الصيام عليك .. والدعاء علينا

ورمضان كريم وكل عام وانتم بخير
والاسلام والمسلمين بخير
والسودان بخير

ومصر كمان بخير
بس لو يخلوا الحركات بتاعتهم البتموت من الضحك دي ..

[ندعوك للتسجيل في المنتدى أو التعريف بنفسك لمعاينة هذه الصورة]

إعلان حقيقي في مصر

:تفرغ للصيام وخلي الدعاء علينا ..
للحصول على دعوات خاصه ارسل على حساب رقم 020139698777
مبلغ 1000جنيه.
ندعي لك قبل آذان المغرب
ــــــــــــــــــــــــــــــــــــــــــ
1500 جنيه
ندعي لك قبل المغرب مع بكاء
ــــــــــــــــــــــــــــــــــــــــــ
2000 جنيه
ندعي لك آخر الليل وقبل الفجر مع بكاء أيضا وخشوع
ــــــــــــــــــــــــــــــــــــــــــ
ولا يفوتك العرض الخاص فقط
4000 جنيه
الباقه الكامله طيله شهر رمضان
ــــــــــــــــــــــــــــــــــــــــــ
مع تحيات
شركه دعاء الكروان
ادارة الحاج سليمان الدمنهوري
تقاطع شارع جامعة الدول العربيه- الدور الثاني- مكتب دعاء الكروان

بصراحة , ولا اخفي عليكم ..
عجبتني شديد حكاية (الباقة كاملة ) دي
ترمي ليهم ال 4000 جنيه وتريح نفسك ..
وتتفرغ لمشاهدة السهرات والمسلسلات الرمضانية ..
ما معروف تعيش للسنة الجاية وتشوف المسلسلات دي ولا لأ ..
عشان كده اشتري وقتك للمسلسلات ب 4000 جنيه فقط .. يا بلاش
وفي نفس الوقت (تضمن) صياما مقبولا ودعاء مستجابا ..
فهنالك (مرابطون) يدعون عنك ويستغفرون لك .. يا لسماحة وسهولة هذا الدين
ويا لغباء ورعونة (الـمـعـلـن) بكسر اللام .. و(الـمـعـلـن له) بفتح اللام

طبعا واضح ان هذا الاعلان غير حقيقي ..
على الاقل لأنه لم يوضح اسم البنك

ولكني متأكد أن هنالك مسلمين يصدقون مثل هذا الكلام
ويمكنك ببساطة أن تقنعهم أنه يجوز ..
لأن (الجهل مصيبة)
و(من اراد الله به خيرا فقهه في دينه) حتى لا ينخدع في دينه

ولذلك يريد بعض الشيوخ أن يحتكروا الفقه والتفكر والتدبر لهم فقط ..
حتى يسهل عليهم قيادتنا كالقطيع ..
ولكن هيهات .. فالعقل البشري تطور وتراكمت لديه المعارف نتيجة تسهيل الله العلم وتسخيره
قال تعالى ( ولقد يسرنا القرآن للذكر فهل من مدكر) سورة القمر , الآية 40
لم يخص الله هذا التيسير في هذه الآية بالشيوخ والعلماء والفقهاء , بل ولا حتى للمسلمين فقط
كل الناس يسر الله لهم قرآنه ليذاكروه ويتذكروا

فكرة جميله خالص ماتشوف لينا الشركة ماعايزة موظفين نتعين معاهم وانا بدعى ليكم ببلاش

برضو وظيفة ؟؟؟؟؟؟
اخرجي من صندوق الوظيفة الى العمل الخاص ..
أسسي فرع في عطبرة وانا اشاركك ب(استقطاب الصائمين)
عندنا هنا ناس كتااار ما عندهم وقت للدعاء
ــــــــــــــــــــــــــــــــــــــــــــــــــــ
حكمة اليوم :
البيسمح للشيخ يفتي ليهو في كل صغيرة وكبيرة .. وما يشغل عقلو
لا نستغرب أن يأتي يوم ويدعو الشيخ نيابة عنه

اتفقنا نزل الاعلان وكمان ممكن نصوم للناس المابيقدرو يصومو بس التعريفة بتزيد بعدين المكسب فيفتى تو فيفتى

ناهد كتب:: بعدين المكسب فيفتى تو فيفتى

لا يا ناصحة .. عاوزانا نقع في اخطاء اتفاقية نيفاشا ؟؟
مافي حاجة اسمها فيفتي فيفتي ..
كل زول حسب مساهمته وجهده وعمله .. تتحدد النسبة
يعني انا مثلا علي :
× استصدار فتوى من شيخ بعنوان (ضمان الاجابة للدعاء بالإنابة) .. وطبعا الشيخ يمكن يطلب نسبة
× عمل صفحة في الفيسبوك بعنوان (انت تصوم ونحن ندعو والله المجيب)
× وانا بكتب ليك الصيغة القانونية للعقد بين شركتنا وبين الصائم , ودي ما تفتكريها حاجة ساهلة , مثلا شوفي الفقرة دي
الفقرة (أ) شروط استرداد المبلغ :
يسترد المبلغ فقط في حالة عدم الاستجابة بشروط
1- أن يثبت الصائم أنه لم تتم الاستجابة مصحوبا بإقرار مشفوع باليمين
2- ابلاغ الشركة في فترة اقصاها نهاية أيام العيد الثلاثة الأولى

سيف كتب

(أ) شروط استرداد المبلغ :
يسترد المبلغ فقط في حالة عدم الاستجابة بشروط
1- أن يثبت الصائم أنه لم تتم الاستجابة مصحوبا بإقرار مشفوع باليمين
2- ابلاغ الشركة في فترة اقصاها نهاية أيام العيد الثلاثة الأولى
الشروط دى مامعانا فى العقد يمكن الدعوة تستجاب يوم القيامة كدا نحنا بنكون خسرانين دىاسمها الدعاء على مسئولية صاحبيه على وزن العفش على مسئولية صاحبيه فى السفر
اها عايز تدينى كم من العمولة بعدين حا يصوم انا والا انت

__________

قولي لينا مهامك في الشركة أولا ..
وبعد كده نعرض عليك نسبة ..
ولن نبخس عليك بضاعتك .. فنحن نخاف الله يا أختاه
ــــــــــــــــــــــــــــــــــــــــ
ملحوظة :
انتي شريك في الشركة ..
لازم تصومي وتدعي ..
لكن اذا دفعتي زيك زي الزبائن .. ممكن نصوم عنك وندعو ليك

هوي يا انتظرو وانا نصيبي وين
انا بمسك ليكم الكاش بحفظو ليكم واقسمو بالنسبة تمام متل مادايرين
وكنت داير اقول ليكم دعاي بقسمو بيناتكم كل واحد يدعو لي شوية
لكن لقيت نفسي بكون ماسك الحصالة عارفكم حتقلبو الشغلو وتدعو عليا بدل تدعو لي

تلويشة
ماتخافو علي الحصالة بركب وش شايقي
اوعكم تقولو قصدو ياحكم

محمد جمعة كتب:: ماتخافو علي الحصالة بركب وش شايقي
اوعكم تقولو قصدو ياحكم

انا ما فهمت حاجة !!!!
معلوماتي عن الشوايقة قليلة .. tongue

كل البعرفو إنهم غنايين شديييد وغناهم حنين
ومن شدة حنيتهم .. نادر ما تلقا ليك شايقي في الغربة
ــــــــــــــــــــــــــــــــــــــــــــــــــ
حصالة مافي يا زول , الزبائن بينزلوا القروش في البنك طوالي
ممنوع استلام الكاش .. (ليطمئن قلب الزبون وكده )

ياجماعة رمضان قرب ومافى اى اعلان نزل انا بمسك الحصالة لانى شايقية

كدى خلونا من ناس ادعيلك وانت ادفع نحنا عايزين فتاوى واساسيات للشهر العظيم عشان مافى شى تفوتنا

محمد عبد الله عبد الجليل كتب:: نحنا عايزين فتاوى

مجمع الفقه العطبراوي
فتوى رقم 165 لعام 2011
بهذا نعلن أنه يجوز أن تدفع لشركة (نادهكو) للدعاء بالانابة
بشرط أن يدعو لك موظفي الشركة يوميا قبل بزوغ فجر اليوم التالي
والدعوة مستجابة انشاء الله
التوقيع :
الشيخ سمسار ابو تمساح
الشيخ هبرة على الطاير

اخوانى واخواتى بالمنتدى اهنيكم جميعا بحلول شهر رمضان الكريم وكل سنه وانت طيبين وتصوموا وتفطروا على خير
ولا تنسونا من صالح الدعوات

كل عام وانتي بخير يا بت النيل
ودعواتنا لسامي عز الدين في اول رمضان له بموفور الصحة والعافية

لك التحيه اخى سيف واشكرك باسم سامى الدين واسرته
ولك سنه وانتم طيبين

كل عام والجميع بخير مسؤول من الخير وين شيوخ المنتدى

والله دى يامنقو مافى حد سبقهم عليها لكن ياسيف فى رمضان دا مافى شركات او مؤسسات تدعى للناس دى ببلاش يعنى يعملوا الشغلا دى وياخدو عليها ثواب

كل عام وانتم بخير جميعا

افضل الدعاء يا ماكنتوش .. ومجانا كمان :
ان تدعو لاخيك بظهر الغيب

يلا كل زول دخل البوست ده يدعو للباقين

كيف شيخ سيف مدير عام شركة (نادهكو) الناس بيشكرو فيك وقالو كل الدعاء استجاب وقتى
اسا الطلبات علينا كتيرة وزحمة شديدة فى الشغل عايزين نعمل عدة فروع للشركة محول لكم المبلغ بالبنك ياشيخ سيف

نسبة للاقبال منقطع النظير على الخدمة
قررنا نعمل خدمات الكترونية لتسهيل مشاركة المواطنين/نات
جاري الان عمل موقع الكتروني تفاعلي
كما يجري التنسيق مع شركة اتصالات لعمل خدمة الدفع المسبق بالبطاقات
علما بأن الخدمة الاخيرة ستتيح للمشاركين تحويل رصيد الدعوات الى الغير
يعني انت تدفع ونحن ندعو لاخوك , صاحبك , رئيس جمهوريتك .. الخ
--------------------------

ترقبوا قريبا الخدمة الجديدة (سلاح الدعاء لهزيمة الاعداء)
يعني لو عندك زول مكجنو او بتكره ليك وزير ولا رئيس .. نحن نوديهو ليك التوج بدعوة واحدة بس
دراسة الجدوى التي اجريناها تؤكد أن الاقبال على هذه الخدمة من الشعب السوداني سيفوق التوقعات tongue

انا رسلت ليك دعوة اسا عايزين مفعولها فى اليومين ديل اخصم بعدين من قروشى المعاكم مع انخفاض التعريفة ربع المبلغ عشان نحنا موظفين الشركة والله دى لوحصلت؟؟؟؟؟؟؟

ناهد كتب:: انا رسلت ليك دعوة اسا عايزين مفعولها فى اليومين ديل

نحن قلنا الفيصل بيننا يوم العيد
الدعوات المستعجلة عندها سعر خاص لانو بنجمع ليها شيوخ VIP

» من فوائد الصيام
» 48 سؤال في الصيام
» علينا جاي نكات 2010
» اللهم لا تسلط علينا ما لا يخافك ولا يرحمنا
» رمضان شاهد لك او عليك..!!