أبداً ما تستهونها

الخطوة الأولى مجاهد محمد عثمان
وهو طالع من البيت في زول من البيت كورك ليه وقف
1

2

3
الخطوة الثانية
وقف استلم تقرير باحتياجات البيت

1

2

3
اشترى الأغراض
وحاسب التاجر
وإستلم الباقي
الباقيي
وهو دا باقي
400 جنيه حديد
عاين ليهم وحشرهم في جيب البنطلون الخلفي

شوف الفلم دا كيف
الحلقة البعد الأولى

أخت مجاهد عايزة تغسل
لقيت ال400
في الجيب الخلفي
طيب دي خطوة

1

2

3

حتعمل شنو شالت القروش فكتهم في التربيزة

واحدة قعدت جنب اختها
يعني 200

واحدة طارت يمين ادردقت تحت السرير

والأخيرة وقعت في رجلها ولما طلعت
رفعتها في التربيزة بقن 300 فوق و100 تحت السرير

1

2

3

اه .. تحت السرسر تحت السرير الفاضي ليك منو تطلعي مع الكنس

الغسيل انتهى عايزة ظهر للهدوم البيضاء
1

2

3

يا ولد تعال أمشي الدكان جيب ظهرة

1

2

3

الظهرة ب 200 حكمت الله نست ال300 القاعدة فوق التربيزة

ادت الولد 1000

الولد رجع من المشوار وقال

الظهرة بي 200

واشتريت حلاوة ب 500

الباقي 300 اه اختها ليك وين

عاينت ليهو وما نضمت كمان ال300 بيسألوا يختوها وين
حتجيب شنو

يا ود ما طير ختهم محل ما تختهم

1

2

3

اقرب محل جنبو فوق الكومدينا وجري الشارع

نواصل

بالغت يا استاذ ..
امس بالليل مساهر معاك منتظر النهاية
تخليني معلق وتطلع ؟

منتظرين ومواصلين معاك
يمكن نلقى لينا 100 جنيه طايرة

متابعين ومنتظرين
والله اتذكرت ايام الفريني
للناس المابتعرف الفريني كان زمان بنقول للقرشين الصم اب قرشين او الفريني
وكنا بنقول اب قرشين وقع دنقرت اشيلو قلبي انقطع
والغريبة يا استاذنا الحاجة الرسلو الوليد يجيبها من الدكان ب200 وحق حلاوة المشوار 500
شفت مفارقات الزمن دا كيفنها
الله يديك الصحة العافية يا استاذنا ود ميرغني
ومنتظرين المواصلة

سيف الدين كتب:: بالغت يا استاذ ..
امس بالليل مساهر معاك منتظر النهاية
تخليني معلق وتطلع ؟

منتظرين ومواصلين معاك
يمكن نلقى لينا 100 جنيه طايرة

اووووووووووو سيوف سهرة سعيدة حنواصل خليك قريب

محمد جمعة كتب:: متابعين ومنتظرين
والله اتذكرت ايام الفريني
للناس المابتعرف الفريني كان زمان بنقول للقرشين الصم اب قرشين او الفريني
وكنا بنقول اب قرشين وقع دنقرت اشيلو قلبي انقطع
والغريبة يا استاذنا الحاجة الرسلو الوليد يجيبها من الدكان ب200 وحق حلاوة المشوار 500
شفت مفارقات الزمن دا كيفنها
الله يديك الصحة العافية يا استاذنا ود ميرغني
ومنتظرين المواصلة

والولد لمّا لقاهم مستهونين ال 300 ... هو زاتوا استهونها وفي اقرب محل وجري أصلوا عارفها ما بتجيب ليه قزازة بارد

الساعة 12 الشمس عمودية والسخانة فووووووق
السفارة زحمة وعبد الفتاح في غاية الزهج من الجو الملهلب
تيت تيت تيت التلفون رنة رنتين تلاتة كبس يدو في جيبوا قطع التلفون

1

قال احسن ... لكن قلبوا الشمار لازم يشوف من المتصل ...
يا سلااااااااااام دا سيف معقولة ما نشوفوا داير شنو كدا زي القفلنا التلفون في وشو

الو سيف معليش بطلع التلفون من الجيب ضغط لي زر بالغلط
لا ما مشكلة أن شاء الله خلاص انتهيت من تسجيل الولد
انتهيت وين سخانة وشمس العطش داير يقتلنا انا ولدي
شفت العطش دا بس دواه في السخانة دي عيران بيقطع العطش طوالي
عيران دا كمان شنوووووووووو؟
يا خي دا اللبن آب شراب الروب المملح أمشي اقرب بقالة اتناول منها قارورتين بقطع ليك العطش
1

2

3
شفت كيييييييييييييف الخطوة الثانية بتاع البقالة رجع لي عبد الفتاح كم هللة وريال رماهن في العربية أستقرن تحت مقبض فرامل اليد

لكن برضو عطشان ... بالمناسبة دي نبارك نجاح الولد

خطوة في بلداً عملتها درهم

1

2

3
ماستر قداااااااااام الصراف الهندي

1

2

3

هلوووووو مستر ماستر كيف حال مال أنت

الحمد لله زين سلري ردي

أيوا في ردي سوي هنا توقيع

1

2

3

زين هذا في توقيع

أوكي مستر ماستر انت مافي خمسة فلس

لا لا هنا مافي يمكن داخ سيارة

سلري مال انت 7464.95 بابا خردة مشكلة جيب خمسة فلس انا في يعطي 7465 خردة مشكلة

خلاص جيب ورق خلي خردة يولي

زهرة عطبراوية وزميلتها امام مقصف الكلية

الزميلة يا زهرة ما تستعجلي خلاص المحاضرة حتبتدي

دقيقة بس اشتري لي قلم قلمي ما عارفة طار وين

لو سمحت أديني قلم بك وهي ممسكة ب500 جنيه
لكن قلم البك ب 700
دا شنو الاسبوع الفات مش كان بي 500
الاسبوع الفات تعال يا الاسبوع الفات جيبي ال200 وخلصينا
1

2

3

الخطوة الثانية زهرة تقلب شنطتها وتدخل يدها لتقوص بين الكتب والمذكرات ولا تعثر على شيء

الزميلة زهرة ما تخارجينا دقيقة الشنة دي كانت مليانة ميات ما عارفاها طارت وين
1

2

3
الخلاصة ورقة الف جنيه من زهرة لصاحب الكنتين و300 جنيه تستقر في يد زهرة وال 500 السابقة تنزلق بين ما تحمله من كتب وال300 يستقرن في ركن قصي من الشنطة كي تسطك مع بعض من العملات التي لم تجدها قبل قليل

الشقيل وصاحبو حليفة وكل واحد مصر يدفع حق البارد

1

2

3

يا خي عليك الله دقيقة خليني اتخارج من الفكة المتقلة لي جيبي دي

الخلاصة

اه تعالو يا اخوان نرجع ورى ونقيف في بعض النقاط فتافيت عملات لربما لا تساوي شيء ولكن لا

1

2

3

بتسوي شيء ما تستهونها

شفنا زهرة فتشت على200 عشان تختها على 500 وتجيب القلم ..... نحن عايزين نخت كل المبالغ دي ونجمعها في محل واحد ومافي أنسب من منظمة عطبرة الخيرية ....
نعمل شنو ؟ خط هاتف في السودان باسم المنظمة تتحول ليه زي المبالغ دي وممكن كمان خط هاتف في السعودية و... و... ...
ونجي في الآخر نجمع المبالغ دي وما نستهوها بتعمل حاجة وبتسد فرقة لي زول محتاج ليها

ود ميرغني كتب:: الاسبوع الفات تعال يا الاسبوع الفات جيبي ال200 وخلصينا

مع التحية لمن استحقت اسم زهرة عطبرة
ومنذ ورود اسمها توقعت الهدف من البوست

لك التحية استاذنا .. الفكرة رائعة بحق
والكرة في ملعب مكتب المنظمة ليتلقفها ويحيلها واقعا

بعد اذنك استاذ ود ميرغني
تم نقل الموضوع الى منتدى المنظمة لأنه مفتوح لغير الاعضاء
ليطلع عليه اكبر عدد ممكن , وسيتم عمل مجموعة له على الفيسبوك
نريد له ان يصبح واقعا على الارض

الهدف قمه فى الروعه نبقى فى التنفيذ ونتمنى من اداره المنظمه ان تستعجل ذلك

للجميع خالص التحايا مع تمنياتنا لكم بالتوفيق

كم انت رائع يا استاذنا ود ميرغني
تعرف يا استاذنا من العنوان خمنت وقلت وراه مقصد كبير لكن قلت كدا اعمل دايش كتير نبحنا مع الشباب وقلنا ليهم ياجماعة اصلو شركات الاتصالات الكتيرة دي واعملو ليكم كم خط كدا علشان الناس تساهم باسهل الطرق وبابسط مايمكن
ولسة عشمنا كبير بان يتحركو ويعملو الخطوة دي
والقليل فوق القليل بيبقي كتير وحجر فوق حجر بيعمل جبل

سيف الدين كتب:

ود ميرغني كتب:: الاسبوع الفات تعال يا الاسبوع الفات جيبي ال200 وخلصينا

مع التحية لمن استحقت اسم زهرة عطبرة
ومنذ ورود اسمها توقعت الهدف من البوست

لك التحية استاذنا .. الفكرة رائعة بحق
والكرة في ملعب مكتب المنظمة ليتلقفها ويحيلها واقعا

تسلم أخي سيف الفكرة رائعة روعة صاحب الفكرة وقد وجب شكره الأخ ( سليم القلب ) من منتديات مبدعون وقد ساقها بأسلوبه تحت عنوان بتوديها وين أقتبسنا فكرته من واقع نشر عمل الخير سائلين المولى أن تعم فائدتها وينتشر نفعها ويكون له أجرها وأجر من عمل بها

الادارة كتب:: بعد اذنك استاذ ود ميرغني
تم نقل الموضوع الى منتدى المنظمة لأنه مفتوح لغير الاعضاء
ليطلع عليه اكبر عدد ممكن , وسيتم عمل مجموعة له على الفيسبوك
نريد له ان يصبح واقعا على الارض

نشكر للإدارة الأهتمام بالمواضيع بصفة عامة والأذن دوما مع الإدارة للوصول للأمثل والأنفع

محمد عبد الله عبد الجليل كتب:: الهدف قمه فى الروعه نبقى فى التنفيذ ونتمنى من اداره المنظمه ان تستعجل ذلك

تسلم أخي محمد والأهم بالطبع تجاوب الأعضاء والتفاعل بدعم المنظمة

الهيثم كتب:: للجميع خالص التحايا مع تمنياتنا لكم بالتوفيق

لك التحية هيثم وجيب الفكة وتعال

محمد جمعة كتب:: كم انت رائع يا استاذنا ود ميرغني
تعرف يا استاذنا من العنوان خمنت وقلت وراه مقصد كبير لكن قلت كدا اعمل دايش كتير نبحنا مع الشباب وقلنا ليهم ياجماعة اصلو شركات الاتصالات الكتيرة دي واعملو ليكم كم خط كدا علشان الناس تساهم باسهل الطرق وبابسط مايمكن
ولسة عشمنا كبير بان يتحركو ويعملو الخطوة دي
والقليل فوق القليل بيبقي كتير وحجر فوق حجر بيعمل جبل

هي هبة واحدة ويتعمل الجبل وتواصل بدون تكاسل يبقى عندنا جبال تشكر اخي محمد جمعة واصل حثك للشباب ولا تيأس

في الشهر الفضيل ما تستهون الفكه
فكه فوق فكه بتعمل ليها ربطه
وعند الله يوم الحساب بتعدل الكفه
بالنسبة ليك هي مجرد فكه
بالنسبة لغيرك من سؤال الناس فكه
وفي العيد للاطفال بتكون ضحكه وفرحه

أبداً ما تستهونها 2smallc

التحويل على الحساب البنكي التالي :
6812504
بنك الخرطوم , فرع عطبرة
... أو ...
تحويل رصيد على الارقام التالية :
0124343710 (سوداني)
0906806635 (زين)

ربنا يوفق الجميع والفكه فوق الفكه تعمل حاجه كبيره وتفرح قلوب كتيره