التامين الصحى عذاب

حقيقة التامين الصحي بالخرطوم عزاب وزله واهانه لقد ذهبت أمس لاستلام نتيجة تحاليل لعمى بمركز جابر أبو العز وهو مركز متخصص في السكري ومن المفترض أن تكون الخدمة به ممتازة جدا ولكن للأسف لقد شاهدت معانات الشعب السوداني من سوء المعاملة ومن المفترض خدمات التامين تكون تسهيل للمواطن مش تعب وعذذذذذذذذذذذذذذذاب لماذا أنا مصره على كلمة عزاب ؟؟؟؟
لاني شاهدت منظر موسف وهو أن واحده قد تكون دكتورة أو فنية تحاليل المهم خرجت من باب المعمل وهى تحمل كميه من الأوراق وهى عبارة عن نتائج تحاليل ووقفت تذيع في الأسماء فلان وفلان وفى الأخر قالت ليهم اى واحد استلم نتيجة التحاليل يجينى بالشباك علشان أسجلها في الدفتر وتقيفوا صف ؟؟؟ وفى واحد كبير في السن وقدم رجله كلها ملفوفة بالشاش قال ليها أنا ما بقدر اقيف هاك ورقتي سجليها وادينى ليها ماذا كان ردها ؟؟؟؟؟؟؟؟؟؟؟؟؟
قلت ليكم اقيفو صف وبالشباك !!!!!!!!!!!!!!!
عمك قال ليها أنا كان بقدر اقيف كنت جيت هنا ؟؟؟؟؟؟؟؟؟؟؟؟؟؟؟
وفى أللحظه دى تدخلت أنا وقلت ليها أنت تجى طالعه من المعمل بالباب وتسلميهم النتائج وتطلبي منهم أن يرجعوا ليك نفس النتيجة بالشباك علشان تسجليها ما كان تسجليها وتوزعيها ليهم بدل العذاب دا ؟؟؟؟؟؟؟؟؟؟؟؟
ردت لي بكل برود وقالت لي دى طريقه شغنا ونظامنا كده ودخلت وقفلت الباب !!!!!!!!!
طيب هو وينو النظام يا ناس التامين الصحي وانتم المفروض توفرا أولا الإنسان المناسب في المكان المناسب يعنى مركز بتاع سكري أكيد حيكون زحمه واغلب الناس لهم اعزار ومشاكل السكري انتم في غنى انى اذكرها ليكم ومفروض يكون الدكتور والفني والموظف بأخلاق أرقى من كده وعندهم صبر وإذا الشغل كثير عليهم يكتروا ليهم من العمالة علشان تتوفر الخدمة الجيدة والمعاملة الكريمة
وليس بمقدوري إلا أن أقول الكلمة الطيبة جواز سفر وبدل ما الناس تدعى عليكم عاملوهم كويس علشان يدعوا ليكم بالدعاء الحسن وتذكروا أن من المحال دوم الحال واتقوا الله وأسال الله أن تتحسن المعاملة بكل المراكز والله يديكم العافية

حسبنا الله ونعم الوكيل ... العالم اليوم يتسابق في فنون خدمة العملاء ويضع المنهجية والطريقة المثلى في تقديم الخدة للجمهور في كل المناحي وهذه الخدمة تضبطها الادارة المثلى والمتابعة الدقيقة من المسئول الأعلى ... ولكن بكل أسف يشهد السودان تقهقر غير عادي وانحدار في القيم وهذه التي ذكرتيها لو كان لديها خلق لعرفت كيف ترد على من يكبرها سناً بغض النظر عن حالته المرضية ... ولكن أقول لقد عسرت على نفسها وضيقت على نفسها يوم الحشر ودليلي حديث المصطفى من ولي أمر عشرة ورفق بهم رفق الله به ومن ولي أمر عشرة وعسر عليهم عسر عليه الله

ود ميرغني كتب:

حسبنا الله ونعم الوكيل ... العالم اليوم يتسابق في فنون خدمة العملاء ويضع المنهجية والطريقة المثلى في تقديم الخدة للجمهور في كل المناحي وهذه الخدمة تضبطها الادارة المثلى والمتابعة الدقيقة من المسئول الأعلى ... ولكن بكل أسف يشهد السودان تقهقر غير عادي وانحدار في القيم وهذه التي ذكرتيها لو كان لديها خلق لعرفت كيف ترد على من يكبرها سناً بغض النظر عن حالته المرضية ... ولكن أقول لقد عسرت على نفسها وضيقت على نفسها يوم الحشر ودليلي حديث المصطفى من ولي أمر عشرة ورفق بهم رفق الله به ومن ولي أمر عشرة وعسر عليهم عسر عليه الله

حسبنا الله ونعم الوكيل
وحقيقه نحن فى السودان نفتقد فنون الاداره وحسن المعامله
ونسال الله العافيه
اشكرك على المرور والاضافه

سلام يا شباب
بنت النيل وينك يا زولة مختفية كده ، أن شاء الله بسط و تمام ، يا زولة ما دارية أنو مستشفياتنا و مصحاتنا زاتن مرضانين و التأمين الصحي زاتو بيعاني من فقر دم و عيان و هلكان ، بعد ما ظهرت الفطريات التي تتغذي من ميزانيتها ، الزوله البتقول ليكم الشباك دي ، بتكون ليها ٦ شهور ما وقفت في شباك صرف المرتبات

hishamabbass كتب:

سلام يا شباب
بنت النيل وينك يا زولة مختفية كده ، أن شاء الله بسط و تمام ، يا زولة ما دارية أنو مستشفياتنا و مصحاتنا زاتن مرضانين و التأمين الصحي زاتو بيعاني من فقر دم و عيان و هلكان ، بعد ما ظهرت الفطريات التي تتغذي من ميزانيتها ، الزوله البتقول ليكم الشباك دي ، بتكون ليها ٦ شهور ما وقفت في شباك صرف المرتبات

اهلا يا اخى هشام عباس تسال عليك العافيه وانشاء الله يوم ما تزور مستشفياتنا ولا التامين الذى اصبح هو اكبر معانه لنا
واتمنى ان تكون بصحه وعافيه
وليس لنا الا ان نقول ربنا يصلح الحال
وحسبنا الله ونعم الوكيل

التامين الصحى ضياع للوقت واجراءاته كثيرة الواحد على المرض العندو يزداد مرض زيادة مع انو اى موظف فى الحكومة من يتعين يخصمو منو 13جنيه حتى لو انت مطلع ليك احدى افراد اسرتك بطاقة تامين اجبارى تدفع ومافى اى خدمات الادويه الغالية بيقولو خارج التامين والرخيصه داخل التامين الله يكون فى عون الشعب السودانى

سيف الدين كتب:

في ظل غياب الاخلاقيات المهنية , يجب العمل بمبدأ :
من أمن العقوبة أساء التصرف , وكل راع مسئول عن رعيته
لو كان مديرها بيوريها العين الحمراء ما كانت عملت كده
لانو هو زاتو ما عندو مدير بيوريهو العين الحمراء
مؤسسات الدولة تفتقر الى الرقابة على الانتاج

اشكرك على المرور والاضافه

لكن العين الحمراء فى الزمن ده مافى

وبس نقول حسبنا الله ونعم الوكيل

ناهد كتب:

التامين الصحى ضياع للوقت واجراءاته كثيرة الواحد على المرض العندو يزداد مرض زيادة مع انو اى موظف فى الحكومة من يتعين يخصمو منو 13جنيه حتى لو انت مطلع ليك احدى افراد اسرتك بطاقة تامين اجبارى تدفع ومافى اى خدمات الادويه الغالية بيقولو خارج التامين والرخيصه داخل التامين الله يكون فى عون الشعب السودانى

اشكرك على المرور والاضافه

كلامك حقيقه والله المستعان

وحسبنا الله ونعم الوكيل

الأخت بنت النيل السلام عليكم ورحمة الله وبعد
ما هى فائدة المنتدى ويحضر العضو فى بلد غير بلده ولايريد أن يكلف أخيه فى تلك البلاد الغريبه عليهوأقول أخوة المنتدى لابد أن تكون قائمه على رباط قوى طالما أن اخلق الحميد والصلات الطيبه هى الأساس وتمنيت أن أن يكون كل أمر بيدى حتى لا أخذل عطبراوى
حضورك للخرطوم بأمانه ولا نعرف عن عضو بالمنتدى أمرذلك يزعلنى صراحة والله رغم أنى مشغوول بمصاب أعز الناس إلى أتمنى للمريض عاجل الشفاء بإذن الله
موضوع التأميين آآآآخ يؤلمنى جدا وعندى مواضييع حوله تبكى وسيأتى الوقت لأكتبها لكم

سلام يا جماعة
فايدة مظلة التأمين الصحي وينا لو ما بتشمل الأدوية الغالية التمن ؟؟ و بعدين حكاية ال١٣ جنية دي كمان مجحفة لذوي الدخول البسيطة ، يعني المرتبو ٣ مليون كيفن يتساوي مع المرتبو ٦٠٠ ألف ، مفروض تكون المساهمة بالنسبة المؤية عشان المرتبو كبير يدفع أكتر و يساعد المرتبو قليل ولا مو كده يا جماعة ؟؟
و بعدين وين ناس الزكاة البيدفعونا الزكاة بالغصب ديل .حيكومة عجيبة لا ترحم و لا تخلي رحمة الله تنزل علينا ، و ياليت حكامنا يعلمون بأنهم أضاعوا شعبآ و بلدآ قل أن تجد نظيرة بين الأمم ...... و خسارة يا سودانا السمح ، كل ما نقول العودة النهائية قربت تجيبوا لينا أخبار في المنتدي ده تخلي الزول يتراجع و يبلع كلامو
ما في و لا خبرآ واحد سمح من البلد ، يعيد الأمل و التفاؤل عشان ساي أفكر أمش حتي أجازة لمدة سنه كده يا شباب ؟

آه ثم آه من التأمين الصحى الغريب فى الامر ان كل موظفى التامين الصحى فى الحدالسواء وجميعهم بالوصف الذى وصفتيهى اختى بت النيل الا من رحم ربك وانا كنت بقول انو موظف التامين العندنا ما فى زيوا الا لقيت امثالوا كثر وزكرتونى بى حته ال13 طبعا عملوها 15 والادويه الغاليه فى لكن ما بيدوك ليها بتباع بالسعر الكامل كدى جرب امشى صيدليه تامين من غير استماره شوف بترجع من غير دوا شوفوا ناس التامين نحنا عملوا فينا شنوا
جايبلنا مساعد طبى فى المستوصف ولما سألناهم وين الدكاتره قالوا نسبه الاشتراك فى التامين الحر بسيطه التامين ابو 13 والعملوا 15 قالوا عايزين اقل حاجه 75 اسره عشان نجيبليكم دكتور او طبيب وكمان شالوا مننا غرفه الاسنان وبعدا بيعملوا التأمين فى الوقت البيريحم بيفتحوا المستوصف فى الصثباح من الساعه 9 الى الساعه 12 وبيقفلوا لحين العوده مره اخرى فى المساء من الساعه 7 الى 9 مساء اها زى ديل يقولو عليسهم شنوا وتمشى للمساعد الطبلى يقوليك ياخى التامين الصحى دا حقك تقولو كيف يقولك انت قاعد تجى المستوصف كتير نحنا ما عندنا شغلا غيرك

شكلو مجلس الوزراء جاءوا خبر بما يدور فى هذا البوست وكان للاخ رئيس الجمهوريه وقفه فى هذه النقطه الا وهى التامين الصحى وقال فيه مال قال وكان اجتماع مجلس الوزاء برئاسه قد خلص البعديد من النقاط بخصوص التامين الصحى ومنها عدم امتلاك التاممين الصحى اى مبنى من المبانى الحاليه وعدم بناء اى مبنى اخر من مال التامين وتطوير التامين الصحى وعلى حد تعبيره ان كل المبانى ملك اعضاء التامين لانها بنيت بمالهم لذلك يمنع منعا بات ان يبنى اى مبنى اخر من مال المواطن وكل المال ينصب فى العلاج وتوطينه بالداخل كما يتم طوطين الاخصائين والاطباء بالداخل وتعين قابلات صحيات فى كل حى
وهذا الحديث نقلا عن اخبار الساعه الرابعه فى اذاعه ام درمان

أبووردة كتب:

الأخت بنت النيل السلام عليكم ورحمة الله وبعد
ما هى فائدة المنتدى ويحضر العضو فى بلد غير بلده ولايريد أن يكلف أخيه فى تلك البلاد الغريبه عليهوأقول أخوة المنتدى لابد أن تكون قائمه على رباط قوى طالما أن اخلق الحميد والصلات الطيبه هى الأساس وتمنيت أن أن يكون كل أمر بيدى حتى لا أخذل عطبراوى
حضورك للخرطوم بأمانه ولا نعرف عن عضو بالمنتدى أمرذلك يزعلنى صراحة والله رغم أنى مشغوول بمصاب أعز الناس إلى أتمنى للمريض عاجل الشفاء بإذن الله
موضوع التأميين آآآآخ يؤلمنى جدا وعندى مواضييع حوله تبكى وسيأتى الوقت لأكتبها لكم

اشكرك على المرور وحقيقه كل عضو بالمنتدى اهل لى لان المنتدى هو اسرتى الثانيه
وحقيقه انا كنت خارج السودان لفتره ورجعت عطبره لزواج اختى وبعدها توفى خالى ثم عمى ولذلك قعدت بعطبره فتره وجيت للخرطوم لان شغلى هنا ولكن سوف اسافر بعد شهور للخارج واكيد سوف ارجع ليك تانى ياعطبره
واشكرك يا ابو ورده يا اخو الاخوان وما بتقصر
واسال الله العافيه لكم جميعا

محمد عبد الله عبد الجليل كتب:

آه ثم آه من التأمين الصحى الغريب فى الامر ان كل موظفى التامين الصحى فى الحدالسواء وجميعهم بالوصف الذى وصفتيهى اختى بت النيل الا من رحم ربك وانا كنت بقول انو موظف التامين العندنا ما فى زيوا الا لقيت امثالوا كثر وزكرتونى بى حته ال13 طبعا عملوها 15 والادويه الغاليه فى لكن ما بيدوك ليها بتباع بالسعر الكامل كدى جرب امشى صيدليه تامين من غير استماره شوف بترجع من غير دوا شوفوا ناس التامين نحنا عملوا فينا شنوا
جايبلنا مساعد طبى فى المستوصف ولما سألناهم وين الدكاتره قالوا نسبه الاشتراك فى التامين الحر بسيطه التامين ابو 13 والعملوا 15 قالوا عايزين اقل حاجه 75 اسره عشان نجيبليكم دكتور او طبيب وكمان شالوا مننا غرفه الاسنان وبعدا بيعملوا التأمين فى الوقت البيريحم بيفتحوا المستوصف فى الصثباح من الساعه 9 الى الساعه 12 وبيقفلوا لحين العوده مره اخرى فى المساء من الساعه 7 الى 9 مساء اها زى ديل يقولو عليسهم شنوا وتمشى للمساعد الطبلى يقوليك ياخى التامين الصحى دا حقك تقولو كيف يقولك انت قاعد تجى المستوصف كتير نحنا ما عندنا شغلا غيرك

اشكرك على المرور والاضافه الهامه
ولكن يا اخوى محمد ليس لنا الا ان نقول حسبنا الله ونعم الوكيل

hishamabbass كتب:

سلام يا جماعة
فايدة مظلة التأمين الصحي وينا لو ما بتشمل الأدوية الغالية التمن ؟؟ و بعدين حكاية ال١٣ جنية دي كمان مجحفة لذوي الدخول البسيطة ، يعني المرتبو ٣ مليون كيفن يتساوي مع المرتبو ٦٠٠ ألف ، مفروض تكون المساهمة بالنسبة المؤية عشان المرتبو كبير يدفع أكتر و يساعد المرتبو قليل ولا مو كده يا جماعة ؟؟
و بعدين وين ناس الزكاة البيدفعونا الزكاة بالغصب ديل .حيكومة عجيبة لا ترحم و لا تخلي رحمة الله تنزل علينا ، و ياليت حكامنا يعلمون بأنهم أضاعوا شعبآ و بلدآ قل أن تجد نظيرة بين الأمم ...... و خسارة يا سودانا السمح ، كل ما نقول العودة النهائية قربت تجيبوا لينا أخبار في المنتدي ده تخلي الزول يتراجع و يبلع كلامو
ما في و لا خبرآ واحد سمح من البلد ، يعيد الأمل و التفاؤل عشان ساي أفكر أمش حتي أجازة لمدة سنه كده يا شباب ؟

مشكلة التامين الصحى والادويه الغاليه كبيره
ام الاخبار السمحه تنتظرك لمن تجى الاجازه باذن الله

محمد عبد الله عبد الجليل كتب:

شكلو مجلس الوزراء جاءوا خبر بما يدور فى هذا البوست وكان للاخ رئيس الجمهوريه وقفه فى هذه النقطه الا وهى التامين الصحى وقال فيه مال قال وكان اجتماع مجلس الوزاء برئاسه قد خلص البعديد من النقاط بخصوص التامين الصحى ومنها عدم امتلاك التاممين الصحى اى مبنى من المبانى الحاليه وعدم بناء اى مبنى اخر من مال التامين وتطوير التامين الصحى وعلى حد تعبيره ان كل المبانى ملك اعضاء التامين لانها بنيت بمالهم لذلك يمنع منعا بات ان يبنى اى مبنى اخر من مال المواطن وكل المال ينصب فى العلاج وتوطينه بالداخل كما يتم طوطين الاخصائين والاطباء بالداخل وتعين قابلات صحيات فى كل حى
وهذا الحديث نقلا عن اخبار الساعه الرابعه فى اذاعه ام درمان

والله يا اخوى محمد بشرتنا خير ونسال الله ان يوفى مجلس الوزراء بالاشياء التى ذكروها
ونحن منتظرين التنفيذ يامجلس الوزراء
والله يديكم العافيه

الأعزاء سلام عليكم
بنت النيل حبابك ، البلد والله ما مابينها تب و ما بننساها ، و القدم يا زوله ليها رافع ، لكين الأخبار البتجينا هابه دي بتدبرس بالزول و تعمل ليهو نفسيات
أخونا أبو مريومة
سلام كتير يا حبه ، أنتو ناس المنتدي ، الزول داير يشوفكم واحد واحد ،
و يقعد معاكم قعدة طويلة ، فأنتو بقيتو الأهل و الخلان ، خصوصآ لينا نحن البعاد من الديار، لكن بيني و بينك بشوف الكاكي في المطار، و البهدلة البنخش فيها ديك بتخليني أندم علي تمن التذكرة ، شوقك للبلد زاتو بيخمد و يموت ، أنا الشئ المحيرني السودان و أنتهى لكن غربة السوداني ما لا ما دايرة تنتهي؟؟؟