ناس المحلى ذى المحليه

ناس المحلى ذى المحليه

الكشه كشه لبتاع الطعميه

من كافورى ريحة المحلبيه

الليل سكرجيه والنهار سرتيه

أخير سيداللبن حبيب البشريه

ناس بتلعب فى الليق سكرجيه

وناس بتمثل بلدها كورتها خارجيه

ناس زعلانه مصارينها أردنيه

الوحدات الأردنى علمنا المثاليه

وبرضو بنمثلكم فى العلاليه

محلينا ولا البهدلة في بلاد اجنبية

كدي بالله ورينا يا شاعر الطعمية

ياتو يوم في تاريخ الدولة السودانية

نزلتوا من سلم الطيارة بعين قوية

شايلين الكاس من دولة خارجية

فضحتونا ومرمطتونا في البرية

................

سيد اللبن جا .. يا نفيسة
طالبني قرشين صم .. يا نفيسة

وانت يا البتصفق لبتاع اللبن والطعمية

جعان ما اتعشيت وعشمان في أكله هنية؟

ولا بس فرحان بعودة الوردة للمزهرية؟

أوع تكون برضك من الرشاشات الهلالية

ما تضيع شبابك في قضية خاسرة منتهية

وفر شبابك لي منظمة عطبرة الخيرية

تكسب رضا النفس ويرحمك رب البرية

سيد اللبن ما وراهو غير الذبحة الصدرية

سيد اللبن عمرو أبدا ما مصاحب سكرجــــــيه

ولا مولع الشيشه مع واحده دنقلاويه وله فلاتـــيه

ولا طالع ليلو ونازل مع جعليه وله محـــــــسيه

وكان كاسكم مانديلا فيهو العرقى والمحلــــــبيه

ربنا عفانا وحمانا كاس الذهب عندنامش كمونيه

ثمنوازمن الدحيش و الجوه كثيره تكفيناالصندليه

وكان الصفقه واجعاك صحو النوم يا حضــــريه

كفانا التصنيـــــــــفات القاريه والمحليه والدوليه

عشانا اللبن حبيب رسول البشريه والإنســـــــــانيه

وزوجناكم سنـــــــــــين البدرى والحضرى هنيه

وزواج الوحدات ما بيطلق إلا طلقه بيــــــــنيه

الزواج مو سبعه الأربعه يا حرمه مريخـــابيه

والطلقه الثالثه ناس أخدوها كثير ذى الطعميه

أنا فرحان علشان تفرحو شويه أحزانـــــكم ميه

لو جبنا الكاس يموتو كثار منكم فى الطوطاحانيه

أفرحو شويه فرصتكم ترفع معنوياتكم التحتانيه

بالله الذبحه الصدريه وله الوالى تحت البطانيه

عرس الوحدات ليكم ما بتفكو الطلقه الجوانيه

الهلال فى الأجواء من سماء لسماء ســــــماويه

وزعيمكم فى الواطه من كنداكه لكنداكه لولابيه

شوفو السياسه والغلاء خلو الكــوره هلالابيه

بغض النظر عن لونيتي مريخابية او هلالية
او بحب السكرجية او مع ناس اللبن والطعمية
انا جيت داخل هنا عجبتني المجادعة الشعرية

الله عليك ياابوورده يامعلم ربنا يديك العافيه
وهاك دي ياسيف
Smile

سيد اللبن خليك رياضي ما تخلط الكورة بالامور الشخصية
خلاص غلبتكم الحيلة رجعتوا لمضابط الشرطة الشعبية ؟
الفيفا ما بيعرف شنو معنى دنقلاوية ولا فلاتية او محلبية
الفيفا بيعرف بس يعد نقاط وكاسات وتصنيفات رياضية

تخريمة
بوست الهادي خلاك قطعت العلاقات الشخصية ؟

أبوالسيوف العلاقات الشخصيه فى القلب مخفيه

مش فى الفيس بووك الكـلو هوى و همجيــــه

وين الثقافه فيهو والعلم والأبيات الشعــــــــريه

ده موقع بيجمع الشماشـــــــــــه والعواطليــــه

الهادى العلاقات بس فى الفيس إيش الرجعـيه

وإذا كان على الدنيا السلام متــواليه عــــــدديه

وين التلفونات باقى الإتصالات والنسبه مئويه

إنته لسع ما شفيت وجع الوحدات محفور بالطوريه

عيونك فى الهلال يشفيك بهزيمه تكون تاريخيه

عصب عيونك ماتشوف أفراحنا الهلالابـــــــيه

بكره ياما الجلطه والغلطه تركبك التونــــسيه

أبوالسيوف الليق نوربالفنائل المريخــــــــــابيه

الوالى أكيد لقه ليـــــهو بيت المـــــــال غنيه

أبووردة كتب:: أبوالسيوف العلاقات الشخصيه فى القلب مخفيه
مش فى الفيس بووك الكـلو هوى و همجيــــه

باللهي شوفوا سيد اللبن لمن يخلط اللبن بالموية
هسي الجاب سيرة الفيسبوك منو يا وردة ندية ؟
بقصد بوست الهادي وانيبما الاداكم صفعة قوية
أها يعني ما شفتو ولا الصفعة كانت بالجد قوية ؟
[ندعوك للتسجيل في المنتدى أو التعريف بنفسك لمعاينة هذا الرابط] يضغطك انيمبا في تصفيات نهائية
منتظرين كلمتك في بوست انيمبا ما تأخر الجية
.
.
.
أما الجاية دي غلبني اقولها ليك بالشعر حا اقولها ليك باللغة العادية tongue

(ذكرك للفيسبوك يؤكد مرورك على ذلك البوست لأن الهادي حكى فيهو قصة صاحبو في الفيسبوك الذي حذف الصداقة خوفا على الصداقة )

ناصر خلف الله كتب:: الله عليك ياابوورده يامعلم ربنا يديك العافيه
وهاك دي ياسيف
[ندعوك للتسجيل في المنتدى أو التعريف بنفسك لمعاينة هذه الصورة]

وانت اقعد شجع فيهو لما تغطس حجرو في الموية
واصلا غطس خلاص , انيمبا السواها فيهو شوية ؟
نصيحة يا ابووردة ابعد ناصر ناوي ليك سوء النية
الصفقة دي بتنقلب دموع اتعظ من الثورات العربية

م
ميرووك للهلال النصر ولكل السودان

وياناصر خفف [ندعوك للتسجيل في المنتدى أو التعريف بنفسك لمعاينة هذه الصورة] الهادى فى صدمه حضاريه

أقولها ثانى الهادى سيغـــيب و بالصــــدمه الحضاريه

دخول الهـــــــــلال دورى الكبار أبدا موش شــــويه

برضو بنمثل البلد والمريخ فى العاصفه الترابـــــــيه

بين الكندكه مع أمل عطبره يقوم ويقعدمع برهان تيه

الهادى من الصدمه شغال علاجات بالرقيه الشرعيه

وأخونا أبوالســـــــــيوف قائم وقاعد مع مع الوداعيه

خايفيين الهلال يجيب الكاس وكاس سيكافا تاريخيه

ما تولع ثانى النار بكره أبوورده يجيــــــكم بالزهريه

سيف الدين كتب:: [ندعوك للتسجيل في المنتدى أو التعريف بنفسك لمعاينة هذا الرابط] يضغطك انيمبا في تصفيات نهائية

مهما طال الزمن او قصر شوية

مصيرك يا المكابر وراكب العلية

حا [ندعوك للتسجيل في المنتدى أو التعريف بنفسك لمعاينة هذا الرابط] جبرا او طواعية

تتقبل العزاء في سيد لبن المحلية

اضغط مالك خايف نقرة ماوسية

والله مافي عقرب ولا في حية

هاى نحن قاعدين ناكل ترمس وله شعيريه

نحن لبن طــــــــــازه ماجاييى من القدنبليه

ولا لســــــــــان طير ياكلو الوالى مع الشيه

نحن مع الكبار نخيلنا يرمى لينا من الشماليه

نحن مش عجوة بين يدى الوالى تقول طعميه

نحن شجر أراك ينظف أفواهكم نهار وعشيه

أنيمبا فوق ضرسنا يستاك ذى بنى أميـــــــه

مبروووووووووووووووووووك التاهل
بس بينى وبينك الترجى الاشوفته ده الا تجروا منه
والله انا خشيت مباراة الاهلى والترجى فى استاد القاهرة والجمهور العمله لناس الترجى والارهاب والتشجيع يرهب البرازيل
ناس الترجى عملوا شاعت ماضاعت للاهلى والهلال ده الا يجرى النصيحة ليك ياالله وصدقنى انستاره ليكم مافى

اقتباس :: ابوالسيوف العلاقات الشخصيه فى القلب مخفيه

مش فى الفيس بووك الكـلو هوى و همجيــــه

وين الثقافه فيهو والعلم والأبيات الشعــــــــريه

ده موقع بيجمع الشماشـــــــــــه والعواطليــــه

الهادى العلاقات بس فى الفيس إيش الرجعـيه

-------------------------

أبو وردة تاني رجعت تشجع هلال المحليــــــــــــــــــــة

بعد ما أعلنت وقلت أنا هويتي عطبراويــــــــــــــــــــة

صحتك صفعة أنيمبا خلتك زي السمبريـــــــــــــــــــة

وأبيت تعلق خجلان وتتخبّى زي الحراميــــــــــــــــــة

والقطن أكل الهلال أكل خلاهو زي المهلبيــــــــــــــــة

أنيمبا أهداكم التأهل وأداكم ليهو بحنيـــــــــــــــــــــــة

كان ممكن يطبخها مع القطـــــن وتكون عشوة هنيــــــة

لكن ضميرو صاحي ومـــــــــــــــا برضى الدنيــــــة

أنا ما زغت الفيس وتركت منتدى عطبرة النديـــــــة

وانتظرتك تدخل وتعلق وياها فيك المحريـــــــــــــة

لكن أبيت ودقيت طناش وخليت عينك عميـــــــــــة

لكن الشمس بغربال ما بتغطيها يا أبو أحلام وردية

يا هو الهلال المهزوم وما عندو أمل ولو شويــــة

الترجي حيجهجه سيد اللبن جهجهة قويـــــــــــــة

حيمعطكم وسيعيد ذكرى الأهداف الخماسيـــــــــــة

وسيذكركم خروجكم على يد عازفي السمسيــــــــة

أدخل لموضوع أنيمبا ولا عاوز دعوة رسميـــــــــة

هلالنا هلال الشمــــــــــــوخ كلنـا فداكــــــا

أنـــــت فى هامات أفريقــــــــــــــــيا قواكا

أنت النخـــــــــله فى العلياءجــــــــــــــــناكا

تعلو على الجمـــــــــــــــــــيع رطبــــاغذاكا

انت فى قمـــم أفريقـــــــــــــــــيا عاليا أراكا

وأراكا شجرة تنظــــــــــــــــف بره وجواكا

هلالنا عظيـــــــــــــم فيهو التمره والمسواكا

إنت الزعـــــيم ونحن كلــــنا معـــــــــــــاكا

دائما مع الكــــــــــبارأبطال عاش من سواكا

وإنـــــــتو أيها المريخـــــاب خلو العــــــواكا

دى ماكســـــره ولا ويكــــه عائزه المــفراكا

دى بطـــولة رجال ليــــــــــــس هنا بل هناكا

ده ما شاى كافـــــــــورى ليس منو فــــكاكـا

دى ما بطـــــــــولة نســــــــــــــــوان ما كاكا

الرجال بره والنســـوان جوه حاشا وكلا عزاكا

جداد يكوكــــــــى بين عطبره ومدنى والتـــاكا

خلاص كملن حروفك وغيرت القافية للكاف

اها انا جيتك بي آخر حرف في السيـــــــف

وراك يا سيد اللبن زنقة زنقة وحرف حرف

ياسر قال ليك الترجي شباب وهلالكم خرف

والهادي لحقك بعد شردت من هناك ترتجف

الجــداد بكوكي ولا بكاكي نحن ما بنعرف

بس بنعرف الرشاشات لمن يصيبهم الخرف

بينفسوا زي كفر عجلة مسحوب منو البلف

تعالوا دقّو الطبول وأقرعوا الطاســــــات
الهلال إتهزم واندحر ولملم الخيبـــــــات
يا الهليل خلاص زمانكم ولّى وفــــــــات
خليكم مع الميرغني وهلال مقــــــــرات
وما تشطحوا وتفرحو وتعملو اللمّـــــــات
بيعوا اللبن ونوموا يا عشا البايتـــــــات
خليكم كده مثل البنات البايـــــــــــــرات
مافي بطولة بس حزن وكمان حســرات
الترجي ناوي ليكم أسوأ النيــــــــــــات
وحيخلي دموعكم تهطل هطـــــــــولات
العرضة بس وبلاش فرد العضــــــلات
ولن تغـــــــادروها أبدا ولو لسنتميترات
الشغلة ما فتوة وكلام في المجــــــلات
أو كلام منمق تقولــــوه في المنتديــات
الكورة علم يدرس في الأكاديميــــــات
يا أبو ورده بطل كلام وتصريحــــات
جانبت الصواب وأكثرت من التعديـات
الهلال ده ما هو إلا شوية نعجـــــــات
أدوهم برسيم وهم يدوكـــم الحليبـــــات
أقوليك قوله : بطّلوا كورة ياحضرات

الهادى دى كلماتك دى قويــــــــــه

دى أرض ماعائزه أزمه وطــــــوريه

دى عائزه دنميت وقنبله ذريـــــــــــه

ماعارف قلبك يفجر القضــــــــــــيه

كان عندنا برسيم عندنا سمســــــــيه

وعندكم مواســير تضخ تقلـــــــــيه

الترجى نسيـــــــت الوحدات النديه

ذى الطلاق فى المحكمه الشـــرعيه

الوحدات ليس وليدات وليس وليــه

دى رجال قامتكم لسع دنــــــــــــيه

شن لمه الكبار مه الصغار ضحيه

أخونا ناصر صفق لهلالنا الفــــــتيه

والبنات البايرات لسن مذيه ولاعطيه

خلو الرقيص وكافورى وكلا الأذيه

طولوابالكم وماتجردوا من الوطنيه

الهلال بيمثلكم غصبا روحكم سودانيه

الشغله ما فتوه وكلام وغوغائــــــــيه

الكوره تصنيف وين إنتم ضحى وعشيه

يا الخفـت تضغـــط [ندعوك للتسجيل في المنتدى أو التعريف بنفسك لمعاينة هذا الرابط]

طيب هــاك اضغـط [ندعوك للتسجيل في المنتدى أو التعريف بنفسك لمعاينة هذا الرابط]

ولو مكضبني اضغط [ندعوك للتسجيل في المنتدى أو التعريف بنفسك لمعاينة هذا الرابط]

ما اصلو هلالك هلال الهـنــا

تسلم يا سيف فقد فضحت اسياد اللبن فضيحـــــــــــــة
بهدلتهم وبستفتهم وخليتم زي المترديـة والنطيحــــــــة
وأنا يا أبو ورده لومكانك لصدعت جهراً بالنصيحـــة
وأعلنت براءتي من الهليل ذو السمعة غير المليحـــة
لأنو سمعتهم الكروية ظهرت وباتت منتنة وقبيحـــــــة
وأنا لو مكانك أترك الهلال اللي ما يسـاوى صفيحـــــة
أخير يا ود حجر ما تعاند وتعال للرحاب الفسيحــــــة
فرحاب المريخ واسعة المرامي و تبدو كجنة مريحـــة

محمد الفاتح الطاهر حجر

بعد الفضيحة بالكورة كفر

خلاها قال نجرب الوتـــر

احسن ليك تربي البقـــر

لانو البقـــــر للبن يدر

واسمك سيد اللبن يستمر

سمح أرجونى فجرا بالكلمات الأدبيه

كلام صبح ذى الحلوى والطحنيه