تاني جبنة وشاي

زائر

تذكير بمساهمة فاتح الموضوع :

خلاص نحن حسة نحضر الراكوبة لحدي مايجو الباقييييييييين
[ندعوك للتسجيل في المنتدى أو التعريف بنفسك لمعاينة هذه الصورة]

Admin عدد الرسائل : 1911 تاريخ التسجيل : 05/12/2007

اها راجين الجبنة والشاي وين البنيات

Admin عدد الرسائل : 1911 تاريخ التسجيل : 05/12/2007

عوووووووووووووووك ياناس الباقية شني
وين الناس وين سما العطبراوية ماسكة لينا الجبنة والشاي
ضروري في رمضان بعد الشراب

[ندعوك للتسجيل في المنتدى أو التعريف بنفسك لمعاينة هذا الرابط]

ياابو زحل الاذان قرب يأذن والجماعة ديل ما جابو التمر والبليلة
انا غايتو جبت سلطة الفواكه والليمون يا سما النشا وين اول نفطر
بعدين الجبنه والشاي

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]

يازول الشي دي في الصورة سمحة سماحة جد

ولما نجيبها مي سمحة ليه

شي غريب والله

تشوفها ماتكالها احسن

انا ياابو زحل لو جبتها وسويتا دائما بتطلع حلوة
لاني عذابي وشغلت العذابه دايما حلوة
وداير اسأل يا خال انت سما دي شايا وقهوتا
ديل سواهم بشنو ماعايزين نشربهم ونقوم نشوف السوق
وديل لو سواهم بالشمس كان شربناهم
استعجلها لينا ياخال ورانا سوق وكده

زائر

محمد جمعة كتب:: انا ياابو زحل لو جبتها وسويتا دائما بتطلع حلوة
لاني عذابي وشغلت العذابه دايما حلوة
وداير اسأل يا خال انت سما دي شايا وقهوتا
ديل سواهم بشنو ماعايزين نشربهم ونقوم نشوف السوق
وديل لو سواهم بالشمس كان شربناهم
استعجلها لينا ياخال ورانا سوق وكده

سلامات ياناس الراكوبة مع انو غيري حسة فيها مافي

جيت اعمل الجبنة قالو صايمين الستوت Very Happy

[ندعوك للتسجيل في المنتدى أو التعريف بنفسك لمعاينة هذا الرابط]

وينك ياست سما الراكوبة دي
فرشت ليك فيها حلات رملة ورشيتة
وانتظرت جبنتك لمن راسي دودو
وجات الكتاحة شالت الرملة التعبان فوقه
مدام جيتي حجيب رملة جديدة وارشها بالمويه
بس ماتوجعي لينا راسنا وتتأخري

تعرف ياود جمعه من كلامك والجبنه والراكوبه والرمله
شميت ريحه الجبنه عدييييييييييييييييييييييييييييل كده
وانشاء الله نشربها فى ضفاف النيل

اخوي ماستر اتفضل الجبنة جيهنا ليها الراكوبة والرملة المرشوشة
وموجودة في قيفة نهر عطبرة الا الست سما دي
الظاهر عليها فاتحة خشيمة مع ناس التومة وهاك ياشمار
ونحن الوقت اخدنا ومنتظرين بالله عليك لو ماشي علي بيت ناس التاية
خلي شافعتهم المجينينة ديك تكورك للبت سما من ناس التومة

هههههههههههههه باو ود جمعه والله تعرف ذكرتنا حبوباتنا زمان الله يرحمهم جميعا
وانا اشوفك اشتقت للسودان خالص لكن اللوم على ابو زحل مفروض يخليك تتزوج
سريع عشان تنشغل شوى من حكى الراكوبه ..... وممكن العروس تشغلك لكن
بس حتى الان ما جاتك موافقه بالعروس تدور وتجول الله يكون فى عونك..

الغالي محمد وينك مختفي ليك كم يوم
ياخوي ابوزحل انا خلاص قنعت منو لانو نطيطو كتير
وكل يوم يوديني جهة وقنعت منك برضو لانك بقيت ذي
ابوزحل تنطط
المهم ياخوي احسن لي اقعد اقابل جبنة الست سما الكلو يوم طاشة
دي وشكلي زهجت منها لانه ما تاركة بيت اليوم كلو حايمة
تدور في الشمارات مع ناس التومة والتاية
علشان كدة انا يمكن ارجع لاهلي المحس واشوف لي بنية منهم
بس انا خايف يقولو لي انت محسي تايوان علشان كدة احسن
اترزع مع الست سما واشرب الجبنة معاها واسمع الشمارات
الجديدة وانت احسن ليك تجي تاخد فنجان لو فاضي وماعندك
شغلة لو عندك شغلة يومك بروح ساكت مع الست سما دي

ياست سما

عوووووووووووووووووووووك
ياجماعة البيلاقي فيكم ست سما دي
بالله يقوليها راسنا الفرتق عديل كدة
تعالي يابت الناس وسوي لينا الجبنة
الشيخ ابو زحل الا رابطين ليهو راسو من الصداع

زائر

يا ناس الجبنة وين الراكوبة

لخبتونا زاتو انتو ناس شنو وقاعدين في شنو tongue

سلامات ياشباب

ود فاروق حمد الله علي سلامتك يازول

انت براك كنت مختفي وين

خلاص لقيتو العفش الكتير داك ونسيتونا نحن المساكين ديل بي جاي

والله انت ومشاعر يجي منكم الهواء البارد

ماتقول لي الهواء البارد شنو

اسعل منو ود جمعة وماستر ديل

السلام عليكم بسط كيفنك عافيه
ابوزحل هو بى هواهم الباااااااااااااااااارد دا انشاءالله يظهرو لينا فى الشاشه
صراحه فى بعض الاسماء اختفت تماما" من المشاركه الحاصل شنو
ياناس عافيه انشاء الله
ياخوى جبنه ودجمعه وسما اللس ما شربناها دى
ظنيته عزومه مراكبيه ساكت الله يكضب الشينه

والله الحاصل شنو ماعرفناهو

شئ عجيب وغريب والله

الناس دي تختفي كدا مالها

حتي علي منتداهم دا دايرين ليه شحده

يازول احترنا فيهم والله الواحد يدخل ويطلع يتاوق بس ويمرق حتي الجبنة فارت ستة مرات واتدفقت ماجابت ليها خبر سما دي كان كدي نخلي ود جمعة يمسك العقاب لمان ترجع البت دي

اصلا مشاعر يازول تاني يمكن مابتجينا بي جاي عشان بقت مديرة سودانيز اوت لاين

عشان كدا نحن لينا الله لكن ايد علي ايد تجدع بعيد وسوف نسمي الي الافاق والعلي باذن الله تعالي

لا مستحيل تحت الشمس

وود فاروق كمان برضوا بقي نائب رئيس في اللجنة الفنية للمنتدي

عاد المطلوب منهم خدمة عطبرة وناس عطبرة بي غادي

مايقعدو لينا ساكت بي غادي

ونحن في انتظار الجميع وكل من تسري في دمه قطره من دم عطبرة لن يتخلي عن هذا المنتدي ان شاء الله

ولكم الود والتحايا

ابو زحل كتب:: والله الحاصل شنو ماعرفناهو

ج:الله لاحيرك ياابوزحل ياغالي انشاءالله

شئ عجيب وغريب والله

ج: ماغريب الا الشيطان

الناس دي تختفي كدا مالها

ج: الغايب عذرو معاهو

حتي علي منتداهم دا دايرين ليه شحده

ج: لا بس دة شوية تقلة كدة علشان يعرفو غلاوتهم عليك وعلي المنتدي وعلينا
ونحن بنقول ليهم وبكل صدق انتو غالين علينا شديد مع اننا جداد عليكم

يازول احترنا فيهم والله الواحد يدخل ويطلع يتاوق بس ويمرق

ج: الله لاجاب الحيرة ما قلنا ليك تقلة بس عايزين يعرفو مهزتهم كيف
ودة من حقهم وواجب علينا السؤال عنهم

حتي الجبنة فارت ستة مرات واتدفقت ماجابت ليها خبر سما دي

ج:ياخوي ست سما قاعدة ليها في شمار حار علشان كدة نست الجبنة في النار

كان كدي نخلي ود جمعة يمسك العقاب لمان ترجع البت دي

ج: ياغالي محل ست سما لا ودجمعة لا غيرو بيسدو مافي بس هي جاية
اليخلص الشمار التقيل دة وبتجي ونحنا منتظرين في الراكوبة
لان جبنتا الماشربناها دي لا يعلو عليها حسب ماعرفنا

اصلا مشاعر يازول تاني يمكن مابتجينا بي جاي عشان بقت مديرة سودانيز اوت لاين

ج: لا ياغالي بت هاشم مهما بقت مامكن تخلينا في واحد ممكن يستغني عن اهله وناسو
بس شوية مشاغل كدة وبتجينا راجعة ونحن منتظرين ابداعاتها وهي ماقصرت اول
ومابتقصر اسة معاناولها مننا كل تقدير واحترام ونتمني لها كل تقدم انشاءالله

عشان كدا نحن لينا الله لكن ايد علي ايد تجدع بعيد وسوف نسمي الي الافاق والعلي باذن الله تعالي

ج: المتوكل علي الله سبحانه وتعالي تب مابخيب امله وسوف تسمو ياغالي الي الافاق باذن الله
ومن خلفك العقد الفريد المتلأ ل
قديمه وجديده

لا مستحيل تحت الشمس

ج: اهو دة انت جبت التايهة لامستحيل تحت الشمس

وود فاروق كمان برضوا بقي نائب رئيس في اللجنة الفنية للمنتدي

ج: حقيقة ود فاروق حسب الشوفتو منه وسمعته عنو في المنتدي تب ماقصر
وماحيقصر لانو عطبراوي اصيل ومهما بقي ابدا مابيتخلي عن اهله وناسو ومنتداه
ودة عطبرة ومنتداها بيجري في عروقه مع اني اعتبر جديد علي المنتدي
لكن انا متأكد لايمكن ان يتخلي او يبخل بشئ من اجل المنتدي
وله مني كل الود والتقدير ونتمني ليه دائما كل تقدم انشاءالله

عاد المطلوب منهم خدمة عطبرة وناس عطبرة بي غادي

مايقعدو لينا ساكت بي غادي

ج: تب مابيقصرو لا بي غادي ولا بي جاي ديل اولاد الحبيبة عطبرة
ودة عشمنا فيهم وهم تب مامقصرين وانت بتعرفهم ياغالي اكتر مننا

ونحن في انتظار الجميع وكل من تسري في دمه قطره من دم عطبرة لن يتخلي عن هذا المنتدي ان شاء الله

ج: لن يتخلي عن المنتدي اي واحد مهما حصل والكل سوف يقدم الفائدة للمنتدي
ويفيد كل اهله واحبابه وسيزدهر المنتدي ويسمو الي الافاق كما تحب باذن الله

ولكم الود والتحايا

لك انت ياابوزحل ياغالي كل الشكر والتقدير لما قدمته وما ستقدمه
من اجل رفع اسم حبيبتنا عطبرة عاليا ومن خلفك الكوكبة النيرة تشدو من ازرك
لهم جميعا التحية والتقدير والاحترام
سير يااخي وكل العقد الفريد معك الي الامام
وعين الله تراعكم
وجزاك الله وجزاهم كل خير وبارك فيكم انشاء الله لما قدمتموه وما ستقدموه لنا ولحبيبتنا عطبرة من رفعة وتقدم
لكم مننا جميعا كل الود والتقدير

عديلة يازول

اها الجبنة دي بنقوم نخليها

نشرب عصاير وبس

انشاءالله مابتخليها الجبنة
والغائب لا بد يعود لاهله وناسو واحبابو
بس يامناضل اديها شوية صبر كدة

زائر

اها ياناس جينا تاني للجبنة

الله الله ألحقيني بي فنجان قبل ما يجو الجماعة

وانا فنجاني ده :
[ندعوك للتسجيل في المنتدى أو التعريف بنفسك لمعاينة هذا الرابط]
ما حا اشربه الا بعد ما أحيي كل ستات الشاي :

****************
البتهمس من صباح اليوم
سكرك كيفن يابا خاتى اللوم
الاست الشاى
البتدى القامة للايتام
تلحقن بسراع برصيد اليوم
الاست الشاى
البتوقد ايدا فى النيران
شان تطارد فينا باقى النوم
الاست الشاى
***************

ربت أجيال وأجيال بالصبر والشرف
ست الشاي تساوي عشرة رجال
الله يجعل أجرها الجنة
ويبعد عنها الدخيلات على المهنة ممن لطخن سمعة المهنة

صح لسانك سيف
انا برضو عايز جبنة تكون تقيلة زى زيت الرجوع

-
السلام عليكم ورحمة الله وبركاته
خليك في مكانك وكبي لي فنجان مدنكل , جيناك في محلك وعاوزنك تحركي لينا الموضوع التالي :

تجنبا لمقولة ( زحمة بلا رحمة ) , والتي إنشاء الله نحن بعيدون منها تماماً , فقد تم تضمين صفحة في موقع عطبرة بمسمى " عطبراويون بلا حدود" تهدف الى تكوين مشروع بفكرة مبسطة تتدرج في التوسع لدعم الأسر المحتاجة والمساهمة في علاج من لا يستطيع بمشاركة أساسية من :
1- الأعضاء داخل عطبرة :
* فتح حساب مصرفي باسم شخص/اشخاص .
* إيجاد آلية للبحث عن الحالات المستحقة .
* الترويج للمشروع داخل وخارج عطبرة وخصوصا بين التجار للمساهمة فيه.
2- ومشاركة فاعلة من الأعضاء خارج عطبرة :
* الترويج للمشروع بين المغتربين والمساهمة فيه.
3- لجنة للمرأة في الداخل والخارج أيضا للبحث عن الحالات المحاتجة (لأنهن شماراتهن أكثر) والترويج بين النساء للمشروع.

حاليا الفكرة الأساسية هي فتح حساب مصرفي داخل عطبرة ونشره على الموقع والمنتدى , وعند رفع الموقع سيتم تخصيص إيميلات للجان المشروع الذي نرجو من الجميع المشاركة فيه وهو لن يكلف الكثير من الوقت , بل سيبارك الله انشاء الله في باقي الوقت.
فلنبدأ بالمداولة والاقتراحات حول هذا المشروع هنا , وبخطوات عملية بعيدة عن التعقيدات .

وهذا هو نص الموضوع الذي سيدرج في صفحة منفصلة بالموقع :

*******************************************

تميزت عطبرة عبر تاريخها بالترابط الاجتماعي الفريد من نوعه على مستوى السودان , ذلك لأنه غير مبنى على قبلية أو فئوية , حيث كان :
كل الناس هناك قراب.. وكل الناس أهل
والماهم قراب .. قربم العمل
وقد تجلت تلك الروح الاجتماعية التضامنية في أبرز صورها عندما وقف التجار والرأسماليين في عطبرة مع اضراب عمال السكة حديد عام 1948 دعما ماديا مباشرا حتى امتد الاضراب الى 33 يوماً وكان المستعمر يراهن على فشل الاضراب وعدم قدرته على الاستمرار أكثر من أيام معدودة , فأذهله ذلك الصمود والتكاتف من قبل التجار مع العمال فرضخ لمطالب العمال.
وهذا التلاحم الاجتماعي منقطع النظير كان يحدث كثيرا على مستوى الأحياء والبيوت وبصور مختلفة , ولعل ابرز مؤشر على ذلك كثرة الزوايا والنوادي الاجتماعية وكثرة وجود "باب النفاج" أو الحائط القصير بين البيوت عملاً بقول المصطفى (ص) : " ليس بمؤمن من بات شبعان وجاره إلى جنبه جائع وهو يعلم "
ومع توسع المدينة وتفرق الكثير من أهل عطبرة ما بين هجرة داخل السودان وغربة خارجه , وحتى لا تندثر تلك الروح الاجتماعية القوية , رأينا أنه يمكن المحافظة عليها وتوسيعها بما يتوافق مع الظرف الحالي لأهل المدينة والاستفادة من هذا الموقع في توسيع دائرة التآذر الاجتماعي لأهل عطبرة بحيث يشارك الجميع , كل حسب استطاعته .
الفكرة الموجودة الآن بسيطة كبداية لهذا المشروع , ولكن إن وجدت عزيمة الرجال فقد نراها يوما صرحا كبيراً يساهم بدرجة فاعلة في كفكفة دمعة قبل أن تنزل , أو نجدة غريق قبل أن يصرخ , وإنشاء الله أجر الجميع يكون عند الله كبيراً , وإن الله لا يضيع أجر المحسنين.
فالفكرة هي أن نقوم بعمل حساب مصرفي بعطبرة يتبرع فيه العطبراويون من الداخل والخارج كلً حسب استطاعته وقتما شاء , والبدء بتوسيع هذا المشروع شيئا فشيئا بدعمكم بالأفكار والاقتراحات , ومشوار الالف ميل يبدأ بالخطوة الأولى . وسيتم فتح الحساب قريبا ووضعه هنا حتى يتسنى للجميع المشاركة.
ونحن في انتظار الآراء والمقترحات من الجميع , وحتى الرأي إنشاء الله يكون له أجره عند الله سبحانه وتعالى.
ويمكنكم مراسلة هذا المشروع على الإيميل [ندعوك للتسجيل في المنتدى أو التعريف بنفسك لمعاينة هذا الرابط]

وها قد بدأ مشوار الألف ميل , وإن كان بوسيلة بدائية :
[ندعوك للتسجيل في المنتدى أو التعريف بنفسك لمعاينة هذا الرابط]

ولكنه حتما سيصل , طالما امتدت اليه الأيدي بقلوب صادقة :
[ندعوك للتسجيل في المنتدى أو التعريف بنفسك لمعاينة هذا الرابط]
-

والله كلنا رجعنا للجبنة دارين جبنة مدنكلة يابت طيب

يلااا في الانتظار والله ياسيف الدين جبت جبنة جد

حمد الله على السلامة يا ابو زحل
وست الجبنة دي الظاهر منتظرة الماهية , الناس الايام دي مفلسة وزهجوها بالديون.

» تاني عشان ما نمشي ضهب . . . .