بشروا ولا تنفروا

(لأن يهدي الله بك رجلا واحدا خير لك من حمر النعم)
(بشروا ولا تنفروا يسروا ولا تعسروا )
(ولن يشاد الدين احد الا غلبه)
(هلك المتنطعون)
بهذا المفهوم البسيط للدين , أسلم رجل بريطاني على يد امرأة سودانية
فهي نفسها تربت على الدين البسيط , السهل الممتنع , العفوي
لا تتبع لإحدى الجماعات الاسلامية التي اصبحت اكثر من الرز في الكبسة
فنالت من الدنيا باللين والبساطة ما لم تنله يد الغلو والتشدد , فهنيئا لها ..
ونسأل الله أن يتقبله منها قبولا حسنا ..
وسأترككم معها تحكي قصتها مع العم آيفن البريطاني الجنسية , باسلوبها الذي ينم عن بساطة وعفوية ونقاء الروح ..

*** وبحمد الله دخل العم آيفن الإسلام ***
العم آيفن أو انكل آيفن كما يحلو له ان يخاطبه ابنائي الذي احبهم جدا وحبوه كأنه عمهم الحقيقي ..الصدفة هي التي جمعتني به في مدينة ابليكس التي نسكن فيها و التي تبعد عن دبلن حوالي الساعة والربععرفته كسائق تاكسي ,, إطمأنيت له اولا لآنه كبير في السن وخبرته في التعامل مع العوائل , احيانا نحتاجه لمرض العيال في وقت متأخر ,رجل بشوش صاحب قلب كبير الإبتسامة لا تفارق محياه , صادق جدا كصدق اهل بلده عمره تجاوز ال 57 عاما أمين جدا جداكل ما التقي به يدور سؤال في رأسي , واصبح اتمتم لوحدي ( بالله عم آيفن ده بي خصاله السمحة دي كلها وامانته دي لو كان مسلم مش كسب دنيا وآخرة ؟؟كان دائم السؤال عن الإسلام كان يعتنق الكاثلوكية ولا يعرف عنها الكثير . حدثني مرة إنه يتمنى منذ زمن بعيد ان يتعرف على اسرة او صديق مسلملكي يحدثه عن الإسلام بتوسع اكثر ,,,عرفته على زوجي رغم عدم إقامته معنا . لكن كان دائم الإتصال به ..كنت احدثه عن الإسلام والعادات والتقاليد السودانية ببساطة شديده جدااحببت ان يعرف أن الإسلام يسر وليس عسر قبل كل شيءاحضرنا له عدة كتيبات وسي ديهات واصبحنا نداوم على تعليمه بدون زحمة , كان حريص ان يزورنا كل إسبوع على الأقل حتى وإن لم يكن لدينا اي مشوار

نواصل

كان كل مرة يزيد رغبة وشغف للتعلم اكثر عن الدين الإسلامي الحنيف
فكرت كثيرا ان اعرفه على أحد الإخوة من السودانيين او اي مسلم لكي يشرح له اكثر مني
لكني ترددت كثير جدا بصراحة وخفت من التجربة لسببين
اولهم بعض الناس عندهم الدين الاسلامي ده من قولة تيت
تعمل كده وكده وكده ولا بقطعوا رأسك عديل
خفت يهولوا ليهو القصة ويطفشوهو كلو كلو زي ما سمعت حصل لشخص في إيرلندا دي زاتها
حكت لي صديقة إنه واحد دخل الإسلام وشبكوا ليه ليك من اول يوم ده حرام ودبلتك في يدك دي حرام
ولو عملت كده جهنم بس
ولو عاين لي مرا وما غضيت النظر يا ويلك وسواد ليلك
جهجهوا الراجل جد جد
قال ليهم ما داير إسلام زاتي
قالوا ليهو ويييييييييين ؟ كدة يبقى إرتداد جد جد وبقطعوا رأسك cyclops

اها جنس ده خفت منه بيني وبينكم
واكتفيت بي الشرح الميسر البعرفو والبقدر عليهو وبتصل طوالي بي زوجي يتكلم معاه
بالإضافة للتسجيلات الفي اليوتيوب لللأخوان الأسلموا قبلوا بنزودوا بيها كل مرة

نواصل

إستمرينا الحمد لله معاه في الشرح والتنوير وبدأ يتغير رويدا رويدا والحمد لله
طبعا اوربا كلها فيها محلات الحلال
اها كنت بمشي اشتري حاجاتي من هناك بقي يشتري هو زاتو
بقى ما بيأكل إلا اللحم والفراخ الحلال
وحكمة الله حلف ما حصل دخن سيجارة ولا شرب خمرة ولا قرب للحرام لآنه ديانته الأولي ما بتسمح بي كل الحاجات دي
ولأنه بخاف على صحته رغم إنه عايش في اوربا
إستمرينا معاه ما يقارب التسعة شهور
كل يوم نحس إنه قرب اكثر واصبحت قناعته اكبر
كل ما نتكلم في موضوع يقول لي اها كيف نمشي مثلا مشوار بكرة او بعدين
ارد اقول ليه إن شاء الله
طوالي يسأل يعني شنو العبارة دي ؟ وأبدأ اشرح
بي كترة الكلام والشرح المعاه صلح لي إنجليزيتي المكعوجة وعضيرة يعلم الله لوولز ( * )
بقيت مترجمة مترجمة يا اولاد امي وبنات امي ..
اها بقى داير يعرف متين نمشي المسجد ونشهر الإسلام
وكان زوجي الفاتح جايينا إجازة وكان الكلام ده في غبريل المضى تقريبا 12 إبريل

نواصل
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
( * ) البساطة وتيسير الامور تعوض عن نقص الامكانيات

الفاتح ما قصر جاب جلالليب الصلاة والسجادة الفي البلد دي مافي
كان نفسه يلبس جلابية وطاقية
طبعا حا انزل ليكم الصور بس ما بعرف إلا توروني كيف
والفيديو برضو
اللقاء مع الفاتح كان جميل جميل جدا وكبرت الصداقة وكأنه بعرفوا بعض من سنين
على مدى 3 اسابيع تقريبا كل يوم بزورنا والفاتح بشرح بتوسع اكتر
لكن برضو قال لي خليهناهو بي راحته
رجع الفاتح لي عمان وانحن لسه متواصلين في دروسنا المبسطة ليهو
وفي يوم قال لي خلاص انا لازم امشي المسجد واشهر إسلامي
كلمت بعض الإخوان نصحوني اسأل إمام المسجد في منطقة قريبة مننا تبعد حوالي عشرة دقائق بالعربية
وفعلا مشيت مع اولادي الراجل باكستاني طيب جدا , إتصلت تلفون ووعدنا نزوره بين الضهر والعصر
لشرح كيفية الغسل
وفعلا جلس معه ما يقارب الساعة وكتب كل النصائح
ونصحني بالإتصال بالمركز الإسلامي في دبلن لأنه هناك في إهتمام كبير بي الناس الدخلوا الإسلام حديثا

نواصل

الحمد لله إتصلت بي بعض الأخوان في دبلن وتم الإتصال بالمركز الإسلامي وحددوا موعد بعد صلاة الظهر في يوم الخميس الموافق 23 يونيو 2011
قمنا الصباح فرحانيين كلنا كان قبلها آخر يوم إمتحان ولدي في المدرسة
الحمد لله خلص بالسلامة وكان حريص يمشي معانا لليوم الجميل في حياتنا كلنا وحياة العم آيفن
رجعت إتصلت بي الأخ إمام المسجد الباكستاني تاني وطلبت منه يساعد العم آيفن في عملية الغسل لأنه اول مرة ربما يحتاج مساعدة
كتر خيرة وجزاه الله الف خير . طلب مننا برضو نجيه في المسجد قبل صلاة الظهر
وفعلا مشينا العم آيفن واولادي وإنتظرنا في باحة المسجد إلى ان تم كل شيء بسلام واخدنا بعض الصور لهم
واهداه الإمام زجاجة عطر خاصة قال إنها من مكة المكرمة
فرح بها العم آيفن جدا , وتوجهنا نحو دبلن
وسبحان الله يا اخوانا في الطريق وبعض خروجنا من المسجد مباشرة
تنهد العم آيفن واخد نفس طويلااااا وقال لي بالحرف الواحد
انا مرتاح جدا جدا وحاسي إني اول مره اكون نضيف جدا وكأني ما حصل إستحميت
رغم إنه الغسل العملته قبل شوية بدون صابون ... لكني مرتاح وحاسي إني روحي زاتها نضيفة

والله قربت ازغرت ليه وقلت ليه لسه حترتاح وحا تشوف براك
وصلنا المركز افسلامي في دبلن وكان في إنتظارنا كل من الأخوان جزاهم الله الف خير
الأخ محمد الكجم والأخ شيخ الفاتح والأخ معتصم محمد إبراهيم واسرته
إنتظرنا في إستراحة النساء ودخلوا مع العم آيفن للشيخ حسين إمام المركز الإسلامي العالمي في دبلن

نواصل

كانت اصعب لحظات إنتظار يشهد الله
وبعد حوالي الساعه تقريبا وبحمد الله اشهر العم آيفن إسلامه امام الجميع
وبارك له الشيخ إمام المسجد وإخواننا السودانيين بارك الله فيهم
وحين خروجه لم اتمالك نفسي كانت فرحة اكبر من كل الدموع
والصور خير شاهد
سوف ارفقها لكم إن شاء الله مع الفيديو
والحمد لله على ما اراد من خير للعم آيفن
دعواتكم ليه ان يثبته في الإسلام ويعمق يقينه ويهدي غيره قريبا إن شاء الله
ايضا بحمد الله نال هدية حجة مجانية بكل نفقاتها من المركز الإسلامي بدبلن
الذي حدد هدية مجانية حج لكل شخص يعتنق الإسلام حديثا

اللهم وفق العم آيفن في حياته الجديدة وبارك له في دينه يا رب العالمين

ـــــــــــــــــــــــــــــــــــــــــــــــــــــــــــــــــــــ
آمـــــيـــــــــــــــــن يا الله

انتهت قصة هذه السيدة العظيمة مع العم آيفن ..
اللهم ثبت لها ولزوجها ولكل من أعانها الأجر وحسن الثواب ..
وعلى رأسهم (جدها) الذي رباها على الدين السهل الممتنع , فقالت عنه :

عندنا جدي الله يرحمه شيخ الجنيد رجل متدين جدا ودارس الفقه على اصوله
لكن يوم واحد ما سمعته إنه بيأمرنا بي تشدد زي البنشوف فيه الزمن ده, ولا حصل حرم و حلل زي بعض الناس في الزمن ده
دائما بقول لينا الدين يسر وليس عسر ونصائحه دائما مبسطة جدا جدا لدرجة إنه يحببك إنك تقعد معاه بالساعات الطوال عشان يشرح ليك ويفسر
استفدنا منه كتير . حتى اللبس ما كان متشدد في الحجاب والنقاب زي ما بنشوف في زمنا ده
دائما بقول لينا اللبس الساتر ومحتشم ومحترم ده هو المهم , لكن كونك تتلفلفي كلك حتى وشك الإسلام ما امر كده

الكاتبة : أسماء الجنيد
المصدر : [ندعوك للتسجيل في المنتدى أو التعريف بنفسك لمعاينة هذا الرابط]

العم آيفن قبل الاسلام
[ندعوك للتسجيل في المنتدى أو التعريف بنفسك لمعاينة هذه الصورة]

وبعد الاسلام
[ندعوك للتسجيل في المنتدى أو التعريف بنفسك لمعاينة هذه الصورة]

هذا هو ديننا في السودان الذي عرفناه

دعا للتيسير على الناس مؤكداً أن"التحرش"ذريعة قد تحصل عبر الهاتف
العبيكان ينتقد من يحرّم سفر المرأة بالطائرة بدون محرم ويتساءل كيف يجيزون لأنفسهم استقدام خادمات بدون محرم!
ودعا الشيخ العبيكان في نهاية حديثه إلى التيسير على الناس الذي حث عليه الرسول صلى الله عليه وسلم في قوله:"يسروا ولاتعسروا وبشروا ولاتنفروا"
وقول عائشة رضي الله عنها:"ما خيّر رسول الله بين أمرين إلا اختار أيسرهما مالم يكن إثماً.."
وقبل ذلك قوله تعالى ( ما جعل عليكم في الدين من حرج) وقوله (يريد الله بكم اليسر ولا يريد بكم العسر)وغير ذلك من النصوص والقواعد المقررة.
ـــــــــــــــــــــــــــــــــــــــــــــــــ
التفاصيل [ندعوك للتسجيل في المنتدى أو التعريف بنفسك لمعاينة هذا الرابط]