لا يفوتكم .. لبست الكفن بدلاً من ثوب الزفاف

دفعت عروس ثمن الطلاق من زوجها ليلة فرحها في منطقة الإحساء ، لدخولها منصة الزفاف بشكل غريب بأحد قصور الأفراح مساء أمس الأول بمحافظة الأحساء، وتعود التفاصيل إلى أن الفتاة فاجأت أهلها والمدعوّين لحضور حفل زفافها بارتدائها «الكفن» بدلا من أن ترتدي فستان الزفاف الذي احضره لها عريسها من أفخم بيوت الأزياء في المنطقة الشرقية، مما جعل العريس يرمي عليها الطلاق أمام جميع النساء المدعوات في هذا الحفل مما أحال الليلة إلى ليلة حزينة على الجميع، انتهت بكلمة الطلاق .. وغادر الجميع القاعة وسط عراك شديد بين أهل العروسين.
وبحسب رواية إحدى صديقات الفتاة فإن الشكل الغريب الذي ظهرت به كان متعمداً، حيث إنها خططت له منذ فترة بداعــي أنهــا لا تــريـــد الــزواج من الشـاب الذي قــام بتطليقها أمام الحضور، واختارت العروس آيات قرآنية تتحدث عن النار، وعن جهنم والموت أثناء دخولها المنصة.

وقال شهود عيان للحادثة إنه أثناء دخولها ذاع في مكبرات الصوت بالقصر صوت القارئ الشيخ خالد القحطاني وهو يجهش بالبكاء ويقرأ الآية (هذه جهنم التي كنتم توعدون) وسط ذهول واستغراب للمدعوين ولجميع من حضر الحفل باستثناء العروس التي كانت تبدو سعيدة في الوقت الذي يقف بجانبها عريسها الذي تغيّرت ملامح وجهه وهو يرى عروسته ترتدي كفن الموت ويسمع آيات قرآنية كريمة عن الوعيد وعن جهنم، مما دعاه وفي موقف لا إرادي لأن يرمي الطلاق بالثلاث على عروسته.
وقال مقربون من العروس إنها تعمدت ذلك لأنها كانت لا تريد الزواج من الشاب بحجة أنه مدخن ويحب السهر وهي لا تريد زوجا بهذه المواصفات، وسبــــــق أن حدّثته بالأمر بأنهـا لا تريد الزواج منه لـكن إصراره على الزواج جعلها تختار هذه الطريقة لإنهـــاء الارتباط به قبل أن يبدأ.

لا لا لا
في دي بالذات اسمح لي يا الهادي
يستاهل تعمل فيهو اكثر من كده
ياخي ده ما عنده دم , صارحته إنها ما عاوزاه .. ومصر ؟؟
يستاهل ...

بس برضو نرجع ونقول "فكرتها جهنمية" تدل على أنه فعلا :
"إن كيدكن عظيم"
في اعتقادي لو كانت الدنيا فيها حريم بدون رجال , كان التطور سيكون اكثر من الآن بكثير.
لأنهن عندهن خيال واسع على ابتكار اساليب خلاقة , ولكنها مع الأسف تذهب كلها في الكيد من الرجال.

السلام عليكم الاخ الهادي
والله دا مابرد بطني برضو انتا عارف هو اصلا يستاهل اكتر من كدا ودا شاكوشو قوية بالزيادة اظن المنظر دا حايسبب ليهو كابوس مدى الحياة واخاف انو يفوت هي قالت ليهو مادايراك عدييييييييييييل اللياقة شنو

قال رسول الله صلى الله عليه وسلم :رفقا بالقوارير فسأله اصحابه عن القوارير فقال هما الحريم أو النساء أى أن ديننا أوصانا بهم خيرا لذا علينا ان نحترم رغباتهم ونوفى بمتطلباتهم وواجباتهم ولا نجبرهم على شى دون موافقتهم فتلك هى حدود الله فلا تعتدوها
والحمد الله على نعمة الاسلام
وتبقى المرأة هى الأم والاخت والبنت ولولا النساء لما كان الرجال
وهى تاج الوقار ومنبع السكينة والطمأنينة وهى رقيقة بعذوبة انوثتها وجميلة بطيب معشرها وحسنة بكمال دينها وتكون احلى عندما تصون وتربى بشفافية محترمة بذلك حدود شرع الله

الأخ طارق
وينك يا زول يا جميل ، و الله ليك وحشة ، إن شاء الله مبسوط و طيب ، وكل الأهل بخير .
كلامك ده بذكرك ليهوا بعد عرسك بشهر ، و أوع تنط منوا . و بعدين ما دايرين جرسة ، و قسمة و نصيب و كلام الجرايد داك أوكي ....

العريس السعودي ده ، زول مسخوط ، الخفة و الشلاقة دي فوق كم ، ما كان يكتفي بالشاكوش و يستر نفسوا و يسترنا معاهوا .
لكن شوفوا بنت الناس ، أعطت مثل حي لمقولة الكاظمون الغيظ حقآ و حقيقة. و بصراحة كدة لو أمرأة أبليس فكرت تنتقم منوا كان خيالها بيصل خيال الزولة دي؟؟؟؟ ما ظنيت

ازيكم يا شباب
الاخ هشام والله شوقنا اكتر وفاقدنك ياراجل الحاصل شنو منقطع طول الفترة دى
أنا عند كلامى وما بغيروا ودا النصيحة المفروض كل الناس تعترف بيها وخصوصا نحن الرجال فالمرأة هى كل شى بالنسبة للرجل والرجل كذلك للمرأة
ويا الهادى أنا لسه فى بداية مشوارى رومانسية شنو نحنا يادوب بنخت رجل فوق رجل واعلم يا صديقى أن المرأة كنز وهى تاج الوقار وهى وزارة الداخلية التى لا يستتب الامن فى البيت إلا وهى على راس العمل والرجل وزارة الخارجية ليحى هذا الكائن الشامخ من الخارج
ولى عودة
تحياتى للجميع

كثير ما يقال فى النساء ولكن اعلموا اخوتى اننا أحيانا نقسو على هذا الجنس اللطيف الذى حبانا به المولى سبحانه وتعالى

يقولون يحتاج الرجل لاكثر من سنة لترويد المرأة فى حين تستطيع المرأة أن ترود رجل بابتسامة
هذه المقولة لها دلالات عدة قد يفسرها البعض بزاوية ضيقة ويقول إن كيدهن عظيم نعم كيدهن عظيم لانهم يملكون مالايملكه احد فى البشرية سواهم فهم يملكون العاطفة الجياشة والمشاعر الصادقة والاحاسيس النبيلة
فالعاطفة هى سلاح ذو حدين وقد تقع المرأة فريسة لعاطفتها تلك ولكنها لا تملك الارادة فى كيف تعيش

اعلموا سادتى انى لا ادافع عن المرأة عن فراغ فأنا شاب لم اتزوج بعد ولم يكون لى فى يوم من الأيام أخوات حتى احس باحاسيسهم ولكنى نظرت كل هذه العاطفة فى أمى قد يختلف معى الكثيرون ولكن تظل تركيبة الأم هى الشاملة للمرأة المثالية التى تمدنا بعطفها وحنانها لذا ارجو منكم والشكر يسبق الرجاء أن تعطوا النساء حقوقهم كاملة دون نقصان وبعد ذلك نحاسبهم إن قصروا

والله على ما اقول شهيد

السلام عليكم
الاخ طارق
شكرا على اطلالتك الرائعة هنا وعلى هذه الدرر التى نثرتها سلمت يداك ففعلا المراه هي الام قبل ان تكون زوجة فهي من عانت حتى تخرجهم الى هذا العالم ولكنهم ينظرو للمراه بمنظار اسود لو اننا النساء استعمالنا نفس هذا المنظار لاخرجنا خباياهم ولتعددت عيوبهم (الجمل ما بشوف عوجة رقبتو)
اما الاخ الهادي اذا كان دا بريد البطن اما احسن منو مغصة ناس هشام ومحمد هاشم انتا بتلعب على الطرفين مع هشام في الخط ومعاي في صفي كيف دا؟؟؟ فسروها ياجماعة

الأخ طارق
السلام عليكم ورحمة الله وبركاته
ما تلخبط الكيمان يا طارق ، الأم دي خط أحمر ما بنتجاوزو ، و الأمهات ديل نحن بنشيلم في رأسنا ، لكن الكلام هنا عن المرأة عندما تكون زوجة
الأنثي الله أعطاها أسلحة فتاكة و لكنها بمحض إرادتها تستعملها ضد زوجها ، كدي أرجع للتاريخ شويه ، و شوف كيف عجوبة خربت سوبا ، و دور ماري أنطوانيت في خراب بيت لويس السادس عشر ، أو كيف حولت إيفا بروان ، هتلر الوديع الي مجرم و سفاح ،و قصص كتيرة جدآ في تاريخنا ، بتدل أن المرأة ما بترفع الراجل لي فوق إلا عشان تدوقبيهوا الدلجة و تبقيهو ليك حطام
و بعدين نصيحة مني ليك، الحنان و المشاعر و الرومانسية ديل ما تجيب سيرتن للبنوت ، حيقولو ليك الحاجات دي لا تسمن و لا تغني من جوع ، لكن معانا نحن أوكي ، لأنو نحن الرجال بنهتم بالحاجات دي و ليها قيمة في حياتنا ، لكن ناكرات الجميل ديل ما شغالين إلا بالبوبار و الشمار ، كدي شوف أجمل القصائد في الأدب العربي أو الأجنبي البتتكلم عن الحب و الرومانسية كاتبنها رجال و لا نسوان ؟ و السبب شنو و ليه ؟

الأخ الهادي
السلام عليكم ورحمة الله وبركاته
شايف أنت بتجيب لعاشقة الجنة في الأدلة و تب ماك قصرت ، و لكن برضوا
بطنها ما بردت، شايف قوة رأسهن ده كيف ؟؟؟ مستحيل ترضيتهن و إرضاء خاطرهن، و يا زولي ما تقوم نفسك ساي بتنفخ ليك في قربة مقدودة ساكت...

الأخت العزيزة عاشقة الجنة
السلام عليكم ورحمة الله وبركاته
يعني عليك الله نشفان الراس فوق كم ؟؟ الزول يبحت و ينكت في المعلومات ، و يقعد يطقطق في الكيبورد بتاعوا عشان تنبسطي و برضوا ما تطيبي قلبوا بي كلمة واحده ؟؟ و تقفليها معاهو كده ، غايتو جنس قوة رأس .

السلام عليكم
الاخ هشام
اولا انتا الماغسك شنو عشان جماعتي كترو ولا شنو حركات الحريش دي خليها انتا الحشرك شنو هسع بعدين تعال ماسمعتا وراء كل عظيم امراة ولا كان خطا مطبعي وقصدهم راجل اما عن المراة فيكفينا فخرا ان من وقفت وراء رسولنا الكريم تشد من ازره وصدقته حين كذبه الناس واآوته حين بعد عن اهله انها السيدة خديجة رضي الله عنها وان من دافعت عن الرسول عليه السلام يون ان داهمه الكفار وحاربت عنه امراة وان احب الناس الى قلبة السيدة عائشة وابنته فاطمة وان نصف الدين اخذناهو من السيدة عائشة رضي الله عنها واسيا زوجة فرعون اذا سمع كلامها كان بيكون معها ينعم في الجنات ومريم ابنت عمران و ... و.. الكثيرات اللاتي لم استطع حصرهن هنا فلا يسع الزمان ولا المكان لتعدادهن ولكنى اردت ان ابين لك ان من استشهت بهن ليس مسلمات وليس منا .

الأخت عاشقة الجنة
تحياتي و أشواقي
أولآ بالتبادي كلمة وراء كل عظيم أمرأة ، هنا المقصود بها الأم ، و هذه المقولة الزوجة بقدرة قادر بتحزف منها حرف الياء لتصبح وراء كل عظم أمرأة
و ما تسأليني العظيم بقي عظم كيف ؟؟؟ أنا غايتو مرة صحيت من النوم و لقيت نفسي هيكل عظمي عدييل كده ..... إنت ما شايفة كلاب الحلة ما بتنبح إلا علي الأولاد .....
تانيآ أنا إتحشرت في الموضوع من باب الجنس للجنس رحمة ، عشان ما يكونوا داقسين ساكت ، و بالمناسبه أنا من أنصار الزواج ، و الزواج من سودانية للرجل السوداني ، و ما حواء ما انجبت أحسن من السودانية و لا فخر ، و هذه حقيقة ، و الحقيقة التانية أن الزواج شر لابد منه ، و أنا لو كان عندي بنيه كنت زوجتها لولدنا طارق ده ، عشان حماتوا و البنية يوروهوا النجوم عز الضهر ، و أنا أقعد أتفرج و أذكروا بكلاموا قبل العرس
تالتآ بيقولوا الدنيا دي فيها 6 مليار و كم مليون كده ، و لوا كلنا عجنونا في بعض ، بنسوي التراب الكانت بتمشي فيهو أي واحده من أمهات المسلمين؟؟ المقارنة هنا مفقودة ، و لكن نتمي أن يكونن غدوة للجميع في الحياة، و لكي أن تقارني ما بين مهر سيدنا علي كرم الله وجهه للسيدة فاطمة بنت حبيبنا المصطفي ، و ما تطالب به السودانيات اليوم من مهر ، و شيلة و حفلة، فسيظهر لكي و يبين أستحالة المقارنة ، و هذا خلاف الأشياء الأخري .
تخريمة علي عش الزوجية
كدي نسأل أخونا الهادي الخلاهو عضم كده شنو بعد العرس ؟؟؟يمكن عندو
تفسير لمقولة وراء كل عضم أمرأة ...غير التفسير بتاعي أنا

الاخ هشام
اعطر التحايا
اولا لو كان المقصودة الام وحدها لقالوا وراء كل عظيم ام وليس امراة وما تنسى انو من اشهر الصحابة من كانت امه مشركة ولم تساعده وتساندة في اسلامه الا زوجته
تانيا: الجنس للجنس رحمة مش زحمة مدام الزول عاقل وعارق قيمة المراه انتا عاوز تسمم افكارو مالك
بعدين مساله المهر دي مامقياس عشان تقيس بيهو عدم المقارنه انتو اتكلمتو عن النساء بصورة عامة وديل قدوتنا.
اما عن اخونا الهادي امكن عمل رجيم المراه بتحب الرشاقة دائما ههههههه

الأخ سيف الدين
شكرآ كتير علي التضامن ، و قصة هروب الأخوة قد يكون سببها العين الفوق الحمراء و الله أعلم .
و التعليق الأخير بتاع عاشقة الجنة و ولد ماما ، يا ريتني لو قعدت مع أمي بدلآ من الغربة دي ، و بعد داك ما بيهمني لو سار فيني اللقب .تخيل تسافر من السودان و دابك مخلص الثانوي و لسع صبي و تجي راجع و رأسك عامل زي بوخ الحلة من الشيب بسبب أهوال الغربة و نفسك قايم من الشوق ليها و الونسة معاها في جلسة شاي المغيرب ، و تغرف ساي من حنانها و عطفها ، الله يحفظ أماهاتنا ، و يقدرنا علي الأحسان بهن و ننال رضاهم

الأخ الهادي الشغيل ..

وبقية الأخوة الكرام المتداخلين ..


سبحان الله .. أما زلنا في زمن تساق فيه القوارير عنوة إلي من لا يرضين عنه زوجاً .. إنه حقا لإجحاف في حق ديننا الحنيف أولاً قبل أن يكون إجحافاً في حق المرأة المسلوب ..


أما عن خطتها وما قامت به من فعل به كثير من الدهاء فهذا ليس بغريب على المرأة فهن شقائق الرجال .. .. وكم من إمرأة أعانة الرجال على الأهوال بذكائها ودهائها .. ولا ننسى أنها بشر وهبه الله العقل والحكمة .

تقبلوا مروري وتحياتي .

مرحب بيك الاخ عصام
شكرا على وقفتك دي مع المراه وياريت الناس البينظرو للمراه بمنظار اسود يغيروهو ويحاولوا يعدلوا نظرياتهم الخاطئة