الحوش الكبير

موضوع: الحوش الكبير الخميس أبريل 07, 2011 7:33 pm

طبعا نحن السودانيون نشتهر بالحيشان الكبيره والبيوت الواسعه وكان السودانيون لا يرتاحوا الا فى تلك الحيشان التى تجمع جميع افراد العائله والحوش الكبير يدل على كبر الاسره وزمان لا يقال اسره فلان بل حوش ناس عابدين وحوش ناس العوض وحوش ناس بله وحوش ناس بت وهب وهكذا وكانت الحيشان الكبيره تدل على الكرم السودانى والبيوت مفتوحه الاربعه وعشرين ساعه وتلقى حوش الرجال مفصول لوحده فيه صالون حداد مداد ملان بالسراير للضيوف والزوار والواحد يقعد اسبوع معزز مكرم لا يكل لا يمل وهو يشاهد الترحاب والكرم الفياض وكان الناس ما ترتاح الا تنوم فى الحوش .... ولكن الان تغير الوضع واصبح الناس تميل الى سكنت الشقق وبيقولوا فيها شى من الخصوصيه وامان ومختصره وطبعا برضوا بيقولوا المغتربيين هم اكثر الناس بيحبوا سكنت الشقق والواحد لمن يجى فى الاجازه مابينزل عند اهله بل ياجر شقه ويقضى فيها الاجازه ويرجع ... وفى بعض الاسر داخل السودان يعشقوا سكنت الشقق لانها برستيج ... وبى كل صراحه بعد موت كبار العائله ضاعت هيبت الحوش الكبير...
وبس نقول ياحليل الحوش الكبير الكان بيلم الناس والكان مفتوح للضيفان وياحليل حوش ناس يمه ساكنه ويا حليل الحوش الكبير

والزائر للمدينة المنورة ..
يرى أن بيت الرسول (ص) كان حوشا مقسم الى حجرات ..
حجرات صغيرة ولكنها امتلأت رحمة وحب وعلم ..
حتى سميت سورة كاملة في القرآن باسمها ..
ولئن لجأ البعض اخيرا لما يسمى بالشقق لخصوصيتها ..
فقد نبهنا القرآن لتلك الخصوصية منذ أيام حجرات نساء النبي (ص) :
(إن الذين ينادونك من وراء الحجرات اكثرهم لا يعقلون) الحجرات
فليس هنالك اروع من الحوش إن كانت له آدابه

شكرا بنت النيل على هذه الذكرى الجميلة

اشكرك على المرور والاضافه

طبعا حوش البقر ياما ناس المقرن مشتهينو

يالها من ذكري الحيشان وما ادراك ما الحيشان
غايتو ياختي بت النيل دائما تفتحي ذكريات في غاية الروعة
تتذكري الكسرة بالطماطم الكانت [ندعوك للتسجيل في المنتدى أو التعريف بنفسك لمعاينة هذا الرابط] تعرفي للان ريقي جاري والان كمان جبتي الحيشان
انا طبعا بقول ذكريات لانني الان محروم منها وبالاخص قعدة العصر في الحوش المرشوش
ومع الغيبة كدا يجيك شاي الحليب المقنن وعند النوم تلتحف السماء غطاءا لك
وانواره تعطيك رونقا وجمالا اه يالها من ايام
لك التحية اختي بنت النيل وادام الله عليك الصحة والعافية وراحة البال ان شاءالله

موضوع: رد: الحوش الكبير الأحد أبريل 10, 2011 1:22 pm

ذكريات جميله لكن الكسرة بالطماطم زي الكاتشاب يعني ؟ ولابرقر أنا ثقافتي عربية مابفهم كثير في الكسرة ياود جمعة ، دخلها في جملة مفيدة .

لك الشكر اخى محمد جمعه اشكرك على المرور والتزكير بموضوع الكسر ولنا معها موعد
وانشاء الله ترجع المقرن بالسلامه وتشرب الشاى فى الحوش الكبير العامر بى اهله

شكرا اخى عبد الفتاح على المرور