نكات 2011

موضوع: نكات 2011 الثلاثاء يناير 04, 2011 7:42 am

تذكير بمساهمة فاتح الموضوع :

ممنوع النكات القديمة .. جديدة لنج بس
والنكتة داخل البوست على مسئولية صاحبها

1-
قطر تحمست بعد كأس العالم وتقدمت بطلب للملك عبدالله لإستضافة حج 2012

موضوع: رد: نكات 2011 الأحد يوليو 31, 2011 2:45 am

شافع جا داخل علي ابوه وقال ليه لازم تعرس لي اسة دي
الاب : ياود انت لسة صغير
الشافع : انا غايتو مابعرف داير اعرس اسة دي
الاب : دي مصيبة شنو الوقعنا فيها دي المهم قال ياخدو حسب عقلو
وقال ليه طيب انت عايز تعرس منو ؟
الشافع : داير اعرس حبوبة
الاب : ياود دي امي اعرسها ليك كيف
الشافع : طيب انت مامعرس امي انا سألتك

موضوع: رد: نكات 2011 الأحد يوليو 31, 2011 3:35 pm

يقولك محشش راح القصيم يوم وصل قرى لوحه مكتوب القصــــــيم تبتهج
قال: الله يغربلها وين تبي تهج .

موضوع: رد: نكات 2011 الجمعة أغسطس 12, 2011 3:33 am

واحد مسطول صام بعد رمضان عشرين يوم تعرفو ليه
V
V
V
V
V
V
V
V
V
V
V
V
V
v
لانو الحلو مر بتاعهم ماكان خلص

موضوع: رد: نكات 2011 الجمعة أغسطس 12, 2011 6:17 am

أجكل نكته

واحده حبت مسطول جابت ليهو اللبن فى السحور عارفين عمل بيهو شنو ؟

أول ما أذن الصبح إتوضه بيهو وقال ليها الصلاة خير من النوم

موضوع: رد: نكات 2011 الجمعة أغسطس 12, 2011 6:30 am

يا ابووردة
هي حبيبتو وليست زوجته , كيف تجيب ليهو اللبن في السحور ؟
دي نكتة (غير شرعية)

موضوع: رد: نكات 2011 الجمعة أغسطس 12, 2011 9:32 pm

قلنا الكلام بالألغاز أخير من الكلام بالعربى دى حبيبتو أكيد الحب ودر ما جمع

موضوع: رد: نكات 2011 الأحد أغسطس 14, 2011 12:55 pm

قالوا في واحد زار صاحبا ليهو بعد غياب 20 سنة فالصاحب اخده معاهوا البيت عشان يتغدى ويعرفوا على المدام والاولاد المهم وصلوا البيت واول ما المدام هلت شبكها تعالى حبيبتى اعرفك على فلان ...بعد شوية ياحياتى ممكن تحضرى الغداء..وبعديها يا روحى ممكن الشاى.....!!!
يازول صاحبه انبهر وقال ليهو ماشاءالله 17 سنه زواج ولسة بتقول يا روحى وياحياتى...!!
قال ليهو ابدا والله ..كل الحكاية المده طالت ونسيت اسمها منو!

موضوع: رد: نكات 2011 الثلاثاء سبتمبر 13, 2011 6:18 pm

مسطول فتح الراديو
لقى الفنانة ورده بتغني : بتونس بيك
قال المسطول : في جهنم ان شاء الله
ردت ورده : وانت معايا
قال : بنت الحرام سمعتني

موضوع: رد: نكات 2011 الثلاثاء سبتمبر 13, 2011 7:48 pm

واحد بيقول لصاحبه انا منشـف ريق البنات كلهم !!
قاله : كيف علشان اعمل زيك ??!!
قاله :
كل ما أعاكس واحده تتـُف عليا
هههههههههههه

موضوع: رد: نكات 2011 الثلاثاء سبتمبر 13, 2011 8:24 pm

مره عجوزة
متهمة فى جريمة قتل قالت للقاضي :والله أنا بريئة صدقوني
فرد عليها القاضي بذكاء :لكن مواصفات القاتلة كلها تنطبق عليك ,بنت جميلة رشيقة وجذابة
العجوزة اتكسفت ونزلت راسها لتحت وقالت : والله ما كنت ناوية اقتله tongue

موضوع: رد: نكات 2011 الخميس سبتمبر 15, 2011 9:36 pm

واحد كتب في ورقة الامتحان

(( صمتي لا يعني جهلي ولكن ما يدور حولى لا يسحتق الكلام ))

فاأخذ الشهاده مكتوب فيها

(( رسوبك لا يعني فشلك ولكن خفة دمك دي اللي مودياك في داهيه ))

موضوع: رد: نكات 2011 السبت سبتمبر 17, 2011 12:03 am

3 مساطيل دايرين يفكو ليهم لمبة قلووظ واحد مسك اللمبة والاتنين التانين قاموا يلفو العرش.
وبعدين قالو ليك أيام الانتخابات في راجل كبير وعميان داير ينتخب ، فمن الباب شابك الجماعة الشِدرة (الشجرة) وين ، فالجماعة طبعاً كبروا وهللوا . فبعد ما قعدوا.
فقال: الشدرة وين يا ولدي؟
- هنا ياعمنا؟
- وين؟
- آآي يا عمنا هنا أمشي تحت.. شوية لا أطلع فوق شوية.
فبعد عمك ما ختو ايدو فوقها . قاما غطاها وقال :
عليك الله يا ولدي أشخت أيه حتة تانية........

موضوع: رد: نكات 2011 السبت سبتمبر 17, 2011 3:29 pm

ود جمعة عشان كده إنت خايف ، هع

موضوع: رد: نكات 2011 السبت سبتمبر 17, 2011 4:28 pm

مسطول طالب بيطره عنده إمتحان مدروش فيهو من الليل يذاكر لغاية الصباح تاني يوم جاهم الإمتحان كله أرجل طيور وحيوانات مطلوب معرفتها وكتابة إسمائها وذلك بالتعرف عليها من الأرجل .

الطالب بعد عشرة دقائق طلع من الإمتحان ورقتو فاضية قال للدكتور : منتهى الإسفاف والضحك على عقول البشر ، طبعا كل الذي ذاكره ماجات منه حاجة في الإمتحان .

الدكتور قال ليهو: إنت أول واحد شايل المادة دي ، بعدين إسمك ليه ماكاتبو على الورقة .

الطالب : رفع منطلونه لي فوق وقال للدكتور: عامل لي فيها تفتيحه من رجليني أعرفني أنا منو؟هههههههههههههههههههههههههه.

موضوع: رد: نكات 2011 الإثنين سبتمبر 19, 2011 10:08 pm

واحد جاب لزوجته سمكة قال ليها حمريها ، قالت زيت مافي
قال ليها طيب اشويها ، قالت ليه دقيق مافي
قال ليها طيب اسلقيها ، قالت المويه قاطعه ليها سبعه يوم
قام رجع ورمى السمكة في البحر..
السمكه هتفت : سير سير يا بشير

موضوع: رد: نكات 2011 الخميس سبتمبر 29, 2011 9:40 pm

مسطول سألوه : ما هو الفرق بين النيل الأبيض والنيل الأزرق
قال :النيل الأبيض فيهو سمك وتماسيح والنيل الأزرق فيهو رشا وتسابيح

موضوع: رد: نكات 2011 الأحد أكتوبر 16, 2011 8:41 pm

واحد طلق مرتو وعرس واحدة تانية
لاقاهو صاحبو بعد شهرين قال ليهو : سمعت انو مرتك الجديدة اطيب من الفاتت
قال ليهو : ايوه والله , تصدق .. مرات بتغسل معاي العدة بدون ما اطلب منها !!
ـــــــــــــــــــــــــــــــــــــــــــــــــــ
شافع سال حبوبتو: بتاكلي التسالي يا حبوبة ؟
قالت ليهو : ما بقدر يا ولدي , ما عندي ليهو سنون
قال ليها : خلاص امسكي لي كيس التسالي ده عندك
ـــــــــــــــــــــــــــــــــــــــــــــــــــ
رباطابي بيضرب في باب البيت بوهية
جات جارتو قالت ليهو : لاكين البوهية دي ما خفيفة
قال ليها : يعني انتي التقيلة ؟
ـــــــــــــــــــــــــــــــــــــــــــــــــــ
مسطول بيشاغل في واحدة..
قال ليها : يا عسل
قالت ليهو: انت اهبل ؟
قال ليها: رقم موبايلك
قالت ليهو: انت اهبل ؟
قال ليها: افهميني , داير اعرسك
قالت ليهو: انت جادي ؟
قال ليها: انتي هبلة ؟

موضوع: رد: نكات 2011 الأحد نوفمبر 13, 2011 8:05 pm

حاج مصري سبعيني
رفض رجم الشيطان
قال سبعين سنة هو في حالو وانا في حالي
اروح اضربو ليه ؟

موضوع: رد: نكات 2011 الإثنين نوفمبر 14, 2011 12:16 am

ود جمعة عن إذنك
[ندعوك للتسجيل في المنتدى أو التعريف بنفسك لمعاينة هذه الصورة]

هذه من الأشياء المبكية المفرحة .. سبعين سنة والراجل ده ما عارف المناسك .. وفرض العين شنو وفرض الكفاية شنو ..

» نكات
» نكات منوعه
» نكات 2012
» نكات قديييييييييييييمه لنج
» قبائل سودانية(نكات)