داقي سستم

العولمه وماااااادراك ماهي والله جذب انتباهي للموضوع واحد اخونا كده فاكر انو مواكب العولمه والحضاره بي بنطلون ناصل قال شنو قال داقي سستم قال بقول لي يااخي انتا مامواكب العولمه يااخي دي القولبه ماالعولمه ودابستم ماسستم
البيطمطا دا والله صدق الشاعر القال فيهم (هبقر الشمة صمات الححا ذوات الهعبرالي اموذ بالسف وان باذ مخي تخبو النوافيس مزرالي ياعرندل في الحشا ياالندقي )فههمتو حاجه انا زاااااتي مافهمتا حاجه المهم الترجمه بي تحت للمافهمين وانا برضو معاكم حارجع ليها الغريبه انو الناس ماملاحظين حاجه يقولو في زحمه في الخرطوم عارفين الزحمه جايه من وين الواحد لما يلبس بنطلون بي حذام اوواسع اكيد حايكون ماشي مرتاح اما صاحبنا بتاع التاع الناصل دا اكيد نمره واحد مع الاستايل دا لازم يكون في مشيه معينه نمره اتنين ودي تبع الاستايل برضو لازم يقيف يعاين لي نفسو كلو مره فبالتالي يعيق حركة سير المواطنين الابسين هي بسم الله اقصد الماشين الحاجه التالته الخطوات لازم تقصر عشان البتاع لو كبرتا الخطوة بيقع بالتالي انتابتقع في مصيبه ودي برضو بتعطل الابسين اقصد الماشين عشان كده ناس المرور شايف بدو يقسمو الشارع لي خطين واحد خط سريع والتاني للجماعة اياهم ٠٠٠٠وتجي تقولي عولمه ياخي اخرتو الناس من شغلم بي سبب عولمتكم دي علي فكرة الزول الموهومين بيهو الجماعة اياهم ديل فاهمينو غلط الزول دا بيلبس بنطلون فيهو كمرين واحد فوق في محل الكمبر الاصلي والتاني تحت يعني انت لما تشوفو بيتخيل ليك انو ناصل لكن هو دا الكمر التاني والجماعة ديل لانو مافي استطاع لي كمرين بجيبو الكمر الاصلي الهو مافي غيرواصلا بجيبوهو محل التاني وانت لما تشوفو بيتخيل ليك انو ناصل وهو فعلا نااااااااصل اه قدر مسافة النصله كتبناها ليكم قصرنا معاكم اها ياجماعة عن اذنك عندي بناطلين عند الترزي ما شي اجيبن اصلو دايرو يسوهن لي كبابي عشان الموضه او كده يعني باااااااااي