| شعر شايقى | |
|
|
كاتب الموضوع | رسالة |
---|
ناهد عطبراوي مجتهد
عدد الرسائل : 374 1 : تاريخ التسجيل : 06/12/2010
| موضوع: شعر شايقى الثلاثاء يوليو 26, 2011 6:05 pm | |
| الرسالة وقفت بعد حلبت لبينة الشاي تكورك يا الحسن يا ام الحسن وينو الحسن لمن صفت رغوة شخيبات اللبن في حلتا المبني من طبق السكن واقفي في حوش البهايم ولسع تكورك يا الحسن جاها حسا من بعيد مارق من القاطوع ورا قال ليها خير يا الحاجي خير قالتلو خير تعال لي جاي دايراك تعنون لي جواب يا الراسي لي ولدي الخدير لا تبقي زي شافع السرير يقول لي زين آيمة زين وزين تبقي بعد شهير وان جاني يكتب فد سطير اقولو يا سجم السجم انا زي قرايتك ما قريت لكن عويناتي بيفرزن الوريقة البيضاء من لون القلم بعد المغيرب بي شوي جاها الحسن تعبان يسير دا العشى غنمو من الدرب سرقت ندي وشو الهجير سوتلو شايا بي لبن قرض معاهو حرف فطير قالتلو بسم الله قول واكتب وصيتي انا للخدير الزمن يا ولدي ماحقاهو السنين البعيش في الدنيا ما بعيش مرتين العمير فاضلي بس منو اليقين وانت طول في البنادر يا الحبيب لا متين تعال اوريك حق ابوك الجم حقيق حاج اللمين ان عرفتو بلا عمار يقولو ولدا عندو طين العلاج لا تنسي رسلو لي دحين العوينات آجناي شوفن ضنين سلامنا ليك مطرز للبنيات والبنين ولو الارض يا ولدي تنشال في الايدين انا كت برسلا ليكا في لوري الخزين | |
|
| |
ابن بطوطة عطبراوي بلاتيني
عدد الرسائل : 9217 رقم العضوية : 174 1 : تاريخ التسجيل : 04/11/2008
| موضوع: رد: شعر شايقى الثلاثاء يوليو 26, 2011 8:11 pm | |
| - ناهد كتب:
ولو الارض يا ولدي تنشال في الايدين انا كت برسلا ليكا في لوري الخزين يا حاجة قايلاها الارض الزمان يا حليل يا حاجة الاسكايبي يجيبو ليك شايلنو شيل تسمعيهو وتشوفيهو في الظل الظليل ولو النت بتاعكم قوي وسريع بالحيل يشرب معاك شاي الحليب مغرب وليل
| |
|
| |
ناهد عطبراوي مجتهد
عدد الرسائل : 374 1 : تاريخ التسجيل : 06/12/2010
| موضوع: رد: شعر شايقى الأربعاء يوليو 27, 2011 1:27 pm | |
| سيف كتب: ا حاجة قايلاها الارض الزمان يا حليل يا حاجة الاسكايبي يجيبو ليك شايلنو شيل تسمعيهو وتشوفيهو في الظل الظليل ولو النت بتاعكم قوي وسريع بالحيل يشرب معاك شاي الحليب مغرب وليل الشاى دا بيشربو بالبلتوث ولاشنو ولا احساس بس
| |
|
| |
محمد جمعة مشــــرف
عدد الرسائل : 3753 رقم العضوية : 85 1 : تاريخ التسجيل : 25/03/2008
| موضوع: رد: شعر شايقى الخميس يوليو 28, 2011 3:32 am | |
| غايتو حاجتين اشتهرو بيهم الشوايقة الحنية الزئدة والجلدنة ماعارف هل دي طبيعة خلقت فيهم ام تطبع اخدوه من حتة شئ ثاني او يمكن كلام ساي وتنظير بالاخص حكاية الحنية دي يمكن شعرائهم كابنها فينا ساي اصلا تشوف كل شعرائهم شعرهم ملئ بالحنية والاستاذ الشاعر خالد شقوري صاحب قصيدة الرسالة دي الغناها محمد النصري والجابتها لينا الشايقية اختنا ناهد واحدة من كثير للشاعر الحنين خالد شقوري وانا كمان بديكم ليه واحدة تانية وهي
ابقي واصل لـيـــــــنـا واصــــل يـا حـنـيــــــن وابـقـى واصل الــدرب قـــدامــك أخـضـــر والوداد البينا واصل والعيون الفى انتظارك شوقها زي مطر الفواصل
ما فى اروع من رسائل تحكي بي تحنان فصولا ما فى أجـمــل مــن مـقـاطع انت بالأشواق تقولا البـلــد مـنـتـظــره جـيـتـك فارده غاباتها وسهولا والكـلـيــمــات الـتـطـمــن نحن منتظرين وصولا
بـيــن حـكــايـاتى السعيدة قصة من أشواق فريدة جايـه لا لـون لا ملامـح زى نجوم طاشه وبعيدة لا هى غـنـيـة ولاها منية ولاها إحساسات جديدة ما الـبـحـسـو مـع عـيونك حاجة اكبر من قصيدة
كلـمـة مـنـك لـو تـعــاتـب أغـلى من كل الغناوى والـبـتهمسو بين سطورك عندي بى كل الحكاوى الـحروف الفى انتظارك رافله فى الزى السماوى عـارفه إنـو الـغـنـيـة غـيـرك يا حنين ما بتساوى | |
|
| |
ابن بطوطة عطبراوي بلاتيني
عدد الرسائل : 9217 رقم العضوية : 174 1 : تاريخ التسجيل : 04/11/2008
| |
| |
ناهد عطبراوي مجتهد
عدد الرسائل : 374 1 : تاريخ التسجيل : 06/12/2010
| موضوع: رد: شعر شايقى الخميس يوليو 28, 2011 12:50 pm | |
| شكرا للاخ محمد جمعة على الاضافة وانا ماكنت عارفه شاعرها منو اكان الجلدنه البلد كلها شوايقة | |
|
| |
عبدالفتاح بن سعيد عطبراوي ذهبي
عدد الرسائل : 1023 1 : تاريخ التسجيل : 21/04/2010
| موضوع: رد: شعر شايقى الخميس يوليو 28, 2011 1:19 pm | |
| ما فى اروع من رسائل تحكي بي تحنان فصولا ما فى أجـمــل مــن مـقـاطع انت بالأشواق تقولا البـلــد مـنـتـظــره جـيـتـك فارده غاباتها وسهولا والكـلـيــمــات الـتـطـمــن نحن منتظرين وصولا
نهديها للأخ/ ود جمعه بدون تعليق . | |
|
| |
عبدالفتاح بن سعيد عطبراوي ذهبي
عدد الرسائل : 1023 1 : تاريخ التسجيل : 21/04/2010
| موضوع: رد: شعر شايقى الخميس يوليو 28, 2011 1:24 pm | |
| قصة الجلدنة ليناا معها مواقف والجماعة نسايب نحكي ليك كم موقف بس بيننا وبين بعض لكن عاوزين ضمانات حتى لاتقوم تنشرها وتعمل لينا مشاكل ، إتفقنا . | |
|
| |
ناهد عطبراوي مجتهد
عدد الرسائل : 374 1 : تاريخ التسجيل : 06/12/2010
| موضوع: رد: شعر شايقى الخميس يوليو 28, 2011 8:09 pm | |
| اقدارى سيرى عبدالرحيم البركل ابراهيم ابنعوف سيـرى يـا اقـدارى سيـرى بـى محـل تسيـرى شن يهمك غير عذابى انا اصلى زول مجهول مصيرى كت بأمل ومانى عارف حالتى بيك تكـون عسيـرى تطفى شمعات الأمانى تخلـى كلـوا ظـلام عميـرى ابكى شن فايـدة بكـاى والعلـى مـاك دار تزيلـى من قساوتك مانـى لاقـى حتـى كلمـة وآشريـرى انا شن بدور بالفرحة تانى راضى بالدمعه الغزيـرى عمرى مكتوب لى انوحو وقلبى رماضـه وهجيـرى وانا قلبى فى النيران يشابى برضو اقول يا نار اجيرى السعاده انا وين اشوفها بالهمـوم عميـان ضريـرى ان كت متل المتلى راجى الجرتقه وربـط الحريـرى فى صدى زغروده ضجت لملمـت كـل العشيـرى والتمـر بالفرحـه صفـق عمـر الـدار الكبـيـرى فوقو قمرى ترك نواحو غنـا سايـر يـا الدخيـرى والرباب فوق قوزنا جافـا نومـه للدغـش البديـرى حسوا بارى النسمه غرب عدى بـى بحـر الدميـرى والقريـر بشعـاروا غنـا ليهـا كترتـى الشكيـرى لابسى اُسلى خضارها ترقص قالدى مساوى الجزيرى ما حرام بعـد الأمانـى علـى دون النـاس تغيـرى زول اريدو متل عيونى مش حـرام يصبـح لغيـرى ماحرام يا ولاد تارتـن زول تـلال مـرات تغيـرى تحرميهو مـن ابتسامتـك تبقـى بالآهـات جديـرى واصلك انتى إن جيت تظنى قلبى مظلـوم ماتجيـرى واصلو عمرك ما سمعتـى زول سولـو الضريـرى اير اقولك قبـل افارقـك ياهـو امنتـى الاخيـرى خلى كفنك يبقى كفنـى فـى عيونـه يكـون قبيـرى
| |
|
| |
محمد مسمار عطبراوي مبدع
عدد الرسائل : 116 1 : تاريخ التسجيل : 03/11/2009
| موضوع: رد: شعر شايقى الأربعاء سبتمبر 14, 2011 5:55 pm | |
| - ناهد كتب:
الرسالة وقفت بعد حلبت لبينة الشاي تكورك يا الحسن يا ام الحسن وينو الحسن لمن صفت رغوة شخيبات اللبن في حلتا المبني من طبق السكن واقفي في حوش البهايم ولسع تكورك يا الحسن جاها حسا من بعيد مارق من القاطوع ورا قال ليها خير يا الحاجي خير قالتلو خير تعال لي جاي دايراك تعنون لي جواب يا الراسي لي ولدي الخدير لا تبقي زي شافع السرير يقول لي زين آيمة زين وزين تبقي بعد شهير وان جاني يكتب فد سطير اقولو يا سجم السجم انا زي قرايتك ما قريت لكن عويناتي بيفرزن الوريقة البيضاء من لون القلم بعد المغيرب بي شوي جاها الحسن تعبان يسير دا العشى غنمو من الدرب سرقت ندي وشو الهجير سوتلو شايا بي لبن قرض معاهو حرف فطير قالتلو بسم الله قول واكتب وصيتي انا للخدير الزمن يا ولدي ماحقاهو السنين البعيش في الدنيا ما بعيش مرتين العمير فاضلي بس منو اليقين وانت طول في البنادر يا الحبيب لا متين تعال اوريك حق ابوك الجم حقيق حاج اللمين ان عرفتو بلا عمار يقولو ولدا عندو طين العلاج لا تنسي رسلو لي دحين العوينات آجناي شوفن ضنين سلامنا ليك مطرز للبنيات والبنين ولو الارض يا ولدي تنشال في الايدين انا كت برسلا ليكا في لوري الخزين بصراحة كلمات جميلة تتدفق حلاوة وحنية وطيبة الشوايقة أصلهم طيبين وحنينين ... والحنية والطيبة دي ما بتجي من فراغ أكيد القلوب طيبة وبيضاء وحنونة ... ربي يديكم الصحة والعافية ودمتم بود
| |
|
| |
شهد
عدد الرسائل : 6 1 : تاريخ التسجيل : 08/01/2011
| موضوع: رد: شعر شايقى الخميس سبتمبر 15, 2011 12:55 am | |
| دايما يتفرد الشعراء الشوايقه بشعرهم الجميل الذي يتسم بصفات رائعه جدا منها الحنيه الزائده ..... وتسلمي جدا اختي ناهد علي هذا الشعر الرائع (وعارفه اني شايقيه مؤصله وبحب الشوايقه بس ياود جمعه الشوايقه حنينين كلهم والجلدنه بقت عند كل قبايل السودان كدي فتش كدا انت ما فيك حركات الشوايقه ديل ) | |
|
| |
ابن بطوطة عطبراوي بلاتيني
عدد الرسائل : 9217 رقم العضوية : 174 1 : تاريخ التسجيل : 04/11/2008
| موضوع: رد: شعر شايقى الخميس سبتمبر 15, 2011 1:21 am | |
| - عبدالفتاح بن سعيد كتب:
قصة الجلدنة ليناا معها مواقف والجماعة نسايب نحكي ليك كم موقف بس بيننا وبين بعض لكن عاوزين ضمانات حتى لاتقوم تنشرها وتعمل لينا مشاكل ، إتفقنا . الشعب يريد المواقف
- شهد كتب:
بس ياود جمعه الشوايقه حنينين كلهم والجلدنه بقت عند كل قبايل السودان كدي فتش كدا انت ما فيك حركات الشوايقه ديل يعني معترفة بحركات الشوايقة ديل ؟
| |
|
| |
شهد
عدد الرسائل : 6 1 : تاريخ التسجيل : 08/01/2011
| موضوع: رد: شعر شايقى الخميس سبتمبر 15, 2011 2:19 am | |
| معترفه مابكذب بس كل القبايل بقوا ذي الشوايقه في الجلدنه واكتر | |
|
| |
hishamabbass مشــــرف
عدد الرسائل : 1119 رقم العضوية : 244 1 : تاريخ التسجيل : 07/03/2009
| موضوع: رد: شعر شايقى الخميس سبتمبر 15, 2011 12:15 pm | |
| سلام يا جماعه أكتر زول جلده لاقاني ، مشي يتقدم لبنت يتزوجها، الزول عديل داير يعرس مجاني لو في طريقه ، المهم أهل العروس جاملوه و قالوليهو عايزين مهر ٢ مليون ، فزولكم سال أبو البنت ، دحين يا خال ما قت لي بنتك دي غاليه كده مالا ، واقعه ناصيه و لا في شارع ظلط ؟؟ قبيلة الجلده ده ما بنقدر نقولا ليكم ، لكن أنتو خمنو براكم ؟ الواقعة حقيقية و الزول ده لسع ما عرس علي حسب ما سمعت ، نصيحتي ليهو دايما يشوف واحده تاني ناصيه ، الزول ده ما شايقي | |
|
| |
ابن بطوطة عطبراوي بلاتيني
عدد الرسائل : 9217 رقم العضوية : 174 1 : تاريخ التسجيل : 04/11/2008
| |
| |
محمد جمعة مشــــرف
عدد الرسائل : 3753 رقم العضوية : 85 1 : تاريخ التسجيل : 25/03/2008
| |
| |
ابن بطوطة عطبراوي بلاتيني
عدد الرسائل : 9217 رقم العضوية : 174 1 : تاريخ التسجيل : 04/11/2008
| موضوع: رد: شعر شايقى الخميس سبتمبر 15, 2011 6:09 pm | |
| قبيـلــة الشــايقيــة يروي ترمنجهام أن الشايقية كانوا اصلا من البجة ويعتمد على هذا مارواه المقريزي عن ابن سليم الاسواني من أن الزفانج وهم فريق من البجة كانوا قد هاجروا في عصور قديمة الي بلاد النوبة واستقروا هناك واحتفظوا بلهجتهم الخاصة فلم تختلط بلغة النوبة ثم لاحظ ترمنجهام بلغة النو بة أن جميع أسماء قبائل الشايقية تنهي بالمقطع (أ.ب) وهو مقطع مأخوذ من لغة البجة ، ويروي اخرون ان الشايقية هم اصلا البوشناق ، ويروي مستر قرن وهو رحالة الماني زار السودان ان الشايقية ربما كانوا في الاصل م طبقة من اشداء محاربي المصريين القدماء أو هم جماعات من سلالة المحاربين الثائرين الذين تحدث عنهم المؤرخ القديم هيرودوت فذكر انهم كانوا في جيش فرعون ثم ثاروا أو تمردوا على السلطان الفرعوني ورفضوا العودة إلى مصر بعد أن هاجروا منها إلى الجنوب في مهام عسكرية وكان ذلك في عهد ابسماتيك ويقول بلينوس الذي أرخ للمنطقة انهم أي الشايقية كانوا قد فروا من وجه ابسماتيك وسكنوا في مناطق قريبة من مروي القديمة ويؤيد فرن هذه النظرية بعدة ملاحظات منها أن موقع بلاد الشايقية قريبا من مروي القديمة التي حموها من غارات برابرة الجنوب ومنها الترعة العسكرية المتأصلة في نفوس الشايقية ومنها كونه غير خاضعين لزعيم واحد بل كانوا دائما يعيشون أحرارا في ظل ملوك صغار ولعل الأسرة الحاكمة فيهم يمثلون طبقة السادة المصريين القديمة عادات وتقاليد الشايقية من عادات الشايقية تقصير الشعر وعادة تقصير شعر الرأس هذه عادة مصرية قديمة تخالف العادة عند العرب والنوبيين ، واضاف بعد مستر ماكمايل ملاحظة أخري تؤيد نظرية فرن وهي ما شاهده الرحالة الفرنسي مسيو كايو من الشايقية في إقليم الجزيرة يقيمون تمثالا وكانوا يضعونه على حدود فتوحاتهم هذه وغيرها هناك عدة أراء أخري لم نعرض لها تحدثت جميعا عن النسب السلالي لقبيلة الشايقية أقسام الشايقية الشايقية من المجموعة الجعلية أو العباسية حيث لفظة جعليين عند المؤرخين ترادف كلمة عباسيين بالسودان فهو اصطلاح لا يطلق على قبيلة بعينها بل يجمع عددا كبيرا من القبائل التي لا تكاد تتصل بصلات من صلة الرحم والقربى وقد حدد اللفظ للدلالة على زرية ضواب الذي يلتقي عنده الجعليون والشايقية وعدد من الفروع الأخرى ــــــــــــــــــــــــــــــــــــــــــــــــــــــ استوقفتني كلمة البوشناق البوشناق قبيلة تونسية ومنهم الفنان التونسي الكبير لطفي بوشناق واذكر كان معنا زميل دراسة تونسي في العراق جاء من تونس ومعه طنبور وحافظ ويغني اغاني الشايقية بنفس اللهجة الشايقة إن لم يكن افضل وغنا لينا اغاني نحن زاتنا ما سمعنا بيها سألناه : تعلمت ده وين ؟ قال انا من جنوب تونس , والاذاعة السودانية بتصلنا هناك , وانا ما بسمع غير الاذاعة التونسية
| |
|
| |
شهد
عدد الرسائل : 6 1 : تاريخ التسجيل : 08/01/2011
| موضوع: رد: شعر شايقى الجمعة سبتمبر 16, 2011 3:29 am | |
| حتي التوانسه بيسمعوا شايقي يالله يا الله ...................... جد افتخر كوني شايقيه | |
|
| |
ابن بطوطة عطبراوي بلاتيني
عدد الرسائل : 9217 رقم العضوية : 174 1 : تاريخ التسجيل : 04/11/2008
| |
| |
hishamabbass مشــــرف
عدد الرسائل : 1119 رقم العضوية : 244 1 : تاريخ التسجيل : 07/03/2009
| موضوع: رد: شعر شايقى السبت سبتمبر 17, 2011 11:42 am | |
| سلام يا شباب معلومه بسيطة عن البوشناق ، أصولهم تعود للبوسنه و الهرسك ، عندما كانت أراضيهم تابعه للدولة العثمانية ، و عندما واصل العثمانيين فتوحاتهم جنوبا لأفريقيا كان من ضمن جنودهم البوشناق و الذين طاب لهم المقام في دولهم الجديده أستقروا بها و لذلك تجدهم في بلاد الشام و شمال أفريقيا و السودان ، تماما كالأرناؤوط من البانيا و المجراب في مصر و السودان من هنغاريا | |
|
| |
| شعر شايقى | |
|