انا عايزة زوج عصري جداً

دا شنو يا [إسراء ]..لمن تحلمي احلمي حلم يتبلع ....عليك الله نسوان الزمن دا بخلنك تصحى قبليهن ..يمين الواحدة من ليلها تجهز ليك البقطع كبدتك ..وينتف مصرانك ..أها النجي لوجعكن ..فاقد الشيء لا يعطيه راجل شنو .المودرن الدايراتنو ..ياهن ديل ناس الجيم ,والبمسحو الشعر بالفازلين دا شنو يا [إسراء ]..لمن تحلمي احلمي حلم يتبلع ....عليك الله نسوان الزمن دا بخلنك تصحى قبليهن ..يمين الواحدة من ليلها تجهز ليك البقطع كبدتك ..وينتف مصرانك ..أها النجي لوجعكن ..فاقد الشيء لا يعطيه راجل شنو .المودرن الدايراتنو ..ياهن ديل ناس الجيم ,والبمسحو الشعر بالفازلين




بضحكوا في البداية ,وبتتعبوا بعدها ....وبتبكوا ....بعدين مرحلة الزهايمر جاية جاية

مالى الدرجه دى ياود جمعه وانتى يا اسراء دى احلام يقظه ولا الكلام دا قاصداه على العموم الاتنين بالغتوا والحل الاوسط بينهما شويه حنيه مع شويه تكشيره ماكلا على اتجاه واحد

ونحن نطالب بزوجات عصريات

اقتباس :

عن أَنَسِ بْنِ مَالِكٍ قَالَ :
( كَانَ أَهْلُ بَيْتٍ مِنْ الْأَنْصَارِ لَهُمْ جَمَلٌ يَسْنُونَ عَلَيْهِ – أي : يستقون عليه -، وَإِنَّ الْجَمَلَ استَصْْعَبَ عَلَيْهِمْ فَمَنَعَهُمْ ظَهْرَهُ ، وَإِنَّ الْأَنْصَارَ جَاءُوا إِلَى رَسُولِ اللَّهِ صَلَّى اللَّهُ عَلَيْهِ وَسَلَّمَ فَقَالُوا : إِنَّهُ كَانَ لَنَا جَمَلٌ نُسْنِي عَلَيْهِ ، وَإِنَّهُ استَصْْعَبَ عَلَيْنَا ، وَمَنَعَنَا ظَهْرَهُ ، وَقَدْ عَطِشَ الزَّرْعُ وَالنَّخْلُ .
فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ لِأَصْحَابِهِ : قُومُوا . فَقَامُوا ، فَدَخَلَ الْحَائِطَ وَالْجَمَلُ فِي نَاحِيَةٍ ، فَمَشَى النَّبِيُّ صَلَّى اللَّهُ عَلَيْهِ وَسَلَّمَ نَحْوَهُ ، فَقَالَتْ الْأَنْصَارُ : يَا نَبِيَّ اللَّهِ إِنَّهُ قَدْ صَارَ مِثْلَ الْكَلْبِ الْكَلِبِ ، وَإِنَّا نَخَافُ عَلَيْكَ صَوْلَتَهُ . فَقَالَ : لَيْسَ عَلَيَّ مِنْهُ بَأْسٌ . فَلَمَّا نَظَرَ الْجَمَلُ إِلَى رَسُولِ اللَّهِ صَلَّى اللَّهُ عَلَيْهِ وَسَلَّمَ أَقْبَلَ نَحْوَهُ حَتَّى خَرَّ سَاجِدًا بَيْنَ يَدَيْهِ ، فَأَخَذَ رَسُولُ اللَّهِ صَلَّى اللَّهُ عَلَيْهِ وَسَلَّمَ بِنَاصِيَتِهِ أَذَلَّ مَا كَانَتْ قَطُّ ، حَتَّى أَدْخَلَهُ فِي الْعَمَلِ .
فَقَالَ لَهُ أَصْحَابُهُ : يَا رَسُولَ اللَّهِ ! هَذِهِ بَهِيمَةٌ لَا تَعْقِلُ تَسْجُدُ لَكَ ، وَنَحْنُ نَعْقِلُ ، فَنَحْنُ أَحَقُّ أَنْ نَسْجُدَ لَكَ .
فَقَالَ : لَا يَصْلُحُ لِبَشَرٍ أَنْ يَسْجُدَ لِبَشَرٍ ، وَلَوْ صَلَحَ لِبَشَرٍ أَنْ يَسْجُدَ لِبَشَرٍ لَأَمَرْتُ الْمَرْأَةَ أَنْ تَسْجُدَ لِزَوْجِهَا مِنْ عِظَمِ حَقِّهِ عَلَيْهَا ، وَالَّذِي نَفْسِي بِيَدِهِ لَوْ كَانَ مِنْ قَدَمِهِ إِلَى مَفْرِقِ رَأْسِهِ قُرْحَةً تَنْبَجِسُ – أي : تتفجر - بِالْقَيْحِ وَالصَّدِيدِ ثُمَّ اسْتَقْبَلَتْهُ فَلَحَسَتْهُ مَا أَدَّتْ حَقَّهُ )
رواه الإمام أحمد في " المسند " (20/65)، ومن طريقه الضياء في " المختارة " (5/265)، ورواه ابن أبي الدنيا في " العيال " (رقم/527)، والنسائي في " السنن الكبرى " (5/363)، والبزار في " المسند " (رقم/8634)، وأبو نعيم الأصبهاني في " دلائل النبوة " (رقم/277)

أولاً يا - حواء - انتو حققوا ما عليكم من واجبات وبعدين شوفو النعيم البيطولكم من أزواجكم - آدم - فآدم ده يشتغل في البيت وبره - شوية كدة عايز حنان .

يحكى ان احدهم قال وهو يوصف مراحل الزواج فقال : أيام الخطوبة آخر شغف وآخر رعاية .. لمن تعرس في الشهر الأول كمية من الحب والحنان .. وكمان تاني لو تأخرت في الشغل دقيقة هاك يا سؤال .. ومالك لغاية اسع ما جيت؟ والشغل معاك كيف؟ ... ويسترسل في الوصف إلى أن وصل إنو الولية بقت قاعدة في البيت زي التقول أخوي ....

تحياتى للجميع والاخت اسراء
كلامك على عينا وراسنا ولكن ...............
اولا هل حواء تقوم بكل واجباتها كزوجه وام ومربيه ؟
ثانيا هل حواء تقدر ظروف ادم ماليا ؟
ثالثا كيدهن عظيم لم تاتى من فراغ
رابعا حواء فى بعض الاحيان هى سبب دخول ادم السجن لتلبية متطلبات حواء
خامسا بعض بنات حواء تكون مع ادم ذى العسل عندما يكون ادم مقتدر ماليا
ولكن عندما يصبح ادم مفلسا ماليا تصبح حواء حرباء
بعدين يااسراء نحن السودانيين عرسنا من حواء اجر سااااااااكت
اتمنى من الله ان تنالى نصيبك من ادم متوفره فيه كل مواصفاتك
اضافة الى ان تجديه عصرى حتى النخاع وتتوفر فيه هذه الصفات
خبير فى غسيل العده
معلم فى غسيل الملابس
شيف فى الطبيخ
دادا فى تربية الاولاد
دكتور فى المساج
لايسمع لايتكلم لايرى
وبعد دا كله يكون ذى الجماعه الطيبين معانا هنا فى المنتدى بدون ذكر اسماء
يكون لمن يخجوا ليهو فتيل الخمره كانه خجوا ليهو حقنة بنسلين

سلام يا شباب
أخوي حمد النيل ده مطلب أنا عارفو زي عشم أبليس في الجنة ، ابليس و ما أدراك ما أبليس ، أخوانا اليابانين عندهم مثل بيقول الشيطان أستاذ الرجل و تلميذ المرأة ، والجنة و ما أدراك ما الجنة ، واحد أخونا من فلاسفة اليونان رأي أمرأة مشنوقة علي شجرة فقال يا ليت كل الأشجار تحمل مثل هذه الثمار ، القصة يا جماعة بايظة مع بنات حواء ديل من زمان و لي هسع و من السودان لليابان
أنت عارف يا حمد النيل الشئ المحيرني في النسوان و مخوفني بالجد جد أنو لو لاحظت ستجد المرأة المتزوجة أطول عمرا من العزباء ؟؟ بشيلو قروشنا دي عرفناها لكن بيشيلو من عمرنا كمان ، دي تبقي مصيبة يازول

العباره الجميله مفتاح كل ست وكل حواء

محمد عبدالجليل جنس بكاء ..وهو بيقول [ العباره الجميله مفتاح كل ست وكل حواء] ..والله يا محمد ..عبارتك دي في الزمن دا ما بتاكل عيش ..لكن هاك البكاء البجيب راس كل ست أو حواء [ العربية الجميلة مفتاح كل ست أو حواء] طبعاً العربية الجميلة دلالة على سماحة الجيب الما خمج ..أقعد في الرومانسية دي لحدي ما تجيب أجلك وتعنس ..ما تقول لي أنا [ متموم حلويا ] برضو ما بتقدر تجيب راسا ..إلا بالبزينيس ولا شنو يا هشام ؟؟!!!

الشئ الشايفه انا ماحتلقى زوج عصرى يمكن تلقى زوج صباحى
وانا قايتو لاقى زوجة عصرية بس ما عارف انا عصرى والله لا
موضوع رائع جدا من الاخت اسراء
ويلا كل واحد فينا يكيف وضعه يخلى زوجته عصرية والزوجة تخلى زوجها عصرى
والحشاش يملا شبكته

عبارة حلوة شنو و مفتاح شنو ياود عبد الجليل، كلامك ده بيفهمنو البنوت غلط و بيفتكرو أنت قاصد النسوان طبل ساي ... باين عليك لسع ما متزوج يا زول ..

أخونا حمد النيل
النسوان بطبعهن لجوجات و لحوحات و طلباتن كتيرة ما بتخلص ، المرأة ما بتقدر عليها إلا أمرأة زيها يعني تدبل و تلت و تربع ، لكن بزنس و عربية ما بتنفع معاهن تب يا زول

أنتو وينها صاحبة البوست ده ؟ وين زاغت و غابت

أريتو يشبه أبو] ..يا هشام ..فعلاً المرة بدوقوها برفيقتها[ ...

اها بمناسبة المراه بيدوقوها بريفقتها
جاتنى رسالة من صديق عزيز وهذا نصها
(تعدد الزوجات سنة نبوية تكاد ان تندثر ويتحتم علينا احياؤها من جديد وعدم الخوف من الزوجات فمرضاة الله هى مبتغانا لا اكثر فهناك عوانس كثر فى المجتمع بسبب اهمال تطبيق هذه السنة والمؤمن القوى احب عند الله من المؤمن الضعيف .
لا تجعل هذه الرسالة تقف عندك فالدال على الخير كفاعله و لاتكن جبانا كن شجاعا واحذر ان تراها زوجتك وان راتها فامسح اسم المرسل لا تورطنا جزاكم الله خير)
اها شفتوا المفارقات بنات حواء يفتشن لزوج عصرى والرجال يفتشوا ويشجعوا ا للدبل دى تتحلى كيف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟