في أستاذ بالجامعة دخل المحاضرة زهجان وقال الاسبوع ده كله لازم القاعة كلها ترسب في الامتحان.
قال لي طالبة : اني بتجي الكلية الصباح كيف ؟
الطالبة : بجي بسيارتي يا استاذ
الاستاذ : ممتاز , ولو سيارتك عطلانة ؟
الطالبة : بجي بالتاكسي
الاستاذ : وأفرضي ما لقيتي تكسي ؟
الطالبة : بجي بالباص
الاستاذ : رائع , وإذا الجو سخن في الباص بتعملي شنو ؟
الطالبة : بفتح الشباك يا استاذ
الاستاذ : طيب جاوبي على السؤال ده
س: إذا كان الباص ماشي بسرعة 60 كم بالساعة احسبي كمية الهواء الداخلة للباص؟
طبعا الطالب ما عرفت تجاوب على هذا السؤال الصعب فرسبت في الاختبار.
بعد انتهاء المحاضرة تجمع الطلاب في الكفتيريا , وما عندهم سيرة غير السؤال الصعب داك , في طالب من شعبة تانية حا يدخل نفس الاستاذ عليهم بعد فترة الراحة سمع السؤال وما عرف ليهو جواب . دخل القاعة خايف لأنه قاعد في الصف الأول.
دخل الاستاذ وسأل نفس الطالب نفس السؤال داك.
الاستاذ : يا ابني كيف بتجي الجامعة كل يوم الصباح؟
الطالب: بجي بسيارتي استاذ!
الاستاذ: طيب اذا كانت سيارتك عطلانة بتجي كيف ؟
الطالب : بابا بيوصلني يا استاذ
الاستاذ : افرض سيارة بابا عطلانة ؟
الطالب : بتصل بواحد من زملائي ياخدني معاه
الاستاذ : وإذا زملائك كلهم مش فاضيين ؟
الطالب : بركب تكسي يا استاذ
الاستاذ : افرض ما لقيت تكسي والزمن ضيق ؟
الطالب : بركب الباص
الاستاذ : عظيم , بتركب الباص !! إذا إنت في الباص والجو حار , بتعمل شنو؟
الطالب : بفتح أزرار القميص
الاستاذ : طيب الجو سخن زيادة , حا تعمل شنو ؟
الطالب : بقلع القميص يا استاذ
الاستاذ : طيب الجو سخن زيادة أكثر
الطالب : أسمع يا استاذ , عندي استعداد أقلع هدومي كلها ولا أفتح شباك الباص
----------------------------------------------
واحد عربيتو بنشرت قدام مستشفى المجانين , فك الصواميل وختاها في الارض وشال الكفر مشى يوديهو البنشرجي , جو أطفال شالوا الصواميل معاهم ومشوا.
كان في مجنون قاعد في سور الحيطة بتاعة المستشفى صور الفيلم كله من بدايته لنهايته.
الراجل رجع معاهو الكفر بس ما لقى الصواميل.
سأل الرجل المجنون : ما شفت صواميل هنا ؟
المجنون : شالوها اطفال وجروا
الرجل : لا اله الا الله , دي مصيبة شنو دي , طيب والعمل شنو هسه؟
المجنون : بسيطة يا زول كل كفر فيهو اربعة صواميل , فك من كل كفر صامولة واربطها في الكفر المبنشر , كده يكون عندك كل كفر فيهو ثلاثة صواميل .
الراجل اندهش شديد من الفكرة قال ليهو : انت جابوك مستشفى المجانين ليه ؟
المجنون : انا جابوني هنا لأني مجنون .. مش غبي !!!
--------------------------------------
واحدة البورة زهجتا مشت لفكي اسمه أبكر
قالت ليه : عايزة لي عريس
قال ليها : أمشي البيت اتحنني ونومي حا تشوفيه في النوم
تاني يوم جاتو محننة وعايزة تطير من الفرحة
قالت ليه : حلمت بيك انت يا أبكر العريس
قالليها : هاهاهاهاها الظاهر كترتي المحلبية
الرحيم
موضوع: نكات بورة ومجنون واوعك من شباك الباص 
السبت أغسطس 08, 2009 7:34 pm
