| قصة بداية فول النتاش المادايرلو نقاش | |
|
|
كاتب الموضوع | رسالة |
---|
النتاش زائر
| موضوع: قصة بداية فول النتاش المادايرلو نقاش الثلاثاء أبريل 27, 2010 7:10 pm | |
| قررت اعمل بقالة اوكما يقال سوبر ماركت مشيت سوق عطبرة مالقيت محل فاضي علشان استاجرو ركبت باصات الداخلة ومشيت سوق الداخلة ولا كشك فاضي مافي رجعت لسوق الحصايا الصغير الجماعة قالو كان زمان رحت سوق الشرقي قالو السوق بقي بالايام يعني يوم الاحد والاربعاء قلت اروح سوق الموردة قالو انت داقس والله شنو واخيرا لقيت واحد قال تديني كم واترك ليك محلي دا المهم اتفقنا واخد الفي النصيب ولقيت محل في سوق عطبرة قمت بنظافة المحل وجيرته اصلو كان حالتو حالة مابقول ليكم كان محل بتاع شنو المهم جبت نجار فالح كدا وعمل الرفوف جوني ناس البيبسي وقالو بنديك ثلاجة بس تخت فيها منتجاتنا وبنزل ليك بضاعة تبيع وتدفع لينا قلت طيب جوني ناس الكولا عملو معاي نفس الشي وجوني كل من عندومنتجات واداني ثلاجة قمت مشيت ليك لبتاعين الجملة وقلت ليهم ماعندي ليكم قروش وداير بضاعة اعبي بيها السوبر ماركت بتاعي بعدين اديكم قروشكم وبكل بساطة قالو شوف الدايرو شنو وسجل الكمية نجيبو لعندك والحساب بعدين المهم ياشباب السوبر ماركت اتملي لاخره بضاعة ومشاريب وكل متطلبات الاسرة من اكبر شئ لاصغر شئ وفرحت شديد جاني صحبي قال ماشاءالله ياخوي انت اسة ماخليت اي حاجة راقية وجبتها وعايز سوقكك يمشئ بالحاجات دي بس قلت ليه السوق كله ماكدا بقت سوبرماركتات راقية قال لوعايز تضرب السوق صح وانت محلك دا طرق وجمبو مواقف اعمل ليك قدرة فول وياحبذا لو عملت ليك صاج طعمية الا القروش تنكب فوقك ذي الرز قلت اجرب وفعلا قدرة الفول بقت تسدد حق الشركات والديانة ولقيت ليك الشغلة سمحة خلاص فكرت افتح فروع للفول ذي فروع ودالميرغني بتاع الصعوط لكن مابتكون ذي ود الميرغني كلها في السوق الكبير بل سوف اغذو كل اسواق عطبرة الصغيرة وادخل كل الاحياء وعندما تتملك قدرة الفول بتاعتي كل اسواق عطبرة اصدرها للمدن القريبة مدينة مدينة واقول للخرطوم جيتك واغذو كل اسواق الخرطوم وابقي اكبر مستثمر في الفول فول النتاش المادايرلو فتاش شفتو كيف قدرة الفول بتاعتي بقت مشهورة وخليكم مع علامة الجودة فول النتاش البصحيك من قسم الانعاش |
|
| |
شمهروش زائر
| موضوع: انا عرفت النتاش الأربعاء أبريل 28, 2010 12:37 am | |
| انا عرفتك ياالنتاش انت (×××) صح ولا لا |
|
| |
مساعد المدير نائب المدير
عدد الرسائل : 82 رقم العضوية : 189 1 : تاريخ التسجيل : 31/12/2008
| موضوع: رد: قصة بداية فول النتاش المادايرلو نقاش الأربعاء أبريل 28, 2010 1:27 am | |
| الاخوة/الاخوات النتاش وشمهروش لا تستعجلوا كشف الاوراق , ادوها صنة لغاية ما الناس تقرأ -------- الاخ/الاخت شمهروش تم تعديل مساهمتك الاخيرة بناء على طلبك | |
|
| |
شمهروش زائر
| موضوع: رد: قصة بداية فول النتاش المادايرلو نقاش الأربعاء أبريل 28, 2010 12:06 pm | |
| شكرا ومعليش للازعاج المبدع النتاش امطرنا بالياقوت قلنا نستمتع في الاول وبعدين نقلب عليهو الطاولة |
|
| |
النتاش زائر
| موضوع: رد: قصة بداية فول النتاش المادايرلو نقاش الأربعاء أبريل 28, 2010 2:48 pm | |
| ها ها هايييييييييييييييييييييي
ماقلتو نوبة شكلك ياخوي شمهروش كنت داير تدقس دقسة كبيرة ويظهر درابتك كانت قوية وشكرا ليك علي الاشادة انا داير العطبراويين يستفيدو من تجاربي المتواضعة في المشاريع |
|
| |
سابح زائر
| موضوع: رد: قصة بداية فول النتاش المادايرلو نقاش الأحد مايو 02, 2010 12:26 am | |
| و الله يا النتاش ختري .... لكن ما وريتنا عندك فول دليفري و لا تيك أوي ؟؟؟
|
|
| |
النتاش زائر
| موضوع: رد: قصة بداية فول النتاش المادايرلو نقاش الأحد مايو 02, 2010 2:41 am | |
| سابح مشكور لجيتك لفول النتاش الماديرليه فتاش لزة فول النتاش تاكلو في محلو وطبعا من الدغش تلقي الجككة والكواري واقفة صف ومن بعد العصر الصف مايديك الدرب وهناك ياخوي يوجد فوالين تانيين دايرين يسترزقو ووليداتهم منتظرين المصاريف علشان كدا فولي رزقو بيجي في محله انت ياخوي ماعيناك مندوب لتوزيع الدجاج للسوبرماركتات الحشرك في الفول شنو هنا مافي مناديب |
|
| |
شمهروش زائر
| موضوع: رد: قصة بداية فول النتاش المادايرلو نقاش الأحد مايو 02, 2010 7:01 am | |
| وازيدك يا النتاش على اقتراح سابح اعمل مرقة ماجي من مزرعة الدجاج مع الفول بتزبط الطعم وينضج بسرعة انا زماااان كان عندي كشك وقدرة فول في عطبرة يا ريت لو ما خليتها اكان هسي النتاش صبي شغال معاي |
|
| |
النتاش زائر
| موضوع: رد: قصة بداية فول النتاش المادايرلو نقاش الأحد مايو 02, 2010 12:02 pm | |
| شمهروش الرائع قلت كان عندك قدرة فول يمكن دا انت ذاتك هل كنت عجلاتي كمان اصلا زمان بتذكر في الموردة واحد كان عجلاتي وعندو قدرة فول ياخي دا عندو فولاية كانت روعة كنا بنتعشي عندو مرات كدا اصلا هو بيشتغل عشاء بس اسمو اتلحس مني اعتقد عليش اوعموش غايتو اسمو فيه العين والشين وعندو ولدو اسمو عوض كان بيقرا في مدرسة نهر عطبرة الراجل كان مشهور وكان قريب منه مصطفي ادم عازف البيز الشهير بمصطفي بوب وحكاية المرقة دي بجربها ياشمهروش وعندك عندي عشوة ملح فولاية مكربة |
|
| |
زائر زائر
| |
| |
ابن بطوطة عطبراوي بلاتيني
عدد الرسائل : 9217 رقم العضوية : 174 1 : تاريخ التسجيل : 04/11/2008
| موضوع: رد: قصة بداية فول النتاش المادايرلو نقاش الأحد مايو 02, 2010 2:03 pm | |
| | |
|
| |
سابح زائر
| موضوع: رد: قصة بداية فول النتاش المادايرلو نقاش الأحد مايو 02, 2010 2:59 pm | |
| جابتني ريحة الفول الكارب يا النتاش و بما إني مندوب مبيعات لتوزيع الدجاج جيت أعرض عليك رجول الدجاج , عشان تعمل مع الفول ( كوارع دجاج ) و دي زبائنها كترو في البلد و ما تخاف حا نبيع ليك بالتقسيط برضو ....
|
|
| |
النتاش زائر
| موضوع: رد: قصة بداية فول النتاش المادايرلو نقاش الإثنين مايو 03, 2010 2:46 am | |
| اهلا بابن عطبرة المناضل عشا البايتات الرائع دوما عبدالرحمن فاروق وريني رايك فولي طعمو لقيتو كيف باقيلك بتلحقني قدرة تاني في السوق
تحت تحت دي اصلها حفلة تنكرية للاعضاء وبتلقي شرحها في الرابط الخاتيه سيف وطبعا هو زاتو متنكر باسم ....... معليش مابقدر اقول ليك المهم هي تغيير جو شوية يعني اي زائر هنا هو عندو اسمو الحقيقي داخل المنتدي كفاك كدا اسة يجينا مساعد المدير يقول لينا ماتلعبو في الحتة دي علشان كدا سوي ليك اسم تنكري وادخلاكة للحفلة شايف شمهروش بقي يتاوق اصلا الخبار كاتلو
سابح كوارع دجاج دي فكرة حلوة وانت من اليوم زاد راتبك ونسبتك في المبيعات ايوه دايرين اقتراحات ذي دي بس حكاية التقسيط دي معذباني شديد والسيولة كلها قربت تبقي في الدفاتر ياخي الديون كترت لحروم الحي |
|
| |
شمهروش زائر
| موضوع: اوعك من المواسير الإثنين مايو 03, 2010 11:31 am | |
| - اقتباس :
- بس حكاية التقسيط دي معذباني شديد والسيولة كلها قربت تبقي في الدفاتر ياخي الديون كترت لحروم الحي
التقسيط بيلحقك سوق المواسير بتاع الفاشروعند محمد محمود حسن سعيد الخبر اليقين .. وبرجع يوم بحكي ليكم كلمة (المواسير) جات من وين |
|
| |
النتاش زائر
| موضوع: رد: قصة بداية فول النتاش المادايرلو نقاش الإثنين مايو 03, 2010 2:07 pm | |
| تعرف ياشمهروش كتيرين دينتهم اسة ادوني صابونة علشان كدا عملت لوحة كتبت فيها الديون حرمتنا من شوفت كتيرين لذلك ناسف ممنوع الدين التقول انا كاتبها بالحبر السري الي الان واحد بياخد كاش مافي سحبت محلات كتيرة من الاحياء وعملتها مركزية في الاسواق الكبيرة برضو لحقوني اقول ليك سر عندي اخوي عمل دكان في الحي الجماعة كلهم ادينو منو وادوه صابونة وطبعا دكان الحي رسمالو قدر حالو علشان كدا قفل الدكان وحتي الان لم يحصل شئ رايك شنو الناس لو ماتت بحق المسكين دا بعدين بيقابلو ربهم كيف ماعارف الله يستر علينا منهم |
|
| |
شمهروش زائر
| موضوع: ما هي الماسورة الثلاثاء مايو 04, 2010 11:43 am | |
| ما هي الماسورة زي ما وعدتكم المرة الفاتت .. معنى المواسير ما اصل هذا المصطلح الذي غزا الشارع السوداني ومن ثم القنوات الفضائية العالمية بعد احداث الفاشر الاخيرة ؟تقول الحكاية الشعبية أن القرد استباح حرمة الأسد وعرينه , فأصبح يدخل على الاسد في عرينه ويلعب بذيل الاسد ثم يربت على خدوده وينتف شعره .. الخ من التصرفات التي لا يجرؤ حيوان في الغابة عليها.اللبوة لم يعجبها الأمر فأنبت الأسد مراراً وتكراراً وحثته على ردع هذا القرد , ولكن الاسد ظل مستكينا أمام القرد لا يجرأ على ردعه !!!!فأسرت اللبوة في نفسها لتجعلن من القرد عبرة لمن يعتبر , ولتضربنه ضرب غرائب الإبل .فانتظرته يوماً في مدخل بهو العرين تكاد تميز من الغضب , فما أن رآها القرد على تلك الحال حتى أيقن أنه هالك اليوم لا محالة .. فولى الأدبار هارباً منها , واللبوة خلفه بكل ما أوتيت من سرعة.فلجأ القرد الى (ماسورة) في ركن قصي من الغابة , ودخلت اللبوة خلفه الى الماسورة , فخرج القرد من طرف الماسورة ودخل بسرعة من الطرف الآخر ليصبح خلف اللبوة داخل الماسورة , فألهب ظهرها ضرباً بسوط كان يحمله واللبوة لا تستطيع الحراك او الالتفاف لضيق الماسورة.ثم هرب القرد من الماسورة .عادت اللبوة الى عرين الاسد تجرجر ارجلها خائرة القوى دامية الظهر من شدة الضرب.فالتفت الاسد اليها غير مبال وقال لها :هل ذهب بك الى الماسورة ؟؟؟!!!-----------------------
إذن مما سبق يتضح أن الماسورة :
لغة : كانت وعاء لحمل الماء فتحولت لأداة ضرب حتى البكاء
شرعا : مصطلح مرادف للربا واكل مال الناس بالباطل
|
|
| |
النتاش زائر
| موضوع: رد: قصة بداية فول النتاش المادايرلو نقاش الأربعاء مايو 05, 2010 1:57 am | |
| الحمد لله بعيدين من الربا يعني بعيدين من مواسيرك ياخوي شمهروش تحن بنبيع بالتقسيط والدين من دون اي زيادة علي السلعة بل بنقص في السعر للبيدفع قبل ميعاده ودا كلو تخفيف لمعاناة اهلي الطيبين وانت اسة حسابك بقي كبير هل جاتك اي زيادة في المطلوب منك او هناك فرق بين سعر الكاش والتقسيط ودا بشهادة الجميع يكفي انو السوق كلو اسعارو زادت في كيلو الدجاج انا لسة ببيع بالسعر القديم رايك شنو لكن فكرة الماسورة دي حلوة اودي ليها الديونهم كترت واتراكمت وتنفع مع اخوي القفل دكانه
|
|
| |
سابح زائر
| موضوع: رد: قصة بداية فول النتاش المادايرلو نقاش الأربعاء مايو 05, 2010 6:17 pm | |
| طيب يا شمهروش علاقة الماسورة بلاعب الكورة شنو ؟؟؟ يقول ليك اللاعب دا ماسورة ساكت .... |
|
| |
النتاش زائر
| موضوع: رد: قصة بداية فول النتاش المادايرلو نقاش الأحد يونيو 06, 2010 12:49 am | |
| سابح اذيك
ياخوي اللعيبة بقو مواسير وحمام ميت كمان مع انو الماسورة منها فائدة لكن اللاعب الماسورة مامنه فايدة بس عدادو رامي |
|
| |
شمهروش زائر
| موضوع: رد: قصة بداية فول النتاش المادايرلو نقاش الأحد يونيو 06, 2010 11:51 pm | |
| ويتسع مفهوم الماسورة ليشمل نماذج كثيرة تعايشنا معها دون الانتباه الى أنها أكبر من تلك المواسير الممتدة بجوار كبري عطبرة (انظر صورة المنتدى أعلاه) : * فكم من زوجة ماسورة تغاضى عنها زوجها من اجل ابناءه , والعكس صحيح * وكم من حاكم ماسورة اضاع البلاد والعباد في ظل البطش والاستعباد * وكم من صديق ماسورة لا تجده وقت الضيق |
|
| |
النتاش زائر
| موضوع: رد: قصة بداية فول النتاش المادايرلو نقاش الخميس يونيو 24, 2010 12:55 am | |
| شمهروش اكعب حاجة في الدنيا الصديق الماسورة
طبعا انت عارف سوق الفول اليومين ديل بقي راشي تمام وتعرف اول ماقالو للناس ابعدو من الخضار وقعو ليك الفول السادة اتخيل بقيت اشتغل غداء كمان الناس بقت ترغب الفول في الغداء يقولو ليك الفول ارحم من المشي للمستشفي بالخضار شفت كيف مصائب قوم عند النتاش فوائد |
|
| |
| قصة بداية فول النتاش المادايرلو نقاش | |
|