 حديث
» طفلة معجزة عمرها عامان تستخدم جهاز الحاسوب وتدخل الى عالم النت