غدار دموعك

للشاعر والمغنى مصطفى سيدأحمد
لا تنبش الماضي البعيد

الم تكن لقلبي واقعا مجهولا

لا تنكأي الجرح القديم

فانني ودعت ليلا مظلما وثقيلا

وحملت روحي في فؤاد ناذف

ما زال يحمل نصفه مشلولا

وخلعت اثواب الحداد اما كفى

اذ صار قلبك في الهوى ضليلا

غدار دموعك ما بتفيد

في زول حواسو اتحجرت

جرب معاك كل السبل

وايديهو ليك ما قصرت

حطمت في قلبوا الامل

كل الاماني اتخدرت

وكلماتو ليك ضاعت عبس

لا قدمت ولا اخرت

ما كنا وكت الليل يضيع

وتشرد نجومو وتنهزم

ويطل شعاع يكشف قلاع

والظلمة ترحل وتنهزم

وجفونا من طول السهر

تلبس وشاح حرقة والم

نستبشر اليوم الجديد

ونقول تعود انت العشم

كيف العشم وكتين يموت

والغصة تطعن في الحلق

كيف الحنين وكتين يهز لزول بعيد ما بتلحق

كيف الرجوع لزول قنع

شايل رفاة قلبو الحرق

سيب الندم وانسى الدموع

ما فات زمان ما بيستحق

غدار دموعك ما بتفيد

في ظلمة ما بتعرف شعاع

اشباحا زي موج العدم

كسر المجاديف والقلاع

ونزلنا في طوف الفشل

وابحرنا في بحر الضياع

ونسينا ذكراك الزمان

عشناها في زيف القناع

كل التحايا ناهد

كل الجمال المقبول سيد احمد

كل الروعة أبو السيد

اسأل الله لك وللمقبول الصحة والعافية وللكروان الرحمة والمغفرة

كل الود

تخريمة :-
كتري من الحاجات دي

سيف الدين كتب:

شاعر الاغنية هو اخو الراحل المقيم مصطفى سيد احمد عليه الرحمة
ـــــــــــــــــــــــــــــــــــــــــــــــــــــ
لما سمعت مصطفى سيد احمد لاول مرة ..
قلت ده فنان شنو ده القاعد يلحن لينا في الجرايد ده ..
ولم اطرب له , ولكن فيما بعد بدأت اذني(المتخلفة موسيقيا) تطرب لكلماته قبل الحانه

سيف الدين

التحايا والود

المقبول سيد احمد هو صاح القصة ومطلع النص وباقي النص للكروان مصطفي سيد احمد

عظيم مودتي

نديكم القصة الحقيقية كما قالها مصطفى سيد احمد الله يرحمه لي خالي لمن كان بيدرسه في الثانوي في الحصاحيصا.
الفنان المرحوم مصطفي سيد احمد كان عندو اخوهو على علاقه حب قويه ربطت بينه وبنت في الجامعة .. استمرت العلاقه فتره طويله .. المهم خططو لمستقبلهم سوا و أي حاجه لكن لمن اتخرجو البنت خطبها زول و مشو شهر العسل لي مصر, اخوه مرض شديد و اتشل, من الشاكووش الجامد ده, فودوه القاهرة عشان يتعالج فالبصدفة و هو طالع من المطار تجي البت و راجلها راجعين السودان
ولمن تشوفو في الحالة ديك تقع على ركبتيه و تبكي.....يعني كده كويس ياناهد ويامجاهد وسيف وموفقين .

اخو مصطفى سيد احمد ألفها و هو كان مرافق للمريض
غدار دموعك - منقول .
كلمات - مصطفى سيد احمد